ვალების გასასტუმრებელი რიტუალი დაღმავალ მთვარეზე - ეზოთერიკოსების რჩევა

ფეისბუქ-გვერდი „Astrologia.ეზოთერიკა.რიტუალები“ - დაღმავალ მთვარეზე შესასრულებელ რიტუალს გვიზიარებს, რომელიც ვალების გასტუმრებაში გვეხმარება.

დაღმავალი მთვარე იმ პერიოდად მიიჩნევა, რომელიც სიმბოლურად უკავშირდება გათავისუფლებას, ზედმეტის მოცილებასა და ძველი ვალდებულებების დასრულებას. სწორედ ამიტომ, ბევრი პრაქტიკოსი ამ დროს ასრულებს რიტუალებს, რომლებიც ფინანსური ტვირთის, ვალებისა და დაბრკოლებებისგან გათავისუფლების განზრახვას უკავშირდება.

როდის შეასრულოთ?  

რიტუალი სრულდება დაღმავალი მთვარის პერიოდში, სასურველია მზის ჩასვლის შემდეგ, მშვიდ გარემოში, სადაც რამდენიმე წუთის განმავლობაში არავინ შეგაწუხებთ.

დაგჭირდებათ:

1 თეთრი სანთელი;
პატარა თეთრი ფურცელი;
ლურჯი ან შავი კალამი;
შუშის ან კერამიკის პატარა ჯამი.

როგორ ჩატარდეს რიტუალი?

აანთეთ სანთელი და რამდენიმე წუთით ყურადღება სუნთქვაზე გადაიტანეთ. წარმოიდგინეთ, როგორ ტოვებს თქვენს ცხოვრებას ფინანსური დაძაბულობა და როგორ თავისუფლდებით ვალების სიმძიმისგან.
შემდეგ ფურცელზე ჩამოწერეთ ყველაფერი, რისგანაც გსურთ გათავისუფლება. მაგალითად:
ვალები;
ფინანსური შეზღუდვები;
მუდმივი ფულის დეფიციტი;
შიში, რომ ვალდებულებებს ვერ დაფარავთ.

ფურცლის ბოლოს დაწერეთ:

„მადლიერებით ვათავისუფლებ ჩემს ცხოვრებას ფინანსური ტვირთისგან. ჩემს გზაზე იხსნება შესაძლებლობები, რომლებიც მაძლევს ღირსეულად და მშვიდად დავფარო ყველა ვალდებულება. ასე იყოს.“

რამდენიმე წუთის განმავლობაში ხელში გეჭიროთ ფურცელი და წარმოიდგინეთ, რომ ყველა დავალიანება თანდათან მცირდება, ხოლო თქვენს ცხოვრებაში ახალი შემოსავლის წყაროები ჩნდება.

ამის შემდეგ ფურცელი ფრთხილად დაწვით ჯამში. სანამ იწვება, სამჯერ მშვიდად წარმოთქვით:

„როგორც ეს ფურცელი ფერფლად იქცევა, ისე ქრება ჩემი ფინანსური ტვირთი. ყოველი დღე მაძლევს ახალ შესაძლებლობას, ვალები მარტივად და ღირსეულად დავფარო. ასე იყოს.“

როდესაც ფურცელი ბოლომდე დაიწვება და გაცივდება, ფერფლი მეორე დღეს გამდინარე წყალს გაატანეთ ან მიწაში ჩაფალით.

სანთელი ბოლომდე დაწვით ან მომდევნო საღამოს ისევ აანთეთ და ბოლომდე დაწვის საშუალება მიეცით.
რიტუალის დასრულების შემდეგ.

სასურველია მომდევნო დღეებში არ იჩივლოთ ფინანსებზე; მადლიერებით მიიღოთ ნებისმიერი, თუნდაც მცირე შემოსავალი; შეძლებისდაგვარად დაფაროთ ვალის მცირე ნაწილიც კი — ეს სიმბოლურად ასახავს პროცესის დაწყებას; მოერიდოთ იმპულსურ ხარჯებს“,- ნათქვამია გავრცელებულ პოსტში.