1762364499

დოლარის და ევროს კურსი 6 ნოემბრისთვის

ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.7102 ლარი გახდა. კურსი, რომელიც მანამდე მოქმედებდა, 2.7109 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა.რაც შეეხება ევროს, მისი კურსი 3.1127 ლარია. მაშინ, როცა მანამდე მოქმედი კურსი 3.1197 ლარს შეადგენდა. შესაბამისად, ევროს ცვლილებამ 0.0070 ლარი შეადგინა.

1762347983

ლარი ისევ გამყარდა - განახლებული კურსი 6 ნოემბრისთვის

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7102 ლარი გახდა. კურსი, რომელიც დღეს მოქმედებდა, 2.7109 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0007 ლარი შეადგინა.რაც შეეხება ევროს, მისი კურსი 3.1127 ლარია. მაშინ, როცა დღეს მოქმედი კურსი 3.1197 ლარს შეადგენდა. შესაბამისად, ევროს ცვლილებამ 0.0070 ლარი შეადგინა.

1762345302

ეროვნული ბანკი განცხადებას ავრცელებს

საქართველოს ეროვნული ბანკის მონეტარული პოლიტიკის კომიტეტმა 2025 წლის 5 ნოემბრის სხდომაზე მონეტარული პოლიტიკის განაკვეთი (რეფინანსირების განაკვეთი) უცვლელად შეინარჩუნა. მონეტარული პოლიტიკის განაკვეთი 8.0 პროცენტს შეადგენს. ინფორმაციას ეროვნული ბანკი ავრცელებს.2025 წლის ოქტომბრის მდგომარეობით, საქართველოში ფასების საერთო დონე წლიურად 5.2 პროცენტით გაიზარდა. მიზნობრივ, 3 პროცენტიან, მაჩვენებელთან შედარებით ინფლაციის ზრდას ძირითადად სურსათის ინფლაცია განაპირობებს, რაც ნაწილობრივ წინა წლის დაბალი საბაზო ეფექტისა და ეგზოგენური ფაქტორების ასახვაა. ხოლო, სურსათის გამორიცხვით ინფლაციის მაჩვენებელი და ამავდროულად შედარებით ხისტი ფასების საზომები, რომლებიც კარგად ასახავს გრძელვადიან ინფლაციურ მოლოდინებს, მიზნობრივ დონესთან ახლოს ნარჩუნდება. კერძოდ, ოქტომბრის მდგომარეობით, საბაზო ინფლაციამ, რომელიც სამომხმარებლო კალათიდან მაღალი მერყეობით გამორჩეულ სურსათის, ენერგომატარებლებისა და სიგარეტის ფასებს გამორიცხავს, 2.4 პროცენტი შეადგინა. ასევე, მომსახურების ინფლაცია მიზნობრივ დონესთან ახლოს, 2.5 პროცენტის ფარგლებში, შენარჩუნდა. პარალელურად, იმპორტირებული პროდუქტების ფასების ცვლილება კვლავ დაბალია (0 პროცენტი), დიდწილად საწვავის ფასების წლიურად შემცირების ხარჯზე. მიუხედავად აღნიშნული ტენდენციებისა, შედარებით მოქნილი ფასების ინფლაციის (მეტწილად, სურსათის) ხანგრძლივად მაღალ დონეზე შენარჩუნება ინფლაციური მოლოდინების ზრდის რისკებს საყურადღებოს ტოვებს.სებ-ის განახლებული ცენტრალური სცენარის მიხედვით, ინფლაციის პროგნოზი 2025-2026 წლებში მცირედით ზემოთ გადაიხედა, რაც, მეტწილად, სურსათის მაღალმა ინფლაციამ განაპირობა. მიმდინარე ცენტრალური პროგნოზით, 2025 წელს ინფლაცია საშუალოდ 4%-ის ფარგლებში იქნება, ხოლო 2026 წელს 3.5%-მდე შემცირდება. სხვა თანაბარ პირობებში, სურსათის ფასების ზრდას ინფლაციაზე მხოლოდ დროებითი გავლენა აქვს და მისი ეფექტები ეტაპობრივად იწურება. ცენტრალური სცენარიც სწორედ ასეთ განვითარებას მოიაზრებს. კერძოდ, აღნიშნული დინამიკა დროებითი ხასიათისაა და არ იწვევს ე.წ „მეორე რაუნდის“ ეფექტებს, რაც გულისხმობს, რომ ზეწოლა არ გადადის სხვა საქონლისა და მომსახურების ფასებზე.ამასთანავე, ეკონომიკური აქტივობა ეტაპობრივად უბრუნდება თავის გრძელვადიან ზრდის ტემპს, რაც ფასებზე მოთხოვნის მხრიდან წნეხს არბილებს. წინასწარი მონაცემებით, 2025 წლის იანვარ–სექტემბერში რეალური მშპ საშუალოდ 7.7%-ით გაიზარდა. ერთობლივი მოთხოვნის მის გრძელვადიან ტრენდთან დაახლოებას დამატებით ხელს უწყობს, ფინანსურ ბაზარზე ფინანსური პირობების გამკაცრებულ დონეზე შენარჩუნება. ეს უკანასკნელი საბაზრო საპროცენტო განაკვეთების დინამიკაში აისახება.