1736076745

ხანძრის დროს დაღუპული 5 ბავშვიდან, ყველაზე პატარა 4 თვისაა - ახალი დეტალები ტრაგედიის ადგილიდან

ხუთი ბავშვის სიცოცხლე ემსხვერპლა ოკუპირებულ გალში მომხდარ ხანძარს. ცეცხლი სოფელ საბერიოში ჩოლარიების სახლში გაჩნდა. მეხანძრე მაშველებმა ბავშვების გადარჩენა ვერ მოახერხეს. ხანძრის გამომწვევი მიზეზები ჯერჯერობით უცნობია. ინფორმაციას აფხაზეთის საინფორმაციო-ანალიტიკური ცენტრი ავრცელებს.აფხაზური ტელეგრამ არხების წინასწარი ინფორმაციით,, ბე­ბია გა­ზ­ქუ­რის დან­თე­ბას ნავ­თის და ბენ­ზი­ნის ნა­რე­ვით ცდი­ლობ­და, რის გა­მოც ხან­ძა­რი გაჩ­ნდა. ყველაზე პატარა დაღუპული 4 თვისაა.შემთხვევის დროს მცირეწლოვნები ბებიასთან ერთად იმყოფებოდნენ. მაშველებმა მხოლოდ ბებიის გადარჩენა შეძლეს.

1736013168

რიტუალი მათთვის, ვისაც საახალწლო სურვილი ჯერ არ ჩაუფიქრებია... - ასტროლოგების რჩევა

ასტროლოგები იმ ადამიანებს, რომლებმაც საახალწლოდ სურვილების ჩაფიქრება ვერ მოახერხეს, ან ფიქრობენ, რომ ეს სწორად ვერ გააკეთეს, მანიფესტაციისკენ მოუწოდებენ.„იანვრის ბოლომდე გვაქვს დრო, რომ მანიფესტაციები გავაკეთოთ. ჩამოვწეროთ სურვილები და ვთქვათ ისე, თითქოს ეს უკვე მოხდა. ზოგადად, იანვრის ენერგიები საკმაოდ საინტერესოა. რომ დააკვირდეთ, ვინც წინა წლებში ძალიან შრომობდა, იანვარში დასვენება მოუნდათ. ვინც პასიურობდა, პირიქით, უფრო გააქტიურდნენ.2025 წლის ენერგიები ენერგეტიკული სტაბილიზაციისკენ არის მიმართული. ამიტომ, ვინც წინა წლებში ძალიან ბევრს შრომობდა, წელს უფრო მეტი დასვენების საშუალება მიეცემათ. ვინც პასიურობდა, მოუწევთ, რომ გააქტიურდნენ,“ - ამბობენ ასტროლოგები.

1724009724

„ერისიონი“ სამწუხარო ინფორმაციას ავრცელებს

ანსამბლ „ერისიონის“ მუსიკოსი ბესო ჩირიკაშვილი გარდაიცვალა.სამწუხარო ინფორმაციას „ერისიონი“ აქვეყნებს.„გარდაიცვალა „ერისიონის“ მუსიკოსი, შესანიშნავი პიროვნება, დიდი პროფესიონალი, ადამიანი, რომელმაც 35 წელი უერთგულა თავის საყვარელ საქმეს და ანსამბლს…დიდი დანაკლისია ბატონი ბესოს ამ ქვეყნიდან უდროოდ წასვლა, როგორც მისი ოჯახის წევრებისთვის, ახლობლებისთვის ისე თითოეული ჩვენგანისთვის… არაერთი თბილი მოგონება და ისტორია დაგვიტოვა მან…ჩვენ ყოველთვის გვემახსოვრება ბესო ჩირიკაშვილი…ღმერთმა გაანათლოს შენი სული,“ – აღნიშნულია სამძმრის წერილში.

