სამართალი
1779522120
სულხან თამაზაშვილმა 112-ის თანამშრომლებს ახალი ხელმძღვანელი წარუდგინა
შინაგან საქმეთა მინისტრმა სულხან თამაზაშვილმა, მოადგილესთან გაგა კირკიტაძესთან ერთად, საზოგადოებრივი უსაფრთხოების მართვის ცენტრი „112“-ის თანამშრომლებს ახალი ხელმძღვანელი, ნიკოლოზ ბაჭულაშვილი წარუდგინა.სულხან თამაზაშვილმა „112"-ის ახალ დირექტორს თანამდებობაზე დანიშვნა მიულოცა და მომავალ საქმიანობაში წარმატება უსურვა.ნიკოლოზ ბაჭულაშვილს შინაგან საქმეთა სამინისტროში მუშაობის მრავალწლიანი გამოცდილება აქვს.
1779521685
ნარკოდანაშაულის ბრალდებით უცხო ქვეყნის ორი მოქალაქე დააკავეს - ამოღებულია დიდი ოდენობით მარიხუანა
ნარკოდანაშაულის ბრალდებით, უცხო ქვეყნის ორი მოქალაქე დააკავეს. ამოღებულია სარეალიზაციოდ გამზადებული, დიდი ოდენობით მარიხუანა, ასევე, ნარკოტიკული საშუალების დაფასოებისთვის საჭირო მასალები და სავარაუდოდ ნარკოტიკის რეალიზაციის შედეგად მიღებული დიდი ოდენობით თანხა.დანაშაული 17 წლამდე პატიმრობას ითვალისწინებს.
1779481411
პროკურატურა განცხადებას ავრცელებს
საქართველოს პროკურატურამ განსაკუთრებით დიდი ოდენობით ქრთამის აღების ფაქტზე დაკავებულ სახელმწიფო უსაფრთხოების სამსახურის უფროსის ყოფილ მოადგილეს ლევან ახობაძეს ბრალდება წარუდგინა. ამის შესახებ განცხადებას პროკურატურა ავრცელებს.„საქართველოს სახელმწიფო უსაფრთხოების სამსახურში მიმდინარე გამოძიების შედეგად დადგინდა, რომ 2024 წლის 29 მარტს, მეწარმის წარმომადგენელს ლარსის საბაჟო გამშვებ პუნქტზე, საბაჟო კონტროლის გვერდის ავლით, მალულად შემოჰქონდა არადეკლარირებული ფულადი თანხა 40 000 000 რუსული რუბლი, (ეროვნული ბანკის კურსით 1 164 000 ლარი) რომელიც საბაჟო შემოწმების შემდგომ, საქართველოს კანონმდებლობის გათვალისწინებით საბაჟო სამართალდარღვევის ოქმით ჩამოერთვა.საქართველოს სახელმწიფო უსაფრთხოების სამსახურის უფროსის ყოფილმა მოადგილემ, მეწარმეს შუამავლების მეშვეობით დახმარება აღუთქვა თანხის დაბრუნებაში, რის სანაცვლოდაც ქრთამის სახით 500 000 ლარი მოითხოვა, თუმცა საბოლოოდ 250 000 ლარის გადაცემაზე შეთანხმდნენ. სახელმწიფო უსაფრთხოების სამსახურის უფროსის ყოფილი მოადგილის ჩართულობით და მისი თანამდებობრივი ავტორიტეტის გამოყენებით, ფინანსთა სამინისტროსთან არსებული დავების განხილვის საბჭოს მიერ, 2024 წლის 29 აპრილს მეწარმის საჩივარი დაკმაყოფილდა, შეეცვალა შეფარდებული სანქცია და საქონლის უსასყიდლო ჩამორთმევის სანაცვლოდ დაეკისრა ჯარიმა საზღვარზე შემოტანილი ნაღდი ფულის 10%-ის ოდენობით. აღნიშნულის შემდეგ, 2024 წლის მაისში, შუამავლების მეშვეობით, მეწარმემ სახელმწიფო უსაფრთხოების სამსახურის უფროსის ყოფილ მოადგილეს ქრთამის სახით გადასცა წინასწარ შეპირებული განსაკუთრებით დიდი ოდენობით 250 000 ლარი.დაკავებულს ბრალდება საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით (მოხელის მიერ პირდაპირ ფულის მოთხოვნა და მიღება, რათა მოხელემ ქრთამის მიმცემის სასარგებლოდ განახორციელოს რაიმე ქმედება და გამოიყენოს თავისი სამსახურებრივი ავტორიტეტი ანალოგიური მიზნის მისაღწევად, ჩადენილი განსაკუთრებით დიდი ოდენობით) წარედგინა, რაც სასჯელის სახედ და ზომად 11-დან 15 წლამდე თავისუფლების აღკვეთას ითვალისწინებს.პროკურატურა ბრალდებულისათვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს“, – ნათქვამია განცხადებაში.
