1747136563

„ბლუმბერგი“ - ევროპელი ლიდერები მზად არიან, დაელოდონ სტამბოლში უკრაინისა და რუსეთის პრეზიდენტების შესაძლო შეხვედრას, ვიდრე აშშ-ს ახალი სანქციებისკენ უბიძგებენ

ევროპელი ლიდერები მზად არიან, დაელოდონ უკრაინისა და რუსეთის პრეზიდენტების, ვოლოდიმირ ზელენსკისა და ვლადიმერ პუტინის შესაძლო შეხვედრას სტამბოლში, ვიდრე აშშ-ს ახალი სანქციების შემოღებისკენ უბიძგებენ. ამის შესახებ სააგენტო „ბლუმბერგი“ მოლაპარაკებებთან დაკავშირებულ წყაროებზე დაყრდნობით წერს.როგორც სტატიაში ნათქვამი, ამერიკელ და ევროპელ ოფიციალურ პირებს შორის გამართული კონსულტაციების შემდეგ ნათელი გახდა, რომ აშშ-ის პრეზიდენტის ადმინისტრაციას სურს, მისცეს შანსი ზელენსკისა და პუტინის მოლაპარაკებებს, ვიდრე მოსკოვზე ზეწოლას გააძლიერებს.პუბლიკაციიის მიხედვით, პუტინი თუ უარს იტყვის ზელენსკისთან შეხვედრაზე 15 მაისს, ან რუსეთი არ დათანხმდება დაუყოვნებლივ და უპირობო ცეცხლის შეწყვეტას, ევროპელი ლიდერები ტრამპს მოუწოდებენ, სანქციების მუქარა შეასრულოს.„ბლუმბერგი“ ასევე აღნიშნავს, რომ აშშ-ს არ გაუცია მკაფიო პასუხი კითხვაზე, არის თუ არა ვაშინგტონი მზად რუსეთის წინააღმდეგ სანქციების დაწესებისთვის, თუ რუსეთის იერიშები გაგრძელდება ან პუტინი ზელენსკისთან შეხვედრაზე უარს იტყვის.პუტინმა უკრაინას 15 მაისს თურქეთში პირდაპირი მოლაპარაკებების გამართვა შესთავაზა. ამასთან, როგორც გამოცემა აღნიშნავს, პუტინმა უგულებელყო ევროპული ქვეყნებისა და აშშ-ის რუსეთისადმი მოწოდება 30-დღიანი ზავის გამოცხადების შესახებ. ზელენსკიმ განაცხადა, რომ მზად არის პუტინთან სტამბოლში პირდაპირი მოლაპარაკებებისთვის. ამასთან, ტრამპმა არ გამორიცხა, რომ შესაძლოა, პირადად ჩაფრინდეს სტამბოლში მოლაპარაკებების დღეს. მისი თქმით, ზელენსკი დათანხმდა შეხვედრას თურქეთში სწორედ მისი მოწოდების შემდეგ. ამასთან, თავდაპირველად მოლაპარაკებების პირობად უკრაინა და ევროპული ქვეყნები ცეცხლის შეწყვეტას ასახელებდნენ.

1747128912

Weimar+ ჯგუფი: მივესალმებით აშშ-ის ძალისხმევას უკრაინაში მშვიდობის დასამყარებლად

Weimar+ ჯგუფის წარმომადგენლებმა ლონდონში გამართული შეხვედრის შემდეგ ერთობლივი განცხადება გაავრცელეს. დიდი ბრიტანეთის, საფრანგეთის, გერმანიის, იტალიის, პოლონეთის, ესპანეთისა და ევროკავშირის საგარეო საქმეთა მინისტრები, მიესალმებიან შეერთებული შტატების ძალისხმევას უკრაინაში მშვიდობის დასამყარებლად.როგორც განცხადებაშია აღნიშნული, ჯგუფის წევრები თანხმდებიან გააგრძელონ უკრაინის შეიარაღებული ძალების მხარდაჭერა, შეისწავლონ უკრაინისთვის უსაფრთხოების გარანტიების შესაძლებლობები და იმუშაონ ქვეყნის რეკონსტრუქციაზე.„მივესალმებით აშშ-ის ხელმძღვანელობით სამშვიდობო ძალისხმევას და მიმდინარე კვირაში შემდეგი მოლაპარაკებების პერსპექტივას. რუსეთმა ამ დრომდე არ გამოავლინა სერიოზული განზრახვა პროგრესის მისაღწევად. ეს დაუყოვნებლივ უნდა გააკეთოს. ჩვენ ვუერთდებით უკრაინას და მოვითხოვთ დაუყოვნებლივ, 30 დღით სრულ და უპირობო შეწყვეტას, რათა შეიქმნას სივრცე სამართლიანი, ყოვლისმომცველი და ხანგრძლივი მშვიდობის შესახებ მოლაპარაკებებისთვის“, - აღნიშნულია განცხადებაში.

