დედაქალაქი • 1790784864

საბურთალოს ნაწილს ელექტროენერგია არ მიეწოდება - ნახეთ, აღდგენის დრო და ქუჩების ჩამონათვალი

„თელასის“ ცნობით, ავარიის გამო, საბურთალოს ნაწილს ელექტროენერგია არ მიეწოდება. კომპანია ქუჩების ჩამონათვალს აქვეყნებს და აღდგენის სავარაუდო დრო ასახელებს.„გაცნობებთ, რომ ავარიის გამო ელექტრომომარაგება არ მიეწოდება საბურთალოს რაიონის შემდეგ ქუჩებს: ტაშკენტის, გურამ ფანჯიკიძის, ორთაჭალის, ლისის საკრებულოს ტერიტორია, ტოგო გუდავას, საირმის გორა, გურამ ტატიშვილის, დელისის, ვახტანგ ჩიქოვანის II შესახვევი, იოველ ჯებაშვილის, ცაცხვების IV შესახვევი, მ. სამედიცინო-2, მ. დელისი-2, დელისის 1, დელისის 1 ჩიხი, იოველ ჯებაშვილის 1 გასასვლელი, ზემო ვეძისის დასახლება, ლუქსემბურგის, ილია ოდიშელიძის, ავქსენტი ნაჭყებიას I ჩიხი, მირზა გელოვანის, ლისის ტბის მიმდებარედ, არჩილ ცაგარლის, თბილისი, მიხეილ ასათიანის, ზემო დელისის, დელისის 3, ილია აბულაძის I შესახვევი, დელისის III შესახვევი, შალვა გოგიძის, მაჭავარიანი მუხრანის, მუხრან მაჭავარიანის, ლიხის, მუხის, ლისის იასამნების, ცაცხვების V შესახვევი, მ. დელისი-1, ზაქარიაძის, ცინცაძის, მერი დავითაშვილის, ვარდენ წულუკიძის I ჩიხი, ყუშიტაშვილის, ქართველიშვილის, ოთარ ჭილაძის, ონკოლოგიურის ფერდობი, შმიდტის, ემანუელ აფხაიძის 1 შესახვევი, ილია აბულაძის, კამანის, ბზის, იოსებიძის, ასათიანი ლ., შევარდენიძის, პეტრე ქავთარაძის, რესპუბლიკური საავადმყოფოს წინ, ვაჟა-ფშაველას I შესახვევი, მარო თარხნიშვილის II ჩიხი, ბუდაპეშტის, ცხინვალის, ვარდენ წულუკიძის, მერი დავითაშვილი I ჩიხი, ლვოვის, ოდესის, ავქსენტი ნაჭყებიას, ინტენსიფიკაციის, საბურთალოს, ყაზბეგის გამზირი, თამაზ ნადარეიშვილის, გაზაფხულის, მამია გურიელის, მ. გოცირიძე, მეტრო დელისი - 2, ვანო წამალაშვილის I შესახვევი, გივი კარტოზიას, ონიაშვილის, ვაზისუბნის, ლევანდოვსკის, გაბრიელ ისაკაძის, უცნობი ქუჩა, ვაჟა-ფშაველას გამზირი, ლისის ტბა, მიცკევიჩის, მეგრელიძის შესახვევი, მეგრელიძის, ნუცუბიძე-ვაშლიჯვრის დამაკავშირებელი გზის მიმდებარედ, ცაცხვების VIII შესახვევი, შავგულიძის, ჯანო ბაგრატიონის, ფერდინანდ თავაძის, ნუცუბიძის პლ. 4 მ-რ., კანდელაკის, ზემო ვეძისის, ბუდაპეშტის II შესახვევი, ტაშკენტის შესახვევი, ამბროლაურის, ელგუჯა ამაშუკელის, ბურძგლას, მიხეილ ასათიანის, ზურაბ და თეიმურაზ ზალდასტანიშვილების, ემანუელ აფხაიძის, შალვა ნუცუბიძის I ჩიხი, ლისის, ტირიფების, ცაცხვების II შესახვევი, კუტუზოვის, მ. დელისის მიმდებარე ტერიტორია, მიხეილ თამარაშვილის ქუჩა, დელისის I შესახვევი, ილია ოდიშელიძის I ჩიხი, ზოვრეთის, ავქსენტი ნაჭყებიას, ლეო კვაჭაძის (საბ.), მეგრელიძის I ჩიხი, დელისის 3 ჩიხი, ნეკერჩხლის, ცაცხვების ქ., ცაცხვების III შეს., ცაცხვების VII შესახვევი, ცაცხვების IX შესახვევი, მ. დელისი, მიხეილ თამარაშვილის გამზირი, მერი დავითაშვილის ჩიხი, ელისაბედ ჩერქეზიშვილის, გურამ ფანჯიკიძის II შესახვევი, იონა ვაკელის, შალვა ნუცუბიძის, ნუცუბიძის ფერდობი, საირმის, ვახტანგ ჩიქოვანის, კამანის I ჩიხი, იასამნის, ცაცხვების I შესახვევი, ვაჟა-ფშაველას ჩიხი, ვაჟა-ფშაველას I ჩიხი, გიო ხუციშვილის, სულხან ცინცაძის, მარო თარხნიშვილის.ელექტრომომარაგების აღდგენის სავარაუდო დრო: 30.2026, 21:05 სთ.კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება“, - აცხადებენ „თელასში“.