1719740025

როგორ იმუშავებს დღეს საზოგადოებრივი ტრანსპორტი - დეტალები

ესპანეთი-საქართველოს ეროვნულ ნაკრებებს შორის დღეს დაგეგმილი მატჩის პერიოდში, გულშემატკივრების შეუფერხებლად გადაადგილების მიზნით, თბილისის მეტრო და მუნიციპალური ავტობუსების ნაწილი გახანგრძლივებული დროით იმოძრავებს.ქართველი გულშემატკივრები ევროპის საფეხბურთო ჩემპიონატზე, საქართველოს ეროვნული ნაკრების მორიგი თამაშის ღია ჩვენებას, კვლავ მიხეილ მესხის სახელობის სტადიონზე დაესწრებიან, სადაც თბილისის მერიისა და საქართველოს ფეხბურთის ფედერაციის ორგანიზებით, ექვსი დიდი ეკრანი დამონტაჟდა.ღონისძიებაზე დასწრება თავისუფალია, მატჩის დასრულების შემდეგ კი, მოქალაქეებს ავტობუსები: N173, N301, N307, N311, N345, N351, N354, N358, N359, N385 და N388 მოემსახურებიან. გვიანობამდე იმუშავებს თბილისის მეტროც.საქართველოს ეროვნული საფეხბურთო ნაკრები ესპანეთის ეროვნულ ნაკრებს გერმანიის ქალაქ კიოლნში, თბილისის დროით, 23:00 საათზე დაუპირისპირდება.

1719135461

გურჯაანში, საქართველო-ჩეხეთის მატჩის საჯარო ტრანსლირების დროს, გულშემატკივარი გარდაიცვალა

საფეხბურთო მატჩის ჩვენება, გურჯაანის კულტურისა და დასვენების პარკში მიმდინარეობდა, რომელსაც ადგილობრივები ესწრებოდნენ.თვითმხილველების ინფორმაციით, 60 წლამდე ასაკის მამაკაცს გულის შეტევა განუვითარდა და ის ადგილზე დაიღუპა.კახეთის რეგიონის ყველა მუნიციპალიტეტში, ევროპის 2024 წლის ჩემპიონატის თამაშების ტრანსლირება საჯარო სივრცეებში მიმდინარეობს, სადაც გულშემატკივრები საქართველოს ეროვნული ნაკრების შეხვედრებს ადევნებენ თვალს.

1718012878

1 900-მდე პირს ჯარიმები ჩამოეწერება - ნახეთ, გეხებათ თუ არა ამნისტია

პარლამენტი დაჩქარებული წესით მთავრობის ინიციატივას განიხილავს, რომელიც ადმინისტრაციული სახდელისგან და ასევე, სისხლის სამართლის პასუხისმგებლობისგან იმ პირთა გათავისუფლებას ითვალისწინებს, რომლებიც კოვიდპანდემიის დროს დადგენილი წესების დარღვევის გამო დასანქცირდნენ.ამ მიმართულებით ცვლილებები “ადმინისტრაციული სახდელისგან გათავისუფლების შესახებ“ და “ამნისტიის შესახებ“ უკვე მიღებულ კანონებში შედის და ის პასუხისმგებლობისგან იმ ფიზიკურ და იურიდიულ პირებს ათავისუფლებს, რომელთაც სამართალდარღვევა 2021 წლის 23 ივნისიდან 2023 წლის 4 ივლისის პერიოდში ჩაიდინეს.ადმინისტრაციული პასუხისმგებლობისგან იზოლაციისა და კარანტინის წესის, ასევე პირბადის ტარების წესის დარღვევის გამო დაჯარიმებული პირები თავისუფლდებიან. მთავრობის ინფორმაციით, ადმინისტრაციული სახდელისგან 1 893 პირი გათავისუფლდება. აქედან 1855 - ფიზიკური პირი და 38 იურიდიული პირია. თანხის ჯამური ოდენობა - 5 596 047 ლარია (ფიზიკური პირების მიმართ - 5 346 047 ლარი, იურიდიული პირების მიმართ - 250 000 ლარი). რაც შეეხება “ამნისტიის შესახებ“ კანონში ცვლილებებს, სისხლისსამართლებრივი პასუხისმგებლობისგან ის პირები გათავისუფლდებიან, რომლებმაც “სისხლის სამართლის კოდექსის“ 248/1 მუხლით გათვალისწინებული ქმედება 2021 წლის 23 ივნისიდან 2023 წლის 4 ივლისამდე პერიოდში ჩაიდინეს. როგორც მთავრობა განმარტავს, “სისხლის სამართლის კოდექსის“ 248/1 მუხლით 2021 წლის 23 ივნისიდან 2024 წლის მაისის ჩათვლით პერიოდში განაჩენი გამოტანილია 10 ფიზიკური პირის მიმართ. აღნიშნული 10 მსჯავრდებულიდან 8 პირს პირობითი მსჯავრი შეეფარდა, რომლის ფარგლებშიც 6 მსჯავრდებულს დაეკისრა ჯარიმა 2000 ლარის ოდენობით.არსებული მონაცემებით, ჯარიმა გადახდილი აქვს ერთ მსჯავრდებულს. შესაბამისად, სხვა მსჯავრდებული პირები ჯარიმის თანხას აღარ გადაიხდიან.“ადმინისტრაციული სახდელისგან გათავისუფლების შესახებ“ და “ამნისტიის შესახებ“ კანონებში დაგეგმილი ცვლილებები პარლამენტის ბიუროს 10 ივნისის სხდომაზე წარედგინება.წყარო:

