1752587212

FT: ტრამპმა ზელენსკი რუსეთის სიღრმეში იერიშების მიტანისკენ წააქეზა, მათ შორის, მოსკოვზე

გამოცემა Financial Times საკითხზე ინფორმირებულ წყაროებზე დაყრდნობით წერს, რომ აშშ-ს პრეზიდენტმა დონალდ ტრამპმა უკრაინის პრეზიდენტი, ვოლოდიმირ ზელენსკი რუსეთის სიღრმეში იერიშების მიტანისკენ წააქეზა, მათ შორის, მოსკოვსა და სანქტ-პეტერბურგზეც."ვოლოდიმირ, შეგიძლიათ მოსკოვს დაარტყათ? სანქტ-პეტერბურგსაც?" ციტირებენ ტრამპს წყაროებზე დაყრდნობით. ზელენსკიმ კი უპასუხა: "აბსოლუტურად. შეგვიძლია, თუ იარაღს მოგვცემთ."ტრამპსა და ზელენსკის შორის გამართულ ზარზე ინფორმირებული ორი წყაროს თქმით, ტრამპმა მიანიშნა, რომ რუსეთის სიღრმეში იერიშებს ემხრობა. მისი თქმით, ამ სტრატეგიის მიზანია, რომ "მათ [რუსებმა] ტკივილი იგრძნონ," რათა კრემლი მოლაპარაკებების მაგიდასთან მოვიდეს.მანამდე მსგავსი შინაარსის შემცველი ინფორმაცია Washington Post-ის მოსაზრებების სვეტში დევიდ იგნატიუსმაც გაავრცელა. წყაროებზე დაყრდნობით იგნატიუსი წერს, რომ ტრამპმა ესკალაცია სამი მიზეზის გამო გადაწყვიტა. პირველი, მას სჯერა, რომ პუტინი მის მიმართ უპატივცემულობას იჩენს, თავს აჩვენებს, თითქოს მშვიდობა სურს მაგრამ უგულებელყოფს ტრამპის მოწოდებებს ცეცხლის შეწყვეტისკენ. მეორე, მან დაინახა აშშ-ს სამხედრო ძალის ეფექტურობა ირანის წინააღმდეგ, როცა ამერიკამ B-2 ბომბდამშენების მეშვეობით ირანის ბირთვული პროგრამა დაბომბა და მესამე, ის ფიქრობს, რომ პუტინი მხოლოდ იმ შემთხვევაში დაიწყებს მოლაპარაკებებს, თუკი მას უფრო ძლიერი ძალა დაემუქრება

1752564540

რუსულმა ძალებმა სუმის ოლქში საავადმყოფოს შენობა დაბომბეს

რუსულმა ძალებმა სუმის ოლქში საავადმყოფოს შენობაზე იერიში მიიტანეს.როგორც უკრაინული მედია იტყობინება, ასევე, დაზიანდა 11 საცხოვრებელი კორპუსი და 10-ზე მეტი კერძო სახლი. დაშავდა 14 წლის გოგო, რომელმაც თავშესაფრის საძებნელად გაქცევისას დაზიანებები მინის ნამსხვრევებისგან მიიღო.„დაახლოებით ღამის 1-ელ საათზე რუსულმა ჯარებმა სუმის ოლქში, შოსტკაზე სამი სარაკეტო დარტყმა განახორციელეს. ერთ-ერთი სამიზნე სამედიცინო დაწესებულება იყო, სადაც ხანძარი გაჩნდა,“ - წერს უკრაინული მედია. 

