ტექნოლოგიები • 1788596053

გაერო მსოფლიო რუკას ცვლის - ისტორიული კენჭისყრა რუკის პროექციაზე

საქართველომ გაერო-ში მსოფლიო რუკის პროექციის ცვლილების რეზოლუციაზე თავი შეიკავა.გაერთიანებული ერების ორგანიზაციის გენერალურმა ასამბლეამ მიიღო რეზოლუცია სახელწოდებით „შეასწორე რუკა“, რომელიც მსოფლიო რუკაზე კონტინენტების პროპორციების უფრო აკურატულად ასახვასა და აფრიკის რეალური ზომების ჩვენებას ითვალისწინებს. კენჭისყრაზე საქართველოს დელეგაციამ თავი შეიკავა.რა შინაარსის იყო კენჭისყრა?აფრიკის ქვეყნების ინიციატივით წარდგენილი რეზოლუციის მიზანია ტრადიციული მერკატორის პროექციის ჩანაცვლება ისეთი თანაბარფართობიანი პროექციებით (მაგალითად, Equal Earth), რომლებიც კონტინენტების ზომებს არ ამახინჯებს.საუკუნეების განმავლობაში დამკვიდრებული მერკატორის რუკა პოლუსებთან ახლოს მდებარე ტერიტორიებს (მაგალითად, ევროპასა და ჩრდილოეთ ამერიკას) ვიზუალურად ადიდებს, ხოლო ეკვატორულ რეგიონებს, განსაკუთრებით აფრიკის კონტინენტს, რეალურზე ბევრად პატარად აჩენს. ინიციატივა მოუწოდებს საერთაშორისო ორგანიზაციებს, საგანმანათლებლო დაწესებულებებსა და ტექნოლოგიურ პლატფორმებს, გადავიდნენ უფრო ზუსტ გეოგრაფიულ გამოსახულებებზე.კენჭისყრის შედეგები:რეზოლუციას მხარი 164-მა ქვეყანამ დაუჭირა.წინააღმდეგი: მხოლოდ აშშ.თავი შეიკავა: 6-მა სახელმწიფომ - საქართველომ, უკრაინამ, მოლდოვამ, ესტონეთმა, ლიეტუვამ და სერბეთმა.დიპლომატიური კონტექსტი;საქართველოსა და რეგიონის სხვა პარტნიორი ქვეყნების მიერ პოზიციის დაფიქსირებისგან თავის შეკავება, როგორც წესი, ტექნიკურ, სტანდარტიზაციის ან გეოპოლიტიკურ ასპექტებთან დაკავშირებული დამატებითი კონსულტაციების საჭიროებით იხსნება. მიუხედავად იმისა, რომ რეზოლუციას უმრავლესობამ დაუჭირა მხარი, პროექტორული გეოგრაფიული ცვლილებების საერთაშორისო სტანდარტებად ქცევა და გლობალურ საგანმანათლებლო თუ ციფრულ სისტემებში ასახვა ეტაპობრივად განხორციელდება.

შემთხვევა • 1788595173

მძღოლი ადგილზე გარდაიცვალა, არიან დაშავებულები - ტრაგედია ომალოში

ერთი ადამიანი გარდაიცვალა, ოთხი კი დაშავდა თუშეთში მომხდარი ავტოსაგზაო შემთხვევის შედეგად.შემთხვევა სოფელ ომალოში მოხდა.თვითმხილველების ინფორმაციით, მსუბუქი ავტომობილი, რომელშიც ხუთი ადამიანი იმყოფებოდა, გზის სავალი ნაწილიდან გადავიდა და რამდენჯერმე ამობრუნდა.მიღებული დაზიანებების შედეგად, ავტომობილის მძღოლი ადგილზე გარდაიცვალა.ოთხი მგზავრი კი დაშავდა. სასწრაფო-სამედიცინო დახმარების ბრიგადამ, დაშავებულები თელავის საავადმყოფოში გადაიყვანა.ექიმების განმარტებით, დაზარალებულებს მრავლობითი დაზიანებები და ქვედა კიდურების მოტეხილობები აღენიშნებათ.ავარიის მიზეზად, გადაჭარბებული სიჩქარე სახელდება

