„ნამდვილად ვართ ბედნიერები, ოღონდ ბოლომდე ვერ… ზოგჯერ ეცემი, მაგრამ შენ თავს ეუბნები „ახლა ამის დრო არაა” – ნინო კვარაცხელიას ემოციური პოსტი

ამერიკის შეერთებულ შტატებში მცხოვრები ნინო კვარაცხელია საზოგადოებამ მისი და ემზარ ჯღარკავას საოცარი სიყვარულის ისტორიით გაიცნო – წყვილმა ერთმანეთი 40-წლიანი დაშორების შემდეგ ხელახლა იპოვა.

ნინო სოციალურ ქსელში ემოციურ პოსტს აქვეყნებს:

,,უღიმი სამყაროს და თითქოს აჯერებ, რომ ყველაფერი კარგადაა ,,ამათ რა უჭირთ წამოგორებულან მდელოზე ამერიკაში და ბედნიერი ღიმილი დასთამაშებთ სახეზეო” -იტყვიან. ნამდვილად ვართ ბედნიერები, ოღონდ ბოლომდე ვერ…ვინ იცის რამდენ დარდს ვატარებთ სამშობლოში დარჩენილ ოჯახის წევრებზე და არა მხოლოდ…რთულია როცა შენ ირგვლივ ამდენ ადამიანს უჭირს, სამშობლოს უჭირს და ,,წვეთ -წვეთად” გიწევს პრობლემების მოგვარება, რომელიც ნამდვილად ზღვაში წვეთია, თავდაუზოგავად შრომობ, არ დრკები, ზოგჯერ ეცემი მაგრამ შენ თავს ეუბნები,, ახალა ამის დრო არაა, ნუ წუწუნებ , ადექი და იბრძოლე, შენს გასაკეთებელს არავინ გააკეთებსო” დგები, ჩამოიბერტყავ შიშს და იმედგაცრუებას, გულიანად გაიღიმებ და ჰაიდააა, მერე კი შენ თავს აჯერებ, რომ ყველაფერი კარგადაა”, – წერს ნინო კვარაცხელია.