ავთო აბესლამიძე

1756387740

„წარვადგენ ჩემს ქვეყანას...“ - მომღერალი ავთო აბესლამიძე ინფორმაციას ავრცელებს

ავთო აბესლამიძე სოციალურ ქსელში ინფორმაციას ავრცელებს -  როგორ ირკვევა, მომღერალი საერთაშორისო მუსიკალურ პროექტ „SilkWayStar 2025-ში“ იღებს მონაწილეობას და ჩვენს ქვეყანას წარადგენს.„პრაიმტაიმი“ მომღერალს დაუკავშირდა, რომელმაც პროექტის შესახებ ექსკლუზიური დეტალები გაგვიმხილა.„პროექტი ყაზახეთში იმართება და მასში მონაწილეობას 12 ქვეყანა იღებს, მათ შორის საქართველო. სულ 10 ტურია და როგორც უკვე იცით, წარვადგენ საქართველოს და არა ჩემს სახელს. პროექტი პირდაპირ ეთერში 20 სექტემბრიდან გავა, მანამდე კი, პირველი ტური უკვე ჩაიწერა და ვემზადებით მეორე ტურისთვის. თითო ტურიდან თითო მონაწილე ვარდება. კონკურსანტის ტურიდან ტურში გადასვლის გადაწყვეტილებას ჟიური იღებს, როგორც უკვე იცით, კონკურსში მონაწილეობას 12 ქვეყანა იღებს, ჟიურიც სწორედ ამ 12 ქვეყნიდან არის. ჟიურიში ჩვენი ქვეყნიდან დათო კენჭიაშვილია, თუმცა ის საქართველოს ვერ შეაფასებს და შეაფასებს სხვა 11 ქვეყანას“ , - ამბობს ავთო ჩვენთან საუბრისას.  

Empire Of The Sun

1756358897

Black Sea Arena-ზე Empire Of The Sun-ის კონცერტი გაიმართა

Black Sea Arena-ს წინა სცენაზე მსმენელის წინაშე Empire Of The Sun საათნახევრიანი პროგრამით წარდგა. ელექტრონული მუსიკის სხვადასხვა მიმდინარეობასთან სინთეზით და შთამბეჭდავი სანახაობით ცნობილმა ბენდმა, შეკვეთილში შეკრებილი ათასობით თაყვანისმცემლისთვის, ძველი და ახალი სიმღერები შეასრულა.Empire Of The Sun-ის მუსიკა და ესთეტიკა მნიშვნელოვნად არის შთაგონებული კინემატოგრაფიით, რაც შეკვეთილში გამართული პერფორმანსით კიდევ ერთხელ დადასტურდა. Guns N' Roses და ჯასტინ ტიმბერლეიკის შემდეგ, საქართველოს მთავრობის მხარდაჭერით, „სთარინგ ჯორჯიას“ კამპანიის ფარგლებში წელს მესამე მასშტაბური მუსიკალური საღამო გაიმართა.Empire Of The Sun-ის კონცერტით კამპანიის წლევანდელი ღონისძიებების სერია დასრულდა.

ტეილორ სვიფტი

1756283365

გამოქვეყნებიდან 12 საათში, ტეილორ სვიფტის ნიშნობის პოსტი 25,7 მილიონმა ადამიანმა მოიწონა

გამოქვეყნებიდან 12 საათში, ტეილორ სვიფტის ნიშნობის პოსტი 25,7 მილიონმა ადამიანმა მოიწონა და ახლა ინსტაგრამზე, ცნობილი ადამიანის მიერ გამოქვეყნებული ყველაზე ბევრი მოწონების მქონე ნიშნობის პოსტია.მოწონებების რაოდენობით, მეორე პოსტი ეკუთვნის სელენა გომესს, რომლის ნიშნობის ფოტოც 23,3 მილიონმა ადამიანმა მოიწონა, ხოლო მესამე, 18,4 მილიონი მოწონებით - ჯორჯინა როდრიგესს.             View this post on Instagram                       A post shared by Taylor Swift (@taylorswift)

Empire of the Sun

1756279782

იმპერია, რომელიც არსებობას არასდროს შეწყვეტს — 27 აგვისტო და Empire of the Sun შეკვეთილში

