1788631119

აჭარის მთავრობის თავმჯდომარემ საინვესტიციო ფორუმზე ბიზნესსექტორის წარმომადგენლებს კურორტ გოდერძის საინვესტიციო პოტენციალი გააცნო

კურორტ გოდერძიზე საინვესტიციო კონფერენცია გაიმართა, რომლის მიზანს კურორტზე ახალი ინვესტიციების მოზიდვა და გოდერძის ოთხსეზონიან განვითარებაში ბიზნესსექტორის ჩართულობის გაზრდა წარმოადგენდა.ბიზნესფორუმზე აჭარის მთავრობის თავმჯდომარემ ზურაბ პატარაძემ, სახელმწიფოს, ბიზნესისა და საბანკო სექტორის თანამშრომლობით აჭარის მაღალმთიანეთის პოტენციალის სრულად ათვისების მნიშვნელობაზე ისაუბრა და აღნიშნა, რომ გოდერძი ეტაპობრივად გარდაიქმნა თანამედროვე, სრულფასოვან ოთხსეზონიან კურორტად, განვითარებული ინფრასტრუქტურა კი, მაღალმთიან აჭარაში ახალი საინვესტიციო პროექტების განხორციელებისთვის კიდევ უფრო მიმზიდველ გარემოს ქმნის.,,სულ უფრო მეტი ვიზიტორი, ინვესტორი და ბიზნესსექტორის წარმომადგენელი ინტერესდება მაღალმთიანი აჭარით, ჩვენი რეგიონის პოტენციალით და შესაძლებლობებით. სწორედ ამ მზარდი ინტერესის ფონზე, დღეს პირველად ვმართავთ საინვესტიციო ფორუმს კურორტ გოდერძიზე, რომელშიც 70-მდე სტუმარი მონაწილეობს, მათ შორის არიან მეზობელი ქვეყნებიდან ჩამოსული ინვესტორები და ბიზნესსექტორის წარმომადგენლები. ეს გვაძლევს შესაძლებლობას, მათ გავაცნოთ მაღალმთიანი აჭარისა და უშუალოდ, კურორტ გოდერძის ტურისტული და საინვესტიციო პოტენციალი.დღეს კურორტ გოდერძიზე უკვე 9 სასტუმრო კომპლექსი ფუნქციონირებს, ხოლო დაგეგმილია 20-მდე ახალი სასტუმრო კომპლექსის მშენებლობა. დარწმუნებული ვარ, დღევანდელი საინვესტიციო ფორუმი ხელს შეუწყობს ახალი ინვესტიციების მოზიდვას, ბიზნესის დაინტერესებას, ვიზიტორთა ნაკადების ზრდასა და, საბოლოოდ, მაღალმთიანი აჭარის კიდევ უფრო განვითარებასა და წარმატებას"- განაცხადა ზურაბ პატარაძემ.ფორუმის მონაწილეებს ასევე სიტყვით მიმართეს თიბისის ბანკის გენერალურმა დირექტორმა გიორგი თხელიძემ, აჭარის ფინანსთა და ეკონომიკის მინისტრმა ედნარ ნატარიძემ და თიბისი კაპიტალის უფროსმა ვიცე პრეზიდენტმა ირინა კვახაძემ.ღონისძიების ფარგლებში აჭარის მთავრობის წარმომადგენლებმა კურორტის განვითარების ხედვისა და კონკრეტული საინვესტიციო პროექტების შესახებ პრეზენტაციები წარადგინეს. თიბისის გუნდმა ინვესტორებსა და ბიზნესსექტორის წარმომადგენლებს საქართველოსა და აჭარის მაკროეკონომიკური დინამიკისა და ძირითადი სექტორების მიმოხილვა, ასევე კურორტ გოდერძის განვითარების გეგმები და საინვესტიციო შესაძლებლობები გააცნო.ინფორმაციას აჭარის ავტონომიური რესპუბლიკის მთავრობა ავრცელებს.

