1757505138

ცნობილი რეჟისორის, აკაკი ფოფხაძის ფილმის "სისხლის სახელით" ქართული პრემიერა 11 სექტემბერს გაიმართება

ქართველი რეჟისორის, აკაკი ფოფხაძის ფილმის "სისხლის სახელით" ქართული პრემიერა 11 სექტემბერს გაიმართება. (წარმოების ქვეყანა :  საფრანგეთი, ბელგია, საქართველო, ავსტრია.)მსოფლიო პრემიერა 2024 წელს სან სებასტიანის ფესტივალზე შედგა. ფილმი, ძირითადად, ემიგრაციაზეა და, ამასთან, ქართულ თემატიკასთანაც არის კავშირში. “როდესაც 13 წლის ვიყავი, ჩემი ოჯახი იძულებული გახდა საქართველო დაეტოვებინა და საფრანგეთში წამოსულიყო. ემიგრაციის მდგომარეობას თან ახლდა სიდუხჭირე და დამცირება, რაც ჩემთვის დიდი კულტურული და ემოციური შოკი იყო. მე გავიზარდე ძირითადად მამაკაცურ გარემოში, ერთადერთი ქალი, ვისაც ვეყრდნობოდი, დედა იყო. სწორედ ამიტომ, ფილმში ყველაზე მნიშვნელოვანი ქალი პერსონაჟი დედაა. ძლიერი კაცებიც კი ყოველთვის ბავშვებად იქცევიან დედების წინაშე. ფილმით “სისხლის სახელით“ მსურდა ძალადობისა და შურისძიების მარცხის შესახებ მოთხრობა. ღრმად მწამს, რომ მამაკაცურობასა და ღირსების დევნაში სიჯიუტეს განადგურებამდე მიჰყავს ადამიანი. ფილმში ნანატრი შურისძიება ვერ ხორციელდება. ტოქსიკური მამაკაცურობა სიკვდილამდე მიდის. ძლიერი კაცები ნაგვის ურნებში ამთავრებენ,” - ამბობს აკაკი ფოფხაძე.ფილმმა უკვე მოიპოვა წარმატება, რივიერას კინოფესტივალზე, აკაკი ფოფხაძეს ფილმისთვის „სისხლის სახელით“ საუკეთესო რეჟისორის ჯილდო გადაეცა.აკაკი ფოფხაძე 1991 წელს საქართველოში დაიბადა, 13 წლამდე რუსეთში ცხოვრობდა, შემდეგ ოჯახთან ერთად ნიცაში გადავიდა. სწავლობდა ESRA-ს კინოსკოლაში. 2017 წელს გადაიღო „Le Soleil des nuits blanches“, რომელიც PÖFF Shorts-ზე (Tallinn Black Nights) აჩვენეს. 2018-ში გადაიღო „Je Vois“ – 36 წუთიანი ფილმი, რომელმაც მრავალი ჯილდო მიიღო, მათ შორის CNC-ის Prix de Qualité და „საუკეთესო რეჟისორის“ პრიზი Copenhagen Film Festival-ზე. 

1756987166

8 სექტემბერს თბილისის ოპერისა და ბალეტის თეატრში ახალი კულტურის განვითარების ფონდის – „მესმას“ ოფიციალური პრეზენტაცია გაიმართება

8 სექტემბერს, 19:00 საათზე, თბილისის ოპერისა და ბალეტის თეატრში ახალი კულტურის განვითარების ფონდი– „მესმას“ ოფიციალური პრეზენტაცია გაიმართება.დაგეგმილი ღონისძიების შესახებ „პრაიმტაიმთან“ ნიკოლოზ წულუკიძე საუბრობს. მისი თქმით, ამ დღეს სცენაზე იდგებიან მსოფლიოს სხვადასხვა ქვეყანაში მოღვაწე ყველა თაობის არტისტები.„ღონისძიების რეჟისორი არის დათო საყვარელიძე, მუსიკალური ხელმძღვანელი კი ნიკა ნიკვაშვილი. ამ ღონისძიებაზე სახელოვნებო უნივერსიტეტის სტუდენტებს ენიშნებათ სტიპენდია.  სპეციალურად ამ დღისთვის იანო ალიბეგაშვილი ჩამოდის იტალიიდან. ასევე, მე მოვყვები ისტორიებს, სადაც ჩანს, რა შედეგი მოიტანა ბიზნესისა და ქართული კულტურის ურთიერთობამ. ვისაუბრებ დიმიტრი ყიფიანზე, ნიკო ნიკოლაძესა და ივანე ჯავახიშვილზე, რაც ერთგვარი სინთეზი იქნება“, - გვითხრა ნიკოლოზ წულუკიძემ.ფონდის შექმნის ინსპირაციასა და მიზნებზე „პრაიმტაიმს“ ფონდის დირექტორი ნინი ჯაფარიძე ესაუბრა. მისი თქმით, ფონდი „მესმა“, ევროპული გამოცდილებისა და სტანდარტების გათვალისწინებით, შეიქმნა ინტელექტუალური საკუთრების მფლობელთა ასოციაცია “IPOA”-ს ინიციატივით:"ფონდის მიზანია, ითანამშრომლოს, როგორც კულტურის გამოჩენილ მოღვაწეებთან, ასევე მხარი დაუჭიროს ახალი თაობის შემოქმედებით აქტივობებს. 8 სექტემბერს თბილისის ოპერისა და ბალეტის თეატრში გაიმართება ფონდი „მესმას“ პრეზენტაცია, სადაც საფუძველი ჩაეყრება „მესმას“ თანამშრომლობას სახელოვნებო უნივერსიტეტებთან. მათ მიერ მოწოდებულ წარმატებულ სტუდენტებს დაენიშნებათ „მესმას“ სტიპენდიები. სწორედ ეს სტიპენდიები გახდება სიმბოლო ფონდის საქმიანობის დასაწყისის.ნინი ჯაფარიძის თქმით, ფონდის ძირითადი მიმართულება იქნება ახალი თაობის უნარებისა და შემოქმედებითი აქტივობის ხელშეწყობა.“ჩვენი ფონდი მხარს უჭერს სტუდენტებს, რომელთა მიზანია არა მხოლოდ სწავლა, არამედ ახალი უნარებისა და გამოცდილების შეძენა საქართველოში, თუ საზღვარგარეთ, რათა თავიანთი ცოდნით ხელი შეუწყონ საქართველოს მომავლის განვითარებას“, - ამბობს ნინი ჯაფარიძე