1747125002

ვოლოდიმირ ზელენსკი რუსეთის წარმომადგენლებისგან მხოლოდ ვლადიმერ პუტინს შეხვდება - მიხაილ პოდოლიაკი

უკრაინის პრეზიდენტი ვოლოდიმირ ზელენსკი რუსეთის წარმომადგენლებისგან მხოლოდ ვლადიმერ პუტინს შეხვდება, – ამის შესახებ რუსეთის პრეზიდენტის ოფისის ხელმძღვანელის მრჩეველმა მიხაილ პოდოლიაკმა „იუთუბ-არხზე“ გადაცემა The Breakfast Show-ს ეთერში განაცხადა.შეკითხვაზე, შესაძლებელია თუ არა ზელენსკის შეხვედრა რუსეთის სხვა წარმომადგენლებთან, მაგალითად, პუტინის თანაშემწესთან, პოდოლიაკმა თქვა: „რა თქმა უნდა, არა“.„ომის გაგრძელებაზე ან შეჩერებაზე გადაწყვეტილების მიღება მხოლოდ პუტინს შეუძლია“, – განაცხადა უკრაინის პრეზიდენტის ოფისის წარმომადგენელმა.პოდოლიაკის თქმით, სხვა ფორმატში ნებისმიერი შეხვედრა უაზროა და მხოლოდ დროს გააჭიანურებს.გასული კვირის ბოლოს რუსეთის პრეზიდენტი ვლადიმერ პუტინი სტამბოლში 15 მაისს რუსეთ-უკრაინის პირდაპირი მოლაპარაკებების გამართვის წინადადებით გამოვიდა. აღნიშნულთან დაკავშირებით უკრაინის პრეზიდენტმა თქვა, რომ პირადად დაელოდება ვლადიმერ პუტინს თურქეთში 15 მაისს. ხუთშაბათს სტამბოლში ჩასვლას არ გამორიცხავს აშშ-ის პრეზიდენტი დონალდ ტრამპიც, რომელიც სპარსეთის ყურის ქვეყნებში ვიზიტით იმყოფება.

1747116488

აშშ-უკრაინის შეთანხმება იშვიათი წიაღისეულის შესახებ - ვოლოდიმირ ზელენსკიმ რატიფიცირების დოკუმენტს ხელი მოაწერა

უკრაინასა და ამერიკას შორის მინერალების შეთანხმების რატიფიცირების დოკუმენტს ხელი უკრაინის პრეზიდენტმა მოაწერა. ვოლოდიმირ ზელენსკის ხელმოწერამდე, შეთანხმება უმაღლესმა რადამ დაამტკიცა. დოკუმენტს მხარი 450 დეპუტატიდან 338-მა კანონმდებელმა დაუჭირა.შეგახსენებთ, იშვიათი წიაღისეულის შესახებ ამერიკისა და უკრაინის შეთანხმება ითვალისწინებს საერთო საინვესტიციო ფონდის შექმნას, რომელიც უკრაინის ბუნებრივი რესურსების განვითარების პროექტებში ამერიკის წვდომას უზრუნველყოფს.

1747079044

უკრაინა ყოველთვის მხარს უჭერდა დიპლომატიას - ვოლოდიმირ ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ მზადაა თურქეთში ჩასვლისთვის და რუსეთთან პირისპირ მოლაპარაკებებისთვის, თუმცა აღნიშნა, რომ მოსკოვისგან ჯერ პასუხი არ მიუღია აღნიშნულ წინადადებაზე.„უკრაინა ყოველთვის მხარს უჭერდა დიპლომატიას. მე მზად ვარ, ჩავიდე თურქეთში“, – განაცხადა ზელენსკიმ ყოველდღიურ ვიდეომიმართვაში.უკრაინის პრეზიდენტის თქმით, რუსეთი კვლავ აგრძელებს საომარ მოქმედებებს.„სამწუხაროდ, მსოფლიომ ჯერ კიდევ ვერ მიიღო მკაფიო პასუხი რუსეთისგან ცეცხლის შეწყვეტის წინადადებებზე. რუსული დაბომბვები და თავდასხმები გრძელდება. მოსკოვი მთელი დღის განმავლობაში დუმს პირისპირ შეხვედრის წინადადებასთან დაკავშირებით. ძალიან უცნაური დუმილია“, – აღნიშნა ზელენსკიმ.ვოლოდიმირ ზელენსკის განცხადებით, რუსეთს არ დარჩება სხვა გზა, გარდა იმისა, რომ დაასრულოს ეს ომი.„ასე თუ ისე, რუსეთს მოუწევს ამ ომის დასრულება და რაც უფრო მალე, მით უკეთესი“, – ამბობს უკრაინის პრეზიდენტი.უკრაინის პრეზიდენტმა ასევე აღნიშნა, რომ თურქეთის პრეზიდენტი მზადაა, უმასპინძლოს ამ შეხვედრას, ხოლო აშშ-ის პრეზიდენტის, დონალდ ტრამპის მხარდაჭერა მნიშვნელოვანია ამ პროცესისთვის.„მნიშვნელოვანია, რომ პრეზიდენტი ტრამპი სრულად უჭერს მხარს შეხვედრას და გვსურს, რომ მან გამონახოს შესაძლებლობა, ჩავიდეს თურქეთში“, – დასძინა უკრაინის ლიდერმა.