მაღალი გაურკვევლობის გათვალისწინებით, ინფლაციაზე ზრდის მიმართულებით მოქმედი რისკები უფრო გამოკვეთილია, თუმცა კვლავ ნარჩუნდება შემცირების მიმართულებით მოქმედი რისკებიც. აქედან გამომდინარე, მონეტარული პოლიტიკის კომიტეტმა (მპკ) ცენტრალურ სცენართან ერთად განიხილა როგორც მაღალინფლაციური, ისე დაბალინფლაციური რისკების სცენარები და გადაწყვეტილების მიღებისას მხედველობაში მიიღო სხვადასხვა მიმართულებით მოქმედი რისკები.მაღალინფლაციური რისკის სცენარი, რომელიც მპკ-მ განიხილა, ერთი მხრივ, მოიაზრებს გლობალური ინფლაციური რისკების რეალიზებას. კერძოდ, აშშ-ს სატარიფო პოლიტიკის ხელახალი გამწვავება, გლობალურად ფრაგმენტაციას მოსალოდნელზე მეტად გაააქტიურებს და შესაძლოა უარყოფითი გავლენა მოახდინოს მიწოდების ჯაჭვებზე. ეს კი საერთაშორისო ბაზარზე გარკვეული ტიპის საქონლის ფასების დამატებითი ზრდის რისკებს აძლიერებს. ამ სცენარით, სატარიფო პოლიტიკასთან ერთად, გეოპოლიტიკური ვითარების ხელახალი ესკალაციის რისკებიც საყურადღებოა, რადგანაც იგი მნიშვნელოვან გავლენას ახდენს საერთაშორისო სასაქონლო პროდუქტების ფასებზე.მაღალინფლაციური სცენარი ეგზოგენურ ფაქტორებთან ერთად, ადგილობრივი ეკონომიკური რისკების რეალიზებასაც ითვალისწინებს. კერძოდ, ფასების საერთო დონის მიზნობრივზე მაღალი ზრდის ხანგრძლივად შენარჩუნებამ შესაძლოა ინფლაციური მოლოდინები გააძლიეროს. ამავდროულად, თუ ასეთ ვითარებაში, ერთობლივი მოთხოვნა მის პოტენციურ დონეზე ძლიერი შენარჩუნდება, მოთხოვნის მხრიდან ფასებზე წნეხი გაძლიერდება. ამ რისკების რეალიზება მონეტარული პოლიტიკის განაკვეთის გამკაცრებას მოითხოვს.მეორე მხრივ, მონეტარული პოლიტიკის კომიტეტმა განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი. კერძოდ, ეს სცენარი, საერთაშორისო ორგანიზაციების პროგნოზების მსგავსად, მოიაზრებს საერთაშორისო სასაქონლო ბაზრებზე ნავთობის ფასების მკვეთრად კლებად ტენდენციას, რომელიც მიწოდების ზრდისა და გლობალური მოთხოვნის შენელების ასახვა იქნება. ამავდროულად, ამ სცენარით, დოლარის გლობალურად შესუსტებული პოზიციის ტენდენცია მოსალოდნელზე ხანგრძლივად შენარჩუნდება, რაც იმპორტირებული პროდუქტების დაბალი ინფლაციის გზით, მთლიან ინფლაციაზე შემცირების მიმართულებით იმოქმედებს. დამატებით აღსანიშნავია, რომ ადგილობრივი შრომის ბაზრის ტენდენციები ფასებზე შემცირების მიმართულებით მოქმედებს, რაც დაბალინფლაციური სცენარის განვითარების შესაძლებლობებს აძლიერებს.მაკროეკონომიკური ანალიზისა და ზემოხსენებული სცენარების განხილვის შედეგად, მონეტარული პოლიტიკის კომიტეტმა ოპტიმალურად მიიჩნია ზომიერად გამკაცრებული მონეტარული პოლიტიკის შენარჩუნება და მონეტარული პოლიტიკის განაკვეთი, უცვლელად, 8 პროცენტზე დატოვა. თუმცა, მონეტარული პოლიტიკის განაკვეთის შემდგომი ცვლილება დამოკიდებული იქნება მომავლის განახლებულ მონაცემებსა და რისკების რეალიზებაზე. იმ შემთხვევაში, თუ ინფლაციაზე მოქმედი ერთჯერადი ფაქტორების გავლენა გახანგრძლივდა, მონეტარული პოლიტიკის კომიტეტი მზად არის არსებული მკაცრი პოზიციის მოსალოდნელზე ხანგრძლივად შესანარჩუნებლად და, საჭიროების შემთხვევაში, უფრო მეტად გასამკაცრებლადაც.საქართველოს ეროვნული ბანკი ყველა ინსტრუმენტს გამოიყენებს ფასების სტაბილურობის შესანარჩუნებლად, რაც იმას ნიშნავს, რომ ფასების საერთო დონის ზრდა საშუალოვადიან პერიოდში 3 პროცენტთან ახლოს იქნება.მონეტარული პოლიტიკის კომიტეტის შემდეგი სხდომა 2025 წლის 17 დეკემბერს ჩატარდება.