1756986000

სოხუმის მოზარდ მაყურებელთა თეატრი ყაზახეთში საერთაშორისო თეატრალურ ფესტივალზე სპექტაკლ „რომეო და ჯულიეტას“ წარადგენს

სოხუმის გიორგი რატიანის სახელობის მოზარდ მაყურებელთა პროფესიული სახელმწიფო თეატრი, ყაზახეთის ქალაქ თალდიყორღანში მესამე საერთაშორისო თეატრალურ ფესტივალ „BIKEN FEST“-ში მიიღებს მონაწილეობას, სადაც 16 სექტემბერს მაყურებელს სპექტაკლს „რომეო და ჯულიეტა“ წარუდგენს.საფესტივალო სამზადისის ფარგლებში, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ ბექა ღვაჩლიანთან ერთად, სოხუმის გიორგი რატიანის სახელობის მოზარდ მაყურებელთა პროფესიული სახელმწიფო თეატრის სპექტაკლის რეპეტიციას დაესწრო.მთავრობის თავმჯდომარე დასის წევრებს შეხვდა, საერთაშორისო ფესტივალზე წარმატება უსურვა და ქართულ-აფხაზური კულტურის პოპულარიზაციის საქმეში სოხუმის მოზარდ მაყურებელთა თეატრის მნიშვნელოვან როლზე ისაუბრა.თეატრი საერთაშორისო ფესტივალზე საქართველოს კულტურის სამინისტროს ფინანსური მხარდაჭერით მონაწილეობს.

1756668479

ვენეციის 82-ე საერთაშორისო კინოფესტივალი - ვინ გახდება კინოკრიტიკოსების ფავორიტი?

ყოველი წლის აგვისტოს მიწურულს, "პალაცო დელ სინემას" დარბაზთან წითელი ხალიჩა იშლება, რაც იმაზე მიანიშნებს, რომ ვენეციის კინოფესტივალი დაიწყო.ოფიციალური ნაწილამდე, კინოინდუსტრიის წარმომადგენლები საგანგებოდ შერჩეულ ტანისამოსში, კამერების წინ პოზიორობდნენ. ვისი ლუქი დასახელდება საუკეთესოებს შორის - ამას მოდის კრიტიკოსებისგან უახლოეს დღეებში შევიტყობთ.ტრადიცია არ ირღვევა, უკვე 82-ედ ვენეციის კინოფორუმმა, ცხოვრებისეული და კარიერული მიღწევებისთვის, წლევანდელი ფავორიტი დაასახელა. საპატიო ოქროს ლომი გერმანელ რეჟისორსა და სცენარისტს, ვერნერ ჰერცოგს, ფრენსის ფონ კოპოლამ გადასცა.საერთაშორისო კინოფესტივალი იტალიელი რეჟისორის, პაოლო სორენტინოს პოლიტიკური დრამით გაიხსნა."გრაცია" ასე ჰქვია კინოსურათს, რომელიც რეჟისორის უახლესი ნამუშევარია. ფილმი იტალიის პრეზიდენტის მმართველობაზე გვიყვება. "გრაცია" ფესტივალის ერთ-ერთი ფავორიტია და მას წარმატებას უწინასწარმეტყველებენ.ფესტივალზე შედგა ბერძენი რეჟისორის სამეცნიერო ფანტასტიკური ჟანრის ფილმის პრემიერაც . "ბუგონია" იორგოს ლანთიმოსის ნამუშევარია. სიუჟეტი ორ შეთქმულებით შეპყრობილ ახალგაზრდა მამაკაცზე მოგვითხრობს. ისინი დიდი კომპანიის აღმასრულებელ დირექტორს იტაცებენ, რადგან ჰგონიათ, რომ ხელმძღვანელი უცხოპლანეტელია და დედამიწის განადგურება სურს.წითელ ხალიჩაზე გამოჩნდა მომხიბვლელი, ოსკაროსანი მსახიობი ჯულია რობერტსიც, რომელიც ვენეციიას მონაწილის სტატუსით პირველად ესტუმრა. მსახიობმა მონაწილეობა მიირო ლუკა გუადანინოს კრიმინალური დრამაში "ნადირობის შემდეგ," რომელიც ფესტივალზე არასაკონკურსო სექციაში აჩვენეს. ფილმი კოლეჯის მასწავლებლისა და მოსწავლის საიდუმლო ურთიერთობის შესახებ მოგვითხრობს.კუნძულ ლიდოსზე შეკრებილი ვარსკვლავები ფესტივალის მიმდინარეობისას ნახავენ გილერმო დელ ტოროს "ფრანკენშტეინს”, რომელიც გოთური რომანის სიუჟეტს არ ჰგავს. ორიგინალური ისტორიის შემდეგ 40 წელი გავიდა. დოქტორი პრეტორიუსი მონსტრს ეძებს, იმისთვის რომ ვიქტორ ფრანკენშტეინის ექსპერიმენტები გააგრძელოს.ვარსკვლავურია ნოა ბაუმბახის ფილმში მონაწილე მსახიობების შემადგენლობაც: ჯორჯ კლუნი, ადამ სენდლერი, ლორა დერნი და რაილი კიო. ფილმი ჯორჯ კლუნიზე ანუ ჯეი კელიზე გვიყვება, რომელსაც ევროპაში მოგზაურობა და ცხოვრების თავიდან დაწყება სურს.დრამატულ თავგადასავალს გვპირდება ამერიკელი რეჟისორი ბენი საფდი თავის ახალ ფილმში "დამსხვრეული მანქანა", რომელშიც მთავარ როლებს დუენ ჯონსონი და ემილი ბლანტი ასრულებენ.6 ძირითადი კატეგორია და 21 სრულმეტრაჟიანი კინოსურათი, მათგან საუკეთესოს 6 წევრისგან დაკომპლექტებული ჟიური გამოავლენს. მსოფლიოში ერთ-ერთი უძველესი კინოფესტივალის გამარჯვებულები 6 სექტემბერს დასახელდებიან.