27 აგვისტოს Black Sea Arena-ს Front Stage-ზე ავსტრალიური მუსიკალური პროექტის, Empire of the Sun-ის კონცერტი გაიმართება. პოპულარული დუეტი არაერთხელ ყოფილა ისეთი მსოფლიო მასშტაბის ფესტივალების მონაწილე, როგორიცაა: Glastonbury, Coachella, თუ Lollapalooza.8-წლიანი პაუზის შემდეგ, როდესაც Empire of the Sun-მა ახალი ალბომი, Ask That God დააანონსა, ბევრს გაუჩნდა კითხვა, თუ რატომ გადაწყვიტა ბენდმა ახალი სიცოცხლის დაწყება ახლა და ამ ფორმით. ამის საპასუხოდ  ჯგუფის ერთ-ერთმა დამფუძნებელმა და მთავარმა ვოკალისტმა, ლუკ სთილმა თქვა, რომ მთელი ეს სიჩუმის წლები რეალურად ახალი ეტაპისთვის პასიურად მომზადების პროცესი იყო და არა უბრალოდ პაუზა: “ჩვენ ერთად 20 წელზე მეტი ვიმუშავეთ და ავაგეთ ეს კოშკი, რასაც Empire of the Sun ჰქვია.. შემდეგ კი მივხვდით, რომ დასვენების დრო იყო.. ეს ოცნებებზე უარის თქმას ჰგავდა, მაგრამ მაშინ ამის გაკეთება აუცილებელი იყო, რათა მოგვიანებით მივბრუნებულიყავით და გვენახა, თუ რატომ გვიყვარდა ეს ყველაფერი ასე ძალიან.”იმის გასაგებად კი, თუ როგორ აშენდა კოშკი თუ იმპერია, რომელიც წლების წინ მილიონობით ადამიანის თავშესაფარი გახდა, ისტორიის საწყის ფურცლებს უნდა მივუბრუნდეთ.Empire of the Sun ავსტრალიური მუსიკალური პროექტია, რომელიც Luke Steele-სა და Nick Littlemore-ის შემოქმედებით ხედვებს აერთიანებს. Luke Steele ასევე წლების განმავლობაში როკ ბენდის, The Sleepy Jackson-ის სოლისტი იყო, ხოლო Nick Littlemore-ს ყველასთვის კარგად ცნობილი ტრიოდან — Pnau — ვიცნობთ. მათი მუსიკალური ხედვები პირველად 2007 წელს გადაიკვეთა, როდესაც Luke Steele-მ მეგობართან ერთად Pnau-ს კომპოზიციაზე With You Forever იმუშავა. ამის შემდეგ გადაწყდა, რომ ის შემოქმედებითი სინერგია, რაც ორ მუსიკოსს აღმოაჩნდა, უფრო ხანგრძლივ და საინტერესო თანამშრომლობაში გადაზრდილიყო. “ამბობენ, რომ ჩვენი ბენდი დევიდ ბოუის გავლენის გარეშე ვერ იარსებებდა, მაგრამ ეს ასე არ არის.. თუ არ იქნებოდა ბოუი, იქნებოდა ვინმე სხვა, ვისგანაც შთაგონებას მივიღებდით, რადგან ჩვენ ყველაფერში ვეძებთ ინსპირაციის წყაროს” - როგორც ამბობენ, ბოუის სტილის გარდა, კოლაბორაციის საწყის ეტაპზე Empire of the Sun-ის წევრები Phoenix და Daft Punk-ის გავლენასაც განიცდიდნენ, რის გამოც მათ მუსიკაში თანაბარი სიხშირით ვხვდებით ელექტრონული მუსიკის, სინთ პოპის და ელექტრო როკის ელემენტებს.თავდაპირველად პროექტში აქტიურად იყო ჩართული PNAU-ს კიდევ ერთი წევრი Peter Mayes, მაგრამ ქაოსური სამუშაო გარემოს დამსახურებით, მან სტუდიურ საქმიანობაში თავისი წვლილის შეტანა ვერ შეძლო.  2007 წელს, Steele და Littlemore ინტენსიურად მუშაობდნენ სადებიუტო სტუდიურ ალბომზე, რომელმაც დღის სინათლე მალევე იხილა. Walking on a Dream - ასე ერქვა დუეტის პირველ ალბომს, სადაც ისეთ კომპოზიციებს ვხვდებით, როგორებიცაა We Are the People, Without You  და რა თქმა უნდა, Walking on a Dream.