1752491244

რუსეთის მიერ უკრაინაში იერიშის შედეგად, სულ მცირე, ექვსი მშვიდობიანი მოქალაქე დაიღუპა, არიან დაშავებულებიც

რუსეთის მიერ უკრაინაში იერიშის შედეგად ბოლო 24 საათში, სულ მცირე, ექვსი მშვიდობიანი მოქალაქე დაიღუპა.გავრცელებული ინფორმაციით, სამი ადამიანი დაიღუპა სუმის ოლქში, ხოლო ათი დაშავდა.ამასთან, რუსეთმა დონეცკში თავდასხმა განახორციელა საცხოვრებელ კორპუსებსა და ადმინისტრაციული შენობებზე, რასაც ორი მშვიდობიანი მოქალაქე ემსხვერპლა, შვიდი კი დაშავდა.თავდასხმის შედეგად ერთი ადამიანი დაიღუპა ხერსონში, ექვსი დაშავდა, დნეპროპეტროვსკზე იერიშის შედეგად კი სამი მშვიდობიანი მოქალაქეა დაშავებული.საჰაერო თავდასხმები განხორციელდა ხარკოვის საცხოვრებელ ტერიტორიაზეც, რის შედეგადაც სამი მშვიდობიანი მოქალაქე დაშავდა. ამასთან, ერთი ადამიანი დაშავდა ზაპოროჟიეში.

1752479099

ტრამპმა განაცხადა, რომ აშშ უკრაინას Patriot-ის კომპლექსებს გაუგზავნის

დონალდ ტრამპის განცხადებით, შეერთებული შტატები, უკრაინას პატრიოტის ტიპის საზენიტო სარაკეტო კომპლექსებს გაუგზავნის. ამერიკის პრეზიდენტს არ დაუკონკრეტებია როდის და რამდენ სისტემას მიაწვდის კიევს.„ჯერ არ შემითანხმებია რაოდენობა, მაგრამ კიევი მიიღებს Patriot-ის სისტემებს. ისინი უკრაინას თავდაცვისთვის სჭირდება, რადგანაც პუტინის ქმედებები ბევრს აკვირვებს. დღისით ლამაზად საუბრობს, საღამოს კი უკრაინას ბომბავს. ეს პრობლემაა და მე ეს არ მომწონს“, განუცხადა ტრამპმა ჟურნალისტებს.ამერიკული სამხედრო დახმარების დეტალებს დღეს ვოლოდიმირ ზელენსკი და კიტ კელოგი შეათანხმებენ. შტატების პრეზიდენტის სპეციალური წარმომადგენელი კიევში დღეს ჩავა.

1752401770

რუსეთმა ლვოვზე მასიური ავიადარტყმები განახორციელა - დაზიანდა 46 საცხოვრებელი სახლი და უნივერსიტეტის შენობა

უკრაინაში ომი გრძელდება - რუსეთმა მასიური ავიადარტყმები ლვოვზე განახორციელა. თავდასხმის შედეგად, დაზიანდა 46 საცხოვრებელი სახლი და უნივერსიტეტის შენობა.შეიარაღებული ძალების შეფასებით, ხანძრების დიდი ნაწილი დროულად კონტროლირდება.

1752300379

ზელენსკიმ უკრაინაში ამერიკული იარაღის მიწოდების განახლების შესახებ განაცხადა

უკრაინის პრეზიდენტმა ვოლოდიმირ ზელენსკიმ განაცხადა, რომ ქვეყანაში აშშ-დან იარაღის მიწოდება განახლებულია.„გვაქვს უმაღლესი დონის პოლიტიკური სიგნალები - კარგი სიგნალები, განსაკუთრებით ამერიკის შეერთებული შტატებისგან, ჩვენი ევროპელი მეგობრებისგან. მოწოდება განახლებულია“, - აღნიშნა მან ღამის ტრადიციული მიმართვის დროს და დასძინა, რომ მზადდება „თავდაცვის ახალი, ევროპული პაკეტები“.უკრაინაში ამერიკული იარაღის მიწოდების განახლების შესახებ ინფორმაცია მედიამ 10 ივლისს გაავრცელა.1 ივლისს ცნობილი გახდა, რომ ვაშინგტონმა კიევში გარკვეული ტიპის იარაღის მიწოდება შეაჩერა, თუმცა ერთ კვირაში აშშ-ის პრეზიდენტმა დონალდ ტრამპმა განაცხადა, რომ უკრაინას დამატებით იარაღს მიაწვდის.