1788510926

პროექტ „მესხური კვალის“ ფარგლებში დაბა ახალდაბაში ხელოვანი ქალების პლენერი მოეწყო

ბორჯომის მუნიციპალიტეტის მერის მოადგილე გელა მაღრაძე, საკრებულოს თავმჯდომარის მოადგილე გენადი მუმლაძე და იურიდიული სამსახურის ხელმძღვანელი თეა კიკაძე დაბა ახალდაბაში, ფოთოლეთის მამათა მონასტერში, ბორჯომელი და ახალციხელი ხელოვანი ქალების პირველ შემოქმედებით პლენერს დაესწრნენ.პლენერის მსვლელობისას მონაწილეებმა სხვადასხვა მიმართულებით იმუშავეს. შექმნეს ნახატები, იმუშავეს თექასა და კერამიკაზე, დაამზადეს ხელნაკეთი ნივთები.ღონისძიება პროექტ „მესხური კვალი - ქალთა შემოქმედებითი ინიციატივის“ ფარგლებში გაიმართა, რომელსაც „სამცხე-ჯავახეთის სათემო განვითარების ცენტრი“ საქართველოს კულტურის სამინისტროსა და სსიპ „შემოქმედებითი საქართველოს“ მხარდაჭერით ახორციელებს. პროექტის მიზანია რეგიონში მცხოვრები ქალი ხელოვანების პროფესიული მხარდაჭერა და მათი ცნობადობის გაზრდა.

1788501386

პრემიერ-მინისტრის მიერ ინიცირებული სამთვიანი ანაზღაურებადი სტაჟირების პროგრამის ფარგლებში, ვანის მუნიციპალიტეტში კონკურსი 8 ვაკანსიაზე გამოცხადდა

პრემიერ-მინისტრის მიერ ინიცირებული სამთვიანი ანაზღაურებადი სტაჟირების პროგრამის ფარგლებში, ვანის მუნიციპალიტეტში  კონკურსი 8 ვაკანსიაზე გამოცხადდა.სტაჟირების პროგრამაში ჩართვის მსურველთა განაცხადების მიღება 2026 წლის 1 სექტემბრიდან 10 სექტემბრის ჩათვლით იქნება შესაძლებელი.სტაჟირებაზე განაცხადის წარდგენა განხორციელდეება საქართველოს მთავრობის ადმინისტრაციის მიერ ადმინისტრირებულ ვებგვერდზე – https://vacancy.hr.gov.ge/სტრუქტურული ქვედანაყოფები, სადაც შესაძლებელია სტაჟირების გავლა:ზედამხედველობის სამსახური - 2 ვაკანსია; სივრცითი მოწყობისა ინფრასტრუქტურისა და არქიტექტურის სამსახური - 2; საფინანსო-საბიუჯეტო სამსახური - 1; ჯანმრთელობის დაცვის და სოციალურ საკითხთა სამსახური - 1; ეკონომიკისა და მუნიციპალური ქონების მართვის სამსახური - 1;ა(ა)იპ ვანის კომუნალური გაერთიანება - 1კონკურსში მონაწილეობის მიღების უფლება აქვს კანდიდატს, რომელიც აკმაყოფილებს დადგენილ ძირითად საკვალიფიკაციო მოთხოვნებს:• ფლობს სახელმწიფო ენას;• სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან უმაღლესი განათლების მეორე საფეხურზე, ან დასრულებული აქვს უმაღლესი განათლების პირველი ან მეორე საფეხური 2025–2026 სასწავლო წლის გაზაფხულის სემესტრში;• აქვს შესაბამისი აკადემიური მოსწრება, ქულათა სისტემით 71–100 ქულა და/ან GPA 2.7 - 4.0.ანაზღაურებადი სტაჟირება ახალგაზრდებს აძლევს შესაძლებლობას, მიიღონ პროფესიული გამოცდილება, გაეცნონ ადგილობრივი თვითმმართველობის მუშაობის სპეციფიკას და განივითარონ კარიერული განვითარებისთვის საჭირო პრაქტიკული უნარები.

