შესაძლებელია თუ არა, ადამიანი გრიპითა და კორონავირუსით ერთდროულად დაინფიცირდეს - ივანე ჩხაიძე

იმუნიზაციის მრჩეველთა ეროვნული ტექნიკური ჯგუფის ხელმძღვანელის, იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის განცხადებით, შესაძლებელია, ადამიანი გრიპითა და კორონავირუსით ერთდროულად დაინფიცირდეს.

ჩხაიძე აღნიშნავს, რომ გრიპითა და კორონავირუსით ერთდროულად დაინფიცირების რამდენიმე შემთხვევა სხვა ქვეყნებში უკვე დაფიქსირებულია.

„ჩვენ ჯერ კიდევ არ გადაგვილახავს გრიპის ინფიცირების პიკი. სტატისტიკის მიხედვით, ჩვენთან დეკემბერ-იანვარშია ინფიცირების ყველაზე მაღალი მაჩვენებელია. ასე, რომ იანვარში გრიპის შემთხვევების მატება შესაძლებელია“, – განაცხადა ივანე ჩხაიძემ „იმედის“ ეთერში.