1750714591

"მძულს ეს დღე და ყოველი წამი ამ დღის მოგონების" - ზურა ბაკურაძის გარდაცვალებიდან ოთხი წელი გავიდა

"მძულს ეს დღე და ყოველი წამი ამ დღის მოგონების" - წერს ნათია კობახიძე, ზურა ბაკურაძის ცოლი ფეისბუქზე. "ქართული ხმების" სოლისტი, მეორე ხმა - ზურა ბაკურაძე ოთხი წლის წინ, 23 ივნისს, მშობლიური რაჭაში უბედურ შემთხვევას ემსხვერპლა. მომღერალი ძმასთან ერთად იყო შქმერში, ხევში რომ ჩავარდა... "ქართულ "ხმებს" დიდი ძალისხმევა დასჭირდათ, რომ ამ ტრაგედიის შემდეგ, ძალა მოეკრიბათ და ისევ ემღერათ. ანსამბლში ზურას უფროსი ძმა, გივი ბაკურაძეც მღერის. გივის პრესასთან უმძიმს ძმაზე საუბარი და ბუნებრივია, რომ ამ მიზეზით, ის ინტერვიუებს თავს არიდებს. კახა ამბობს, რომ ზურას გარეშე ძველებურად ლაღი აღარ არის...კახა გრიგალაშვილი: - ზურას გარეშე მაგრად გვიჭირს, მაგრამ მაინც ვარსებობთ. სიმღერა სულის მკურნალია, კი, მაგრამ ზურას გარეშე მაგრად მიჭირს სიმღერა. მაგრამ ვფიქრობ, სანამ ცოცხალი ვარ უნდა ვიმღერო.ვაღიარებ, მაგრად მიმძიმს. არც ძველებურად მიხარია ბევრი რამ...

1750665787

საქართველოს კულტურის სამინისტროს მხარდაჭერით თოჯინების სახლში რეჟისორ ნიკოლოზ საბაშვილის მიერ დადგმული სპექტაკლის, „ჯაყოს ხიზნების” საპრემიერო ჩვენება გაიმართა

საქართველოს კულტურის სამინისტროს მხარდაჭერით თოჯინების სახლში რეჟისორ ნიკოლოზ საბაშვილის მიერ დადგმული სპექტაკლის, „ჯაყოს ხიზნების” საპრემიერო ჩვენება გაიმართა.მიხეილ ჯავახიშვილის რომანის ახლებური ვერსია საქართველოს თოჯინების პროფესიული სახელმწიფო თეატრების გაერთიანებაში შემავალი ოთხი თეატრის ერთობლივი წარმოდგენაა. სპექტაკლზე შემოქმედებითი ჯგუფი 2024 წელს ლევილის მამულში მუშაობდა.წარმოდგენაში მონაწილეობენ თბილისის, ბორჯომის, ახალციხისა და ქუთაისის თოჯინების პროფესიული სახელმწიფო თეატრების მსახიობები: დავით ბერიძე, აბელ სოსელია, მარიამ ლომიძე, თეა კიწმარიშვილი, თათია ბაქრაძე, რამონა მიქელაძე, მიხეილ ბერიძე, ოთარ ფადარაშვილი.მუსიკალური და მხატვრული გაფორმება ნიკოლოზ საბაშვილს ეკუთვნის.პრემიერას საქართველოს კულტურის მინისტრი თინათინ რუხაძე დაესწრო.

1750664840

მარი ანტუანეტის ქალიშვილის ვარდისფერი ბრილიანტი თითქმის 14 მილიონ დოლარად გაიყიდა