მსოფლიო • 1790784564

თავის ტვინის კიბოს დიაგნოსტიკაში ახალი ეტაპი იწყება - FDA-მ ინოვაციური პრეპარატი დაამტკიცა

თავის ტვინის გლიომის მკურნალობის შემდეგ ექიმებისთვის ერთ-ერთი მთავარი გამოწვევა არის იმის დადგენა, MRI-ზე აღმოჩენილი ცვლილება სიმსივნის ხელახალი ზრდაა თუ სხივური თერაპიის შედეგად დაზიანებული ქსოვილი.ამ პრობლემის გადასაჭრელად, 2026 წლის სექტემბერში, აშშ-ის სურსათისა და მედიკამენტების ადმინისტრაციამ (FDA) დაამტკიცა კომპანია Telix Pharmaceuticals-ის ახალი სადიაგნოსტიკო პრეპარატი - Pixclara (floretyrosine F 18).Pixclara გამოიყენება PET სკანირების დროს და ამინომჟავაზე დაფუძნებული რადიოაქტიური მარკერია. მისი მიზანია სიმსივნური ქსოვილის უკეთ გამოკვეთა, რაც ექიმებს საშუალებას აძლევს, უფრო ზუსტად განასხვავონ აქტიური სიმსივნე მკურნალობის შედეგად დარჩენილი ცვლილებებისგან.ახალი ტექნოლოგია შესაძლოა განსაკუთრებით მნიშვნელოვანი იყოს იმ პაციენტებისთვის, რომელთა შემთხვევაში ჩვეულებრივი MRI-ის შედეგი გაურკვეველია. უფრო ზუსტმა დიაგნოსტიკამ შეიძლება ხელი შეუწყოს მკურნალობის სწრაფად დაგეგმვას და ზოგიერთ შემთხვევაში დამატებითი ინვაზიური პროცედურების თავიდან აცილებას.FDA-ს ინფორმაციით, Pixclara-ის გამოყენება დასაშვებია როგორც ზრდასრულებში, ისე 1 თვის ასაკიდან ბავშვებსა და მოზარდებში.სპეციალისტების შეფასებით, ასეთი დიაგნოსტიკური მეთოდების განვითარება პერსონალიზებული მედიცინის მნიშვნელოვანი ნაწილია - ექიმებს სიმსივნის მდგომარეობის უფრო ზუსტად შეფასებისა და მკურნალობის გადაწყვეტილებების უკეთ დაგეგმვის შესაძლებლობას აძლევს.

საზოგადოება • 1790784019

წალენჯიხა-ობუჯი-ჯიხაშკარის გზის მე-11 კმ-ზე მოძრაობა დროებით აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის წალენჯიხა-ობუჯი-ჯიხაშკარის საავტომობილო გზის მე-11 კმ-ზე უხვი ნალექის შედეგად ადიდებულმა მდინარემ დააზიანა დროებით მოწყობილი სახიდე გადასასვლელი, რის გამოც გზის აღნიშნულ მონაკვეთზე დროებით იკრძალება ყველა სახის ავტოტრანსპორტის მოძრაობა.