ეს ალბომი მაშინვე იქცა ჰიტად, რასაც ხელი შეუწყო არა მარტო იმ პერიოდისთვის ძალიან აქტუალურმა ჟღერადობამ (ელექტროპოპი, ალტერნატიული როკი), არამედ იმ თეატრალურმა და ვიზუალურად მრავლისმთქმელმა განაცხადმა, რომელიც ბენდს ჰქონდა. Littlemore ყოველთვის აღნიშნავდა, რომ ბგერითი თუ ვიზუალური სტილის გარდა, ძალიან მნიშვნელოვანია ის მესიჯი, რომელიც მუსიკამ უნდა იტვირთოს: “მუსიკის შექმნისას ჩვენ ყოველთვის გვაქვს განზრახვა, რომ მასში იყოს იმედის ნაპერწაკლი, სინათლის სხივი, რომელიც ადამიანებს დაეხმარება”უცნაურია, მაგრამ წარმოუდგენლად იღბლიანი დასაწყისის მიუხედავად, ბენდს ძალიან გაუჭირდა სტაბილურობის შენარჩუნება, რაც ძირითადად Nick Littlemore-ს დამსახურება იყო. ის თვლიდა, რომ როდესაც მუსიკა აუდიტორიამდე მიაღწევს, ის უკვე ავტორს აღარ ეკუთვნის. შესაბამისად, მას ბენდთან ერთად საკუთარი კომპოზიციების შესრულების დიდი მოტივაცია არ ჰქონდა. ამის გამო ავსტრალიურ მედიასთან ინტერვიუში Luke Steele აღნიშნავდა, რომ კოლეგამ ის “ბავშვთან ერთად მარტო დატოვა”.სანამ Littlemore თავის იდეებს ელტონ ჯონთან და Cirque du Soleil-თან ერთად ავითარებდა, Luke Steele-მა ბენდთან ერთად სხვადასხვა საკონცერტო სივრცეებსა თუ ფესტივალებზე გამოჩენა დაიწყო. ასე გაგრძელდა 2011 წლამდე, სანამ Empire of the Sun-მა არ დააანონსა, რომ დუეტი მზად იყო ახალი სტუდიური გამოწვევებისთვის, რომელიც შესაძლოა დიდი ტურნეშიც კი გადაზრდილიყო.ამ ანონსის საუნდტრეკი გამოდგა კომპოზიცია Alive, რომელიც Walking on a Dream-ის ფანებისთვის ძალიან დიდი საჩუქარი გამოდგა, რადგან ფაქტი იყო, რომ ბენდმა არ მიატოვა ის მუსიკალური იდენტობა, რითაც მან აუდიტორიას შეაყვარა თავი. ჯგუფის წევრები აღნიშნავდნენ, რომ მსმენელის მხრიდან წამოსული ემოცია მათ საშუალებას არ აძლევდა Empire of the Sun-ის მთავარი მისია დაევიწყებინათ:“როდესაც ადამიანებისგან ისმენ ისტორიებს, თუ რამდენად მნიშვნელოვანია მათთვის შენი მუსიკა, მაშინ გრძნობ თუ რატომ არის განსაკუთრებული ის, რასაც ჩვენ ვაკეთებთ”საბოლოოდ, 2013 წელს ვიხილეთ ალბომი Ice on the Dune, რომელიც ბენდისთვის დამახასიათებელი ტრადიციული ჟღერადობის გარდა, დიდ აქცენტს აკეთებდა დისკოსა და გლემ-როკის ესთეტიკაზეც. NME-თან ინტერვიუში მაშინ Luke Steele-მა ალბომი Daft Punk-ის ჩანაწერს Random Access Memories-საც კი შეადარა: “მათ უკეთესი მარკეტინგული კამპანია აქვთ, ჩვენ კი უკეთესი სიმღერები”.აღსანიშნავია, რომ ბევრი საინტერესო კომპოზიციის მიუხედავად, Alive-მ ალბომის სხვა ყველა ელემენტი დაჩრდილა, ის გაჟღერდა სხვადასხვა  ვიდეო თამაშებში, სარეკლამო ვიდეოებში, ფილმებსა და სატელევიზიო შოუებში. ამის შემდეგ მათ არ დააყოვნეს და 2016 წელს კიდევ ერთი ალბომი Two Wines გამოაქვეყნეს, სადაც უკვე სხვადასხვა მუსიკოსთან კოლაბორაციასაც ვხვდებით: “წლების განმავლობაში ლუკიც და მეც სხვადასხვა მუსიკოსებთან ვმუშაობდით, რაც ჩვენთვის ძალიან დიდი გამოცდილება იყო. ამან მოგვცა საშუალება, რომ ჩვენს სივრცეში უცხო ადამიანები მოგვეწვია და ჩაგვერთო იმ საკრალურ პროცესში, რასაც მუსიკის წერა ჰქვია”ალბომის ერთ-ერთი კომპოზიცია High And Low კომპიუტერული თამაშის, FIFA 17-ის საუნდტრეკი გახდა და მილიონობით ადამიანის ოთახებამდე მიაღწია. ამან ბენდს საშუალება მისცა, ახალი თაობისთვისაც აქტუალური გამხდარიყო და მათთვისაც შეეთავაზებინა საკუთარი მუსიკალური ხედვა.აღსანიშნავია, რომ კონცერტი პროექტ „Starring Georgia-ს“ ფარგლებში ტარდება, რომელიც საქართველოს მთავრობის მხარდაჭერით ხორციელდება. პროექტის მიზანია ქართველი ახალგაზრდებისთვის საყვარელი შემსრულებლების კონცერტებზე დასწრების ხელმისაწვდომობის გაზრდა, ქვეყნის ტურისტული პოტენციალის განვითარება და საქართველოს პოპულარიზაცია საერთაშორისო ასპარეზზე.