1762286801

დოლარის და ევროს კურსი 5 ნოემბრისთვის

ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.7109 ლარი გახდა. კურსი, რომელიც მანამდე მოქმედებდა, 2.7117 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0008 ლარი შეადგინა.რაც შეეხება ევროს, მისი კურსი 3.1197 ლარია. მაშინ, როცა მანამდე მოქმედი კურსი 3.1231 ლარს შეადგენდა. შესაბამისად, ევროს ცვლილებამ 0.0034 ლარი შეადგინა.

1762261482

ლარი გამყარდა - განახლებული კურსი 5 ნოემბრისთვის

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7109 ლარი გახდა. კურსი, რომელიც დღეს მოქმედებდა, 2.7117 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0008 ლარი შეადგინა.რაც შეეხება ევროს, მისი კურსი 3.1197 ლარია. მაშინ, როცა დღეს მოქმედი კურსი 3.1231 ლარს შეადგენდა. შესაბამისად, ევროს ცვლილებამ 0.0034 ლარი შეადგინა.

1762249260

გოგიტა თოდრაძე: ათი წლის წინ ჩატარებულ აღწერასთან შედარებით, თბილისსა და ბათუმში მოსახლეობის რიცხოვნობა მნიშვნელოვნად გაიზარდა

თბილისსა და ბათუმში მოსახლეობის რიცხოვნობა მნიშვნელოვნად გაიზარდა, – ამის შესახებ სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ ეკონომიკური პოლიტიკის კომიტეტის სხდომაზე განაცხადა.მისი თქმით, ათი წლის წინ ჩატარებულ აღწერასთან შედარებით, 200 ათასით არის გაზრდილი მოსახლეობის რიცხოვნობა და ის 3 914 000 შეადგენს.„მოსახლეობის რიცხოვნობა, აღწერის მონაცემებით, გახლავთ 3 914 000, ანუ წინა ათი წლის წინ ჩატარებულ აღწერასთან შედარებით მოსახლეობის რიცხოვნობა დაახლოებით 200 ათასით არის გაზრდილი. წინასწარი მონაცემებით, ჩვენ გამოვავლინეთ, რომ საკმაოდ მაღალია ურბანიზაციის მაჩვენებელი, ქალაქის მოსახლეობის რიცხოვნობის წილი ათი წლის წინ იყო დაახლოებით 59%, ხოლო დღეს 5%-ით არის გაზრდილი და 64%-ს შეადგენს. ამასთანავე, მნიშვნელოვნად გაიზარდა თბილისისა და ბათუმის მოსახლეობის რიცხოვნობა. მაგალითად, ბათუმში 10 წლის წინ 153 ათასი ადამიანი ცხოვრობდა, დღეს კი დაახლოებით – 235 ათასი. თბილისში დაახლოებით მილიონ ასი ათასის ფარგლებში იყო, ხოლო ახალი მონაცემების მიხედვით – 1 330 000-ის ფარგლებშია“, – განაცხადა გოგიტა თოდრაძემ.მისი თქმით, აღწერის შესახებ უფრო დეტალური ინფორმაცია ხელმისაწვდომი 2026 წლის ივნისში იქნება.„მომდევნო წლის ივნისში ხელმისაწვდომი იქნება აღწერის ეთნიკური დეტალები, მათ შორის უმცირესობის ადმინისტრაციული ერთეულების, სოფლების, დასახლებების დონეზე. ამჟამად გამოვაქვეყნეთ მოსახლეობის აღწერის წინასწარი შედეგები, რაც ითვალისწინებდა რეგიონებისა და მუნიციპალიტეტების მიხედვით მოსახლეობის რიცხოვნობას მხოლოდ სქესობრივ ჭრილში. სხვა პარამეტრები, როგორებიცაა აღმსარებლობა, ასაკობრივი ჯგუფები და სხვა, ხელმისაწვდომი იქნება 2026 წლის ივნისში“, – აღნიშნა გოგიტა თოდრაძემ.