1756367071

კულტურის მინისტრი თინათინ რუხაძე სამინისტროს დაქვემდებარებაში მყოფ ბათუმის ხელოვნების სახელმწიფო უნივერსიტეტში იმყოფებოდა

კულტურის მინისტრი თინათინ რუხაძე სამინისტროს დაქვემდებარებაში მყოფ ბათუმის ხელოვნების სახელმწიფო უნივერსიტეტში იმყოფებოდა. ინფორმაციას კულტურის სამინისტრო ავრცელებს.მინისტრმა, აჭარის ავტონომიური რესპუბლიკის განათლებისა და სპორტის მინისტრ მაია ხაჯიშვილთან ერთად, უნივერსიტეტის აკადემიურ პერსონალთან შეხვედრა გამართა, რომლის ფარგლებშიც უნივერსიტეტის საჭიროებები, სასწავლო პროცესთან დაკავშირებული საკითხები და სამომავლო გეგმები განიხილეს. საუბარი შეეხო ახალი სასწავლო წლიდან წარმატებული სტუდენტების სტიპენდიების გაზრდის საკითხსაც. თინათინ რუხაძემ უნივერსიტეტის ახალ ხელმძღვანელობას სრული მხარდაჭერა აღუთქვა.დღესვე, კულტურის მინისტრმა ბათუმის ხელოვნების სახელმწიფო უნივერსიტეტში არსებული ინფრასტრუქტურა დაათვალიერა, მათ შორის, მცირე საკონცერტო დარბაზი და სასწავლო-სამკერვალო სახელოსნო.ბათუმის ხელოვნების სახელმწიფო უნივერსიტეტი საქართველოში ერთადერთი უმაღლესი სახელოვნებო საგანმანათლებლო დაწესებულებაა, სადაც სწავლება ხელოვნების ოთხი (თეატრი, კინო, მუსიკა, სახვითი ხელოვნება) მიმართულებით მიმდინარეობს.

1756303467

თბილისში მომღერალ ლევან კბილაშვილის მემორიალური დაფა გაიხსნა

თბილისის საკრებულოს განათლებისა და კულტურის კომისიის მხარდაჭერით, გლდანში, ლევან კბილაშვილის ქუჩის 6 ნომერში მდებარე საცხოვრებელ სახლზე, მომღერლის ლევან კბილაშვილის მემორიალური დაფა განთავსდა. როგორც ღონისძიებაზე განათლებისა და კულტურის კომისიის თავმჯდომარემ კახა ლაბუჩიძემ განაცხადა, მემორიალური დაფის განთავსება მომღერლის შემოქმედების მიმართ პატივისცემის გამოხატულებაა.„ქართული ხალხური ფოლკლორისა და საესტრადო მუსიკის უბადლო შემსრულებელმა, ლევან კბილაშვილმა საკმაოდ საინტერესო ცხოვრების გზა გაიარა, მან 6 წლის ასაკში დაიწყო სიმღერა და ახალგაზრდა ასაკში ბევრი მნიშვნელოვანი წარმატებით დაამახსოვრა თავი საზოგადოებას. ამ მემორიალური დაფის განთავსებით, მისი შემოქმედების მიმართ პატივისცემა კიდევ ერთხელ გამოვხატეთ“,- განაცხადა კახა ლაბუჩიძემ.თბილისის საკრებულოს 2023 წლის 25 აგვისტოს განკარგულებით, თბილისში, გლდანის რაიონში, თიანეთის გზატკეცილის მონაკვეთს მომღერლის სახელი მიენიჭა. ამჯერად კი მისი მემორიალური დაფა გაიხსნა. ღონისძიებას თბილისის საკრებულოს გლდანის რაიონის მაჟორიტარი კოტე ზარნაძემ გლდანის რაიონის გამგებელი ბესიკ კალაძე, ხელოვნების სფეროს წარმომადგენლები და ლევან კბილაშვილის ოჯახის წევრები დაესწრნენ.