მსოფლიო • 1790782902

ვრცელდება პირველი კადრები Flydubai-ის რეისიდან

დუბაი-თელ ავივის რეისზე ერთმა პილოტმა თვითმფრინავის ჩამოგდება სცადა, მეორე პილოტმა კი მგზავრების დახმარებით შეაჩერა. „ფლაიდუბაის“ თვითმფრინავში ინციდენტის დროს 180 მგზავრი, მათ შორის ისრაელის რამდენიმე ათეული მოქალაქე იმყოფებოდა. საუდის არაბეთის თავზე ფრენისას Boeing 737 MAX-მა მცირე ხნით გადასცა კოდი 7500, რაც თვითმფრინავის გატაცებას ან მასში უკანონო ჩარევას ნიშნავს.საჯაროდ ხელმისაწვდომი წყაროების მონაცემებით, ფრენის დაწყებიდან ორი საათისა და 15 წუთის შემდეგ „ბოინგი“ მოულოდნელად მკვეთრად დაეშვა ქვემოთ, ერთ წუთზე ნაკლებ დროში სიმაღლე 34 000-დან დაახლოებით 17 000 ფუტამდე შემცირდა, სიჩქარე კი 411 კვანძიდან თითქმის 600-მდე გაიზარდა. რამდენიმე წამის განმავლობაში თვითმფრინავმა სიმაღლე ოდნავ აღადგინა და 21 650 ფუტს მიაღწია, რის შემდეგაც კვლავ მკვეთრად დაეშვა, ამჯერად 14 000 ფუტზე დაბლა. მომდევნო ერთი საათის განმავლობაში თვითმფრინავმა ვერ შეინარჩუნა სტაბილური სიმაღლე, თუმცა ის დაახლოებით 15 000 ფუტის დონეზე რჩებოდა, რაც იმაზე მიუთითებდა, რომ მას ავტოპილოტის ნაცვლად ხელით მართავდნენ.ინციდენტის დროს ისრაელის ხელისუფლებამ თვითმფრინავთან დაკავშირება ვერ შეძლო. თვითმფრინავის შესაძლო გატაცების შიშის ფონზე, მის გასანეტრალებლად ისრაელის სამხედრო-საჰაერო ძალების გამანადგურებლები აფრინდნენ. თუმცა, მალევე თვითმფრინავთან კავშირი აღდგა და რეისი საუდის არაბეთში, ტაბუკის აეროპორტში დაეშვა.ისრაელის ოფიციალური პირების განცხადებით, საგანგებო სიგნალი მას შემდეგ გაიგზავნა, რაც, სავარაუდოდ, პილოტებს შორის კაბინაში ჩხუბი მოხდა.ისრაელელმა მგზავრებმა ისაუბრეს თვითმფრინავის ჩამოვარდნის დროს ქაოსისა და პანიკის სცენებზე, კაბინაში სისხლის არსებობაზე და ერთ-ერთი პილოტის დანით დაჭრაზე.„თვითმფრინავში ყვირილის ხმა გავიგეთ. შემდეგ პილოტების კაბინის კარი გააღეს და სისხლი დავინახეთ; ვიღაცამ პილოტი დასაკეცი დანით დაჭრა“, – განაცხადა ერთ-ერთმა მგზავრმა.ვრცელდება კადრებიც, სადაც ჩანს თუ როგორ უკრავენ გადარჩენილი მოქალაქეები ტაშს. 

მსოფლიო • 1790782476

მტკიცებულებები მიუთითებს, რომ „ფლაიდუბაის“ პილოტს, რომელმაც მეორე პილოტი დანით დაჭრა, თვითმფრინავის ჩამოგდება ჰქონდა განზრახული - ბენიამინ ნეთანიაჰუ

მტკიცებულებები მიუთითებს იმაზე, რომ „ფლაიდუბაის“ პილოტს, რომელმაც მეორე პილოტი დანით დაჭრა, თვითმფრინავის ჩამოგდება ჰქონდა განზრახული, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა.ისრაელი მთავრობის ხელმძღვანელმა შემთხვევას „ძალიან სერიოზული უსაფრთხოების ინციდენტი“ უწოდა. ნეთანიაჰუს მტკიცებით, თვითმფრინავში თითქმის ყველა მგზავრი ისრაელი მოქალაქე იყო.„ერთ-ერთ მგზავრს გავესაუბრე. მან მითხრა, რომ თვითმფრინავი ციცაბო ვარდნაში გადავიდა. მიამბო, რომ ეკიპაჟის ერთ-ერთ წევრთან ერთად როგორღაც მოახერხა პილოტთა კაბინაში შეჭრა და მათ ერთობლივი ძალისხმევით შეაჩერეს პილოტი, რომელიც თვითმფრინავის სისტემების დაზიანებას ცდილობდა“, – აღნიშნა ნეთანიაჰუმ.ისრაელის მთავრობის ხელმძღვანელის თქმით, ამის შემდეგ კაბინაში ეკიპაჟის კიდევ ერთი წევრი შევიდა და თვითმფრინავის სტაბილიზაცია შეძლო.„მუდმივ კავშირში ვართ შესაბამის უწყებებთან, რათა უზრუნველვყოთ მგზავრების უსაფრთხოება და მათი მშვიდობიანი დაბრუნება სახლში“, — აცხადებს ნეთანიაჰუ და აღნიშნავს, რომ ისრაელი ასევე რეგულარულად აფასებს არსებულ ვითარებას. მისი თქმით, საუდის არაბეთში ეჭვმიტანილი დაკითხვაზე იმყოფება.ცნობისთვის, პილოტებს შორის დაპირისპირების გამო, დუბაი-თელ ავივის რეისი საუდის არაბეთში დაჯდა. ინციდენტისას თვითმფრინავმა „უკანონო ჩარევისა“ და საგანგებო მდგომარეობის შესახებ სიგნალები გაგზავნა. მომხდარის შემდეგ თვითმფრინავი ტაბუის აეროპორტში დაეშვა. ისრაელის მედიის ცნობით, ისრაელში სულ უფრო მეტად განიხილავენ ვერსიას, რომ „ფლაიდუბაის“ რეისზე საგანგებო შემთხვევა ტერორისტული თავდასხმის მცდელობა იყო.