ავსტრალიაში სათამაშო ქვიშაში ტოქსიკური ნივთიერება აზბესტის აღმოჩენის გამო 70 სკოლა დროებით დაიხურა

ავსტრალიაში სათამაშო ქვიშაში ტოქსიკური ნივთიერება აზბესტის აღმოჩენის გამო 70 სკოლა დროებით დაიხურა, ამის შესახებ „ბიბისი“ წერს. როგორც მედია იუწყება, ფერადი ქვიშის ზოგიერთ ნიმუშში აზბესტის კვალი აღმოაჩინეს, რის გამოც კომპანია Kmart-მა და Target-მა ფერადი ქვიშები გაყიდვიდან ამოიღეს.

როგორც „ბიბისი“ წერს, გაყიდვიდან ამოღებულია „Active Sandtub“ ქვიშის ციხის სამშენებლო კომპლექტი და ლურჯი, მწვანე და ვარდისფერი „ჯადოსნური ქვიშა“.

ავსტრალიის კონკურენციისა და მომხმარებელთა დაცვის კომისიამ (ACCC) განაცხადა, რომ არსებობს „დაბალი“ რისკი იმისა, რომ აზბესტი ჰაერში გავრცელებულიყო.

ამჟამად ავსტრალიის დედაქალაქში, 70 სკოლაში შემოწმება მიმდინარეობს. 23 სკოლა კი გახსნილი რჩება, რადგან ამ სკოლებში აღნიშნულ ფერად ქვიშებს არ იყენებდნენ.

აზბესტი, რომელიც ადრე ფართოდ გამოიყენებოდა სამშენებლო მასალებში, შეუძლია ტოქსიკური ნივთიერების გამოყოფა ჰაერში, მისი ჩასუნთქვის შემთხვევაში კი შეუძლია კიბოს გამოწვევა.