10.38-კარატიანი ვარდისფერი ბრილიანტი სახელწოდებით „მარია-ტერეზა“, რომელიც საფრანგეთის უკანასკნელი სამეფო წყვილის - მარი ანტუანეტისა და ლუდოვიკო XVI-ის ერთადერთ ქალიშვილს ეკუთვნოდა, ნიუ-იორკში, Christie’s-ის აუქციონზე Magnificent Jewels 13.9 მილიონ დოლარად გაიყიდა.ვარაუდობენ, რომ დედოფალმა მარი ანტუანეტმა ეს ბრილიანტი და სხვა რამდენიმე ძვირფასი ქვა თავის პარიკმახერს 1791 წელს, პარიზიდან წარუმატებელ გაქცევამდე წინა დღეს, იმ იმედით გადასცა, რომ ოდესმე უკან დაიბრუნებდა. მოგვიანებით ქვა გადასცეს საფრანგეთის დედოფლის ერთადერთ გადარჩენილ შვილს, ჰერცოგინია მარია-ტერეზა დე ანგულემს, ხოლო შემდეგ მის ძმისშვილს, მარია-ტერეზა დე შამბორს.ბრილიანტი სხვადასხვა დროს ეკუთვნოდა ფრანგულ, ბავარიულ და ავსტრიულ იმპერატორებსა და სამეფო ოჯახებს. ბოლოს ძვირფასი ქვა აუქციონზე 1996 წელს, ჟენევაში გამოჩნდა. მას შემდეგ ის საზოგადოების თვალს მიღმა რჩებოდა.

1750572932

თბილისის სახელმწიფო კონსერვატორიაში ბავშვთა და ახალგაზრდული გუნდების ფოლკლორული ფესტივალი გაიმართა

 თბილისის სახელმწიფო კონსერვატორიის დიდ დარბაზში ბავშვთა და ახალგაზრდული გუნდების ფოლკლორული ფესტივალი გაიმართა, რომელიც დედაქალაქის საკრებულოს მხარდაჭერითა და თბილისის მერიის დაფინანსებით უკვე მეოთხე წელია ტარდება. ფესტივალის მიზანია არასახელმწიფო დაფინანსებაზე მყოფი თბილისის ბავშვთა ფოლკლორული გუნდების ხელშეწყობა. ინფორმაციას თბილისის საკრებულო ავრცელებს.შემოქმედებითი საღამოს მონაწილეებს ჯილდოები და სიგელები დედაქალაქის საკრებულოს განათლებისა და კულტურის კომისიის თავმჯდომარემ, კახა ლაბუჩიძემ და საკრებულოს ფრაქცია „ქართული ოცნების“ თავმჯდომარემ, ოთარ გრიგოლიამ, გადასცეს.ღონისძიებაზე საკრებულოს განათლებისა და კულტურის კომისიის თავმჯდომარე აღნიშნა, რომ ძალიან მნიშვნელოვანია ახალგაზრდული გუნდების ფესტივალი, რათა კიდევ უფრო გაიზარდოს ხალხური შემოქმედებისადმი ინტერესი.„ბავშვთა და ახალგაზრდული გუნდების ფოლკლორული ფესტივალი უკვე მეოთხედ ტარდება. თბილისის მუნიციპალიტეტი ამ ფესტივალის ძალიან დიდი მხარდამჭერია. წლიდან წლამდე ეს ფესტივალი უფრო პოპულარული ხდება და მან მართლაც დაიმკვიდრა ღირსეული ადგილი შემოქმედებით ასპარეზზე. ფესტივალს ძალიან ძლიერი შემოქმედებითი კოლექტივი ჰყავს, რაც მას უფრო და უფრო პოპულარულს ხდის. მინდა ყველა მონაწილეს მივულოცო დღევანდელი დღე და წარმატებები ვუსურვო“, - განაცხადა კახა ლაბუჩიძემ.ბავშვთა და ახალგაზრდული გუნდების უკვე ტრადიციად ქცეულ ფოლკლორულ ფესტივალში მონაწილეობას სხვადასხვა ფოლკლორული გუნდები იღებენ. ფესტივალის სამხატვრო ხელმძღვანელები ანსამბლ ,,შავნაბადას“ ხელმძღვანელი, ლოტბარი დავით ცინცაძე და ანსამბლ „საგალობელის“ ხელმძღვანელი, ლოტბარი მაია მიქაბერიძე არიან.წელს ტრადიციულ მუსიკაში შეტანილი წვლილისთვის ათი ფოლკლორული ანსამბლი დააჯილდოვეს. შემოქმედებითი საღამო ყველა მონაწილის ერთობლივად შესრულებული მრავალჟამიერით დასრულდა.