1716102553

სენაკში 25 წლის მამაკაცი მოკლეს

სენაკის მუნიციპალიტეტში მკვლელობა მოხდა. არსებული ინფორმაციით, მოკლულია 25 წლის მამაკაცი და დაჭრილია რამდენიმე პირი. აქედან ერთი დაჭრილის მდგომარეობა უმძიმესია.გავრცელებული ცნობით, თავდაპირველად ყველა დაჭრილი პირი კლინიკაში გადაიყვანეს, თუმცა ერთი სამედიცინო დაწესებულებაში მიყვანამდე გარდაიცვალა. შემთხვევა გორის ქუჩაზე, წუხელ, გვიან ღამით მოხდა. სხვა დეტალები კი, ჯერჯერობით უცნობია. დეტალებს პრაიმტაიმი შსს-ში არკვევს.        

1711228738

მიხეილ ცაგარელი ფეხბურთელებს რჩევას აძლევს - ის საფეხბურთო ტაიმის ყველაზე კრიტიკულ დროს ასახელებს

მიხეილ ცაგარელი გადაცემა „შუადღის“ სტუმარი იყო. ასტროლოგმა ქართულ ფეხბურთზეც ისაუბრა და ფეხბურთელებს რჩევები მისცა.„ჩემი მრავალწლიანი დაკვირვებით, ქართველ ფეხბურთელებს 60-დან 75 წუთამდე რაღაც სჭირთ, ყურადღების მოდუნება, პანიკა, ცენტრს ვეღარ ვაკონტრობეთ. ფეხბურთელებს ვთხოვ, მოდი ფსიქოლოგიურად განვეწყოთ მე-60 წუთისთვის. ძირითადი ენერგია ჩავდოთ ამ დროში“ - ამბობს ცაგარელი.ასევე ნახეთ:„შეიძლება, მეუღლის ფინანსებთან დაკავშირებით გარკვეული საიდუმლო გაიგოთ“ - მთვარის დაბნელების პერიოდი ამ ნიშნებს ფინანსურ ცვლილებებს მოუტანს„ახლა თქვენი დროა!“ - ვის მიმართავს მიხეილ ცაგარელისახელდება ზოდიაქოს 5 ყველაზე იღბლიანი ნიშანი

1710087290

წყალი მჯდომარემ დავლიოთ თუ ფეხზე მდგომმა? - რას გვირჩევენ ექიმები

მიუხედავად იმისა, რომ არ არსებობს მეცნიერული მტკიცებულება, იმისა, თუ რომელია ამ ორიდან სწორი, მოსაზრება, თითქოსდა ფეხზე დგომის დროს წყლის დალევამ შეიძლება გამოიწვიოს ართრიტი და სხვა დაავადებები, მითია. ექიმები ამბობენ, რომ პოზა სხეულის მიერ წყლის ათვისებაში მნიშვნელოვან როლს ასრულებს. როდესაც ვდგავართ ან დავდივართ, სისხლის ნაკადი მიმართულია ხელებისა და ფეხებისკენ, რაც წყალს საჭმლის მომნელებელ სისტემამდე სწორად მიღწევაში უშლის ხელს. ასევე ნახეთ:„დავმუნჯდით...“ - ვინ იყო სკოლის მოსწავლე გოგონა, რომელიც ბათუმში გარდაიცვალადღის რომელ მონაკვეთში არ უნდა წახვიდეთ სასაფლაოზე