ტეილორი და კელსი

1756277339

ტეილორ სვიფტი და ტრევის კელსი დაინიშნნენ

პოპ-სუპერვარსკვლავმა ტეილორ სვიფტმა გამოაცხადა, რომ ის და თავისი პარტნიორი, ტრევის კელსი დაინიშნენ.ინსტაგრამის პოსტში, რომელიც მან რამდენიმე წუთის წინ გამოაქვეყნა, სვიფტმა დაწერა: "თქვენი ინგლისურის მასწავლებელი და თქვენი სპორტის მასწავლებელი ქორწინდებიან".პოსტს თან ახლავს ფოტოები, სადაც Kansas City Chiefs-ის ვარსკვლავი კელსი სვიფტს ხელს სთხოვს.            View this post on Instagram                       A post shared by Taylor Swift (@taylorswift) ეს სიახლე მას შემდეგ გავრცელდა, რაც ტეილორმა 2 კვირის წინ ახალი ალბომი - The Life of A Showgirl დააანონსა. ეს ანონსი მომღერლის სხვა ალბომების გამოცხადებისგან სრულიად განსხვავებული იყო — ის ტრევის კელსის ძმის, ჯეისონ კელსის პოდკასტში მოხდა.პოდკასტში ალბომის გარდა წყვილმა თავის ურთიერთობაზეც ისაუბრა და მაყურებელს გაუზიარა, როგორი იყო მათი ემოციები პირველი შეხვედრისა და პაემნის შემდეგ და როგორია მათი ცხოვრება ახლა. ტეილორმა ურთიერთობის დასაწყისზე იხუმრა:თავს ისე ვგრძნობდი, თითქოს ჩემი სახლის წინ იდგა და მთხოვდა, პაემანზე გავყოლოდიტეილორი და ტრევისი 2 წელია ერთმანეთს ხვდებიან, მათი ურთიერთობა მას შემდეგ დაიწყო, რაც ტრევის კელსი ტეილორის Eras Tour კონცერტს დაესწრო და, როგორც თავად აღნიშნა, მომღერლით "მოინუსხა".

