„რეგულარული სექსუალური ცხოვრება ბიოლოგიურ ასაკს 12 წლით აახალგაზრდავებს“ - სექსოლოგი

რეგულარული სექსუალური ცხოვრება ბიოლოგიურ ასაკს 12 წლით აახალგაზრდავებს, - ამის შესახებ სექსოლოგიური კლინიკა „ლიგას“ დირექტორი, მედიცინის დოქტორი არჩილ ბაქრაძე აცხადებს.

„სექსუალური აქტის დროს, ტვინი ისეთ ბიოლოგიურ „ნარკოტიკებს“ გამოყოფს, სხვადასხვა ფერმენტს, უამრავ ნივთიერებას, რომელიც მთელ ბიოქიმიას აუმჯობესებს. 

40-დან 60-წლამდე მხოლოდ 20% აგრძელებს სექსუალურ ცხოვრებას. არის ის 20%, რომელიც ვერ ეგუება ქალთან ურთიერთობის დაკარგვის შანსს. აქ ძალიან ბევრი სოციალური ფაქტორია - ფინანსური და ა.შ.

მათ, ვისაც სურს ამ პროცესის გაგრძელება, უნდა იცოდეს, რომ დღევანდელი სექსოლოგია ამის საშუალებას იძლევა, რასაც ჩვენ გაახალგაზრდავებას ვუწოდებთ“, - აცხადებს სექსოლოგი.