მნიშვნელოვანი ინფორმაცია მათთვის, ვისაც ბანკში სესხი აქვს
1762632572
საქართველოს განათლების, მეცნიერებისა და ახალგაზრდობის მინისტრი გივი მიქანაძე მეცნიერების საერთაშორისო დღისადმი მიძღვნილ ღონისძიებას დაესწრო. მეცნიერებათა ეროვნულ აკადემიაში გამართულ ღონისძიებაზე გივი მიქანაძემ, საქართველოს მეცნიერებათა აკადემიის პრეზიდენტ როინ მეტრეველთან ერთად, 40-ზე მეტ მეცნიერს გამოჩენილ მეცნიერთა სახელობითი აკადემიური პრემიები გადასცა. მინისტრმა საერთაშორისო მეცნიერების დღის მნიშვნელობაზე ისაუბრა და საქართველოში მეცნიერების განვითარების პროცესში აკადემიის როლზე გაამახვილა ყურადღება. როგორც გივი მიქანაძემ აღნიშნა, მეცნიერება სახელმწიფოს პროგრესის საძირკველს წარმოადგენს და სამინისტრო მეცნიერთა მხარდაჭერას, ინოვაციების განვითარების ხელშეწყობას, კვლევითი პროექტებისა და ახალგაზრდების სამეცნიერო საქმიანობის წახალისებას კვლავ აქტიურად გააგრძელებს. მეცნიერების საერთაშორისო დღეს აკადემიაში მეცნიერების მუზეუმი გაიხსნა. ღონისძიებას საქართველოს აღმასრულებელი, საკანონმდებლო და ადგილობრივი ხელისუფლების, საპატრიარქოსა და სამეცნიერო საზოგადოების წარმომადგენლები ესწრებოდნენ.
