ფილოსოფოსი, რომელიც მილიარდერის წარმატების საფუძველი გახდა და 600 დოლარით დაწყებული ბიზნესი - საინტერესო ფაქტები ჯორჯ სოროსის შესახებ

სოროსი გადაურჩა უნგრეთში ნაცისტების ოკუპაციას

ჯორჯ სოროსი დაიბადა 1930 წელს, უნგრელი ებრაელი მშობლების ოჯახში. 1936 წელს მისმა მშობლებმა გადაწყვიტეს შეეცვალათ გვარი შვარცი, რომელსაც მაშინ ატარებდნენ, უნგრული სოროსით (სხვა გამოთქმა არის შოროში), რადგან მაშინ ბუდაპეშტში დაიწყო ნაცისტების მიერ ანტისემიტური მოძრაობები.

მესამე რაიხის მიერ უნგრეთის ოკუპაციამ სოროსს 13 წლის ასაკში მოუსწრო. ებრაული წარმოშობის გამო, მას შეუჩერეს სკოლაში სწავლა და მოეთხოვა, ჩაებარებინა ანგარიში  ადგილობრივი იუდენრატისთვის (ებრაული თვითმმართველობის ორგანო, რომელსაც ნაცისტებმა იძულებით ქმნიდნენ ყველა გეტოში).
სოროსი ნაცისტურ საოკუპაციო რეჟიმის საშინელებებს გადაურჩა იმ ყალბი დოკუმენტების წყალობით, რომლებიც მამამისმა შეძლო და გაუკეთა. 14 წლის სოროსს მიენიჭა ახალი „ვინაობა“, როგორც უნგრეთის კოლაბორაციონისტული მთავრობის წევრის ნათლულს, რომელიც თავად ფარულად იყო დაქორწინებული ებრაული წარმოშობის ქალზე.

სოროსის მამა ოკუპაციის დროს ეხმარებოდა არა მხოლოდ ოჯახს, არამედ სხვა უნგრელ ებრაელებსაც. თავად მომავალი ქველმოქმედი ასევე გადაურჩა 1945 წლის ბუდაპეშტის ალყას, რომლის დროსაც ბრძოლა გაიმართა ნაცისტებსა და წითელ არმიას შორის.

სოროსი მუშაობდა აუზზე მაშველად და მანეკენების ქარხნის მუშად

უნგრეთში ნაცისტური რეჟიმის დამხობის შემდეგ ქვეყანაში ხელისუფლებაში კომუნისტები მოვიდნენ, ჯორჯ სოროსმა კი სამშობლოს დატოვება და დიდ ბრიტანეთში გადასვლა გადაწყვიტა.

თავიდან მომავალი მილიარდერი იძულებული გახდა, ეკეთებინა ძალიან დაბალანაზღაურებადი სამუშაო: სოროსმა მოახერხა საცურაო აუზზე მაშველად მუშაობის დაწყება, ასევე მუშაობდა რკინიგზის სადგურის კარისკაცად და  მანეკენების ქარხანაში, მუშად. 

მისი ცხოვრება მკვეთრად შეიცვალა 1949 წელს, ლონდონის ეკონომიკისა და პოლიტიკური მეცნიერების სკოლაში ჩაბარების შემდეგ, რომლის ერთ-ერთი მასწავლებელი იყო ავსტრიელი ფილოსოფოსი, კარლ პოპერი, რომლის კონცეფცია ღია საზოგადოებებზე სოროსმა მიიღო და აქტიურად ავრცელებს დღემდე.

სოროსმა 33 მილიარდ დოლარზე მეტი შესწირა ქველმოქმედებას

ჯორჯ სოროსი მსოფლიოს ერთ-ერთი საუკეთესო ფილანთროპია, რომელიც ყოველწლიურად მილიონობით დოლარს სწირავს ქველმოქმედებას გრანტებისა და საკუთარი ფონდების მეშვეობით.

Forbes-ის შეფასებით, სოროსმა, რომლის ქონება 2020 წლის დასაწყისისთვის 8,3 მილიარდ დოლარად იყო შეფასებული, ხუთი წლის განმავლობაში ქველმოქმედებაში 3,1 მილიარდი დოლარი (ანუ მისი ქონების 37,4%) დახარჯა.

ქველმოქმედის მიერ მხარდაჭერილი ძირითადი მიმართულებები: დემოკრატიის განვითარება და ამომრჩეველთა უფლებების დაცვა, მედიის თავისუფლება, ადამიანის უფლებები.

რა თქმა უნდა, არ არსებობს არც ერთი ტრეიდერი, რომელსაც არ სმენია სოროსის წარმატების შესახებ, მაგრამ ღირს ამ წარმატების შესახებ მეტის გაგება. მოგეხსენებათ, სწორედ ბრიტანული ვალუტის სრული დაშლის შედეგად,  ბატონმა სოროსმა შეძლო დაახლოებით ორი მილიარდი აშშ დოლარის შოვნა.

სავაჭრო სტრატეგია ამავდროულად საკმაოდ მარტივი იყო, სოროსმა აიღო მოკლევადიანი სესხი ფუნტებში და გარიგება გახსნა გერმანული მარკის შესაძენად. ფუნტის კურსის დაცემის შემდეგ მოხდა ყველა ოპერაციის  დახურვა და გაცვლითი კურსის სხვაობა ტრეიდერის ჯიბეში დაილექა.

მნიშვნელოვანია, რომ მან დაიწყო თავისი უნიკალური წინსვლა მხოლოდ ექვსასი დოლარის საწყისი კაპიტალით. ბირჟაზე გატარებული ათწლეულის განმავლობაში სოროსმა შეძლო ამ კაპიტალის ას მილიონამდე გაზრდა. სწორედ მან დაიწყო ვაჭრობაში არბიტრაჟის მეთოდის რეკლამირება.

ერთ-ერთი ყველაზე გასაკვირი, მაგრამ ნაყოფიერი ვაჭრობა, რომელიც სოროსმა გააკეთა, იყო იაპონური იენით ვაჭრობა. წინა დღეს გახსნა მრავალმილიონიანი გარიგება იაპონური იენის შესაძენად, მეორე დღეს კი ის მკვეთრად გაიზარდა დოლართან მიმართებით.

როგორც თავად ბატონი სოროსი ამბობს, გარიგება, არსებითად, სრულიად უაზრო იყო, მაგრამ მან მხოლოდ ერთ დღეში ორმოცი მილიონი დოლარის მოტანა შეძლო.

გარდა ამისა, შეიძლება აღინიშნოს, რომ ჯორჯი ხშირად იღებდა იმ თანხებს, რომლებიც უტოლდებოდა ზოგიერთი ქვეყნის წლიურ მშპ-ს. 

რა თქმა უნდა, სოროსის შემოსავლის ძალიან დიდი ნაწილი მოდის სწორედ მის მიერ ფორექსში ინვესტიციების სფეროში დაარსებულ ფონდებზე, რომლებიც განთავსებულია ოცდაექვს შტატში. თუმცა, ყველა ძირითადი ტიპის საინვესტიციო გადაწყვეტილება ეკუთვნის ჯორჯს.

წარმატებების გარდა, სოროსს ასევე ჰქონდა არაერთი წარუმატებლობა, ყველაზე ცნობილი მას 2 მილიარდი დოლარი დაუჯდა, მან 1998 წლის რუსეთში დეფოლტის დროს.