აშშ-მა ახლო აღმოსავლეთში სამხედრო შესაძლებლობები დამატებით ორი სამხედრო თვითმფრინავის განთავსებით გააძლიერა

აშშ-მა ახლო აღმოსავლეთში სამხედრო შესაძლებლობები დამატებით ორი სამხედრო თვითმფრინავის განთავსებით გააძლიერა.

პენტაგონის განცხადებაში დეტალურად არ არის საუბარი, რა ტიპის სამხედრო თვითმფრინავები გაიგზავნა ახლო აღმოსავლეთში ან სად გაიგზავნა.

პარალელურად, აშშ-ის მთავრობის წარმომადგენლები ანონიმურად აცხადებენ, რომ ინდოეთის ოკეანეში მდებარე ამერიკულ-ბრიტანულ სამხედრო ბაზა „დიეგო გარსიაზე“ სტელსის სისტემის, სულ მცირე, ექვსი ერთეული „ბი-2“-ის ტიპის ბომბდამშენი არის განთავსებული.

ამერიკელი სამხედრო ანალიტიკოსების მოსაზრებით, „ბი-2“-ის ტიპის ბომბდამშენების განთავსება, რომელსაც მძლავრი ბომბებისა და ბირთვული იარაღის გადატანა შეუძლია, არის იდეალური პოზიცია ახლო აღმოსავლეთში მოქმედებისთვის.

„ირანი ან მისი მარიონეტები საფრთხეს თუ შეუქმნიან ამერიკელ პერსონალს და ინტერესებს რეგიონში, შეერთებული შტატები გადამწყვეტ ზომებს მიიღებს ჩვენი ხალხის დასაცავად“, – განაცხადა პენტაგონის პრესსპიკერმა, შონ პარნელმა.