აფეთქება ერ რიადის აეროპორტში - არიან დაშავებულები

საუდი არაბეთის ქალაქ დედაქალაქ ერ რიადის აეროპორტში აფეთქების შედეგად რამდენიმე ადამიანი დაშავდა.

ორი თვითმხილველისა და საქმის კურსში მყოფი ორი პირის ინფორმაციით, რიადის საერთაშორისო აეროპორტში მომხდარი აფეთქების შედეგად მრავალი ადამიანი დაშავდა, ხოლო მგზავრები აეროპორტის გარკვეული ნაწილებიდან გაიყვანეს.

ერთ-ერთმა თვითმხილველმა განაცხადა, რომ ჯერ აფეთქება დაინახა, შემდეგ კი აეროპორტის შენობაში, იატაკზე დაცემული და დაშავებული ადამიანები. აეროპორტისკენ ათზე მეტი სასწრაფო დახმარების მანქანა მიემართებოდა.

ინციდენტი იემენელი „ჰუსიტების“ მიერ საუდი არაბეთზე სარაკეტო დარტყმების ფონზე მოხდა. აეროპორტზე ამ კვირაში ორჯერ განხორციელდა თავდასხმა, რის შედეგადაც ოთხი ადამიანი დაიღუპა, ზოგი კი დაიჭრა.

რიადის მიმართულებით განხორციელებული ყველა რეისი ან სხვა აეროპორტში გადამისამართდა, ან გაუქმდა; გარკვეულ მომენტში აეროპორტის თავზე მხოლოდ ვერტმფრენი დაფრინავდა. აეროპორტის ადმინისტრაციამ მგზავრებს მოუწოდა, აეროპორტში გამგზავრებამდე უშუალოდ ავიაკომპანიებს დაუკავშირდნენ და რეისის სტატუსი გადაამოწმონ.

„ჰუსიტებმა“ განაცხადეს, რომ სამგზავრო თვითმფრინავებმა თავი უნდა აარიდონ საუდის არაბეთის საჰაერო სივრცეს და ის სამხედრო ოპერაციების ზონად გამოაცხადეს მას შემდეგ, რაც საუდის არაბეთის მხარდაჭერილმა იემენის მთავრობამ ამ თვის დასაწყისში „ჰუსიტების“ წინააღმდეგ შეტევა წამოიწყო.ავტორი - გივი ბარამიძე