1756300370

თინათინ რუხაძე სამინისტროს დაქვემდებარებაში მყოფ ბათუმის ხელოვნების სახელმწიფო უნივერსიტეტში იმყოფებოდა

კულტურის მინისტრი თინათინ რუხაძე სამინისტროს დაქვემდებარებაში მყოფ ბათუმის ხელოვნების სახელმწიფო უნივერსიტეტში იმყოფებოდა.მინისტრმა, აჭარის ავტონომიური რესპუბლიკის განათლებისა და სპორტის მინისტრ მაია ხაჯიშვილთან ერთად, უნივერსიტეტის აკადემიურ პერსონალთან შეხვედრა გამართა, რომლის ფარგლებშიც უნივერსიტეტის საჭიროებები, სასწავლო პროცესთან დაკავშირებული საკითხები და სამომავლო გეგმები განიხილეს. საუბარი შეეხო ახალი სასწავლო წლიდან წარმატებული სტუდენტების სტიპენდიების გაზრდის საკითხსაც. თინათინ რუხაძემ უნივერსიტეტის ახალ ხელმძღვანელობას სრული მხარდაჭერა აღუთქვა.დღესვე, კულტურის მინისტრმა ბათუმის ხელოვნების სახელმწიფო უნივერსიტეტში არსებული ინფრასტრუქტურა დაათვალიერა, მათ შორის, მცირე საკონცერტო დარბაზი და სასწავლო-სამკერვალო სახელოსნო.ბათუმის ხელოვნების სახელმწიფო უნივერსიტეტი საქართველოში ერთადერთი უმაღლესი სახელოვნებო საგანმანათლებლო დაწესებულებაა, სადაც სწავლება ხელოვნების ოთხი (თეატრი, კინო, მუსიკა, სახვითი ხელოვნება) მიმართულებით მიმდინარეობს.ინფორმაციას კულტურის სამინისტრო ავრცელებს.

1756288814

ლიანა ისაკაძის სახელობის საერთაშორისო მუსიკალური ფესტივალის "ღამის სერენადები" ბათუმის კონცერტები 26 აგვისტოს დასრულდა

