1758024418

რუსეთის ძალებმა ხარკოვში, სასწავლო დაწესებულებაზე დრონით იერიში განახორციელეს, დაშავებულია სამი ადამიანი

რუსეთის ძალებმა ხარკოვში, სასწავლო დაწესებულებაზე დრონით იერიში განახორციელეს. ხარკოვის მერის, იგორ ტერეხოვის განცხადებით, დაშავებულია სამი ადამიანი.უკრაინის საზოგადოებრივი მაუწყებლის ცნობით, საოკუპაციო ძალებმა იერიში მიიტანეს ხარკოვის ფარმაცევტული უნივერსიტეტის ადმინისტრაციულ შენობაზე.უკრაინის საგანგებო სიტუაციების სახელმწიფო სამსახურის ინფორმაციით, იერიშის შედეგად დაზიანებულია სასწავლო დაწესებულების სახურავი, ხანძარი გაჩნდა 150 კვადრატული მეტრის ფართობზე.ამასთან, საოლქო პროკურატურამ დრონით დარტყმის ვიდეოკადრები გამოაქვეყნა.

1757699040

ზელენსკი: პუტინის მიზანი მთელი უკრაინის ოკუპაციაა

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთის პრეზიდენტმა, ვლადიმირ პუტინმა, „თავისი ომის მანქანა ისე აამუშავა, რომ ახლა მისი შეჩერება უკვე აღარ შეუძლია“.„პუტინის მიზანი მთელი უკრაინის ოკუპაციაა. რასაც არ უნდა ეუბნებოდეს ვინმეს, გასაგებია: მან თავისი ომის მანქანა ისე აამუშავა, რომ უბრალოდ ვერ შეძლებს მის შეჩერებას, თუ არ ვაიძულებთ, რომ მან შეცვალოს თავისი მიზნები, მისი პირადი მიზნები ფუნდამენტურად შეიცვალოს“, - აღნიშნა უკრაინის სახელმწიფოს მეთაურმა.

1757689680

ზელენსკი: უკრაინა ტერიტორიულ დათმობებზე არ წავა, ეს ვლადიმირ პუტინს არანაირად არ შეაჩერებს

უკრაინა ტერიტორიულ დათმობებზე არ წავა, ეს ვლადიმირ პუტინს არანაირად არ შეაჩერებს, - განაცხადა უკრაინის პრეზიდენტმა, ვოლოდიმირ ზელენსკიმ.ზელენსკიმ ხაზგასმით აღნიშნა, რომ უკრაინის უსაფრთხოების გარანტიები, ფაქტობრივად, მთელი ევროპის უსაფრთხოების გარანტიებია.„როდესაც ჩვენ ვსაუბრობთ უკრაინაში უსაფრთხოების გარანტიებზე, სინამდვილეში ეს არის უსაფრთხოების გარანტიები მთელი ევროპისთვის. ეს უკვე აშკარა რამაა. ახლა უკვე ბანალურიც კი“, - განაცხადა მან.„ჩვენ უნდა ვიპოვოთ ჩინეთზე გავლენის მოხდენის გზა, რათა მათ გამოიყენონ საკუთარი გავლენა რუსეთზე ომის დასასრულებლად“, - დასძინა მან.

1757492425

დონეცკის ოლქის სოფელ იაროვაიაზე რუსეთის იერიშის შედეგად დაღუპულთა რაოდენობა 25-მდე გაიზარდა, დაშავებულია 18 ადამიანი