1750430801

გელათის რეაბილიტაციის პროცესში დაიძლია მთავარი სირთულე - შეჩერებულია შეუქცევადი დაზიანების საფრთხეები და მიმდინარეობს ფართო მასშტაბური მუშაობა - მიტროპოლიტი შიო

გელათის რეაბილიტაციის დროებითმა კომიტეტმა, თბილისში გამართულ საერთაშორისო კონფერენციაზე, 2023-2025 წლების საქმიანობის ანგარიში წარადგინა.ორწლიანი ანგარიში მოიცავს გელათის მონასტრის მსოფლიო მემკვიდრეობის ძეგლის განახლებული მართვის გეგმის პროექტს, გელათის ღვთისმშობლის შობის სახელობის ტაძრის დროებითი გადახურვისა და ხარაჩოს მოწყობის საკითხებს.კონფერენცია გახსნეს და დამსწრეებს სიტყვით მიმართეს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, გელათის რეაბილიტაციის დროებითი კომიტეტის თავმჯდომარემ, მეუფე შიომ (მუჯირი), და ასევე ქართველმა და უცხოელმა ექსპერტებმა, რომლებიც აქტიურად არიან ჩართული შუა საუკუნეების გამორჩეული კულტურული მემკვიდრეობის ძეგლის დაცვისა და რეაბილიტაციის მიმართულებით ჩატარებულ სამუშაოებში.საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) სიტყვა გელათის რეაბილიტაციის დროებითი კომიტეტის ორწლიანი საქმიანობისადმი მიძღვნილ საერთაშორისო კონფერენციაზე:"მუშაობის ყველა ეტაპზე, თითოეულ მოქმედებაში, განსაკუთრებული ყურადღება ექცევა ხარისხს, რათა ყველა საკონსერვაციო მიმართულება საერთაშორისო სტანდარტების შესაბამისად ხორციელდებოდეს. რეაბილიტაციის პროცესში დაიძლია მთავარი სირთულე - შეჩერებულია შეუქცევადი დაზიანების საფრთხეები და მიმდინარეობს ფართო მასშტაბური მუშაობა, როგორც სამეცნიერო კვლევა-დიაგნოსტიკის, ასევე ფიზიკური სამუშაოების მხრივ,"- აცხადებს მიტროპოლიტი შიო. 

1750408078

ხევსურული „ნაჭრელას“ ქარგვის ტრადიციას არამატერიალური კულტურული მემკვიდრეობის ძეგლის სტატუსი მიენიჭა

ხევსურული „ნაჭრელას“ ქარგვის ტრადიციას არამატერიალური კულტურული მემკვიდრეობის ძეგლის სტატუსი მიენიჭა, - ინფორმაციას საქართველოს კულტურული მემკვიდრეობის დაცვის ეროვნული სააგენტო ავრცელებს.„ნაჭრელა“ ხევსურეთის მთებში დაბადებული მრავალგვარი და მრავალსახა ორნამენტებით შექმნილი და დასრულებული კომპოზიციაა, რომელიც სამოსისა და აქსესუარების მთავარ მახასიათებლად მიიჩნეოდა. ხევსურეთის ეთნოგრაფიულ სინამდვილეში „ნაჭრელა“ გვხვდება ხეზე, ლითონზე, ძვალსა და ქვაზეც.„ნაჭრელას“ ხევსურები ნაქარგ სახეს უწოდებენ. ეს, საუკუნეების წიაღიდან, დღემდე შემონახული ულამაზესი ორნამენტებისა და ფერების ჰარმონიული შერწყმაა, რომელიც ჯვრული ტექნიკის გამოყენებით სრულდება.ტრადიციულად, დედიდან შვილზე გადაცემული „ნაჭრელას“ ქარგვის საუკუნოვანი ტრადიცია, როგორც ამ ოსტატთა იდენტობის მნიშვნელოვანი მახასიათებელი, დღესაც ცოცხალია", - აღნიშნულია ინფორმაციაში.

