American Horror Story-ისთვის მოსამზადებლად კიმ კარდაშიანი სამსახიობო გაკვეთილებს გადის

როგორც ალბათ უკვე იცით, ცნობილი ამერიკელი ტელევარსკვლავი და ბიზნესვუმენი კიმ კარდაშიანი სერიალ American Horror Story-ის ახალ სეზონში მიიღებს მონაწილეობას. საშინელებათა ჟანრის გახმაურებული შოუს რიგით მე-12 სეზონში კიმი მთავარ როლს შეასრულებს, რომელიც საგანგებოდ მისთვის შეიქმნა.

მართალია, ამ ამბავზე ჯერჯერობით ბევრი რამ არ ვიცით, თუმცა, წლევანდელ მეთ გალაზე კიმმა რაღაც დეტალები მაინც გაგვიმხილა. მისი თქმით, AHS-ის ახალი სეზონის გადაღებებში მაისის ბოლოდან ჩაერთვება, თუმცა, მოსამზადებელი ეტაპი უკვე დაიწყო.

"ძალიან მიხარია", - ამბობს კარდაშიანი, - "კომფორტის ზონიდან გამოსვლა, რაღაც ახლის ცდა და გაზრდა, მართლა სახალისოა".

შეკითხვაზე, გადაღებებისთვის მოსამზადებლად გადის თუ არა სამსახიობო გაკვეთილებს, კიმმა დადებითი პასუხი გასცა და დასძინა, ეს ჩემთვის გამოწვევააო.

Kim Kardashian says she's shooting #AmericanHorrorStory at the end of the month and teases her upcoming role. "I like to challenge myself." https://t.co/OcPy5cjK1f pic.twitter.com/WJFAmWSepH

— Variety (@Variety) May 2, 2023