დონეცკის ოლქის სოფელ იაროვაიაზე რუსეთის გუშინდელი იერიშის შედეგად დაღუპულთა რაოდენობა 25-მდე გაიზარდა, დაშავებულია 18 ადამიანი. შესაბამის ინფორმაციას დონეცკის სამხედრო საოლქო ადმინისტრაციის ხელმძღვანელი, ვადიმ ფილაშინი ავრცელებს.რუსეთმა საავიაციო ბომბით მაშინ განახორციელა დარტყმა დასახლებაზე, როდესაც ადგილობრივ მცხოვრებლებს უკრაინის ფოსტის თანამშრომლები პენსიას ურიგებდნენ. ფილაშინის ინფორმაციით, დაშავებულია ფოსტის ავტომობილი.ასევე, რუსეთის იერიშის შედეგად სლავიანსკში დაზიანებულია 15 კერძო სახლი, არასაცხოვრებელი ნაგებობა და სამრეწველო ზონა. კრამატორსკში დაზიანებულია 18 მრავალსართულიანი შენობა, ოთხი ადმინისტრაციული დაწესებულება, მაღაზია, კაფე და ორი ავტომობილი. დასახლება სემენოვკაში დაღუპულია ერთი ადამიანი და დაზიანებულია კერძო სახლი. კონსტანტინოვკაში რუსეთის თავდასხმას ორი ადამიანი ემსხვერპლა, ორი ადამიანი კი დაშავდა.

1757223330

კიევზე მიტანილი იერიშის შედეგად უკრაინის დედაქალაქში მინისტრთა კაბინეტის შენობა იწვის - რას წერს კიევის მერი

რუსეთის მიერ კიევზე მიტანილი იერიშის შედეგად უკრაინის დედაქალაქში მინისტრთა კაბინეტის შენობა იწვის. დრონის ნამსხვრევების ჩამოვარდნის გამო, უკრაინის მინისტრთა კაბინეტის შენობაში ხანძარი გაჩნდა. ინფორმაციას კიევის მერი ავრცელებს.„პეჩორის რაიონში, სავარაუდოდ, უპილოტოს ჩამოგდების შედეგად, მთავრობის შენობაში ხანძარი გაჩნდა. მეხანძრეები ადგილზე მუშაობენ“, – წერს კლიჩკო.კლიჩკოს თქმით, ხანძარია ასევე კიევის სვიატოშინის რაიონში საწყობების შენობებში. იქაც საგანგებო სამსახურები მუშაობენ.ცნობისთვის, ღამის განმავლობაში რუსეთმა მორიგი მასშტაბური საჰაერო იერიში მიიტანა უკრაინის ტერიტორიაზე. სამიზნე იყო კიევი, ოდესა, დნიპრო, ზაპოროჟიე, კრივოი როგი.

1757222890

რუსეთმა მასშტაბური საჰაერო შეტევა განახორციელა უკრაინაზე - არიან დაღუპულები

რუსეთის მიერ კიევზე დრონებით მიტანილი იერიშის შედეგად სულ მცირე 3 ადამიანი დაიღუპა - 2 ქალი და 1 წლამდე ბავშვი. ინფორმაციას უკრაინის დედაქალაქის მერი ვიტალი კლიჩკო ავრცელებს. მასობრივი შეტევის გამო ქალაქში სულ მცირე 13 ადამიანი დაშავდა.ვრცელდება ვიდეო, რომელზე ჩანს უკრაინის ერთ-ერთი სამთავრობო შენობიდან მომავალი კვამლი - ოფიციალურ კიევს ამ თემაზე კომენტარი არ გაუკეთებია, თუმცა კლიჩკომ „სავარაუდოდ დრონის ჩამოგდების შედეგად, სამთავრობო შენობაში აალების“ შესახებ დაწერა.იერიში უკრაინის სხვა რეგიონებზეც განხორციელდა.

1757160659

პუტინს შეუძლია კიევში ჩამოსვლა - ზელენსკი

უკრაინის პრეზიდენტი, ვოლოდიმირ ზელენსკი რუსეთის პრეზიდენტის, ვლადიმირ პუტინის წინადადებას მოსკოვში მოლაპარაკებების გამართვასთან დაკავშირებით პირველად გამოეხმაურა.როგორც მან ABC News-ისთვის მიცემულ ინტერვიუში განაცხადა, ის არ ჩავა მოსკოვში, თუმცა პუტინს კიევში ჩასვლა შესთავაზა.„მას შეუძლია კიევში ჩამოსვლა. მე ვერ წავალ მოსკოვში, როდესაც ჩემი ქვეყანა ყოველდღიურად რაკეტებისა და თავდასხმების ქვეშაა. მე ვერ წავალ ამ ტერორისტის დედაქალაქში“, - განაცხადა ზელენსკიმ და დასძინა, რომ პუტინს „ესმის ეს“.

