რატომ არ უნდა გადაიდოთ ჯდომისას ფეხი ფეხზე - ანატომიის ექსპერტის დეტალური განმარტება

კომფორტულად ზიხართ? ერთი წამით შეჩერდით და ისე, რომ არ გაინძრეთ, დააკვირდით თქვენს პოზას. რა მდგომარეობაში გაქვთ ფეხები?

ერთმანეთზეა გადადებული? მარჯვენა ფეხს იდებთ მარცხენაზე თუ პირიქით? ადამიანთა 62 პროცენტი მარჯვენა ფეხს იდებს მარცხენაზე, 26 პროცენტი პირიქით და 12 პროცენტისთვის მნიშვნელობა არ აქვს.

ძირითადად, არსებობს სკამზე ჯდომის და ფეხების ერთმანეთზე გადადების ორი გზა. ერთი არის მუხლი მუხლზე, მეორე კი კოჭის კოჭზე. თუმცა, რამდენად კომფორტულიც არ უნდა იყოს ფეხებგადადებული ჯდომა, არის თუ არა ეს საზიანო ჯანმრთელობისთვის? მოდი, გადავავლოთ თვალი მტკიცებულებებს.

ამ საკითხის შესახებ, ლანკასტერის უნივერსიტეტის პროფესორი ადამ ტეილორი გამოცემა The Conversation-ში წერილს აქვეყნებს. ჩვენი სტატია სწორედ ამ წერილის საფუძველზეა მომზადებული.

თავიდანვე უნდა აღინიშნოს, რომ კვლევების მიხედვით, ფეხი-ფეხზე გადადებული ჯდომა ზრდის თეძოების არასწორ განლაგებას, ანუ ერთი თეძო შეიძლება მეორეზე მეტად დაგრძელდეს.

ამას გარდა, ასე ჯდომა ცვლის ქვედა კიდურების სისხლძარღვებში სისხლის მოძრაობის სიჩქარეს, რაც ზრდის თრომბის რისკს.

კვლევათა უმეტესობა მიუთითებს, რომ მუხლებზე ფეხის ფეხზე გადადება უარესია, ვიდრე კოჭებზე. მართლაც, ასე ჯდომას შეუძლია სისხლის წნევის ზრდა, რადგან ამ დროს, თქვენს ვენებში სისხლი გუბდება და გულს ამის წინააღმდეგ უწევს მუშაობა.

იზრდება სისხლძარღვების დაზიანების რისკიც; სწორედ ამიტომ არის, რომ სისხლის წნევის გაზომვისას, ფეხები იატაკზე უნდა გველაგოს.

ნახეთ სრულად