24 წლის მოდელი ჩვენების შემდეგ დაიკარგა - ცხედარი ტბაში იპოვეს (პოლონეთი)

24 წლის მოდელისა და მომღერლის, ჯესიკა იარიკრეს ცხედარი, რომელიც 13 ივლისს გაუჩინარდა, პოლონეთის ქალაქ ვროცლავში, საკუთარი სახლის მახლობლად ტბაში იპოვეს.

იარიკრე ბოლოს საღამოს, კუნიცკის ქუჩაზე მდებარე საკუთარ ბინაში ნახეს. ამის შემდეგ მან კომუნიკაცია შეწყვიტა. ნათესავებმა განგაში ატეხეს და პოლიციას დაუკავშირდნენ.

მოდელის ტელეფონი და დოკუმენტები სახლში დარჩა. ჩხრეკის დროს ოფიცრებმა ვიდეოთვალთვალის ჩანაწერები გადახედეს და დაადგინეს, რომ ის ახლომდებარე ტბორთან ახლოს იმყოფებოდა.
მისი ცხედარი 15 ივლისს, დაახლოებით დილის 2:00 საათზე იპოვეს. პოლიციამ დაადასტურა, რომ ძებნა დასრულებულია და განაცხადა, რომ შესაბამისი ორგანოები მისი გარდაცვალების გარემოებებს იძიებენ. Need To Know-ის ცნობით, თავდაპირველად დანაშაულის ნიშნები არ აღმოჩნდა.

გაუჩინარებამდე ცოტა ხნით ადრე, იარიკრე ვროცლავის მოდის კვირეულში მონაწილეობდა. ღონისძიების ორგანიზატორებმა მისი ოჯახის წევრებს სამძიმარი გამოუცხადეს და მას ნიჭიერი და პროფესიონალი მოდელი უწოდეს, რომელიც თავისი ღიმილითა და უნიკალური ენერგიით დაამახსოვრდებათ.