1757000460

ზელენსკიმ განაცხადა, რომ 26 ქვეყანა შეთანხმდა უკრაინისთვის უსაფრთხოების გარანტიების მინიჭებაზე

საფრანგეთის დედაქალაქში გამართულ „მსურველთა კოალიციის“ შეხვედრის შემდეგ, უკრაინის პრეზიდენტმა, ვოლოდიმირ ზელენსკიმ განაცხადა, რომ 26 ქვეყანა შეთანხმდა უკრაინისთვის უსაფრთხოების გარანტიების მინიჭებაზე.ემანუელ მაკრონთან ერთად გამართულ პრესკონფერენციაზე, ზელენსკიმ აღნიშნული ნაბიჯი შეაფასა, როგორც „პირველი სერიოზული და კონკრეტული წინსვლა დიდი ხნის განმავლობაში“.ჟურნალისტებთან საუბარში უკრაინის ლიდერმა კიდევ ერთხელ ხაზგასმით აღნიშნა, რომ ვლადიმირ პუტინთან შეხვედრა „აუცილებელია“ და ეს „სიამოვნების საკითხი კი არა, საჭიროებაა“.მისი თქმით, უკრაინა მზად არის ნებისმიერი ფორმატის შეხვედრისთვის, მაგრამ რუსეთი „ყველაფერს აკეთებს მოლაპარაკებების გასაჭიანურებლად“.ზელენსკიმ პუტინის მიერ მასთან მოსკოვში შეხვედრის შეთავაზებაც შეაფასა, როგორც „საუკეთესო გზა მოლაპარაკებების ჩასაშლელად“. მან დასძინა, რომ ამ ეტაპზე რუსეთის მხრიდან ომის დასრულების სურვილი არ შეინიშნება.

1756997280

ზელენსკი: უკრაინისთვის უსაფრთხოების მთავარი გარანტია მისი არმიის გაძლიერებაა

უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინისთვის უსაფრთხოების მთავარი გარანტია მისი საკუთარი არმიის გაძლიერება და სამხედრო წარმოების სიმძლავრეების გაზრდაა. ამის შესახებ მან პარიზში, „მსურველთა კოალიციის“ შეხვედრის შემდეგ ჟურნალისტებს განუცხადა.ზელენსკის თქმით, უკრაინისთვის უსაფრთხოების გარანტიების შესახებ შეთანხმებების სტრუქტურა ამ ეტაპზე ვერ გაცხადდება, თუმცა მან მთავარი პრიორიტეტები დაასახელა.„ამ შეთანხმებების სტრუქტურა უსაფრთხოების გარანტიების შესახებ ამჟამად ვერ გამჟღავნდება. მთავარი საყრდენი უკრაინის არმიის გაძლიერება და შეიარაღების წარმოების შესაძლებლობების გაზრდაა“, - განაცხადა უკრაინის პრეზიდენტმა.მან ასევე აღნიშნა, რომ ერთ-ერთი მნიშვნელოვანი ვალდებულება უკრაინული არმიის შესაძლებლობების შეუზღუდაობაა.ზელენსკიმ არ დააკონკრეტა ციფრები, თუმცა აღნიშნა, რომ მიმდინარეობს უკრაინაში უცხოური კონტინგენტის შესაძლებლობების შეფასება.