1762243284

GCCA, მომხმარებლის უფლებების დაცვის მიმართულებით, მიმდინარე წლის 10 თვის სტატისტიკას აქვეყნებს - განცხადებების რაოდენობა 57%-ით არის გაზრდილი

GCCA, მომხმარებლის უფლებების დაცვის მიმართულებით, მიმდინარე წლის 10 თვის სტატისტიკას აქვეყნებს.მომხმარებლის უფლებების დაცვის მიმართულებით, მიმდინარე წლის 10 თვეში, GCCA-ში - 1123 განაცხადი დაფიქსირდა, ხოლო შემოსული ზარების რაოდენობამ 3560 შეადგინა. შემოსული განცხადებების რაოდენობა, გასული წლის ანალოგიურ პერიოდთან შედარებით, 57% ით არის გაზრდილი.საანგარიშო პერიოდში, GCCA-ის გადაწყვეტილებით, მომხმარებელთა ჯგუფის უფლების 145 დარღვევის ფაქტი დადასტურდა - 222 საქმეზე. GCCA-ის მიერ დაკისრებული ვალდებულების შეუსრულებლობის გამო 68 მოვაჭრეს - 111 საქმეზე დაეკისრა ჯარიმა, ჯამში - 117283 ლარის ოდენობით. ამასთან, მომხმარებლის სასარგებლოდ, პირობითი ვალდებულების აღების შესახებ 147 საქმეზე - 132 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულებები - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, წარსულში არსებული სავაჭრო პოლიტიკის შედეგად ზიანი მიადგათ.ამასთან, საანგარიშო პერიოდში, მომხმარებლის მიერ შემოსული განაცხადების 65 % ონლაინ ვაჭრობის ფაქტს ეხებოდა, ხოლო 35 % ნივთის ადგილზე შეძენის შემთხვევას. ადგილმდებარეობის მიხედვით, სააგენტოსთვის მომართვიანობისას, დიდი წილი - 79 % თბილისს უჭირავს, შემდეგ კი მოდის რეგიონები - აჭარა 5 %, იმერეთი 5 %, კახეთი 2 %, ქვემო ქართლი 2 % და სხვ. მიმდინარე წლის 10 თვის მონაცემებით, თანხის უკან დაბრუნების მოთხოვნაზე დაფიქსირდა 370 განაცხადი, ნაკლიანი ნივთის შეკეთებასა ან დაბრუნებაზე 364, ნაკლოვანი მომსახურებისას უფლების აღდგენაზე 198, დადგენილ ვადაში საქონლის მიწოდებაზე 74, შეცდომაში შემყვანი საქმიანობის აკრძალვაზე 36, ხოლო სხვა დანარჩენზე - 81. სექტორების მიმართულებით, სტატისტიკის თანახმად, 73 %-ს საბითუმო და საცალო ვაჭრობის სექტორი იკავებდა, ტრანსპორტი და დასაწყობება 10 %, ხელოვნება, გართობა და დასვენება - 5 %, ხოლო სხვა სახის საქმიანობები 12 %.