1779471556
ცოტნე გამსახურდიას მეუღლის მიმართ ადევნების ფაქტზე 56 წლის მამაკაცი მეორედ დააკავეს
56 წლის დავით ერაძე სამართალდამცველებმა ცოტნე გამსახურდიას მეუღლის, ანა ჯაბაურის მიმართ ადევნების ფაქტზე დააკავეს. ინფორმაციას "რუსთავი 2" ავრცელებს. ტელეკომპანიას ფაქტი ანა ჯაბაურმა დაუდასტურა. ერაძეს სასამართლომ წინასწარი პატიმრობა უკვე მიუსაჯა. დანაშაულის რეციდივის გამო, მას ამჯერად 5 წლამდე პატიმრობა ემუქრება.დავით ერაძე იმავე დანაშაულისთვის სასჯელს ერთხელ უკვე იხდიდა. მან პენიტენციური დაწესებულება იანვარში დატოვა და კვლავ განაგრძო ანა ჯაბაურის შევიწროება.ერაძე სხვადასხვა დანაშაულისთვის სულ 5-ჯერ არის ნასამართლევი. სოციალურ ქსელებში მის მიერ გამოქვეყნებული პოსტებით დგინდება, რომ ის მანანა არჩვაძე-გამსახურდიას აქტიური მხარდამჭერია.
1779460284
კაცს, რომელიც საპატრიარქოს ეზოში მანქანით შევარდა, პატიმრობა შეეფარდა
საპატრიარქოს რეზიდენციასთან მომხდარი ხულიგნობისა და ნივთის დაზიანების ფაქტზე ბრალდებულ როსტომ მაზმიშვილს აღკვეთის ღონისძიების სახით, პატიმრობა შეეფარდა.სხდომა საქალაქოს სასამართლოში ცოტა ხნის წინ დასრულდა. პროკურატურის ინფორმაციით, როსტომ მაზმიშვილი 20 მაისს, რელიგიური შეუწყნარებლობის მოტივით, ავტომანქანით შეიჭრა საპატრიარქოს რეზიდენციის ტერიტორიაზე, სადაც დააზიანა ე.წ. "შლაგბაუმი", შესასვლელი კარი და ეზოში მდგომი ავტომანქანა. შემდეგ კი ის ეზოში მყოფ პირებს ემუქრებოდა.როსტომ მაზმიშვილს ბრალდება სხვის ნივთის დაზიანებისა და ხულიგნობის მუხლებით აქვს წარდგენილი, რაც 7 წლამდე თავისუფლების აღკვეთას ითვალისწინებს."ორივე მუხლი არის რელიგიური შეუწყნარებლობის მოტივით წარდგენილი. ამასთან დაკავშირებითაც, ვნახეთ ვიდეო კამერები რომელიც გავრცელდა და ის ქმედება, რაც განზრახ საქართველოს საპატრიარქოს მიმართ ჰქონდა განხორციელებული. წარსულში არის ნასამართლევი, კერძოდ 2025 წელს, სადაც აღნიშნულ სისხლის სამართლის საქმეზე ჰქონდა დანიშნული ბრალდებულს ფსიქიატრიული ექსპერტიზა. შესაბამისად, გაცემული იქნა შესაბამისი დასკვნა, რომელიც მდგომარეობდა შემდგომში, რომ ის იყო შეზღუდული შეურაცხადი. მეორე მხრივ, ჩვენს სისხლის სამართლის საქმეზე აღნიშნული ქმედებიდან გამომდინარე და მას შემდეგ, რაც აღნიშნული ქმედებიდან გამომდინარე ის შესახლებული იქნა წინასწარი დაკავების იზოლატორში, იქიდან რამდენიმე ხანში გადაყვანილი იქნა სპეციალურ დაწესებულებაში. გამომდინარე აქედან, ბრალდების მხარემ მიიჩნია, რომ აღნიშნულ საქმეზეც დანიშნულიყო ფსიქიატრიული ექსპერტიზა," - აცხადებს პროკურორი, ირაკლი ყვავაძე."კურიერმა" მოიპოვა კადრებიც, რომელიც საპატრიარქოსთან მომხდარ ინციდენტს ასახავს. კადრებში ჩანს, როგორ გადავიდა მსუბუქი მანქანის მძღოლი გზის საპირისპირო მიმართულებით, დააზიანა შლაგბაუმი, შეანგრია ჭიშკარი და აღმოჩნდა საპატრიარქოს ეზოს ტერიტორიაზე. მძღოლი სამართალდამცველებმა გუშინვე დააკავეს. თვითმხილველების განცხადებით, ის ეკლესიის მიმართ შეურაცხმყოფელ განცხადებებს აკეთებდა. შემთხვევის შედეგად არავინ დაშავებულა.