1750404149

ნოე რამიშვილის შთამომავალმა ეროვნულ არქივს საოჯახო არქივში დაცული მასალა გადასცა

საქართველოს დემოკრატიული რესპუბლიკის პირველი თავმჯდომარის, ნოე რამიშვილის შვილიშვილმა მიშელ რამიშვილმა ეროვნულ არქივს ბაბუის პირადი წერილები და მათ ოჯახში დაცული სხვა საარქივო მასალა გადასცა. ინფორმაციას ეროვნული არქივი ავრცელებს.გადმოცემულ დოკუმენტებს შორის განსაკუთრებით მნიშვნელოვანია ნოე რამიშვილის მიერ მეუღლისთვის – მარიამ გოგიაშვილისთვის – 1924-1930 წლებში გაგზავნილი წერილები, რომლებიც ნათლად წარმოაჩენს ქართველი პოლიტიკოსის ადამიანურ ბუნებას, მის დამოკიდებულებასა და სიყვარულს ოჯახის მიმართ. მიშელ რამიშვილმა ეროვნულ არქივს ასევე გადასცა საქართველოს სოციალ-დემოკრატიული პარტიის საზღვარგარეთის ბიუროს პერიოდული გამოცემა „ჩვენი დროშის“ 1950 წლის ნომერი; ქართული პერიოდული პრესის ნიმუშები; გამორჩეულია 1951 წელს დავით ბუაჩიძის სახელზე საფრანგეთში გაცემული სამოგზაურო დოკუმენტი და ლტოლვილის სერტიფიკატი; შეტყობინება ნოე რამიშვილის გარდაცვალების შესახებ, ასევე მის გარდაცვალებასთან დაკავშირებით ნოე რამიშვილის მეუღლისა და შვილებისთვის გაგზავნილი თანაგრძნობის ბარათი; 1928 წელს პირველი რესპუბლიკის მთავრობაში ფინანსთა და ვაჭრობა-მრეწველობის მინისტრ კონსტანტინე კანდელაკისადმი მიწერილი წერილი და სხვა.აღსანიშნავია, რომ ეროვნული არქივი ინახავს ნოე რამიშვილის პირად ფონდს, რომელიც 1917-1965 წლებში შექმნილ 90 საარქივო საქმეს აერთიანებს. ნოე რამიშვილის შთამომავლის მიერ ეროვნული არქივისთვის ახლად გადმოცემული დოკუმენტები სწორედ ქართველი პოლიტიკოსის პირად ფონდს შეემატება და დაინტერესებული მკვლევრებისთვის უახლოეს მომავალში გახდება ხელმისაწვდომი.

1750354720

ბექა დავითულიანი გელათის სამონასტრო კომპლექსში მიმდინარე სარეაბილიტაციო სამუშაოებს გაეცნო

გელათის რეაბილიტაციის დროებითი კომიტეტის სამეცნიერო კონფერენციამდე, რომელიც თბილისში გაიმართება, საქართველოს კულტურის მინისტრის მოადგილე ბექა დავითულიანი გელათის სამონასტრო კომპლექსში მიმდინარე სარეაბილიტაციო სამუშაოებს გაეცნო.სამონასტრო კომპლექსში გამართულ სამუშაო შეხვედრაზე იმყოფებოდნენ გელათის რეაბილიტაციის დროებითი კომიტეტის თავმჯდომარის მოადგილე არქიმანდრიტი კირიონი (ონიანი), საქართველოს ეროვნული მუზეუმის გენერალური დირექტორი, ეროვნული სამეცნიერო საბჭოს მდივანი დავით ლორთქიფანიძე, ხელოვნების ისტორიის ინსტიტუტის დირექტორი ფლორენციაში, საერთაშორისო მრჩეველთა საბჭოს მდივანი გერჰარდ ვოლფი და კომიტეტის წევრები.ბექა დავითულიანმა და დავით ლორთქიფანიძემ სამონასტრო კომპლექსის ტერიტორიაზე განთავსებული სამეცნიერო ლაბორატორიაც დაათვალიერეს.ძეგლზე ჩატარებული სამუშაოების ფაქტობრივ მდგომარეობას მინისტრის მოადგილე გელათის კომიტეტის ეროვნული სამეცნიერო და საერთაშორისო მრჩეველთა საბჭოების წევრებთან ერთად გაეცნო.ინფორმაციას კულტურის სამინისტრო ავრცელებს.