1746714134

უკრაინა რუსეთს ცეცხლის შეწყვეტის რეჟიმის დარღვევაში ადანაშაულებს

უკრაინის საგარეო უწყების ხელმძღვანელმა, ანდრეი სიბიგამ დაწერა, რომ რუსეთის პრეზიდენტის, ვლადიმერ პუტინის მიერ ომში გამოცხადებული პაუზა სიცრუეა და ფრონტის ხაზზე ოკუპანტის ჯარი შეტევებს განაგრძობს.„ახლახან ვესაუბრე უკრაინის სამხედრო ხელმძღვანელობას, რომელმაც ფრონტზე არსებული ვითარება გამაცნო. როგორც მოსალოდნელი იყო, პუტინის „სააღლუმო ზავი“ ფარსი აღმოჩნდა“, - დაწერა სიბიგამ.უკრაინის თავდაცვის უწყების მონაცემებით, ბოლო რამდენიმე საათში რუსეთმა 700 ჯერ დაარღვია ცეცხლის შეწყვეტის რეჟიმი და უკრაინულ პოზიციებზე 70 ზე მეტი შეტევა მიიტანა.

1746703503

მეუღლე და 2 მცირეწლოვანი შვილი დარჩა - უკრაინაში კიდევ ერთი ქართველი მებრძოლი დაიღუპა

უკრაინაში, დო­ნეც­კის ოლ­ქში ქა­ლაქ პაკ­როვ­სკის­თან დაიღუპა უფ­რო­სი სერ­ჟან­ტი 34 წლის თარ­ბეი (თაბო) არ­ქა­ნია.­ინფორმაციას არქანიას დაღუპვის შესახებ მისი მეგობარი გაგა კიკ­ნაძე ავრცელებს.არქანიების ოჯახი აფხაზეთიდანაა. არ­ქა­ნი­ას ოდე­სა­ში, 10 მა­ისს დაკ­რძა­ლა­ვენ. დაღუპულს მეუღლე და 2 მცირეწლოვანი შვილი დარჩა.

1746692525

უკრაინული მხარის ცნობით, უკრაინის თავდაცვის ძალებმა პოზიციები აღადგინეს ხარკოვის ოლქის სოფელ ლიპცისთან და 200 ჰექტარზე მეტი ფართობის ტერიტორიაზე კონტროლი დაიბრუნეს

უკრაინული მხარის ინფორმაციით, უკრაინის თავდაცვის ძალებმა ფართომასშტაბიანი ოპერაცია ჩაატარეს და პოზიციები აღადგინეს ხარკოვის ოლქის სოფელ ლიპცისთან. უკრაინის ძალებმა 200 ჰექტარზე მეტი ფართობის ტერიტორიაზე დაიბრუნეს კონტროლი. ამის შესახებ ინფორმაციას ანალიტიკური პროექტი DeepState ავრცელებს. აღნიშნულ ინფორმაციას უკრაინულ მედიასთან ადასტურებს უკრაინის ეროვნული გვარდიის ბრიგადა „ქარტიაც“.„უკრაინის ეროვნული გვარდიის მე-13 ბრიგადამ „ქარტიამ“, უკრაინის თავდაცვის ძალების სხვა დანაყოფებთან თანამშრომლობით, დაასრულა ფართომასშტაბიანი ოპერაცია ხარკოვის ოლქის ლიპცის ჩრდილოეთით ტყის მასივის გასათავისუფლებლად. დეოკუპირებული ტერიტორიის საერთო ფართობი 200 ჰექტარზე მეტია“, – აცხადებენ „ქარტიაში“.გავრცელებული ინფორმაციით, შეტევა ხუთ თვეზე მეტი გრძელდებოდა, რის შედეგადაც თავდაცვის ძალებმა შეძლეს რუსების განდევნა და ტაქტიკურად მნიშვნელოვან ტერიტორიაზე კონტროლის აღდგენა.უკრაინის ეროვნულ გვარდიაში აცხადებენ, რომ ოპერაციის მიმდინარეობისას რუსეთის მხარეს მოკლული და დაჭრილია 1500-მდე ჯარისკაცი. რუსეთმა დაკარგა 200 ერთეულზე მეტი იარაღი და 175 ერთეული სამხედრო ტექნიკა.