1779459825
გრიგოლ ლილუაშვილის მოადგილის, ლევან ახობაძის სახლში სამართალდამცველებმა ჩხრეკა უკვე დაასრულეს.დღის პირველ ნახევარში, სუსის ანტიკორუფციულმა სააგენტომ დიდი ოდენობით ქრთამის აღების ფაქტზე სახელმწიფო უსაფრთხოების სამსახურის ყოფილი უფროსის ყოფილი მოადგილე დააკავა.როგორც ახობაძის უფლებადამცველმა, რაჟდენ კუპრაშვილმა აღნიშნა, ამ ეტაპისთვის დამატებით ინფორმაციას არ ფლობს, საგამოძიებო ორგანოში ბრალდებულს უნდა შეხვდეს, რის შემდეგაც განცხადებას გააკეთებს."მის საცხოვრებელ სახლში ჩატარდა საგამოძიებო მოქმედება. ამ ეტაპისთვის შემიძლია გითხრათ, რომ გამოძიებისთვის რაც იყო საინტერესო, ამ ნივთების დათვალიერება მოხდა და ასე დასრულდა ეს საგამოძიებო მოქმედება. მე ვერ გეტყვით დეტალურად რა არის ამოღებული, თუმცა გამოძიებისთვის რაც იყო საინტერესო, იმ ნივთების დათვალიერება მოხდა. მე ახლა მივდივარ საგამოძიებო ორგანოში, შევხვდები ბრალდებულს, ბატონ ლევანს გავესაუბრები და ამის შემდეგ გავაკეთებ კომენტარს. არაფერი არ ვიცით, ის რაც თქვენთვის საგამოძიებო ორგანოს განცხადებით არის ცნობილი, მხოლოდ ეს ვიცით ამ ეტაპზე", - განაცხადა რაჟდენ კუპრაშვილმა.
1779458011
შინაგან საქმეთა სამინისტროს საპატრულო პოლიციის დეპარტამენტის სახელით მოქალაქეების ნაწილს ეგზავნება მოკლე ტექსტური შეტყობინებები, რომ თითქოს ისინი დაჯარიმდნენ საგზაო მოძრაობის წესის დარღვევისთვის, კერძოდ, სიჩქარის გადაჭარბებისთვის, მოკლე ტექსტურ შეტყობინებას თან ახლავს ბმულიც.მოქალაქეების ინფორმირების მიზნით გვსურს განვმარტოთ, რომ აღნიშნული შეტყობინებები საპატრულო პოლიციის დეპარტამენტის მხრიდან არ არის გაგზავნილი, მოვუწოდებთ არ შევიდნენ შეცდომაში და არ შეასრულონ შეტყობინებაში მითითებული ინსტრუქცია.დამატებითი ინფორმაციისთვის შეგიძლიათ მიმართოთ საპატრულო პოლიციის ერთიანი მომსახურების ცენტრს.ასევე, ვაცხადებთ, რომ აღნიშნული ფაქტი შესწავლილი იქნება შესაბამისი სამსახურის მიერ.
1779450297
საქართველოს შინაგან საქმეთა მინისტრმა, სულხან თამაზაშვილმა, საქართველოში სომხეთის რესპუბლიკის საგანგებო და სრულუფლებიან ელჩთან, აშოტ სმბატიანთან გაცნობითი ხასიათის შეხვედრა გამართა.შეხვედრის ფარგლებში, მხარეებმა ორ ქვეყანას შორის არსებული მჭიდრო და ეფექტიანი თანამშრომლობის საკითხები განიხილეს და ხაზი გაუსვეს პარტნიორული ურთიერთობების კიდევ უფრო განმტკიცების მნიშვნელობას. საუბარი ასევე შეეხო რეგიონში მიმდინარე პროცესებსა და უსაფრთხოების მიმართულებით არსებულსაკითხებს.მხარეებმა ყურადღება გაამახვილეს საქართველოსა და სომხეთის რესპუბლიკის სამართალდამცავ უწყებებს შორის არსებულ ნაყოფიერ თანამშრომლობაზე და გამოთქვეს მზადყოფნა, მომავალშიც აქტიურად გაგრძელდეს ერთობლივი მუშაობა არსებული პარტნიორული კავშირების კიდევ უფრო გაღრმავების მიზნით.ინფორმაციას შსს ავრცელებს.