1788435170

სტიქია სოფელ მატანში - დაიტბორა 20-მდე საცხოვრებელი სახლი

ახმეტის მუნიციპალიტეტის სოფელ მატანში 20-მდე საცხოვრებელი სახლი დაიტბორა. სახლების დატბორვა წუხანდელმა ძლიერმა წვიმამ გამოიწვია. წყალი საცხოვრებელი სახლების პირველი სართულებსა და სარდაფებში შევარდა.ადგილობრივების თქმით, სოფელში მიმდინარე გზის სარეაბილიტაციო სამუშაოების გამო, სანიაღვრე სისტემა გააუქმებულია, რაც ნალექის დროს ვითარებას ამძიმებს.დატბორილი სახლებიდან წყლის ამოტუმბვა სახანძრო-სამაშველო სამსახურის დახმარებით მოხერხდა. 

1788357240

აჭარის მთავრობის თავმჯდომარე ქობულეთში საგანმანათლებლო ინფრასტრუქტურის განახლების პროცესს გაეცნო

აჭარის მთავრობის თავმჯდომარე ზურაბ პატარაძე, უმაღლესი საბჭოს თავმჯდომარესთან, ადგილობრივი თვითმმართველობის წარმომადგენლებთან და დეპუტატებთან ერთად, ქობულეთის მუნიციპალიტეტში საგანმანათლებლო ინფრასტრუქტურის განახლების პროექტებს გაეცნო.ქობულეთში სარეაბილიტაციო სამუშაოები ექვს საჯარო სკოლაში მიმდინარეობს, ასევე დაგეგმილია ხუთი სკოლის რეაბილიტაცია და ორი ახალი სკოლის აშენება. რეაბილიტაცია უტარდება ექვს საბავშვო ბაღსაც, ერთი ახალი ბაღის მშენებლობა კი უკვე დასრულებულია.მთავრობის თავმჯდომარე სოფელ წყავროკას საჯარო სკოლისა და საბავშვო ბაღის სარეაბილიტაციო პროექტებს გაეცნო. პროექტები ინფრასტრუქტურის სრულ განახლებას ითვალისწინებს.ზურაბ პატარაძე ქალაქ ქობულეთის პირველ საჯარო სკოლაშიც იმყოფებოდა, სადაც სარეაბილიტაციო სამუშაოების პირველი ეტაპი დასრულდა. პროექტის ფარგლებში განახლდა სპორტული ინფრასტრუქტურა, მოეწყო მრავალფუნქციური მოედანი, განახლდა კორტები და ფასადი. მეორე ეტაპზე კი დაგეგმილია სკოლის შიდა სივრცეების განახლება.ზურაბ პატარაძე ქობულეთის მუნიციპალიტეტში სასკოლო ფორმების რეალიზაციის პროცესსაც გაეცნო. წელს ფორმების შეძენა რეგიონში მოქმედ რვა სარეალიზაციო პუნქტში იქნება შესაძლებელი.შეხვედრების პარალელურად, ზურაბ პატარაძე ადგილობრივ მოსახლეობას, პედაგოგებს, მოსწავლეების მშობლებს გაესაუბრა, მოისმინა მათი მოსაზრებები და საჭიროებებიმთავრობის თავმჯდომარის განცხადებით, მოსწავლეებისთვის თანამედროვე და უსაფრთხო გარემოს შექმნა რეგიონში ერთ-ერთ მთავარ პრიორიტეტად რჩება.

1788354628

იოსებ ალიბეგაშვილი ასპინძის მუნიციპალიტეტის ხელმძღვანელობას შეხვდა და მიმდინარე პროექტები დაათვალიერა

