5 აგვისტოს ასტროლოგიური პროგნოზი

მთვარის მე- 8-9 დღე. პრობლემური დღეა, პრობლემები წაროიქმნება ყველა მხრიდან, მთავარია, ფხიზლად იყოთ. როგორც წესი, სადაც ვიწროა, იქ წყდება, ამიტომ, ყურადღებით იყავით. არავისზე მოახდინოთ ზეწოლა, თორემ შედეგი სრულიად საპირისპირო იქნება. აკონტროლეთ ემოციები. ქაოსსა და უსიამოვნებებს მიღმა, იქნება სასიამოვნო მომენტებიც. 

ვერძი

შესაძლოა, მოულოდნელად გეგმების შეცვლა მოგიწიოთ. არ არის გამორიცხული, თავი იჩინოს ტექნიკასთან დაკავშირებულმა პრობლემებმა, რის გამოც ფინანსების მოძიება დაგჭირდეთ. არ აღელდეთ, გამოუსწორებელი არაფერი მოხდება.

კურო

დღეს აქტუალურია პირადი თემები, მოქმედებაზე მეტად, მიზანშეწონილია დასკვნების გამოტანა, წარსული გაკვეთილებიდან გამომდინარე.

ტყუპები

ნებისმიერი სიახლისა დროს, კარგად აწონ-დაწონეთ რისკფაქტორები, არ არის გამორიცხული, თავი იჩინოს შეფერხებამ, გაუთვალისწინებელი დეტალების გამო. პრობლემების მოგვარებას მხოლოდ ემოციების კონტროლით შეძლებთ.

კირჩხიბი

იყავით ზომიერი, ფინანსებთან დაკავშირებით. თავი შეიკავეთ უსარგებლო საყიდლებისგან. მეტი დრო დაუთმეთ პირადი სივრცის მოწესრიგებას. ერიდეთ კონფლიქტურ სიტუაციებს.

ლომი

ახლა მოქმედებისთვის შესაფერისი დრო არ არის, მაგრამ მალე მოგეცემათ საშუალება, თქვენი სურვილები აიხდინოთ. მოერიდეთ უსიამოვნო სიტუაციებს და აკონტროლეთ ემოციები.

ქალწული

საქმისადმი თქვენი ტრადიციული მიდგომები გადახედვას მოითხოვს. მოსალოდნელია დაუგეგმავი მგზავრობა.

სასწორი

კარგი დღეა გარემოს მოწესრიგებისთვის, თავს ნუ გადაიტვირთავთ. ფინანსები სჯობს, წინასწარ დათვალოთ.

მორიელი

გამოიჩინეთ აქტიურობა ფინანსურ საკითხებთან დაკავშირებით. იყავით კონცენტრირებული დეტალებზე.

მშვილდოსანი

შესაძლოა, თქვენი გაღიზიანება გამოიწვიოს მოულოდნელად წარმოქმნილმა პრობლემებმა. გახსოვდეთ, ნებისმიერი მნიშვნელოვანი საკითხის მოგვარებისას, სიმშვიდე და ემოციური წონასწორობა ყველაზე მნიშვნელოვანია.

თხის რქა

იმოქმედეთ გეგმის მიხედვით, ახალს ნურაფერს წამოიწყებთ, განამტკიცეთ მიღწეული შედეგები. მეტი დრო დაუთმეთ ოჯახის მცირეწლოვან წევრებს, ასევე დაიცავით ზომიერება ფინანსებთან დაკავშირებით.

მერწყული

ოჯახში, ან საცხოვრებელთან დაკავშირებული მოულოდნელი გაუგებრობები, თქვენგან სწრაფ და გონიერ ქმედებას მოითხოვს. გააკონტროლეთ ემოციები და ყველაფერი მალევე დალაგდება.

თევზები

მოიწესრიგეთ ძილი, აღიდგინეთ ძალები, თქვენი განწყობისა და საქმიანობისთვის ეს ძალიან მნიშვნელოვანია. არ იაქტიუროთ.