1779444510
დაკავებულია სუსის უფროსის ყოფილი მოადგილე ლევან ახობაძე
სახელმწიფო უსაფრთხოების სამსახურის ანტიკორუფციულმა სააგენტომ სუს-ის უფროსის ყოფილი მოადგილე ლევან ახობაძე დააკავა. შესაბამისი განცხადება სუს-ში რამდენიმე წუთის წინ გაკეთდა.უწყების ცნობით, ლევან ახობაძე დაკავებულია განსაკუთრებით დიდი ოდენობით ქრთამის აღების ფაქტზე.ლევან ახობაძე სუს-ის ყოფილი უფროსის, გრიგოლ ლილუაშვილის მოადგილე იყო.
1779444131
LIVE: სპეციალური ბრიფინგი სუსში
საქართველოს სახელმწიფო უსაფრთხოების სამსახურის ანტიკორუფციული სააგენტოს დირექტორის, ემზარ გაგნიძის განცხადებით, განსაკუთრებით დიდი ოდენობით ქრთამის აღების ფაქტზე დაკავებულია სუს-ის, გრიგოლ ლილუაშვილის მოადგილე ლევან ახობაძე."სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული ოპერატიულ სამძებრო და საგამოძიებო ღონისძიებების შედეგად, განსაკუთრებით დიდი ოდენობით ქრთამის აღების ფაქტზე დაკავებულია საქართველოს სახელმწიფო უსაფრთხოების სამსახურის უფროსის ყოფილი მოადგილე ლევან ახობაძე", - განაცხადა საქართველოს სახელმწიფო უსაფრთხოების სამსახურის ანტიკორუფციული სააგენტოს დირექტორმა ემზარ გაგნიძემ სახელმწიფო უსაფრთხოების სამსახურში გამართულ ბრიფინგზე.
1779439531
შინაგან საქმეთა სამინისტროს კახეთის პოლიციის დეპარტამენტის სიღნაღის რაიონული სამმართველოს თანამშრომლებმა, ჯანმრთელობის განზრახ მძიმე დაზიანების ბრალდებით წარსულში ნასამართლევი პირი დააკავეს. ინფორმაციას შსს ავრცელებს.გამოძიებით დადგინდა, რომ ბრალდებულმა, სიღნაღის მუნიციპალიტეტის ერთ-ერთ სოფელში, ურთიერთშელაპარაკების ნიადაგზე, ფიზიკურად იძალადა მამაკაცზე.დაშავებული მამაკაცი სამედიცინო დახმარების გაწევის მიზნით კლინიკაში გადაიყვანეს.სამართალდამცველებმა ჩატარებული საგამოძიებო მოქმედებების შედეგად, დანაშაულის ჩამდენი პირი ბრალდებულის სახით ცხელ კვალზე დააკავეს.გამოძიება სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.
1779439255
შინაგან საქმეთა სამინისტროს მიგრაციის დეპარტამენტის თანამშრომლებმა, ქვეყნის მასშტაბით სპეციალური საიმიგრაციო კონტროლის ღონისძიებები ჩაატარეს.შსს-ს ინფორმაციით, კომპლექსური ღონისძიებების შედეგად დაკავებულია 46 უცხოელი არალეგალი, მათ შორის – იემენის, პაკისტანის, ინდოეთის, თურქმენეთის, ჩინეთის, კუბის, სუდანის, ნიგერიის, რუსეთის, ბელარუსის და ეგვიპტის მოქალაქეები.„სპეციალური საიმიგრაციო კონტროლის ღონისძიებების ფარგლებში, დეპარტამენტის თანამშრომლების მიერ გადამოწმდა კონკრეტული ლოკაციები და სხვადასხვა დანიშნულების ობიექტები, რაც მიზნად ისახავდა საქართველოში კანონიერი საფუძვლის გარეშე მყოფი უცხო ქვეყნის მოქალაქეთა გამოვლენას.დადგინდა, რომ დაკავებული პირები ქვეყანაში იმყოფებოდნენ „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონით დადგენილ მოთხოვნათა დარღვევით.ამჟამად, დაკავებულები მოთავსებული არიან მიგრაციის დეპარტამენტის დროებითი განთავსების ცენტრში. მიმდინარეობს შესაბამისი პროცედურები მათი ქვეყნიდან გაძევების მიზნით“, – აღნიშნულია ინფორმაციაში.