1750245122

Sotheby’s ნაპოლეონისადმი მიძღვნილ აუქციონს ჩაატარებს

საფრანგეთის იმპერატორთან ნაპოლეონ ბონაპარტთან დაკავშირებული 100-მდე ნივთი Sotheby’s აუქციონზე გაიყიდება. როგორც კომპანიის ვებგვერდზეა აღნიშნული, აუქციონი 25 ივნისს პარიზში გაიმართება.აუქციონზე წარმოდგენილი ყველა ლოტი კერძო კოლექციონერმა პიერ-ჟან შალანსონმა 40 წლის განმავლობაში შეაგროვა. გამოფენილ ნივთებს შორისაა ავეჯი, სუფრის ვერცხლი, ფაიფური, სკულპტურები, ნახატები და ძველი ოსტატების ჩანახატები.მთავარ ლოტებს შორისაა ნაპოლეონის ქუდი, რომელიც მისმა პირადმა მექუდე პუპარმა დაამზადა - მისი ღირებულება 500-დან 800 ათას ევრომდეა შეფასებული. ასევე წარმოდგენილია იმპერატორის პირადი ბეჭედი, დამზადებული ოქროსა და ჩაის ხისგან, რომლის ღირებულებაც 150-250 ათას ევროს შეადგენს. აუქციონზე ასევე გამოტანილია გადასატანი სამეფო საწოლი, ცერემონიალური ხმალი, რომელიც პარიზის ღვთისმშობლის ტაძარში მისი კორონაციის დროს გამოიყენეს და ნაპოლეონის პორტრეტები.