1762198369

დოლარის და ევროს კურსი 4 ნოემბრისთვის

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7117 ლარი გახდა. კურსი, რომელიც მანამდე მოქმედებდა, 2.7127 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0010 ლარი შეადგინა.რაც შეეხება ევროს, მისი კურსი 3.1231 ლარია. მაშინ, როცა მანამდე მოქმედი კურსი 3.1386 ლარს შეადგენდა. შესაბამისად, ევროს ცვლილებამ 0.0155 ლარი შეადგინა.

1762175003

გამოქვეყნდა დოლარის და ევროს განახლებული კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7117 ლარი გახდა. კურსი, რომელიც დღეს მოქმედებდა, 2.7127 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0010 ლარი შეადგინა.რაც შეეხება ევროს, მისი კურსი 3.1231 ლარია. მაშინ, როცა დღეს მოქმედი კურსი 3.1386 ლარს შეადგენდა. შესაბამისად, ევროს ცვლილებამ 0.0155 ლარი შეადგინა.

1762023381

ოქროს ფასი გაიზარდა

გლობალურ ბაზრებზე ოქროს ფასი დღის ჭრილში მცირედით - 0.01%-ით გაიზარდა. კერძოდ, Gold Price-ის მონაცემებით, ბოლო ვაჭრობის შედეგად 1 უნცია ოქრო ბირჟებზე 4 003 დოლარად ივაჭრება.აღსანიშნავია, რომ ფასები ბოლო ერთ თვეში 4%-ით, ხოლო გასული ერთი წლის განმავლობაში 46%-ით არის გაძვირებული.

1762010383

რა შემთხვევაში აქვს ფიზიკურ პირს ვალდებულება, გადაიხადოს მიწაზე ქონების გადასახადი - სპეციალისტის განმარტება

„დღის ქრონიკაში“ შემოსავლების სამსახურის მეთოდოლოგიის დეპარტამენტის მთავარმა სპეციალისტმა, თინათინ გოგრიჭიანმა განმარტა, რა შემთხვევაში აქვს ფიზიკურ პირს ვალდებულება გადაიხადოს მიწაზე ქონების გადასახადი.„40 000-ლარიანი ზღვარი ვრცელდება მხოლოდ დასაბეგრ ქონებასთან მიმართებით, დასაბეგრ მიწაზე დეკლარაციის ვალდებულება და ქონების გადასახადის გადახდის ვალდებულება გვაქვს ნებისმიერ შემთხვევაში, თუ ჩვენს სახელზე, 2025 წლის 1 აპრილის მდგომარეობით საკუთრებაში ირიცხება მიწა. მიწაში იგულისხმება სასოფლო-სამეურნეო, არასასოფლო-სამეურნეო და ტყის მიწები. დასაბეგრ მიწაში ასევე იგულისხმება სახელმწიფო საკუთრებაში რიცხული მიწა, რომელსაც პირი ფლობს ან სარგებლობს მისით, ასევე გარდაცვლილის სახელზე რიცხული მიწა, რომელსაც დეკლარანტი იყენებს“, - აღნიშნა თინათინ გოგრიჭიანმა.საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა 3 ნოემბერს იწურება.ფინანსთა სამინისტროს შემოსავლების სამსახურის ცნობით, ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.

1761977230

რამდენ ლარად შეიძენთ 1 აშშ დოლარს და ევროს შაბათ-კვირას - ეროვნული ვალუტის ახალი გაცვლითი კურსი

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7127 ლარი გახდა. კურსი, რომელიც დღეს მოქმედებდა, 2.7139 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0012 ლარი შეადგინა.რაც შეეხება ევროს, მისი კურსი 3.1386 ლარია. მაშინ, როცა დღეს მოქმედი კურსი 3.1514 ლარს შეადგენდა. შესაბამისად, ევროს ცვლილებამ 0.0128 ლარი შეადგინა.