2025 წლის Grammy Awards-ზე ბიონსემ ყველაზე ბევრი, 11 ნომინაცია მიიღო

თანამედროვე მუსიკალურ სამყაროში ერთ-ერთი ყველაზე პრესტიჟული დაჯილდოების, Grammy Awards-ის 2025 წლის ნომინანტების ვინაობა გახდა ცნობილი. 11 ნომინაციით, 2025 წლის Grammy-ის ნომინაციებს ამერიკელი მუსიკოსი – ბიონსე ლიდერობს.

ბიონსემ რიგით მერვე მუსიკალური ალბომი, Cowboy Carter 29 მარტს გამოუშვა. პირველ კვირაში, ალბომი ამერიკული Billboard-ის ჩარტში, 407,000 გაყიდული ასლით, #1 ადგილზე დებიუტირდა. შედეგად, ბიონსე გახდა ერთადერთი ქალი არტისტი, რომლის პირველი 8 ალბომიდან, ყველა ჩარტების სათავეში მოექცა. გარდა ამისა, ბიონსე პირველი აფრო-ამერიკელი ქალიცაა, ვინც ქანთრი ჟანრის სიმღერითა და ალბომით მოხვდა Billboard-ის სათავეში.

 2025 წლის Grammy Awards -ზე, ბიონსე ნომინირებულია ძირითად კატეგორიებში: წლის ალბომი (Cowboy Carter) წლის სიმღერა (Texas Hold ‘Em) წლის ჩანაწერი (Texas Hold ‘Em), აღსანიშნავია, რომ მან ნომინაცია დაიმსახურა წლის ქანთრის ჟანრის საუკეთესო ალბომის კატეგორიაშიც. დაჯილდოება 2025 წლის 2 თებერვალს გაიმართება.