1725743393
„კოვიდ-19“-ის სამკურნალო ორ ტაბლეტირებულ მედიკამენტს საქართველო 2-3 კვირაში მიიღებს - ცერცვაძე
![ცერვცაძე ცერვცაძე](https://primetime.ge/uploads/files/2022/01/10/906/tsertsvadze_w_h.jpeg)
თბილისის ინფექციური საავადმყოფოს დირექტორის თენგიზ ცერცვაძის განცხადებით, „კოვიდ-19“-ის სამკურნალო ორ ტაბლეტირებულ მედიკამენტს – „პაქსლოვიდსა“ და „მოლნუპირავირს“ საქართველო 2-3 კვირაში მიიღებს.
„ორი ტაბლეტირებული მედიკამენტი – „პაქსლოვიდი“ და „მოლნუპირავირი“ ეფექტურია როგორც დელტა შტამის, ასევე „ომიკრონის“ წინააღმდეგ. ორივესთან გამზადებული აქვს საქართველოს ხელშეკრულებები და საქართველი იქნება ერთ-ერთი პირველი ქვეყანა, რომელიც ამ მედიკამენტებს მიიღებს. 2-3 კვირაში მივიღებთ ამ მედიკამენტს. ერთ-ერთი პირველი იქნება საქართველო, ვინც მიიღებს, ჯერ არ არის მსოფლიოში საერთოდ, ახლახანს მიიღო ნებართვა. აღნიშნული ორი ტაბლეტირებული მედიკამენტი გამოყენებული იქნება მხოლოდ ბინაზე, რადგან გამოყენებული იქნება დიაგნოზის დასმიდან პირველი ოთხი დღის განმავლობაში.
ჩვენ გვექნება კომპლექსური მიდგომა – ორი ტაბლეტირებული მედიკამენტი ბინაზე და ერთი მთავარი, დამრტყმელი მედიკამენტი „რემდესივირი“ გამოიყენება კლინიკაში, ჩვენ განვიხილავთ ამ მედიკამენტის ბინაზე გამოყენების შესაძლებლობასაც.
ეს მედიკამენტები მსოფლიოში არსად არ გამოდის თავისუფალ გაყიდვაში, ვინაიდან ძალიან დეფიციტურია და სამთავრობო დონეზე ხდება მათი განაწილების გადაწყვეტილება. საქართველო მიიღებს ამას ცენტრალიზებულად და თვითონ დაუნაწილებს სამინისტრო ყველა ონლაინ კლინიკასა და ყველა ოჯახის ექიმს“, – განაცხადა თენგიზ ცერცვაძემ.