კეი-პოპ დემონებზე მონადირეები

1756277311

„კეი-პოპ დემონებზე მონადირეები“ Netflix-ის ყველა დროის ყველაზე პოპულარული ფილმი გახდა

ანიმაციური მიუზიკლი „კეი-პოპ დემონებზე მონადირეები“ Netflix-ის ყველა დროის ყველაზე პოპულარული ფილმი გახდა.პრემიერის შემდეგ, რომელიც ივნისში შედგა, ფილმს სტრიმინგ-სერვისზე 236 მილიონჯერ უყურეს, რაც პლატფორმის ყველა დროის საუკეთესო მაჩვენებელია.ამასთან, ანიმაციაში შესული სიმღერები Spotify-სა და Billboard Hot 100-ის ჩარტებს ჩაუდგა სათავეში.ფენტეზი მიუზიკლი „კეი-პოპ დემონებზე მონადირეები“ გოგონების ჯგუფზე Huntrix მოგვითხრობს, რომლებიც სიმღერით ადამიანებს დემონებისგან იცავენ და ბოიბენდ Saja Boys-თან დაპირისპირება უწევთ, რომლის წევრებიც სინამდვილეში დემონები არიან. ფილმის რეჟისორები მეგი კანგი და კრის აპელჰანსი არიან. პერსონაჟები ცნობილმა სამხრეთკორეელმა მსახიობებმა და მომღერლებმა გაახმოვანეს - არდენ ჩომ, ან ჰიო სოპმა, მეი ჰონგმა, ჯი იონ იუმ, კიმ იუნჯინმა, დენიელ დე კიმმა, კენ ჯონგმა, ლი ბიონჰონმა და სხვებმა.არსებული ინფორმაციით, Netflix-ი ფილმის სიქველზე მუშაობს.

სარა ჯესიკა პარკერი

1756117107

რა საერთო აქვთ სარა ჯესიკა პარკერსა და ქერი ბრედშოუს

სარა ჯესიკა პარკერი ხშირად აღნიშნავს, რომ ის და ქერი ბრედშოუს პერსონაჟი ერთმანეთისგან ძალიან განსხვავდებიან. ინფორმაციას უცხოური მედია ავრცელებს. თუმცა, როგორც მსახიობმა აღნიშნა, განსხვავებების მიუხედავად, მასა და ქერი ბრედშოუს პერსონაჟს ერთი რამე აქვთ საერთო - ოხრახუშის მიმართ ზიზღი. „ყოველთვის ვამბობ - ყველა მწვანილი დასაშვებია, ოღონდ ოხრახუში არა",- ამბობს სარა ჯესიკა პარკერი.

bred piti

1755079149

ლოს ანჯელესის პოლიციამ ბრედ პიტისა და სხვა ცნობილი პირების სახლების გაქურდვაში ეჭვმიტანილი ოთხი მოზარდი დააკავა

ლოს ანჯელესის პოლიციამ მსახიობ ბრედ პიტისა და სხვა ცნობილი პირების სახლების გაქურდვაში ეჭვმიტანილი მოზარდები დააკავა.როგორც „ბიბისი“ წერს, დაპატიმრებულია ოთხი თინეიჯერი, მათ შორის ორი 18 წლის არის, ერთი – 17-ის, ერთი კი – 16 წლის.პოლიციაში აცხადებენ, რომ დაკავებულები კრიმინალური დაჯგუფების წევრები არიან. სამართალდამცავებმა მათი სახლების ჩხრეკისას სხვადასხვა ცნობილი კინოვარსკვლავისა და სპორტსმენის სახლიდან მოპარული ნივთები ამოიღეს.პოლიციის ცონობით, მოზარდებმა, ბრედ პიტის სახლის გარდა, გაქურდეს მსახიობ ნიკოლ კიდმანის, ასევე ლოს ანჯელესის საფეხბურთო კლუბის ფორვარდის, ოლივიე ჟირუს სახლები.ლოს ანჯელესში ბრედ პიტის სახლში მოზარდებმა ივნისში შეაღწიეს და სხვადასხვა ნივთი წაიღეს. ინციდენტის დროს მსახიობი სახლში არ იმყოფებოდა.

