იტალიური მაფიის ბოსი, რომელიც სამართალდამცველებს 20 წელი ემალებოდა, Google-ის საშუალებით დააკავეს

იტალიელი მაფიის ბოსი, რომელიც ათწლეულების განმავლობაში გაქცეული იყო, მას შემდეგ დააკავეს რაც იგი Google Maps-ზე დააფიქსირეს.

ამის შესახებ BBC-ი წერს. 

61 წლის ჯოაკინო გამინო ესპანეთში, გალაპაგარში იპოვეს, სადაც ის მანუელის სახელით ცხოვრობდა.

იტალიური მაფიის ბოსს ხილ-ბოსტნეულის მაღაზია ჰქონდა გახსნილი და პარალელურად, შეფ-მზარეულად მუშაობდა. კრიმინალური ავტორიტეტი სამართალდაცავებმა სრულიად შემთხვევით იპოვეს, როცა პროგრამა Google Street View-მ მაღაზია „El Huerto de Manu“ - „მანუს ბაღთან“ ფოტო ორ მამაკაცს გადაუღო.

პოლიციამ გამოძიება მას შემდეგ დაიწყო, რაც სამართალდაცავებმა იფიქრეს, რომ ფოტოზე ერთ-ერთი მამაკაცი იტალიელ კრიმინალს ჰგავდა. გამოძიების მიმდინარეობისას მათ გამინოს ფოტო რესტორნის „ფეისბუკ“ გვერდზეც აღმოაჩინეს.

გამინო სიცილიური მაფიის წევრია, რომელიც ცნობილია როგორც „სტიდა“, იგი იტალიის ერთ-ერთ ყველაზე ძებნილ განგსტერებს შორის იყო. 

გამინო რომის ციხიდან 2002 წელს გაიქცა, მომდევნო წელს მას მკვლელობისთვის სამუდამო პატიმრობა მიუსაჯეს.