ბინები თბილისსა და მოსკოვში, ვილა კანარის კუნძულებზე და აგარაკი გონიოში – რა ქონებას ფლობს კობა ნაყოფია

კობა ნაყოფია საქართველოში ერთ-ერთი ყველაზე მდიდარი პოლიტიკოსია. როგორც მის დეკლარაციაშია მითითებული, აქვს სახლები და აგარაკები საქართველოში, რუსეთში და ესპანეთში.

კერძოდ, 2022 წელს შევსებული დეკლარაციით ირკვევა, რომ მის მფლობელობაშია: 55.00 კვ.მ ფართობის ბინა მოსკოვში (კაშერსკოე შოსე N55), 300 კვ.მ ფართობის ვილა, ესპანეთში, კანარის კუნძულებზე, რომელსაც თავად კობა ნაყოფია და მისი მეუღლე ფლობენ.

ნაყოფიას საკუთრებაშია თბილისის პრესტიჟულ უბანში კერძოდ, ჭავჭავაძის გამზირზე მდებარე რამდენიმე ბინაც, ასევე 2 ავტოფარეხი.

ასევე, კობა ნაყოფიას საკუთრებაშია მიწის ნაკვეთი და საცხოვრებელი სახლი გალის რაიონში.

დეკლარაციის მიხედვით, კობა ნაყოფია ფლობს რამდენიმე ავტომობილს და ლადო გუდიაშვილის ორ ფერწერულ ტილოს.