ლედი გაგა

1754635308

Variety: ლედი გაგამ „უენსდეისთვის“ სიმღერა ჩაწერა

ლედი გაგამ სერიალ „უენსდეის“ მეორე სეზონისთვის სიმღერა ჩაწერა. ინფორმაციას Variety წყაროზე დაყრდნობით ავრცელებს.მოსალოდნელია, რომ კომპოზიცია Dead Dance და მასზე გადაღებული კლიპი სექტემბერში გამოვა, როცა Netflix-ზე სერიალის ახალი სეზონის მეორე ნაწილი გამოჩნდება. ამ ეპიზოდებში თავად ლედი გაგაც უნდა თამაშობს - ის ნევერმორის აკადემიის ლეგენდარულ მასწავლებელს, როზალინ როტვუდს განასახიერებს.„უენსდეის“ მეორე სეზონის პირველი ნაწილი ეკრანებზე 6 აგვისტოს გამოვა, დანარჩენი ეპიზოდები კი 3 სექტემბერს.მანამდე ცნობინლი გახდა, რომ Netflix-ი შოუს მესამე სეზონსაც გადაიღებს.

And Just Like That

1754287332

სერიალი And Just Like That სამი სეზონის შემდეგ იხურება

 პოპულარული ამერიკული კომედიური დრამა And Just Like That ("ასე და ამგვარად") იხურება. სულ ცოტა ხნის წინ გახდა ცნობილი, რომ სერიალი, რომელიც Sex and the City-ის გაგრძელებას წარმოადგენს, მესამე სეზონით დასრულდება. 31 ივლისს მაყურებელმა სეზონის მე-10 ეპიზოდი იხილა, მაგრამ, როგორც პროექტის ხელმძღვანელი ამბობს, წინ კიდევ ორი სერია გველოდება.„ასე და ამგვარად... Sex and the City-ის სამყაროში მორიგი ამბავიც დასასრულს მიუახლოვდა", — აცხადებს სერიალის შემქმნელი მაიკლ პატრიკ კინგი, — "როცა მესამე სეზონის ბოლო ეპიზოდის სცენარს ვწერდი, მივხვდი, რომ ეს შესაფერისი ადგილი იქნებოდა წერტილის დასასმელად. ასე რომ, გადავწყვიტეთ, პოპულარული სერიალი წელს დავასრულოთ ორნაწილიანი ფინალური ეპიზოდით. ამის გამხელა კი აქამდე იმიტომ გადავდეთ, რომ არ გვინდოდა, სეზონის ყურება სიტყვა 'ფინალურით' ჩაგვეშხამებინა. უზომოდ მადლიერები ვართ ყველასი, ვინც ამ წლების განმავლობაში ჩვენს პერსონაჟებს თავისი სახლისა და გულის კარი გაუღო". And Just Like That, რომლის პრემიერა 2021 წლის დეკემბერში შედგა, საკულტო სერიალად ქცეული Sex and the City-ის ერთგვარი გაგრძელებაა, სადაც უკვე შუა ხნის ასაკში მყოფი კერი, მირანდა და შარლოტი კვლავაც ნიუიორკულ რომანტიკულ თავგადასავლებში ეხვევიან.იმის მიუხედავად, რომ დიდი მოლოდინის შემდეგ სერიალი მაღალი რეიტინგით დაიწყო, მაყურებლების რაოდენობა თანდათანობით, სეზონიდან სეზონამდე მცირდებოდა. ამასთან, პროექტს არაერთგვაროვანი გამოხმაურება მოჰყვა: კრიტიკოსების ნაწილმა ის არასაჭირო გაგრძელებად მიიჩნია და აღნიშნა, რომ And Just Like Thatწინამორბედს ხარისხითაც ჩამოუვარდებოდა.

ავატარი

1754204160

მორიგი ავატარი მიწის მბრძანებელია - ნახეთ პირველი კადრი ახალი ანიმაციური სერიალიდან