1702229776

ყურადღება მიაქციეთ ამ 5 სიმპტომს - შესაძლოა ისინი გაფანტული სკლეროზის ადრეული ნიშნები იყოს

შესაძლებელია თუ არა გაფანტული სკლეროზის განვითარების ბიოლოგიური მექანიზმების დადგენა?ეს კითხვა დაუსვეს საკუთარ თავს პარიზის ტვინის ინსტიტუტის მეცნიერებმა თავიანთი ახალი ნაშრომის ფარგლებში, რომელიც გამოქვეყნდა ჟურნალში Neurology.მათ დაადგინეს, რომ არსებობს ხუთი პათოლოგიური მდგომარეობა, რომელიც შეიძლება დაკავშირებული იყოს გაფანტული სკლეროზის განვითარებასთან რამდენიმე წლის შემდეგ. ამრიგად, ისეთი დარღვევების სიხშირე, როგორიცაა დეპრესია, ყაბზობა და საშარდე გზების ინფექციები (კერძოდ, ცისტიტი) დაკავშირებულია გაფანტული სკლეროზის განვითარებასთან 5 წლის შემდეგ. სინამდვილეში, ასეთი შედეგები ხელს უწყობს დაავადების პროდრომული ფაზის აღწერას, მაგრამ არ იძლევა ადრეული გამოვლენის მეთოდის შემუშავებას.გაფანტული სკლეროზი არის ნევროლოგიური მდგომარეობა, რომლის დროსაც ნერვული სისტემა თავს ესხმის მიელინს, ნერვული ბოჭკოების გარშემო დამცავ საფარს. ის მნიშვნელოვანია ტვინსა და ორგანოებს შორის იმპულსების გადაცემისთვის. გაფანტული სკლეროზი საკმაოდ გავრცელებული პათოლოგიაა. სპეციალისტების ამოცანაა დაავადების რაც შეიძლება ადრე გამოვლენა, მანამდეც კი, სანამ დაზიანებები MRI-ზე ხილული გახდება. განაგრძეთ კითხვაასევე ნახეთ:ხრაშუნა, მძიმე საკვები ხელს უწყობს წონის დაკლებას - მეცნიერებითუ გინდათ, რომ სიმშვიდემ და ბედნიერებამ დაისადგუროს - 6 ნივთი, რომელიც ვანგას აზრით, სახლში აუცილებლად უნდა გქონდეთ

1701637431

ფილიპინებში კიდევ ერთი, ძლიერი მიწისძვრა მოხდა

ფილიპინებში, მინდანაოში, კიდევ ერთი, 6,8 მაგნიტუდის მიწისძვრა მოხდა - ინფორმაციას გეომეცნიერებათა გერმანიის კვლევითი ცენტრი (GFZ) ავრცელებს.GFZ-ის განცხადებით მიწისძვრა 38 კილომეტრის სიღრმეზე იყო.აშშ-ის ცუნამის გაფრთხილების სისტემის ინფორმაციით, მიწისძვრის შემდეგ ცუნამის საფრთხე არ არსებობს.

