არაბთა გაერთიანებული საამიროების პრეზიდენტის მრჩეველი - სად არიან არაბული და ისლამური ინსტიტუტები, როდესაც ჩვენი ხალხი, ერები ირანის აგრესიას აწყდებიან, სად ხართ დღეს, გაჭირვების დროს?

არაბთა გაერთიანებული საამიროების პრეზიდენტის მრჩევლის, ანვარ გარგაშის განცხადებით, სპარსეთის ყურის ქვეყნებს, რომლებიც ირანის თავდასხმის ქვეშ იმყოფებიან, არაბული და მუსლიმური ქვეყნების მხრიდან მხარდაჭერა არ მიუღიათ. აღნიშნულის შესახებ ანვარ გარგაში სოციალურ ქსელში წერს.

„სად არიან არაბული და ისლამური მოქმედი ინსტიტუტები, მათ შორის მთავარი არაბული ლიგა და ისლამური თანამშრომლობის ორგანიზაცია, როდესაც ჩვენი ხალხი და ერები ირანის ამ მზაკვრულ აგრესიას აწყდებიან? სად არიან ძირითადი არაბული და რეგიონული ქვეყნები? სპარსეთის ყურის სახელმწიფოები კეთილდღეობის პერიოდში ყველას მხარდაჭერას უცხადებდნენ და პარტნიორს წარმოადგენდნენ. სად ხართ დღეს, გაჭირვების დროს?“ – წერს გარგაში.