1756992884

ჩერნიგოვში რუსეთის არმიამ გამნაღმველი ჰუმანიტარული მისიის თანამშრომლებზე სარაკეტო დარტყმა განახორციელა

ჩერნიგოვში რუსეთის არმიამ გამნაღმველი ჰუმანიტარული მისიის თანამშრომლებზე სარაკეტო დარტყმა განახორციელა. დაღუპულია ერთი და დაშავებულია ორი ადამიანი.ინფორმაციას ამის შესახებ ჩერნიგოვის სამხედრო საქალაქო ადმინისტრაციის უფროსი დმიტრი ბრიჟინსკი ავრცელებს.ბრიჟინკის ცნობით, რაკეტა ჩერნიგოვში ერთ-ერთ ბლოკპოსტთან ჩამოვარდა, სადაც გამნაღმველი მისიის თანამშრომლები განაღმვით სამუშაოებს აწარმოებდნენ.

1756963380

რუსეთის სამიზნე გასულ ღამით ქალაქი კონსტანტინოვკა გახდა, ოკუპანტებმა საარტილერიო ცეცხლი საცხოვრებელ უბნებს გაუხსნეს - დაიღუპა 9 ადამიანი

რუსეთის სამიზნე გასულ ღამით დონეცკის ოლქში მდებარე ქალაქი კონსტანტინოვკა გახდა. ოკუპანტებმა საცხოვრებელ უბნებს საარტილერიო ცეცხლი გაუხსნეს - დაიღუპა 9, დაშავებულია 7 ადამიანი. განადგურებულია მრავალსართულიანი შენობები, კერძო საცხოვრებელი სახლი და სავაჭრო ობიექტები.მთავრობა მოქალაქეებს ევაკუაციისკენ მოუწოდებს.უკრაინის შეიარაღებული ძალების ინფორმაციით, ღამით, ქვეყნის ქალაქებისა და დასახლებების მიმართულებით, რუსეთის ძალებმა ასობით დრონი და ათობით რაკეტა გაუშვეს.მასირებული კომბინირებული დარტყმა იყო ქვეყნის დასავლეთით მდებარე რეგიონებზე. აფეთქებებია კიროვოგრადის, ჩერნიგოვის და კიევის ოლქებში.

1756791774

რუსეთის ძალებმა გასულ ღამეს კიევის, სუმისა და ოდესის ოლქის ქალაქებზე საჰაერო თავდასხმა განახორციელეს

რუსეთის ძალებმა ღამით უკრაინაზე იერიში მიიტანეს. კიევის ოლქის ქალაქ ბილა-ცერკვაზე დრონით თავდასხმის შედეგად დაღუპულია ერთი ადამიანი, არიან დაშავებულები. ამის შესახებ ინფორმაციას ადგილობრივი ხელისუფლება ავრცელებს. დაზიანებულია საცხოვრებელი სახლები.„ქალაქში დაფიქსირებულია მრავალსართულიანი სახლების შემინვის დაზიანებები, ხანძარი ავტოფარეხის კოოპერატივის, სავაჭრო და სამრეწველო საწარმოების ტერიტორიებზე,” – განაცხადა კიევის საოლქი ადმინისტრაციის ხელმძღვანელმა, ნიკოლაი კალაშნიკმა.ღამით რუსეთის ძალებმა ასევე დარტყმები განახორციელეს სუმიზე. არიან დაშავებულები. ქალაქ სუმის მერის მოვალეობის შემსრულებლის, არტემ კობზარის ცნობით, უპილოტო აპარატით დარტყმა განხორციელდა საბავშვო ბაღის გვერდით მდებარე არასაცხოვრებელ ნაგებობაზე. არიან დაშავებულები, მათ შორის ერთი ბავშვი. დაზიანებულია ოთხი საცხოვრებელი სახლი.საოკუპაციო ძალებმა ასევე დაბომბეს პორტისპირა ინფრასტრუქტურა ოდესის ოლქის იზმაილის რაიონში. დარტყმის შედეგად გაჩნდა ხანძარი. რაიონულ ადმინისტრაციაში განაცხადეს, რომ ხანძარი დროულად ლიკვიდირებულია.