1752239460

კიტ კელოგი უკრაინაში 14 ივლისს ჩავა

აშშ-ის პრეზიდენტის სპეციალური წარმომადგენელი კიტ კელოგი უკრაინაში 14 ივლისს ჩავა. ამის შესახებ უკრაინული მედია კიტ კელოგზე დაყრდნობით წერს.როგორც კიტ კელოგმა აღნიშნა, ვიზიტი ერთ კვირას გაგრძელდება.„ჩვენ კიევში ორშაბათს ვიქნებით, იქ ერთი კვირის განმავლობაში ვიქნებით“, – განაცხადა კიტ კელოგმა.ამასთან, როგორც ცნობილია, აშშ-მა პირველად მიიღო მონაწილეობა 10 ივლისს „მსურველთა კოალიციის“ შეხვვედრაში, რომელსაც კიტ კელოგის გარდა, ესწრებოდნენ სენატორები – ლინდსი გრემი და რიჩარდ ბლუმენტალიც.

1752215213

ხარკოვზე „შაჰედებით“ თავდასხმის შედეგად ცხრა ადამიანი დაშავდა, დაზიანებულია საცხოვრებელი კორპუსები და სამედიცინო დაწესებულება

რუსმა სამხედროებმა დილით ხარკოვს შეუტიეს. როგორც უკრაინული მედია წერს, თავდასხმისას რუსულმა მხარემ „შაჰედები“ გამოიყენა, რის შედეგადაც ცხრა ადამიანი დაშავდა.დაშავებულები ადგილობრივ საავადმყოფოში არიან გადაყვანილები.ამასთან, დაზიანებულია საცხოვრებელი კორპუსები და სამედიცინო დაწესებულება. ხარკოვის მერის ინფორმაციით, დაზიანდა სამშობიარო, სადაც ქალები ახალშობილებთან ერთად იმყოფებოდნენ.თავდასხმების შედეგად გაჩენილი ხანძარი 20 კვადრატულ მეტრის ფართობზე გავრცელდა.იერიშების სამიზნე გახდა დნეპროპეტროვსკის ოლქიც. დაზიანდა ადმინისტრაციული შენობა და ელექტროგადამცემი ხაზი.

1752157440

უკრაინის პრემიერი: უკრაინის ხელისუფლების შეფასებით, ქვეყნის აღდგენა და მოდერნიზაცია 14 წლის განმავლობაში 1 ტრილიონი დოლარი დაჯდება

უკრაინის პრემიერ-მინისტრმა, დენის შმიგალმა განაცხადა, რომ უკრაინის ხელისუფლების შეფასებით, ქვეყნის აღდგენა და მოდერნიზაცია 14 წლის განმავლობაში 1 ტრილიონი დოლარი დაჯდება.მან აღნიშნა, რომ მთავრობის კონცეფცია 1 ტრილიონი დოლარის ოდენობის ორი ფონდის შექმნას ითვალისწინებს.„პირველი არის „ფონდი უკრაინა“ 540 მილიარდი დოლარის ოდენობით, რადგანაც მსოფლიო ბანკის შეფასებით, სწორედ ამდენი დაჯდება უკრაინის აღდგენა. ეს ფონდი დაფინანსდება კონფისკებული რუსული აქტივებით, ასევე რუსული ნედლეულის ექსპორტზე დაწესებული სპეციალური გადასახადით“, - აღნიშნა უკრაინის მთავრობის მეთაურმა.მეორე ფონდი არის ევროპული სტრუქტურული ფონდი უკრაინის მხარდასაჭერად 460 მილიარდი დოლარის ოდენობით.პრემიერის თქმით, ეს იქნება პლატფორმა ევროპული კერძო სექტორის ინვესტიციებისთვის უკრაინულ წარმოებაში.

