აზერბაიჯანის პოლიციამ სახელმწიფო გადატრიალების მცდელობის გამოძიების ფარგლებში, ქვეყნის ერთ-ერთი მთავარი ოპოზიციური პარტიის ლიდერის სახლში ჩხრეკა ჩაატარა

 აზერბაიჯანის პოლიციამ ქვეყნის ერთ-ერთი მთავარი ოპოზიციური პარტიის ლიდერის, ალი ქარიმლის სახლში ჩხრეკა ჩაატარა. სააგენტო „როიტერსის“ ინფორმაციით, ჩხრეკა სახელმწიფო გადატრიალების მცდელობასთან დაკავშირებით გამოძიების ფარგლებში ჩატარდა.

აზერბაიჯანული მედიის ცნობით, სამართალდამცველებმა აზერბაიჯანის სახალხო ფრონტის პარტიის პრეზიდიუმის წევრის, მამედ იბრაჰიმის სახლიც გაჩხრიკეს. სოციალურ ქსელებში ვრცელდება ცნობები ალი ქარიმლის დაკავების შესახებაც. სავარაუდოდ დაკავებული არიან „აზერბაიჯანის სახალხო ფრონტის პარტიის“ ორი წევრი, ფაიკ ამირლი და მამედ იბრაჰიმი.