ლიანა ისაკაძის სახელობის საერთაშორისო მუსიკალური ფესტივალის "ღამის სერენადები" ბათუმის კონცერტები 26 აგვისტოს დასრულდა. ბათუმის ილია ჭავჭავაძის სახელობის სახელმწიფო პროფესიულ დრამატულ თეატრში ჩატარდა კონცერტი სახელწოდებით "ტანგოს სული". მსმენელის წინაშე წარსდგნენ მარიო სტეფანო პიეტროდარკი - ბანდონეონი, იტალია; თამარ ლიჩელი - ფორტეპიანო, საქართველო; ნიკოლოზ ვადაჭკორია - ფლეიტა, საქართველო; კვინტეტი "საქართველოს ვირტუოზები" (პირველი ვიოლინო - ლელა მჭედლიძე). შესრულდა ასტორ პიაცოლას - Le Grand Tango; Adios Nonino; მარტინ პალმერი - ოთხი სეზონი; რობერტო მოლინელის - ტრიპტიქი; იგორ სტრავინსკის - ტანგო; ანხელ ვილოლდო - El Choclo. გიორგი ისაკაძე, ფესტივალის სამხატვრო ხელმძღვანელი: -ლიანა ისაკაძის სახელობის საერთაშორისო მუსიკალური ფესტივალის "ღამის სერენადები" ბათუმური ნაწილი დასრულდა. 3 განსაკუთრებული კონცერტი შევთავაზეთ მსმენელს. სამივე კონცერტი გამოირჩეოდა მუსიკალური მრავალფეროვნებით. ჩვენს ფესტივალზე ტრადიციაა, რომ მსოფლიოში აღიარებულ ვარსკვლავებთან და ქართველ შემსრულებლებთან ერთად დაუვიწყარი საღამოები ვაჩუქოთ მსმენელს. ახალგაზრდა თაობის უნიჭიერესი მუსიკოსები კი კიდევ უფრო მეტ მრავალფეროვნებას მატებენ "ღამის სერენადებს".ბათუმის გახსნითი კონცერტი მიეძღვნა ენიო მორიკონეს. ეს იყო უდიდესი მოვლენა. მისი ლეგენდარული კინომუსიკა ააჟღერა ნელო სალცამ, რომელიც პირველად ეწვია ქალაქ ბათუმს და ქართველი მსმენელისთვის შეასრულა უკვდავი ნაწარმოებები. კონცერტში მონაწილეობა მიიღო შესანიშნავმა ქართველმა მომღერალმა სოფო ხალვაშმა და უნიჭიერესმა ახალგაზრდა პიანისტმა გიორგი შიოლაშვილმა.მეორე კონცერტი "ვივალდის ციებ-ცხელება" ბაროკოულ მუსიკას დაეთმო, ბაროკოს მუსიკის ვარსკვლავებმა ანდრეს გაბეტამ – ვიოლინო/დირიჟორი და მორის შტეგერმა - ბლოკ-ფლეიტა ფესტივალის საბაზო ორკესტრთან „საქართველოს ვირტუოზები“ ერთად შეასრულეს ანტონიო ვივალდის - ფლეიტის კონცერტი სოლ მინორი, RV439 „ღამე“; ფლეიტის კონცერტი რე მაჟორი, RV 428 „Il Gardellino“; ფლეიტის კონცერტი სი-ბემოლ მაჟორი, RV 375; სავიოლინო კონცერტი რე მაჟორი, RV 208 „Grosso Mogul“; სავიოლინო კონცერტი დო მაჟორი, RV 190; კონცერტი ლა მინორი, თხზ.3 №8, RV522.მესამე დასკვნით კონცერტზე "ტანგოს სული" შესრულდა გენიალური ასტორ პიაცოლას შემოქმედება. მარიო სტეფანო პიეტროდარკიმ - ბანდონეონი, იტალია; თამარ ლიჩელმა - ფორტეპიანო, საქართველო; კვინტეტმა "საქართველოს ვირტუოზები" (პირველი ვიოლინო - ლელა მჭედლიძე) ააჟღერეს ასტორ პიაცოლას - Le Grand Tango; Adios Nonino; მარტინ პალმერის - ოთხი სეზონი; რობერტო მოლინელის- ტრიპტიქი; იგორ სტრავინსკი - ტანგო; ანხელ ვილოლდოს- El Choclo. მადლობა ყველა მონაწილეს, ვინც ასეთი ჯადოსნური საღამოები გვაჩუქა. ჩვენ ერთმანეთს ოქტომბერში თბილისში შევხვდებით, სადაც 9 და 11 ოქტომბერს გამორჩეული კონცერტები გველის. ნინა ცაგარელი, ფესტივალის დირექტორი:-კიდევ ერთი საოცარი საღამო შედგა ჩვენი ფესტივალის ფარგლებში. დარწმუნებული ვარ, ბათუმის დასკვნითმა კონცერტმა "ტანგოს სული" დაუვიწყარი შთაბეჭდილებები და ემოციები აჩუქა მსმენელს, რაც გამოიხატა კიდეც დარბაზის ოვაციებში. მარიო სტეფანო პიეტროდარკი ქართველ პუბლიკას განსაკუთრებულად უყვარს, თუმცა თამარ ლიჩელისა და სიმებიანი კვინტეტის "საქართველოს ვირტუოზების" შესრულებამ და საკონცერტო პროგრამის დრამატურგიამ სხვა სიმაღლეზე აიყვანა დღევანდელი საღამო. მადლობას ვუხდი ჩვენს არაჩვეულებრივ მუსიკოსებს, მხარდამჭერებს და ყველა იმ ადამიანს, ვინც გვერდში გვიდგას და გვიჭერს მხარს, რომ ჩვენი სოლისტებისა და მუსიკოსების შემოქმედებითი იდეები განვახორციელოთ და დაუვიწყარი საღამოები შევთავაზოთ ჩვენს მსმენელს. თათა ლიჩელი, პიანისტი:-მქონდა პატივი, რომ ქალბატონ ლიანა ისაკაძესთან ერთად არაერთხელ დამეკრა ამ ფესტივალზე. ეს ჩემთვის დაუვიწყარი მოგონებებია. უზომოდ მოხარული ვარ, რომ "ღამის სერენადები" გრძელდება და ყოველთვის განსაკუთრებული დღესასწაულია, იმიტომ რომ არაჩვეულებრივი მუსიკოსები ჩამოდიან საოცარი პროგრამით.ჩვენს კონცერტს ერქვა "ტანგოს სული", სადაც ასტორ პიაცოლას მუსიკა ავაჟღერეთ. უნიჭიერეს ბანდონეონისტ მარიო სტეფანო პიეტროდარკთან და ჩვენს არაჩვეულებრივ კვინტეტთან ერთად ლელა მჭედლიძის ხელმძღვანელობით, პიაცოლას უკვდავი შემოქმედება გავაცოცხლეთ. მადლობა ფესტივალის ორგანიზატორებს ამ დაუვიწყარი საღამოსთვის. "ღამის სერენადებს" დიდ წარმატებებს ვუსურვებ მომავალშიც.ლელა მჭედლიძე, მევიოლინე:-ასტორ პიაცოლას შემოქმედებისადმი მიძღვნილი კონცერტი "ტანგოს სული" გახლდათ ბათუმური კონცერტების ბოლო საღამო. 3 არაჩვეულებრივი კონცერტი გავმართეთ: პირველი კონცერტი იყო ენიო მორიკონეს კინომუსიკა, რომელიც ნელო სალცასთან და ფესტივალის საბაზო ორკესტრ "საქართველოს ვირტუოზებთან" ერთად წარმოვადგინეთ. მეორე კონცერტი გახლდათ "ვივალდის ციებ-ცხელება", რომელმაც ბაროკოულ მუსიკაში გვამოგზაურა. ორმა არაჩვეულებრივმა მუსიკოსმა ანდრეს გაბეტამ და მორის შტეგერმა "საქართველოს ვირტუოზებთან" ერთად განსაკუთრებული საკონცერტო პროგრამა შეასრულა. მესამე კონცერტზე კი ბანდონეონის და აკორდეონის ვირტუოზმა მარიო სტეფანო პიეტროდარკიმ პიაცოლას უკვდავი მუსიკა შეასრულა. მასთან ერთად პირველად შედგა ინოვაციური პროექტი - მარიოს, თათა ლიჩელისა და "საქართველოს ვირტუოზების" ბაზაზე შექმნილი კვინტეტის მონაწილეობით. ეს იყო მუსიკის ზეიმი ულამაზესი მუსიკალური ფერებითა და სიღრმეებით. ვისიამოვნეთ ყველამ - მსმენელებმაც და მონაწილეებმაც. მადლობა ფესტივალის ორგანიზატორებს, მადლობა მონაწილეებს, მადლობა მსმენელს. ფესტივალის მხარდამჭერები არიან: საქართველოს კულტურის სამინისტრო, სსიპ "შემოქმედებითი საქართველო", აჭარის კულტურის სამინისტრო, ქალაქ თბილისის მერია, ქალაქ ბათუმის მერია, ქალაქ ბორჯომის მერია, იტალიის საელჩო საქართველოში.მასპინძელი სასტუმროები: სასტუმრო ბორჯომი ლიკანი, ჰილტონ გარდენ ინნ თბილისი, ქორთიარდ თბილისი მარიოტი.ფესტივალის სპონსორი კომპანიები: მცენარეული კოსმეტიკის ფუძემდებელი საფრანგეთიდან "ივ როშე", ნატურალური კოსმეტიკის ქართული წარმოების ბრენდი "პიელ ნატურალსი", ღვინის კომპანია "პავილიონ ვაინსი", "პსპ", ავეჯის სახლი "ნიტა".ფესტივალის პარტნიორი: თბილისის ზაქარიაფალიაშვილის სახელობის ცენტრალური სამუსიკოსკოლა "ნიჭიერთა ათწლედი".ფესტივალის საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია "რუსთავი 2", ტელეკომპანია "იმედი", "პოს ტვ", "ევრონიუს ჯორჯია", Billboard Georgia, საპატრიარქოს ტელევიზია "ერთსულოვნება", მედია და ციფრული კომუნიკაციების სააგენტო "კლიპ არტი", "პალიტრა მედია", საინფორმაციო სააგენტო "პრაიმ ტაიმი", "ჯორჯიან პრესი", ინგლისურენოვანი გაზეთი "Georgia Today", ინგლისურენოვანი ყოველდღიური გაზეთი "Messenger", ჟურნალი "სარკე", გაზეთი "აჭარა", ონლაინ მედია "აჭარა თაიმსი", რადიო "ფორტუნა" და ვებ პლატფორმა "ფორტუნა.ჯი".