1752143262

უკრაინული მედიის ინფორმაციით, კიევში სროლის შედეგად უკრაინის უსაფრთხოების სამსახურის პოლკოვნიკი ივან ვორონიჩი მოკლეს

უკრაინული მედიის ცნობით, 10 ივლისს, დილით პოლიციამ კიევის გოლოსევკის რაიონში აღმოაჩინა მამაკაცის ცხედარი, რომელსაც ცეცხსალსროლი იარღით აქვს მიყენებული ჭრილობა.როგორც „უკრაინსკაია პრავდა“ საკუთარ წყაროებზე დაყრდნობით წერს, მოკლული უკრაინის უსაფრთოხების სამსახურის პოლოკოვნიკი ივან ვორონიჩია.წყაროს ცნობით, ბოროტმოქმედი ივან ვორონიჩს ჩაუსაფრდა და ხუთჯერ ერსოლა, რის შემდეგაც მიიმალა. ყოფილი მზვერავი რომან ჩერვინსკი და უკრაინის უმაღლესი რადას ყოფილი დეპუტატი იგორ მოსიიჩუკი ადასტურებენ, რომ მოკლული უკრაინის უსაფრთხოების სამსახურის პოლკოვნიკი ივან ვორონიჩია.ჩერვინსკის ინფორმაციით, ვორონიჩი „2014 წლიდან ებრძოდა მტერს და ერთ-ერთია მათ შორის, რომელმაც უკრაინის უაფრთხოების სამსახურში შექმნა მიმართულება, რომელიც დღეს ბევრ პრობლემას უქმნის რუსეთის ფედერაციას“.

1752137203

ზელენსკი: უკრაინაზე კომბინირებული თავდასხმისას რუსეთმა 18 რაკეტა და 400-მდე უპილოტო აპარატი გამოიყენა, ასეთ თავდასხმებს მკაცრი პასუხი უნდა გაეცეს, ზუსტად ასე ვუპასუხებთ ჩვენც

უკრაინაზე კომბინირებული თავდასხმის დროს, რომელიც თითქმის ათი საათი გრძელდებოდა, რუსეთმა 18 რაკეტა და 400-მდე უპილოტო აპარატი გამოიყენა.უკრაინის პრეზიდენტის, ვოლოდიმირ ზელენსკის განცხადებით, თავდასხმის მთავარი სამიზნე კიევი და მისი რეგიონი იყო, ასევე დარტყმები განხორციელდა ჩერნიგოვის, სუმის, პოლტავის, კიროვოგრადისა და ხარკოვის ოლქებში.„ეს ნიშნავს, რომ საჭიროა დაჩქარება. ჩვენ უფრო სწრაფად უნდა ვიმოქმედოთ სანქციების კუთხით და რუსეთზე ზეწოლა მოვახდინოთ, რათა მათ იგრძნონ თავიანთი ტერორის შედეგები. პარტნიორებმა უფრო სწრაფად უნდა იმოქმედონ იარაღის წარმოებასა და ტექნოლოგიების განვითარებაში ინვესტიციების კუთხით. რუსეთის ასეთ თავდასხმებს მკაცრი პასუხი უნდა გაეცეს. ზუსტად ასე ვუპასუხებთ ჩვენც“, – აღნიშნა ვოლოდიმირ ზელენსკიმ.უკრაინის შეიარაღებული ძალების საჰაერო ძალების სარდლობის ცნობით, 10 ივლისის ღამეს რუსეთის ფედერაციამ უკრაინას 415 საჰაერო თავდასხმის საშუალებით შეუტია, რომელთაგან 178 ჩამოაგდეს, ხოლო 204 ადგილობრივად დაიკარგა ან ჩაახშეს.

1752129573

რუსეთმა კიევზე მასიური იერიში მიიტანა

რუსეთმა კიევს დრონებითა და რაკეტებით მასიურად დაარტყა.როგორც კიევის საქალაქო სამხედრო ადმინისტრაციის ხელმძღვანელმა, თემურ ტკაჩენკომ განაცხადა, დაიღუპა 2 ადამიანი, 13 კი დაშავდა. უკრაინის დედაქალაქის ექვს რაიონში „იწვის საცხოვრებელი სახლები, ავტომობილები, საწყობები, საოფისე შენობები“.ტკაჩენკომ ასევე დაწერა, რომ კიევში ჰაერის დაბინძურების დონე ამაღლებულია. მან მოუწოდა დედაქალაქის მცხოვრებლებს, არ გააღონ ფანჯრები. კიევის ოლქში რუსების თავდასხმა თითქმის 10 საათს გაგრძელდა, როგორც ადგილობრივი ხელისუფლება იუწყება, დაშავდა ერთი ადამიანი.