1785065224
2026 წლის მსოფლიო ჩემპიონატის ფინალმა ყურადღება არა მხოლოდ მოედანზე განვითარებული მოვლენებით, არამედ ტრიბუნებზე შეკრებილი ვარსკვლავებითაც მიიპყრო. თუმცა ცნობილმა სტუმრებმა პირდაპირ ეთერში რამდენიმე უხერხული შეცდომაც გამოიწვიეს - კომენტატორებმა და ტელეწამყვანებმა ზოგიერთი მათგანი სხვა ვარსკვლავებში აურიეს.
ერთ-ერთი ასეთი შემთხვევა BBC-ის პირდაპირ ეთერში მოხდა. როდესაც კამერებმა ტრიბუნაზე ცნობილი მუსიკოსი და პროდიუსერი ფარელ უილიამსი დააფიქსირეს, კომენტატორმა ის თავდაპირველად რეპერ ეისაპ როკიდ მოიხსენია.
შეცდომა მალევე შენიშნეს და პირდაპირ ეთერშივე გამოასწორეს, თუმცა ეპიზოდი სოციალურ ქსელებში შეუმჩნეველი არ დარჩენილა. მაყურებლების ნაწილმა მომხდარს სახალისო კომენტარებით უპასუხა, სხვებმა კი კომენტატორის შეცდომა გააკრიტიკეს.
მსგავსი უხერხული შემთხვევა ამერიკულ ტელეტრანსლაციაშიც მოხდა. როდესაც კამერამ მსახიობი მეთ დეიმონი აჩვენა, ეთერში ის ჰოლივუდის კიდევ ერთ ვარსკვლავად - ბრედ პიტად მოიხსენიეს.
მსოფლიო ჩემპიონატის ფინალი ცნობილმა ადამიანებმა მართლაც განსაკუთრებულ მოვლენად აქციეს. ტრიბუნებზე არაერთი ცნობილი მსახიობი, მუსიკოსი და სპორტის ვარსკვლავი იმყოფებოდა, რის გამოც სატელევიზიო კამერები მატჩის მიმდინარეობისას მათ რეაქციებსაც ხშირად აჩვენებდნენ.
1785065014
გურჯაანში 38 წლის მამაკაცის ცხედარი იპოვეს