1756285260

„ტანგოს სული“ - ლიანა ისაკაძის სახელობის საერთაშორისო ფესტივალის მეოთხე კონცერტი გაიმართა

"ტანგოს სული" - ილია ჭავჭავაძის სახელობის სახელმწიფო დრამატულ თეატრში ლიანა ისაკაძის სახელობის საერთაშორისო ფესტივალის რიგით მეოთხე კონცერტი გაიმართა. ფესტივალი 9 ოქტომბერს თბილისში გაგრძელდება.დასკვნითი საღამო თბილისის ალექსანდრე გრიბოედოვის სახელობის თეატრში გაიმართება. 

1756129620

„ამ ფილმის შემდეგ უფრო შემიყვარდა კინო და მომინდა, რომ მეტ ფილმში მეთამაშა..." - რას იხსენებს დარეჯან ხაჩიძე

დარეჯან ხაჩიძე 1975 წლიდან თუმანიშვილის თეატრის მსახიობია. არაერთ სპექტაკლში უთამაშია. განსაკუთრებულად გამორჩეულია მის მიერ შესრულებული მაყვალას როლი ფილმში "სიყვარული ყველას უნდა".1980 წელს ეკრანებზე გამოსულმა ამ მუსიკალურმა კომედიამ არაერთი მაყურებლის სიყვარული დაიმსახურა. ამ ფილმს არაერთი სიუჟეტი, სტატია და გადაცემა მიეძღვნა. ცნობილია, რომ მიხეილ თუმანიშვილმა დარეჯან ხაჩიძეს საცხოვრებლად საკუთარი ბინა დაუთმო. მანამდე მსახიობი რუსთავში ცხოვრობდა. თბილისში ბინა არ ჰქონდა.„ამ ფილმის შემდეგ უფრო შემიყვარდა კინო და მომინდა, რომ მეტ ფილმში მეთამაშა..." - დარეჯან ხაჩიძე ფილმის "სიყვარული ყველას უნდა" გადაღებებს  გადაცემაში "შუადღე" იხსენებს: 

1756109664

საზოგადოება „ქართული“ ახალგაზრდა პოეტებისთვის დაწესებულ ლადო ასათიანის სახელობის 2025 წლის პრემიას მწერალთა კავშირთან ერთად გამოავლენს