1701034233

„მირონი მოწვეთავდა მუდამ ერთი და იგივე ადგილიდან, ღვთისმშობლისა და მაცხოვრის ხელებიდან...“ - გატაცებული ხატის ისტორია

ივერიის ღვთიმსშობლის ხატის შესახებ გამოცემა orthodoxy.ge წერს.1981 წელს ათონის წმინდა მთაზე შეიქმნა ივერიის ღვთისმშობლის ხატის ასლი,  ხატის ისტორია დაკავშირებულია ესპანური წარმოშობის ჩილელის, იოსებ (ხოსე) მუნიოს კორტესის ცხოვრებისეულ ხვედრთან.იოსების მშობლები იყვნენ მგზნებარე კათოლიკები. როგორც თავად იოსები ჰყვება, ბავშვობაში ზურგზე მოკიდებული ჩანთით შევიდა მართლმადიდებლურ ტაძარში და იმ დროიდან მისი გული იქ იმყოფებოდა. მართლმადიდებლობა მან თოთხმეტი წლის ასაკში მიიღო. ოჯახი გაგებით შეხვდა იოსების არჩევანს. იგი იყო ხატმწერი და ასწავლიდა ხელოვნების ისტორიას მონრეალის უნივერსიტეტში. 1982 წლის შემოდგომაზე იოსები მეგობრებთან ერთად ათონის მთაზე გაემგზავრა, რადგან დიდი სურვილი ჰქონდა მოენახულებინა ხატწერის მდიდარი ტრადიციებით განთქმული წმინდა დანიელის სკიტი. სკიტისაკენ მიმავალთ გზა აებნათ და შემოაღამდათ. ბილიკმა ისინი სხვა, ქრისტეს შობის სახელობის ღარიბულ სკიტში მიიყვანა, სადაც თოთხმეტი ხატმწერი ბერი მოღვაწეობდა. მათ სიხარულით მიიღეს სტუმრები და გულითადად გაუმასპინძლდნენ, რის შემდეგაც მიიწვიეს ხატწერის სახელოსნოში.„აქ მე ვიხილე ღვთისმშობლის ხატის ასლი, - იხსენებს იოსები. - ვერასოდეს გადმოვცემ სიტყვებით, თუ რა განცივადე იმ წუთას, უთუოდ მკერდში გული გადამიბრუნდა. ძლიერ მივეჯაჭვე ხატს, არ მინდოდა მასთან განშორება. ვთხოვე ბერებს, მოეყიდათ, მაგრამ უარი მითხრეს, ეს ხატი მათი ერთ-ერთი პირველი ნამუშევარი აღმოჩნდა და არ შეეძლოთ მისი გაყიდვა. მე მაინც დიდხანს, ძლიერ დიდხანს და დაჟინებით ვთხოვდი, ვევედრებოდი. ბერებმა მითხრეს, შეგვიძლია ამ ხატის ასლი გადმოვიღოთ და გამოგიგზავნოთო, მაგრამ მე უარი ვუთხარი - სხვა არ მინდოდა, სწორედ ამ ხატის მიმართ ვგრძნობდი განსაკუთრებულ სიყვარულს. ბოლოს შევწყვიტე მუდარა, დავმორჩილდი ბედს.ღამით სკიტში დავრჩი ლიტურღიაზე დასასწრებად. „ღირს არს“-ის გალობის დროს პირქვე დავემხე და შევევედრე ღვთისმშობელს: „მე უკვე ყველაფერი ვიღონე, რისი გაკეთებაც ადამიანურად შემეძლო: მე მათ შევთავაზე ფული, ხვეწნით თავი მოვაბეზრე იღუმენს... ღვთისმშობელო, წამოდი ჩემთან ამერიკაში, ჩვენ ხომ ძალიან გვიჭირს უშენოდ!“ ლოცვის შემდეგ სულიერი სიმშვიდე ვიგრძენი, იმედი მომეცა, რომ ყოვლადწმინდა ქალწული ჩვენთან ერთად წამოვიდოდა.