„ავტომატით, ხანჯლით და ნიღბებით იყვნენ“ - კახეთში ოჯახს ბანკიდან სესხად აღებული 50 000 დოლარი წაართვეს და სასტიკად გაუსწორდნენ

ყაჩაღობა სიღნაღის მუნიციპალიტეტში - სოფელ მაღაროში ოჯახს ფული წაართვეს და სასტიკად გაუსწორდნენ.

შემთხვევა გვიან ღამით მოხდა. უსუფაშვილების ოჯახს 5 შეიარაღებული პირი შეუვარდა და მამა-შვილი სასტიკად სცემა.

80 წლამდე ასაკის ზაურ უსუფაშვილს სახესა და სხეულის სხვადასხვა არეში სილურჯეები აღენიშნება.

დაზიანებები აქვს მიღებული მის შვილს, დავით უსუფაშვილსაც, რომელსაც მკურნალობის კურსი ამ დრომდე უგრძელდება.

დავით უსუფაშვილი ამბობს, რომ ავტომატითა და ხანჯლით შეიარაღებული პირები, ნიღბებით იყვნენ და მათი ვინაობა მისთვის უცნობია.

„ხუთნი იყვნენ, ერთი აივნის ქვეშ დადიოდა. ორი ჩემს შვილთან იყო, ორი ჩემთან შემოვიდა, ავტომატი ჰქონდათ და ხანჯლისმაგვარი რაღაც. ეგრევე ბალიშს ეცნენ, იარაღი თუ გაქვთო. ფულს ითხოვდნენ, ფიზიკური შეურაცხყოფა მომაყენეს. ნიღბებით იყვნენ, მხოლოდ თავები უჩანდათ"- ჰყვება მამაკაცი.

თავდამსხმელებმა ოჯახიდან, მზესუმზირის ბიზნესის გაფართოებისათვის ბანკიდან სესხად აღებული 50 000 დოლარის ოდენობის თანხა წაიღეს, გატაცებულია ოქროს ნივთებიც.

შინაგან საქმეთა სამინისტროს ინფორმაციით, გამოძიება მომხდარ ფაქტზე, სისხლის სამართლის კოდექსის 179- ე მუხლით დაიწყო, რაც ყაჩაღობას გულისხმობს.

ასევე ნახეთ:

„4 სართული დამეყარა თავზე... 4 საათის განმავლობაში ვიყავი მიწაში ჩამარხული... ვერ გეტყვით, მერამდენედ მოვკვდი მაშინ" - სასწაულებრივად გადარჩენილი ქალის ამბავი

ნახეთ, სამი ზოდიაქოს ნიშანი, ვისაც შემოდგომაზე დიდი წარმატება ელის

VIDEO: გია სურამელაშვილი ამერიკაში მიემგზავრება: „იქნებ, ბედსაც ვეწიო...“

„მე ცოლი ვიყავი, ბევრის უფლება მქონდა, მაგრამ ეს სამარცხვინო სპექტაკლი დავტოვე...“ - თაია ჭიჭინაძე მიმართვას ავრცელებს