ამართლებს თუ არა ომიკრონის დროს ტემპერატურის გაზომვა დაწესებულებებში შესვლისას - მაია ბუწაშვილის რეკომენდაცია

ინფექციონისტი მაია ბუწაშვილი სოციალურ ქსელში წერს, რომ დაწესებულებებში შესვლისას ტემპერატურის გაზომვის მოთხოვნა გადასახედია.

„მე ვფიქრობ, გადასახედია მოთხოვნა დაწესებულებებში შესვლისას ტემპერატურის გაზომვის შესახებ.

ამ მეთოდმა ისედაც დიდად არ გაამართლა ინფექციის კონტროლის კუთხით, მაგრამ ახლა საერთოდ დაკარგა მნიშვნელობა იმ პირობებში, რომ ომიკრონით ინფიცირებულებს ტემპერატურა ხშირად საერთოდ არა აქვთ.

დაწესებულებებს კი ერთი დამატებითი და ფაქტობრივად უსარგებლო კადრის საჭიროება მოეხსნებათ“, - წერს მაია ბუწაშვილი.