დილით, საუზმის შემდეგ ყველას გამოვემშვიდობეთ, იღუმენი კი არსად ჩანდა. და აი მონასტრიდან წამოსვლის უკანასკნელ წუთს დავინახეთ, რომ იგი სწრაფად ეშვებოდა კიბეზე ქაღალდში გახვეული ხატით ხელში. „ღვთისმშობელს ნებავს, თქვენთან ერთად წამოვიდეს ამერიკაში“, - მითხრა მან და ხატი გამომიწოდა. იღუმენს, მამა კლიმენტის, ფული შევთავაზე, მაგრამ მან მტკიცე უარი განმიცხადა: „ასეთი სიწმინდე ფულით არ იყიდება“. მინდოდა რაიმეთი გამომეხატა მადლიერება, ფული შემეწირა სკიტისათვის, იგი ხომ ძალზე ღარიბი იყო, მაგრამ წინამძღვარი შეუვალი დარჩა.ტანში ჟრუანტელმა დამიარა, ვიგრძენი, რომ უჩვეულო რამ მოხდა. პირჯვარი გადავიწერე, ვემთხვიე ხატს და ჩემს თავს აღთქმა მივეცი, რომ ეს ხატი არასოდეს გახდებოდა გამდიდრების წყარო. ძლიერი შინაგანი ხმის კარნახით პირდაპირ ივერთა მონასტერში გავემართეთ. აქ ნება მოგვცეს, ნაჩუქარი ხატი ივერიის ღვთისმშობლის ხატის პირველსახეზე მიდებით გვეკურთხა. ხატი იმდენად დიდებული და ლამაზი იყო, ისეთ სულიერ ძალას აფრქვევდა, რომ ძნელი იყო მისთვის დიდხანს გეცქირა.მონრეალში დავბრუნდით 1982 წლის 3 ნოემბერს. ხატი კიევის მღვიმეთა ლავრის ზოგიერთი წმიდანისა და რუსეთის ახალმოწამეების ელისაბედისა და ბარბარეს წმინდა ნაწილებს შორის დავაბრძანე. ხატთან ენთო უქრობი კანდელი. სამი კვირის განმავლობაში, ძილის წინ, ყოვლადწმინდა ღვთისმშობელს ვუკითხავდი დაუჯდომელს.24 ნოემბერს ღამის სამ საათზე გამომაღვიძა ძლიერმა კეთილსურნელებამ. თავდაპირველად ვიფიქრე, რომ მას გამოსცემდა წმინდა ნაწილები ან სუნამოს დაქცეული ფლაკონი. მაგრამ როდესაც მივუახლოვდი ხატს, დავინახე, რომ ხდებოდა რაღაც განსაკუთრებული, დიდი სასწაული - ხატი მთლიანად დაცვარული იყო კეთილსრუნელოვანი მირონით...“მცირე ხნის შემდეგ ხატი გადაიტანეს ტაძარში და დაასვენეს ტრაპეზზე. წირვის დროს ყრმა იესოს ხელებიდან ნაკადულივით მოედინებოდა მირონი. მას შემდეგ არ შეწყვეტილა ხატიდან მირონის დენა გარდა დიდი მარხვის ვნების შვიდეულის დღეებისა. ბზობის კვირას ხატი თითქოსდა შრებოდა და კვლავ განაახლებდა მირონის დენას დიდ შაბათს, აღდგომის - მართლმადიდებელი ერის დიდი დღესასწაულის კარიბჭესთან. მირონი მოწვეთავდა მუდამ ერთი და იგივე ადგილიდან: ღვთისმშობლისა და მაცხოვრის ხელებიდან და ყოვლადწმინდა ქალწულის მარჯვენა მხარზე გამოსახული ვარსკვლავიდან; ხშირად მირონს გამოჰყოფდა ხატის ჩარჩოც, თუმცა იგი შედარებით ახალი დამზადებული იყო. ერთხელ ხარების დღესასწაულზე მირონი წამოვიდა ხატის დამცველი შუშის გარეთა ზედაპირიდან: მასზე იწყეს გაჩენა ცვარის მსგავსი მირონის უმცირესმა წვეთებმა, ისე რომ ღვთისმშობლის გამოსახულება თითქმის აღარ ჩანდა. ხატის უკანა მხარე მუდამ მშრალი რჩებოდა.