იწყება „მერკურის გავლენის“ პერიოდი... - ეზოთერიკოსის გაფრთხილება

ეზოთერიკოსი და მინეროლოგი თამუნა იოსელიანი გამომწერებს სიფრთხილისკენ მოუწოდებს, მისი თქმით, იწყება „მერკურის გავლენის“ პერიოდი.

„როდესაც მერკური თითქოს „უკან იხევს“ და მასთან ერთად შეიძლება ცოტა აირიოს:  შეტყობინებები, დოკუმენტები, ტექნიკა,  მგზავრობები, შეთანხმებები, კომუნიკაცია. ეს სამყაროს დასასრული არ არის. უბრალოდ, სამყარო კიდევ ერთხელ გვეუბნება: „კიდევ ერთხელ გადაამოწმე.“  
როდის იწყებს მერკური გავლენას?  
მერკურის გავლენა მხოლოდ 29 ივნისიდან 23 ივლისამდე არ გრძელდება. მისი ე.წ. „მარყუჟი“ უფრო ხანგრძლივია:  რეტროგრადამდე 10–14 დღით ადრე შესაძლოა დაბრუნდეს ძველი თემები, ადამიანები, შეცდომები და შეფერხებები;

23 ივლისის შემდეგ კიდევ 10–14 დღის განმავლობაში ხშირად გვიწევს დაწყებული საქმეების დასრულება, შეცდომების გამოსწორება და შედეგებთან გამკლავება.ამიტომ მთელი ეს პერიოდი თითქმის თვე ნახევარი იგრძნობა.   რისი გაკეთება შეიძლება და სასარგებლოც არის:   ძველი იდეების, პროექტებისა და კლიენტების დაბრუნება; რედაქტირება, გადამუშავება და შეცდომების გამოსწორება; დოკუმენტებისა და ფინანსების მოწესრიგება; დიდი ხნის გადადებული საქმეების დასრულება; ნებისმიერი ინფორმაციის ორჯერ გადამოწმება; ძველი კავშირების აღდგენა; ანალიზი, სწავლა და საკუთარი გამოცდილების გადაფასება.  რისგან ჯობია თავი შეიკავოთ:   მნიშვნელოვანი ხელშეკრულებების ნაჩქარევად გაფორმება; ტექნიკის ან ავტომობილის ყიდვა, თუ ამის გადაუდებელი აუცილებლობა არ არის; ახალი დიდი პროექტების ემოციებზე დაყრდნობით დაწყება; წვრილმანებზე კამათი; დაუდასტურებელი ინფორმაციის დაჯერება; ცხოვრებისეული მნიშვნელოვანი გადაწყვეტილებების იმპულსურად მიღება.  ვინ იგრძნობს ყველაზე მეტად:   ტყუპები — რადგან მერკური თქვენი მმართველი პლანეტაა და კომუნიკაციის სფეროში მეტი გაუგებრობაა მოსალოდნელი.ქალწულები — შესაძლოა გადახედვა დასჭირდეს გეგმებს, სამუშაოს, ჯანმრთელობასა და ყოველდღიურ წესრიგს.კირჩხიბები — შეიძლება კვლავ გააქტიურდეს ემოციები, ოჯახური საკითხები და ძველი განცდები.ლომები — განსაკუთრებულ მნიშვნელობას შეიძენს თქვენი სიტყვები, თვითგამოხატვა, იმიჯი და გარშემომყოფების რეაქცია.  ვისთვის იქნება ეს პერიოდი შედარებით მშვიდი:   კურო — სტაბილურობა ბალანსის შენარჩუნებაში დაგეხმარებათ. თხის რქა — დისციპლინა ქაოსის თავიდან აცილების საუკეთესო საშუალება იქნება. თევზები — ინტუიცია სწორ დროს მიგანიშნებთ, როდის ჯობია გაჩუმება. მორიელები — სტრატეგიული აზროვნება და სიღრმისეული ხედვა სიმშვიდის შენარჩუნებაში დაგეხმარებათ.  ამ პერიოდის მთავარი რჩევაა: ნუ იჩქარებთ, ნუ გადააჭარბებთ ემოციებს და პირველ შთაბეჭდილებას ბრმად ნუ ენდობით. გადაამოწმეთ, თავიდან გადაიკითხეთ, დაფიქრდით, სანამ რამეს იტყვით. და ნუ იყიდით ახალ ტელეფონს მხოლოდ იმიტომ, რომ ძველმა „უცნაურად შემოგხედათ“. - წერს თამუნა იოსელიანი.