საზოგადოება „ქართული“ ახალგაზრდა პოეტებისთვის დაწესებულ ლადო ასათიანის სახელობის 2025 წლის პრემიას მწერალთა კავშირთან ერთად გამოავლენს.ლადო ასათიანის სახელობის პრემია „საზოგადოება ქართულმა” გასული წლის 16 აგვისტოს დაარსა. პრემია განკუთვნილია ახალგაზრდა პოეტების მიერ უკანასკნელი 2 წლის განმავლობაში პატრიოტულ თემატიკაზე შექმნილი ლექსებისთვის.შარშანდელ კონკურსში ოცამდე კონკურსანტმა მიიღო მონაწილეობა, მათ შორის ყველაზე უმცროსი 14 წლის გახლდათ.კონკურსში გაიმარჯვა ოთარ ფალიანმა.„საზოგადოება ქართული“ ლადო ასათიანის სახელობის 2025 წლის პრემიას ისევ მწერალთა კავშირთან ერთად გამოავლენს და იგი განკუთვნილია 30 წლამდე ახალგაზრდა პოეტებისთვის.საზოგადოება „ქართულის“ მიერ შექმნილ ჟიურიში კანდიდატებს საქართველოს მწერალთა კავშირი 2025 წლის 15 სექტემბრამდე წარადგენს.ჟიური გამარჯვებულს მიაკუთვნებს პრემიას, რომელიც 3000 (სამი ათას) ლარს შეადგენს.გამარჯვებული ასევე დაჯილდოვდება სიგელითა და ლადო ასათიანის მედლით, რომელიც ცნობილმა ქართველმა მოქანდაკემ გოგა შხვაცაბაიამ სპეციალურად ამ კონკურსისთვის დაამზადა.პრემიის ფარგლებში გამოიცემა ლადო ასათიანის სახელობის ლიტერატურული ალმანახი, რომელშიც კონკურსში მონაწილე ყველა ახალგაზრდა პოეტის მიერ ჟიურისთვის გამოგზავნილი ლექსები გამოქვეყნდება.დაიტერესებულ პირებს 26 აგვისტოდან შეუძლიათ მიმართონ საქართველოს მწერალთა კავშირს დასახელებულ მისამართზე ან ატვირთონ მის ელექტრონულ ფოსტაზე ბოლო 2 წლის განმავლობაში პატრიოტულ თემატიკაზე გამოქვეყნებული მინიმუმ 7 ლექსი.

1756100159

ბათუმის ილია ჭავჭავაძის სახელობის დრამატულ თეატრში კლასიკური მუსიკის საერთაშორისო ფესტივალის „ღამის სერენადები“ გაიმართა