 წყალი, მიწა, ცეცხლი, ჰაერი - მოემზადეთ ოთხი სტიქიისა და ოთხი ერის სამყაროში დასაბრუნებლად! ავატარის ფრენჩაიზს სულ მალე ახალი ანიმაციური სერიალი შეემატება.ავატარი: შვიდი ნავსაყუდელი მორიგ ავატარს წარმოგვიდგენს, რომელიც მიწის ერიდანაა. სერიალი გაგრძელებაა პოპულარული ტელეპროექტების - ავატარი: ჰაერის უკანასკნელი მბრძანებელი და ავატარი: ლეგენდა კორაზე.სან-დიეგოს Comic-Con-ის ფესტივალზე, სადაც ავატარის 20 წლის იუბილე აღინიშნა, ამერიკულმა ტელეარხმა Nickelodeon-მა ახალი სერიალის პირველი კადრიც წარმოგვიდგინა. ამ კადრში ვხედავთ, როგორ მიაბიჯებენ პოლარული ციალით განათებულ ქვიან უდაბნოში ახალბედა ავატარი და მისი კატის თუ ლემურის მსგავსი მეგობარი ცხოველი. სურათზე ფონად შორეული ქალაქიც მოჩანს. შვიდ ნავსაყუდელში, როგორც ალბათ უკვე მიხვდით, მოქმედება მიწის სამეფოში ვითარდება. მიწის ტყუპი მბრძანებლებიდან ერთ-ერთი აღმოაჩენს, რომ კორას შემდეგ იგი ახალი ავატარია და, თანაც, უკანასკნელი ადამიანი, რომელსაც ოთხივე სტიქიის დაუფლება შეუძლია. თუმცა, გამანადგურებელი კატაკლიზმის შემდეგ, ავატარობა კიდევ უფრო რთულია — ახალგაზრდა მიწის მბრძანებელზე ადამიანებიც ნადირობენ და სულებიც, ასე რომ, ახალ ავატარს და მის დაკარგულ ტყუპისცალს მოუწევთ, თავიანთი იდუმალებით მოცული წარმომავლობა გაარკვიონ და შვიდი ნავსაყუდელი იქამდე იხსნან, სანამ ცივილიზაციას ბოლო საყრდენიც გამოეცლება.ამ სერიალის გარდა, ავატარის ერთგულ ფანებს მალე კიდევ ერთი სიახლე გაახარებს: 2026 წლის შემოდგომაზე გამოვა სრულმეტრაჟიანი ანიმაციური ფილმი ლეგენდა აანგზე: ჰაერის უკანასკნელი მბრძანებელი.რაც შეეხება შვიდ ნავსაყუდელს, ის 26 ეპიზოდს ორ სეზონად გააერთიანებს. ანიმაციური სერიალის პრემიერას 2027 წლისთვის უნდა ველოდოთ.

ჯასტინ ტიმბერლეიკი

1754163946

ჯასტინ ტიმბერლეიკის შესახებ ახალი ინფორმაცია ვრცელდება

სუპერვარსკვლავ ჯასტინ ტიმბერლეიკს ლაიმის დაავადების დიაგნოზი დაუსვეს. ინფორმაციას abcnews-ი ავრცელებს.მომღერალმა, კომპოზიტორმა და მსახიობმა დიაგნოზის შესახებ თაყვანისმცემლებს ხუთშაბათს, Instagram-ზე შეატყობინა, რითაც მისი ორწლიანი მსოფლიო ტურნეს, Forget Tomorrow-ის დასასრულის შესახებ აუწყა საზოგადოებას."როგორც ბევრმა თქვენგანმა იცის, მე საკმაოდ ჩაკეტილი ადამიანი ვარ. თუმცა, როდესაც ამ წარსულ ტურნესა და ფესტივალებზე მონაწილეობას ვიხსენებ, მინდოდა, მცირედი წარმოდგენა შემექმნა იმის შესახებ, თუ რა ხდებოდა ჩემს თავს", - წერს ტიმბერლეიკი.ტიმბერლეიკი დაწერა, რომ დიაგნოზის გაზიარებას ყოყმანობდა, მაგრამ გადაწყვიტა, რომ ეს გაეკეთებინა, რათა გულშემატკივრებთან უფრო გულწრფელი ყოფილიყო."თუ თქვენ გამოგიცდიათ ეს დაავადება ან იცნობთ ვინმეს, ვისაც ეს დაავადება ჰქონდა, იცით, რომ მასთან ცხოვრება შეიძლება წარმოუდგენლად დამაუძლურებელი იყოს, როგორც ფსიქიკურად, ასევე ფიზიკურად", - აცხადებს ტიმბერლეიკი.ცნობისთვის, ლაიმის დაავადება ტკიპებით გადამდები ინფექციური დაავადებაა, რომელმაც, დაავადებათა კონტროლისა და პრევენციის ცენტრის მონაცემებით, მკურნალობის გარეშე შეიძლება დააზიანოს სახსრები, გული და ნერვული სისტემა.