ივერიის მირონმდინარე ხატი ღვთის დედის უძვირფასესი წყალობა იყო, მონიჭებული ჩვენ, უძლურთა, რწმენაში განსამტკიცებლად, სანუგეშოდ და გასახარად. მისგან აღსრულებულმა უთვალავმა სასწაულმა დასავლეთში ბევრი დააფიქრა მართლმადიდებლობის ჭეშმარიტებაზე. მრავალი კათოლიკე და პროტესტანტი მოკრძალებით მოდიოდა, რათა თაყვანი ეცა სასწაულმოქმედი ხატისათვის. ეკლესიის ისტორიას არ ახსოვს ხატიდან მირონის ასეთი ხანგრძლივი დენა.მთელს ქრისტიანულ სამყაროში გავრცელდა ივერიის  ხატის ფოტოები მასზე მიმაგრებული ბამბის ნაჭრებით, რომლებიც მკურნალი კეთილსურნელოვანი მირონით არის გაჟღენთილი. მაგრამ ყველაზე საკვირველი ის არის, რომ ხატის ზოგიერთი ფოტოდანაც ასევე მოედინება მირონი. ეს ხდება ყველგან - ამერიკაშიც და ევროპაშიც.„დიდი ხანი დაბნეული ვიყავი, - ამბობდა იოსები, - მე ხომ ერთ-ერთი უძლური და უკანასკნელი ვარ მართლმადიდებელ ეკლესიაში, თუმცა უფლის ძალა ხშირად ყველაზე უსუსურში მჟღავნდება ხოლმე. ერთხელ უკვე მომიწოდა ღმერთმა ჭეშმარიტი სარწმუნოებისაკენ, მომაქცია. ახლა კი თავისი უდიდესი წყალობით მეორედ ამირჩია. უფალმა მომცა ეს მადლი, რომ თავი ვიგრძნო არარაობად; ყოველდღიურად თანდათან ძლიერდება ამის შეგრძნება ჩემში. „რატომ მაინცდამაინც შენ აგირჩია ღმერთმა?“ - მეკითხებიან; ვპასუხობ: მე ყოველთვის ვლოცულობდი ყოვლადწმინდა ქალწულის მიმართ, არასოდეს მითხოვია მისგან სასწაულები, არასოდეს შევვედრებივარ მას, რომ რაიმე ნიშნით დაემტკიცებინა ჩემთვის თავისი არსებობა. მე მწამს ღვთისმშობლისა, თაყვანს ვცემ უფლის დედას. ასე მასწავლიდა დედა, სიყრმიდანვე მან შემაყვარა ღვთისმშობელი. მწამს, რომ ყოვლადწმინდა ქალწული თავის მადლსა და ძალას ამჟღავნებს იქ, სადაც თვითონ სურს, მიდის იქ, სადაც თვითონ ნებავს და მიდის მაშინ, როცა თვითონ სურს“.იოსებ მუნიოსი აღსასრულამდე ივერიის ღვთისმშობლის ხატის უცვლელი მცველი იყო. 15 წლის მანძილზე იგი მთელს მსოფლიოში მოგზაურობდა წმინდა ხატთან ერთად, რომლისაგან მრავალი სასწაული და საკვირველი კურნება აღესრულებოდა. ხატის ძალით ბევრი უღმერთო თუ არამართლმადიდებელი ადამიანი მოიქცეოდა ჭეშმარიტ სარწმუნოებაზე. თავდადებული და კეთილსინდისიერი სამსახურისთვის ღვთისმშობელმა იოსები მოწამეობრივი გვირგვინის მიღების ღირსი გახადა. 1997 წლის 30 ოქტომბერს, საბერძნეთის დედაქალაქ ათენში იგი ტანჯვა-წამებით მოკლეს ღმერთის მოძულე ადამიანებმა, ხოლო ხატი გაიტაცეს და მისი ადგილსამყოფელი დღემდე უცნობია. იოსებ მინიოსის ცხედარი 10 ნოემბერს მონრეალში გადაასვენეს და როდესაც მეგობრებმა გახსნეს ლუსკუმა, მას გახრწნის არანაირი ნიშანი არ ეტყობოდა. იგი დაკრძალეს ჯორდანვილში, წმინდა სამების მონასტრის სასაფლაოზე. მაგრამ ბოროტი სული ამითაც არ დაკმაყოფილდა: სულ მალე, 1998 წლის იანვარში დაწვეს მონრეალის მართლმადიდებლური ტაძარი, სადაც ესვენა ხოლმე ივერიის ღვთისმშობლის მირონმდინარე ხატი.წყარო: orthodoxy.ge