პოლიტიკა • 1788593939

„ეს ნიკა გვარამიას მუქარა ჩემს მიმართ იდოს მაინც აქ, არქივისთვის“ - ნინო წილოსანი გვარამიას პასუხობს

პარლამენტის თავმჯდომარის მოადგილე ნინო წილოსანი ნიკა გვარამიას პასუხობს."ეს ნიკა გვარამიას მუქარა ჩემს მიმართ იდოს მაინც აქ, არქივისთვის", - წერს ვიცე-სპიკერი სოციალურ ქსელში და ვიდეოს აქვეყნებს.ცნობისთვის, ნიკა გვარამია ნინო წილოსანს გუშინ ტელეეთერით დაემუქარა. გვარამია ამბობს, რომ ხელისუფლების შეცვლის შემდეგ ბევრ რაიმეს ათქმევინებს კონკრეტულ ადამიანებზე. აქვე, მოუწოდებს, რომ მისთვის ჯობს, ახლა ჩუმად იყოს.

მსოფლიო • 1788593535

ტრამპის განცხადებით, მას შემდეგ, რაც მან ონტარიოს ტბას ამერიკის ტბა დაარქვა, აღნიშნულ რეგიონში ბიზნესი აყვავდა

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ მას შემდეგ რაც მან კანადა-ამერიკის საზღვარზე მდებარე ონტარიოს ტბას ამერიკის ტბა დაარქვა, აღნიშნულ რეგიონში ბიზნესი აყვავდა.„ადამიანებს, განსაკუთრებით კი ამერიკის შეერთებული შტატების პატრიოტებს, ძალიან მოსწონთ ონტარიოს ტბისთვის სახელის გადარქმევა და მისთვის „ამერიკის ტბის“ დარქმევა! მხარდაჭერა მართლაც უზარმაზარია, მათ შორის Google Maps-ის, Apple Maps-ისა და Microsoft-ის Bing Maps-ის მხრიდანაც. სახელის გადარქმევის შემდეგ, ტბის ამერიკულ სანაპიროზე ბიზნესი უბრალოდ აყვავდა!“, - დაწერა ტრამპმა.ცნობისთვის, ტრამპმა 27 აგვისტოს ხელი მოაწერა აღმასრულებელ ბრძანებას, რომლითაც ონტარიოს ტბას ამერიკის ტბა დაარქვა. აღნიშნულმა ფაქტმა კანადის ხელისუფლების აღშფოთება გამოიწვია.

სამართალი • 1788592348

სამართალდამცველებმა თბილისში მომხდარი ყაჩაღობის ფაქტი ცხელ კვალზე გახსნეს - დაკავებულია არასრულწლოვანი

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, ჯგუფურად ჩადენილი ყაჩაღობის ბრალდებით არასრულწლოვანი დააკავეს, ხოლო კიდევ ერთიარასრულწლოვანი ამხილეს.სამართალდამცველების მიერ ჩატარებული გამოძიებით დადგინდა, რომ არასრულწლოვნები, ცივი იარაღით თბილისში თავს დაესხნენ ტაქსის მძღოლს, რომელსაც სიცოცხლის მოსპობის მუქარით თანხა გასტაცეს და შემთხვევის ადგილიდან მიიმალნენ.პოლიციამ ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად დანაშაულის ჩამდენი ერთ-ერთი არასრულწლოვანი ბრალდებულის სახით დააკავა, ხოლო მეორე არასრულწლოვნის მიმართ კანონით განსაზღვრული ღონისძიებები ტარდება.გამოძიება სისხლის სამართლის კოდექსის 179-ე მუხლით მიმდინარეობს, რაც 9 წლამდე ვადით თავისუფლების აღკვეთას ითვალისწინებს.