აიათოლა ალი ხამენეი აცხადებს, რომ თუ აშშ განახორციელებს დონალდ ტრამპის მუქარას დაბომბვის შესახებ, ძლიერ საპასუხო დარტყმას მიიღებს

ირანის სულიერმა ლიდერმა, აიათოლა ალი ხამენეიმ განაცხადა, რომ თუ აშშ განახორციელებს პრეზიდენტ დონალდ ტრამპის მუქარას დაბომბვის შესახებ, ძლიერ საპასუხო დარტყმას მიიღებს. ამის შესახებ „როიტერი“ წერს.

„აშშ-სა და ისრაელის მხრიდან მტრობა ყოველთვის არსებობდა. ისინი გვემუქრებიან თავდასხმით, რაც, ჩვენი აზრით, არც ისე სავარაუდოა, მაგრამ თუ ისინი რაიმე საზიანოს ჩაიდენენ, აუცილებლად მიიღებენ ძლიერ საპასუხო დარტყმას. თუ ისინი ფიქრობენ, რომ ქვეყნის შიგნით არეულობას გამოიწვევენ, როგორც წინა წლებში, ირანელი ხალხი თავად გაუმკლავდება მათ“, – განაცხადა ხამენეიმ.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ირანი ბირთვულ პროგრამასთან დაკავშირებით შეთანხმებაზე თუ უარს იტყვის, იქნება დაბომბვა და მეორადი ტარიფები.