სამცხე-ჯავახეთის მხარის სახელმწიფო რწმუნებულმა იოსებ ალიბეგაშვილმა, ასპინძის მუნიციპალიტეტის მერთან, როსტომ მაგრაქველიძესთან ერთად, მერიის სტრუქტურული ერთეულების ხელმძღვანელებთან და საკრებულოს წევრებთან სამუშაო შეხვედრა გამართა.შეხვედრაზე განიხილეს მუნიციპალიტეტში მიმდინარე და დაგეგმილი ინფრასტრუქტურული და სოციალური პროექტები, მოსახლეობის საჭიროებები, არსებული გამოწვევების დროული გადაჭრის გზები, ასევე ადგილობრივ თვითმმართველობასა და სახელმწიფო უწყებებს შორის ეფექტიანი და კოორდინირებული თანამშრომლობის მნიშვნელობა.სახელმწიფო რწმუნებულმა, ადგილობრივი თვითმმართველობის წარმომადგენლებთან ერთად, მუნიციპალიტეტში მიმდინარე ინფრასტრუქტურული პროექტებიც დაათვალიერა და სამუშაოების მიმდინარეობას გაეცნო.ამ ეტაპზე ასპინძის მუნიციპალიტეტში რეგიონული განვითარების ფონდიდან და ადგილობრივი ბიუჯეტიდან დაფინანსებული არაერთი ინფრასტრუქტურული პროექტი აქტიურად ხორციელდება.შეხვედრას ესწრებოდნენ სახელმწიფო რწმუნებულის მოადგილეები სერგი მუშკუდიანი და ვახტანგ მერაბიშვილი, რეგიონული პროექტების კოორდინირების სამსახურის ხელმძღვანელი მარინა გაჩეჩილაძე, საკრებულოს თავმჯდომარე ბესიკ ბერიძე, ასევე მერისა და საკრებულოს თავმჯდომარის მოადგილეები.

1788339149

ჟინვალი-ბარისახო-შატილის გზის კმ13-კმ15 მონაკვეთზე ავტოტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის კმ13-კმ15 მონაკვეთზე ავტოტრანსპორტის მოძრაობა ორმხრივად აღდგენილია, ხოლო ამავე გზის 96-ე კმ-ზე  ავტოტრანსპორტი იმოძრავებს დროებით მოწყობილ შემოსავლელ გზაზე, რევერსულად.

1788265440

სამეგრელო-ზემო სვანეთის მხარეში სახელმწიფო რწმუნებულის ადმინისტრაციაში ცხელი ხაზი ამოქმედდა

სამეგრელო-ზემო სვანეთის მხარეში სახელმწიფო რწმუნებულის ადმინისტრაციაში ცხელი ხაზი – 146 ამოქმედდა.რეგიონის მოსახლეობა მათთვის საჭირო ყველა კითხვაზე დროულ და ამომწურავ ინფორმაციას მიიღებს.მოქალაქეებისთვის ცხელ ხაზზე დარეკვა უფასოა.ინფორმაციას სამეგრელო-ზემო სვანეთის მხარის პრესსამსახური ავრცელებს.

1788179957

სამცხე-ჯავახეთის სახელმწიფო რწმუნებულმა იოსებ ალიბეგაშვილმა რესურსცენტრების ხელმძღვანელებთან სამუშაო შეხვედრა გამართა

სამცხე-ჯავახეთის სახელმწიფო რწმუნებულმა იოსებ ალიბეგაშვილმა რესურსცენტრების ხელმძღვანელებთან სამუშაო შეხვედრა გამართა.შეხვედრაზე ახალი სასწავლო წლის დაწყებისთვის სკოლების მზადების პროცესი განიხილეს. ყურადღება გამახვილდა სკოლებში არსებულ მდგომარეობაზე, სასკოლო ფორმების რეალიზაციის ლოკაციების გამართულ მუშაობასა და შესაბამისი პერსონალის მზადყოფნაზე. ასევე, განიხილეს მიმდინარე და დაგეგმილი პროექტები და სასწავლო პროცესის შეუფერხებლად წარმართვისთვის საჭირო საკითხები.იოსებ ალიბეგაშვილმა რესურსცენტრების ხელმძღვანელებისგან რეგიონში არსებული მდგომარეობისა და საჭიროებების შესახებ დეტალური ინფორმაცია მოისმინა და აღნიშნა, რომ არსებული საკითხების ეფექტიანად გადაჭრისთვის შესაბამისი უწყებების ჩართულობა და კოორდინირებული მუშაობა მნიშვნელოვანია.სამუშაო შეხვედრას სახელმწიფო რწმუნებულის მოადგილე ვახტანგ მერაბიშვილი და ადგილობრივი თვითმმართველობის ორგანოებთან ურთიერთობის სამსახურის უფროსის მოადგილე მანანა ბალიაშვილი ესწრებოდნენ.

