კანადაში კამერამ დააფიქსირა მეტეორიტი, რომელიც კართან ჩამოვარდა - ვიდეო

კანადაში, მეტეორიტი, რომელიც მიწაზე დაეცა, კამერამ დააფიქსირა. მეტეორიტი საცხოვრებელი კორპუსის ვერანდაზე დაეშვა. ამის შესახებ The New York Times იტყობინება.

სახლის ვიდეოკამერამ აფეთქების ხმაც დააფიქსირა. გეოლოგები ამბობენ, რომ ეს იშვიათი ჩანაწერია.

გავრცელებული ინფორმაციით, ვიდეო გასულ ზაფხულს გადაიღეს, მაგრამ მხოლოდ ახლა გახდა შესაძლებელი ზუსტი დადასტურება, რომ ეს მეტეორიტის დაცემაა. როდესაც წყვილი ძაღლების გასეირნების შემდეგ სახლში დაბრუნდა, მათ შესასვლელი კარის წინ მტვერი დახვდათ. მათ გადახედეს ვიდეოკამერის კადრებს იმის გასაგებად, თუ რა მოხდა.

ამ კვირაში მეცნიერებმა ოფიციალურად დაადასტურეს, რომ ვიდეოში ნაჩვენებია შარლოტაუნის მეტეორიტი.

გამოცემის ცნობით, ქვეყანაში სულ 69 მეტეორიტი იქნა ნაპოვნი და დაფიქსირებული. ეს იყო პირველი დაფიქსირებული მეტეორიტი პრინც ედუარდის კუნძულზე.

„ჩემი ინფორმაციით, ეს პირველი შემთხვევაა, როდესაც მეტეორიტი დედამიწის ზედაპირს დაეჯახა და ხმა ვიდეოზე დაფიქსირდა“, - ამბობს დოქტორი ჰერდი.