1746686212

რუსეთმა უკრაინაში დროებითი ზავი ცალმხრივად გამოაცხადა

რუსეთის შეიარაღებულმა ძალებმა უკრაინაში სამი დღით საბრძოლო მოქმედებები შეწყვიტა. ინფორმაციას რუსული მედია ავრცელებს.ცეცხლის დროებითი შეწყვეტის ინიციატივა რუსეთის პრეზიდენტს, ვლადიმერ პუტინს ეკუთვნის. მან ეს გადაწყვეტილება 9 მაისს ფაშიზმზე გამარჯვების მე-80 წლისთავის აღნიშვნის გამო მიიღო. თუმცა უკრაინის პრეზიდენტმა, ვოლოდიმირ ზელენსკიმ ეს წინადადება უარყო და რუსეთს სამთვიანი ზავის დადებისკენ მოუწოდა.პუტინის ინიციატივის თანახმად, დროებითი ზავი 8 მაისს, 00:00 საათზე ამოქმედდა და 11 მაისის 00:00 საათამდე გაგრძელდება. როგორც რუსული მხარე იტყობინება, თუ დროის ამ მონაკვეთში უკრაინის შეიარაღებული ძალები ცეცხლს გახსნიან, რუსეთი მათ უპასუხებს.

1746597836

რუსეთის მიერ კიევზე წუხელ განხორციელებული სარაკეტო იერიშის შედეგად ორი ადამიანი დაიღუპა

რუსეთმა სარაკეტო იერიში მიიტანა უკრაინის დედაქალაქზე, რის შედეგადაც ორი ადამიანი დაიღუპა, რვა კი დაშავდა, მათ შორის ოთხი მცირეწლოვანი ბავშვი.უკრაინის საგანგებო სიტუაციების სამსახურის ცნობით, სამაშველო სამუშაოები მიმდინარეობს სვიატოშინსკის, სოლომენსკის, შევჩენკოვსკისა და დნეპროვსკის რაიონებში.სვიატოშინსკის რაიონში დრონის ფრაგმენტები საცხოვრებელ კორპუსს მოხვდა, რის შედეგადაც ხანძარი გაჩნდა.შევჩენკოვსკის რაიონში უპილოტო საფრენი აპარატის ნამსხვრევები ხუთსართულიან საცხოვრებელ სახლს დაეცა. შედეგად ხანძარი გაჩნდა.

1746545433

უკრაინამ და რუსეთმა სამხედრო ტყვეების მასშტაბური გაცვლა განახორციელეს

უკრაინამ და რუსეთმა სამხედრო ტყვეების მასშტაბური გაცვლა განახორციელეს. ინფორმაციას ამის შესახებ უკრაინული მედია ავრცელებს.რუსული ტყვეობიდან 205 უკრაინელი მებრძოლი სამშობლოში დაბრუნდა.„დღეს უკრაინამ 205 ჯარისკაცი დააბრუნა. ახალგაზრდა ბიჭები და ზრდასრული მამაკაცები სამხედრო ძალების თითქმის ყველა სახეობიდან და შტოდან. მარიუპოლის დამცველები და ფრონტის ხაზის დამცველები“, - ხაზგასმით აღნიშნა ვოლოდიმირ ზელენსკიმ.

1746532515

ალექსანდრ სირსკი - პოკროვსკის მიმართულება ფრონტის ერთ-ერთი ყველაზე რთული მონაკვეთია, თუმცა მოვახერხეთ ამ ოპერატიულ ზონაში ვითარების სტაბილიზაცია

უკრაინის შეიარაღებული ძალების მთავარსარდალი, გენერალი ალექსანდრ სირსკი ამბობს, რომ თავდაცვის ძალებმა დონეცკის ოლქის პოკროვსკის მიმართულებით ვითარების სტაბილიზაცია შეძლეს და ზოგიერთ მონაკვეთზე ტაქტიკური ინიციატივაც მოიპოვეს. ამის შესახებს სირსკი სოციალურ ქსელში წერს.„პოკროვსკის მიმართულება რუსეთ-უკრაინის ომის ფრონტის ერთ-ერთი ყველაზე რთული მონაკვეთია, თუმცა თავდაცვის ძალების ჯარისკაცების გამბედაობისა და ოსტატური მოქმედებების წყალობით, ჩვენ მოვახერხეთ დონეცკის რეგიონის ამ ოპერატიულ ზონაში სიტუაციის სტაბილიზაცია და ზოგან ტაქტიკური ინიციატივის ხელში ჩაგდება“, – წერს სირსკი.უკრაინის შეიარაღებული ძალების გენშტაბის ცნობით, 5 მაისს 24 საათის განმავლობაში უკრაინის ძალებმა აგრესორის 78 შეტევა შეაჩერეს.