1788173832

ამბროლაურის მუნიციპალიტეტის მერია განცხადებას ავრცელებს

ამბროლაურის მუნიციპალიტეტის მერიის ხელშეწყობით, 6 სექტემბერს მოქალაქეებს შესაძლებლობა ექნებათ ისარგებლონ ნოტარიუსის მომსახურებით.ნოტარიუსი იმუშავებს ქალაქ ამბროლაურში, კოსტავას ქუჩა №41-ში (ამბროლაურის მერიის ადმინისტრაციული შენობის პირველ სართულზე), 10:00 საათიდან 18:00 საათამდე.დამატებითი ინფორმაციისთვის შეგიძლიათ დაუკავშირდეთ ნოტარიუსს:ნათია ტეფნაძე - 595 18 88 55

1788168613

სამცხე-ჯავახეთის სახელმწიფო რწმუნებული და ადგილობრივი ხელისუფლება „ტაბაწყურობის“ დღესასწაულს დაესწრნენ

სამცხე-ჯავახეთის სახელმწიფო რწმუნებული იოსებ ალიბეგაშვილი ბორჯომის მუნიციპალიტეტის მერთან, მამუკა გელაშვილთან ერთად, სოფელ ტაბაწყურში გამართულ სახალხო დღესასწაულს — „ტაბაწყურობას“ დაესწრო.​სოფლის დღესასწაულთან დაკავშირებით ღონისძიებაზე მკლავჭიდში ტურნირი გაიმართა.​ღონისძიებას სოფლის მოსახლეობასთან ერთად ასევე ესწრებოდნენ სამცხე-ჯავახეთის სახელმწიფო რწმუნებულის მოადგილე ვახტანგ მერაბიშვილი, ბორჯომის მერის პირველი მოადგილეები ბიბო პაპიძე და გელა მაღრაძე.

1788168395

ტყიბულის მუნიციპალიტეტში „ტყიბულქალაქობა“ და „მეშახტის დღე“ მრავალფეროვანი ღონისძიებებით აღინიშნა

ტყიბულის მუნიციპალიტეტში „ტყიბულქალაქობა“ და „მეშახტის დღე“ მრავალფეროვანი ღონისძიებებით აღინიშნა.ქალაქი სადღესასწაულოდ მოირთო. მოეწყო საბავშვო, გასართობი და სპორტული სივრცეები, ფოტო ზონები და ხილის კუთხეები. გაიმართა ქუჩის თეატრის მსვლელობა, ადგილობრივი ნაწარმისა და ხელნაკეთი  ნივთების გამოფენა-გაყიდვა. ღონისძიებები მეშახტეთა მემორიალის შემკობით დაიწყო. მხარისა და ადგილობრივი ხელისუფლების წარმომადგენლებმა, პარლამენტის წევრებთან ერთად, ტყიბულის მხარეთმცოდნეობის მუზეუმში დღესასწაულისადმი მიძღვნილი თემატური გამოფენა დაათვალიერეს, ასევე დაესწრნენ  ადგილობრივი შემოქმედებითი ჯგუფების კონცერტს.მოგვიანებით მუნიციპალიტეტის მერმა დავით  კუბლაშვილმა, საკრებულოს თავმჯდომარემ იზოლდა ნემსაძემ, საქართველოს პარლამენტში ტყიბულის დელეგატმა ზვიად შალამბერიძემ და იმერეთში სახელმწიფო რწმუნებულის მოადგილემ გრიგოლ დალაქიშვილმა  ტყიბულის  საპატიო მოქალაქეები დააჯილდოვეს. ამასთანავე,კომპანია „საქნახშირმა“ტრადიციულად სხვა მოწვეულ სტუმრებთან ერთად  წლის წარმატებული მეშახტეები დააჯილდოვა.სადღესასწაულო ღონისძიებები ტყიბულში  „ბანის“, ლინდა ადამიასა და  ჯგუფ ,,ერთი მეოთხედის“  კონცერტით დასრულდა.