„ყველა უნდა აიცრას 3 დოზით“ - გიორგი ფხაკაძე მოსახლეობას მიმართავს

ჯანდაცვის დამოუკიდებელი ექსპერტი, გიორგი ფხაკაძე სოციალურ ქსელში მორიგ პოსტს აქვეყნებს და საზოგადოებას მესამე დოზით აცრისკენ მოუწოდებს.

„პორტუგალია არის საქართველოზე 3-ჯერ უფრო დიდი ქვეყანა (10.31 მილიონი).

მთელი (0-წლიდან) მოსახლეობის 88% არის აცრილი (არა ჩინური ვაქცინებით).

დეკემბერ-იანვრის სიკვდილიანობის მაჩვენებელი არის საკმაოდ დაბალი, ინფიცირებულების მაღალი რაოდენობის მიუხედავად.

ამაზე მეტი არგუმენტი თუ გაქვთ, გისმენთ ….

ვაქცინაცია მუშაობს (არა ჩინური ვაქცინებით). ყველა უნდა აიცრას 3 დოზით, ფაიზერის ან მოდერნას (ეს ჯობია თუ გაქვთ არჩევანის საშუალება) ვაქცინით.

გამოიყენეთ სამედიცინო პირბადე ან FFP2 ან N95 ან KN95 (ბოლო სამი ჯობია თუ გაქვთ არჩევანის საშუალება). ჯანმრთელობას გისურვებთ“, - წერს გიორგი ფხაკაძე.