1750229820

ლუვრის მუზეუმი დაიკეტა - აი, რატომ

ლუვრმა — მსოფლიოს ყველაზე პოპულარული მუზეუმი და ხელოვნების, გამძლეობისა და სილამაზის საერთაშორისო სიმბოლო, რომელმაც გაუძლო ომებს, ტერორსა და პანდემიას, გაფიცული თანამშრომლების გამო ორშაბათს მუშაობა შეწყვიტა.მუზეუმის ვიზიტორთა თქმით, ეს თითქმის წარმოუდგენელი სანახაობა იყო: იმ შენობის კარი, რომელიც ლეონარდო და ვინჩის ნამუშევრებისა და ცივილიზაციის მრავალათასწლოვანი საგანძურს ინახავს, სწორედ იმ ადამიანების მიერ დაიკეტა, რომლებიც მნახველებს უნდა ეხმარებოდნენ. მუზეუმის გაფიცული თანამშრომლები აცხადებენ, რომ ლუვრი მასობრივი ტურიზმის სიმძიმეს ვეღარ უძლებს.ათასობით დაბნეული და გაოგნებული ტურისტი ბილეთებით ხელში მოულოდნელად აღმოჩნდა ლუვრის ცნობილი პირამიდის გარეთ. „გარეთ მონა ლიზას ოხვრა ისმის," - თქვა კევინ უორდმა, 62 წლის ტურისტმა აშშ-დან. „ათასობით ადამიანი დგას რიგში, არანაირი კომუნიკაცია, არანაირი ახსნა. ალბათ მასაც სჭირდება დასვენების დღე."ლუვრი ზღვარგადასული ტურიზმის სიმბოლოდ იქცა. მაშინ, როცა ისეთი ცხელი წერტილები, როგორიცაა ვენეცია და აკროპოლისი, ტურისტული ნაკადების შემცირებას ცდილობენ, მსოფლიოს ყველაზე ცნობილმა მუზეუმმა, რომელსაც მილიონობით ადამიანი სტუმრობს, გადატვირთულობის კრიზისულ ზღვარს მიაღწია.გასულ შაბათ-კვირას სამხრეთ ევროპაში ტურიზმის საწინააღმდეგო კოორდინირებული საპროტესტო აქციები გაიმართა. ათასობით ადამიანი გამოვიდა მალიორკაში, ბარსელონაში, ვენეციაში, ლისაბონში და სხვა ქალაქებში, სადაც გმობენ ეკონომიკურ მოდელს, რომელიც, მათი თქმით, ადგილობრივებს ტურისტებით ანაცვლებს და ქალაქის ცხოვრებას აცარიელებს. ბარსელონაში აქტივისტებმა ტურისტებს წყლის პისტოლეტებიც დაუმიზნეს, რაც "გადახურებული" ტურიზმის "გაგრილების" თეატრალური მცდელობა იყო.ლუვრში სპონტანური გაფიცვა რუტინული შიდა შეხვედრის დროს დაიწყო, როცა გალერეის თანამშრომლებმა, ბილეთების გამცემებმა და უსაფრთხოების პერსონალმა უარი თქვეს მუშაობაზე — უკონტროლო ტურისტთა ჯგუფების, კადრების დეფიციტისა და, როგორც ერთმა პროფკავშირმა უწოდა, "შეუძლებელ" სამუშაო პირობებზე პროტესტის ნიშნად.ლუვრისთვის იშვიათია კარის დაკეტვა. ეს მოხდა მეორე მსოფლიოს ომის, პანდემიისა და რამდენიმე გაფიცვის დროს - მათ შორის 2019 წლის სპონტანური გაფიცვისას გადატვირთულობის გამო და 2013 წელს უსაფრთხოების შიშების ფონზე. თუმცა, მნახველთა თვალწინ მუზეუმის კარი იშვიათად იკეტება.გასათვალისწინებელია ის ფაქტიც, რომ საფრანგეთის პრეზიდენტმა, ემანუელ მაკრონმა, რამდენიმე თვის წინ წარადგინა მასშტაბური, ათწლიანი გეგმა ლუვრის გადასარჩენად — სწორედ იმ პრობლემების წინააღმდეგ, რომლებიც ახლა ამოტივტივდა: წყლის გაჟონვა, საშიში ტემპერატურული მერყეობები, მოძველებული ინფრასტრუქტურა და ვიზიტორთა ნაკადი, რომელიც მუზეუმის შესაძლებლობებს მნიშვნელოვნად აჭარბებს.თუმცა, როგორც ჩანს, ლუვრის თანამშრომლებისთვის, ეს დაპირებული მომავალი შორეული და მიუწვდომელი ჩანს.ჯერჯერობით უცნობია, როდის გაიღება ლუვრის კარი დამთვალიერებლებისათვის. 

1750173406

ნატალია ოსიპოვა თბილისშია - ლონდონის სამეფო ბალეტის პრიმა-ბალერინა საპრემიერო სპექტაკლით, გრიბოედოვის თეატრის სცენაზე წარდგა