24 აგვისტოს ბათუმის ილია ჭავჭავაძის სახელობის სახელმწიფო პროფესიულ დრამატულ თეატრში საერთაშორისო ფესტივალის ,,ღამის სერენადები'' ფარგლებში მეორე კონცერტი"ვივალდის ციებ-ცხელება" გაიმართა. მსმენელის წინაშე წარსდნენ ბაროკოს მუსიკის ვარსკვლავები ანდრეს გაბეტა – ვიოლინო/დირიჟორი და მორის შტეგერი - ბლოკ-ფლეიტა, შვეიცარია, ფესტივალის საბაზო ორკესტრი „საქართველოს ვირტუოზები“, პირველი ვიოლინო ლელა მჭედლიძე.საღამოზე შესრულდა ჰენრი პერსელის - გრაუნდი სემი-ოპერიდან „ტიმონ ათენელი“, ანტონიო ვივალდის - ფლეიტის კონცერტი სოლ მინორი, RV439 „ღამე“, პიეტრო ლოკატელის - კონჩერტო გროსო დო მინორი, თხზ.1 №11, იაკობ ვან ეიკის - ანგელოზების ბულბული, ანტონიო ვივალდის - სავიოლინო კონცერტი რე მაჟორი, RV 208 „Grosso Mogul“, ანტონიო ვივალდის - ფლეიტის კონცერტი რე მაჟორი „Il Gardellino“, RV 428, ანტონიო ვივალდის - სავიოლინო კონცერტი დო მაჟორი, RV 190, ანტონიო ვივალდის - ორმაგი კონცერტი ლა მინორი, თხზ.3 №8, RV522. ტრადიციულად კონცერტმა დიდი წარმატებით ჩაიარა, მსმენელმა კონცერტის მონაწილეები ხანგრძლივი აპლოდისმენტებით დააჯილდოვა.გიორგი ისაკაძე, ფესტივალის სამხატვრო ხელმძღვანელი:- დღევანდელი რიგით მეორე კონცერტი ბათუმური ნაწილისა ბაროკოულ მუსიკას მიეძღვნა, შესრულდა ამ ეპოქის დიდებული კომპოზიტორების ვივალდის, ლოკატელის და პერსელის შესანიშნავი ნაწარმოებები. მსოფლიოში სახელგანთქმულმა მუსიკოსებმა ანდრეს გაბეტამ და მორის შტეგერმა ბრწყინვალე ვირტუოზობით და საოცარი არტისტიზმით ააჟღერეს არაჩვეულებრივი მუსიკა. კონცერტში ასევე მონაწილეობდა ორკესტრი საქართველოს ვირტუოზები და პირველი ვიოლინო ლელა მჭედლიძე, ხოლო კლავესინის პარტიას ასრულებდა ახალგაზრდა ნიჭიერი ქართველი პიანისტი გიორგი შიოლაშვილი. ბათუმში "ღამის სერენადები" კიდევ ერთ კონცერტს 26 აგვისტოს გამართავს, შემდეგ კი ოქტომბერში თბილისში 2 აქრაჩვეულებრივი საღამო გველოდება.ნინა ცაგარელი, ფესტივალის დირექტორი:- მადლობელი ვარ ბათუმელი განსაკუთრებული მსმენელი. ტრადიციულად ძალიან თბილად მიგვიღეს. ჩვენ ნამდვილი მუსიკალური დღესასწაულის მომსწრენი გავხდით. მოვუსმინეთ ბაროკოს ეპოქის მუსიკის ჭეშმარიტ ვირტუოზებს მევიოლინეს ანდრეს გაბეტასა და ბლოკფლეიტისტს მორის შტეგერს. მათ მიერ წარმოდგენილი პროგრამა "ვივალდის ციებ-ცხელება" აღსავსე იყო მუსიკალური ფერებითა და ემოციებით. დიდ მადლობას ვუხდით ჩვენს მხარდამჭერებს იმისთვის, რომ შესაძლებელი გახადეს მსოფლიოში აღიარებული მუსიკოსების საქართველოში მოწვევა და ამ პროექტის განხორციელება. მადლობა ჩვენს არაჩვეულებრივ საბაზო ორკესტრს "საქართველოს ვირტუოზებს" არაჩვეულებრივი შესრულებისთვის და, რასაკვირველია, უდიდესი მადლობა ქალაქ ბათუმსა და ჩვენს ერთგულ მსმენელებს, რომლებიც ყოველ ჯერზე გვავსებენ ოვაციებით და გვჩუქნიან უზარმაზარ სითბოს.მორის შტეგერი:- ეს იყო საოცარი ემოციებით აღსავსე საღამო. განსაკუთრებულად მნიშვნელოვანი ყველასთვის, რადგან შევასრულეთ ვივალდის ნაწარმოებები და მსმენელმა იმდენად დიდი ემოცია გამოხატა ჩვენს მიმართ, რომ ბოლომდე დავიხარჯეთ. მიხარია, რომ შევძელით მსმენელის მოგზაურობა ვივალდის ჯადოსნურ სამყაროში. დიდი მადლობა ფესტივალის ორგანიზატორებს ამ უდიდესი სიამოვნებისა და პატივისთვის, რომ ვმონაწილეობ ლიანა ისაკაძის სახელობის ფესტივალში.ანდრეს გაბეტა:- საქართველოში პირველად არ ვიმყოფები. მიყვარს ეს ქვეყანა და მისი საოცრად თბილი საზოგადოება. აღფრთოვანებული ვარ საქართველოთი, არაერთხელ მითქვამს, რომ მართლა ძალიან მიყვარს ეს ქვეყანა თავისი ემოციური და გულწრფელი მსმენელით. ჩემთვის გამორჩეულად მნიშვნელოვანია ამ ფესტივალში მონაწილოეობა. კარგად ვიცნობ ქართველ მსმენელს და ზუსტად ვიცოდი, რომ განსაკუთრებული საღამო  იქნებოდა. ჩვენ ყველა ბოლომდე დავიხარჯეთ და მგონია, რომ ყველა კმაყოფილია. მადლობა ორკესტრს, თითოეულ მონაწილეს, რომ ასე შევეწყეთ და მართლაც განსაკუთრებული დღესასწაული მოვუწყეთ დამსწრე საზოგადოებას. მადლობა ფესტივალის სამხატვრო ხელმძღვანელს გიორგი ისაკაძეს, მადლობა ფესტივალის დირექორტრს ნინა ცაგარელს, რომ კიდევ ერთხელ მომეცა საშუალება ფესტივალის სახელით წარვმსდგარიყავი მსმენელის წინაშე."ღამის სერენადების" მესამე კონცერტი ბათუმში 26 აგვისტოს გაიმართება. წარმოდგენილი იქნება საღამო სახელწოდებით "ტანგოს სული" და ამით ბათუმის საფესტივალო ნაწილი დასრულდება. დასკვნითი კონცერტები კი თბილისში 9 და 11 ოქტომბერს ჩატარდება.ფესტივალის განმავლობაში გაიმართება ქართველი მხატვრების გამოფენები, დარგობრივი მასტერკლასები და ვორქშოპები მოსწავლე ახალგაზრდებისა და შშმ/სსსმ პირებისთვის.ფესტივალის მხარდამჭერები არიან: საქართველოს კულტურის სამინისტრო, ქალაქ თბილისის მერია, აჭარის კულტურის სამინისტრო, ქალაქ ბათუმის მერია, ქალაქ ბორჯომის მერია, იტალიის საელჩო საქართველოში.მასპინძელი სასტუმროები: სასტუმრო ბორჯომი ლიკანი, ჰილტონ გარდენ ინნ თბილისი, ქორთიარდ თბილისი მარიოტი.ფესტივალის სპონსორი კომპანიები: მცენარეული კოსმეტიკის ფუძემდებელი საფრანგეთიდან "ივ როშე", ნატურალური კოსმეტიკის ქართული წარმოების ბრენდი "პიელ ნატურალსი", ღვინის კომპანია "პავილიონ ვაინსი", "პსპ", ავეჯის სახლი "ნიტა".ფესტივალის პარტნიორი: თბილისის ზაქარიაფალიაშვილის სახელობის ცენტრალური სამუსიკოსკოლა "ნიჭიერთა ათწლედი".ფესტივალის საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია "რუსთავი 2", ტელეკომპანია "იმედი", "პოს ტვ", "ევრონიუს ჯორჯია", Billboard Georgia, საპატრიარქოს ტელევიზია "ერთსულოვნება", მედია და ციფრული კომუნიკაციების სააგენტო "კლიპ არტი", "პალიტრა მედია", საინფორმაციო სააგენტო "პრაიმ ტაიმი", "ჯორჯიან პრესი", ინგლისურენოვანი გაზეთი "Georgia Today", ინგლისურენოვანი ყოველდღიური გაზეთი "Messenger", ჟურნალი "სარკე", გაზეთი "აჭარა", ონლაინ მედია "აჭარა თაიმსი", რადიო "ფორტუნა" და ვებ პლატფორმა "ფორტუნა.ჯი".