ლონდონის სამეფო ბალეტის პრიმა-ბალერინა გრიბოედოვის თეატრის სცენაზე იმ საპრემიერო სპექტაკლით წარდგა, რომელიც კლასიკურთან ერთად, თანამედროვე დადგმებს და არტისტის 20-წლიან შემოქმედებას აერთიანებს.„ნატალია ოსიპოვა - ბუნების ძალა“ - სოლისტის ყველაზე გახმაურებული ექსტრავაგანზაა და მის მრავალფეროვნებასა და შემოქმედებით თავისუფლებას უსვამს ხაზს.სცენაზე ყოფნის ყოველი წუთი აუდიტორიისთვის დაუვიწყარ შთაბეჭდილებად იქცა, მიუხედავად იმისა, რომ ქართველი მაყურებელი ყველა დროში, მაღალი დონის საბალეტო შესრულების ხილვით განებივრებულია.ნატალია ოსიპოვა თბილისს "სოსო ლაღიძის ხელოვნების საერთაშორისო ფესტივალის,"თბილისი რიტმი"-ის ფარგლებში ეწვია.ფესტივალი დაარსების დღიდან მსოფლიო სახელოვნებო სივრცეებში აღიარებულ არტისტებს მასპინძლობს.ნატალია ოსიპოვა მსოფლიოს სხვადასხვა საბალეტო დასის წამყვან მოცეკვავეებთან ერთად ჩამოვიდა, მათ შორის არის ვენის ოპერის წამყვანი სოლისტი ვიქტორ კაიშეტა, რომელიც თბილისს პირველად ესტუმრა და ქართველი მაყურებლით მოხიბლული დარჩა.ფესტივალი „თბილისი რიტმი“ გრძელდება, 2025 წლის სეზონი 9 სექტემბერს, გრიბოედოვის თეატრში, ლეგენდარული ფრანგი აკორდეონისტის რიშარ გალიანოს საპრემიერო ალბომის პრეზენტაციით დაიხურება.

1750164076

აჭარის კულტურის მინისტრმა ელისო ბოლქვაძემ რუმინეთის ქალაქ კონსტანცაში, საქმიანი ვიზიტის ფარგლებში ოფიციალური შეხვედრები გამართა

აჭარის კულტურის მინისტრი ელისო ბოლქვაძე 15-16 ივნისს რუმინეთის ქალაქ კონსტანცაში, საქმიანი ვიზიტის ფარგლებში კონსტანცას მერს, ვერგილ ჩიცაკს, სამხარეო ადმინისტრაციის საბჭოს ვიცე-პრეზიდენტს, რაზვან ფილიპესკუს და საბჭოს მრჩეველს კულტურის საკითხებში, გაბრიელ კროიტორუს, შეხვდა. ოფიციალურ შეხვედრებს ესწრებოდა რუმინეთში, საქართველოს საგანგებო და სრულუფლებიანი ელჩი, თამარ ბერუჩაშვილი.ყურადღება გამახვილდა აჭარის კულტურის სამინისტროსა და კონსტანცას რეგიონს შორის თანამშრომლობის შესაძლებლობებზე, პრიორიტეტული მიმართულებების ჩამოყალიბებასა და ერთობლივი პროექტების განხორციელებაზე.მინისტრი ასევე ეწვია კონსტანცას სახელმწიფო თეატრს, შეხვდა დირექტორს ერვინ შიმსენსონს. მოინახულა კონსტანცას ხელოვნების მუზეუმი, სადაც დირექტორის მოადგილემ იოანა პრედესკუსმა უმასპინძლა. ვიზიტის ფარგლებში, მინისტრმა დაათვალიერა კონსტანცას ახლადრეაბილიტირებული ისტორიული მემკვიდრეობის ძეგლი – კულტურულ-საგამოფენო ცენტრი, რომელიც ქალაქის ერთ-ერთი მთავარი ღირსშესანიშნაობაა.ელისო ბოლქვაძის განცხადებით, აღნიშნული ვიზიტი მნიშვნელოვანია ბათუმსა და კონსტანცას შორის კულტურული დიალოგის გაღრმავების, გამოცდილების გაცვლისა და ერთობლივი ინიციატივების განვითარების მიმართულებით.„ქალბატონო მინისტრო, თქვენი აქ ყოფნა, როგორც ცნობილი ხელოვანის და მთავრობის წევრის, წარმოადგენს ორი ქვეყნის კულტურულ ინსტიტუტებსა და ხელოვანებს შორის მნიშვნელოვანი თანამშრომლობის დასაწყისს“, აღნიშნა შეხვედრაზე კონსტანცას მერმა ვერგილ ჩიცაკმა.შეხვედრაზე აღინიშნა, რომ კონსტანცასა და აჭარას ბევრი საერთო აქვთ და მნიშვნელოვანია სამომავლოდ, ამ კავშირების გაღრმავება განსაკუთრებით კულტურის სფეროში.ინფორმაციას აჭარის კულტურის სამინისტრო ავრცელებს.