1747226792

პარაძიუდოისტი ლაშა ყიზილაშვილი მსოფლიოს ჩემპიონატის ბრინჯაოს პრიზიორია

ყაზახეთის დედაქალაქ ასტანაში პარაძიუდოში მსოფლიოს ჩემპიონატი მიმდინარეობს. პარაძიუდოისტმა ლაშა ყიზილაშვილმა (-95 კგ. კატეგორია J2) ბრინჯაოს მედლისათვის შეხვედრაში მოლდოველი ნიკოლაი ბონდარევი იპონით დაამარცხა.ამ დროისათვის საქართველოს ანგარიშზე ოთხი მედალია - ჩემპიონობა გიორგი ქალდანმა (-70 კგ. კატეგორია J2) და საბა ბაღდავაძემ (- 81 კგ. კატეგორია J1) იზეიმეს.ბრინჯაოს მედალს კი ზურაბ ზურაბიანი (- 64 კგ. კატეგორია J2) დაეუფლა.ქართველი პარასპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.

1747226732

პარაძიუდოისტი ზურაბ ზურაბიანი მსოფლიოს ჩემპიონატის ბრინჯაოს პრიზიორია

ყაზახეთის დედაქალაქ ასტანაში პარაძიუდოში მსოფლიოს ჩემპიონატი მიმდინარეობს. პარაძიუდოისტმა ზურაბ ზურაბიანმა (-64 კგ. კატეგორია J2) ბრინჯაოს მედლისათვის შეხვედრაში ნეიტრალური დროშით მოასპარეზე რუსი აგადადაშ სამედოვი იპონით დაამარცხა.ამ დროისათვის საქართველოს ანგარიშზე სამი მედალია - ჩემპიონობა გიორგი ქალდანმა (-70 კგ. კატეგორია J2) და საბა ბაღდავაძემ (- 81 კგ. კატეგორია J1) იზეიმეს.ქართველი პარასპორტსმენები ტურნირზე საქართველოს სპორტის სამინისტროს მხარდაჭერით იმყოფებიან.

1747226540

ზვიად გოგოჭური მსოფლიოს ჩემპიონია

ყაზახეთის დედაქალაქ ასტანაში მიმდინარე პარაძიუდოს მსოფლიო ჩემპიონატზე ზვიად გოგოჭურმა (J2 კატეგორია, -95 კგ) ფინალში უზბეკი დავურხონ კარომატოვი დაამარცხა და ოქროს მედალი მოიპოვა. გოგოჭური ერთადერთი ქართველი პარასპორტსმენია, ვისაც პარალიმპიური თამაშები, მსოფლიოსა და ევროპის ჩემპიონატები აქვს მოგებული.მსოფლიო პირველობაზე ბრინჯაოს მედლებს დღეს ზურაბ ზურაბიანი (J2 კატეგორია, -64 კგ) და ლაშა ყიზილაშვილი (J2 კატეგორია, -95 კგ) დაეუფლნენ.გუშინ მსოფლიოს ჩემპიონები საქართველოს ნაკრების წევრები, გიორგი ქალდანი (J2 კატეგორია, -70 კგ) და საბა ბაღდავაძე (J1 კატეგორია, -81 კგ) გახდნენ.პარაძიუდოში მსოფლიო ჩემპიონატი ხვალ, 15 მაისს დასრულდება.

1747225332

ნიკოლოზ ბასილაშვილი ბორდოს ჩელენჯერის მერვედფინალშია

ნიკოლოზ ბასილაშვილი საფრანგეთის ქალაქ ბორდოში, ჩელენჯერის კატეგორიის ტურნირის მერვედფინალში ითამაშებს.მეთექვსმეტედფინალში ქართველმა ჩოგბურთელმა გამოცდილი ესპანელი მეტოქე, ალბერტ რამოს-ვინოლასი ორ სეტში, 6:2, 6:2 დაამარცხა.მერვედფინალში ბასილაშვილი ტურნირზე მეხუთე ნომრად განთესილ ფრანგს, ქუენტინ ჰალისს შეხვდება.ამ მომენტისთვის ნიკოლოზ ბასილაშვილი პროფესიონალ ჩოგბურთელ მამაკაცთა მსოფლიო რეიტინგში 157-ე ადგილზეა.

1747205675

გიორგი მიქაუტაძე ევროპის ლიგის მიმდინარე სეზონის საუკეთესო ფეხბურთელებს შორის მოხვდა

ევროპა ლიგის ფინალამდე, უეფა-მ გოლებისა და საგოლე გადაცემების ოფიციალური სტატისტიკა გამოაქვეყნა, სადაც გიორგი მიქაუტაძე ორ ნომინაციაში საუკეთესოთა შორის მოხვდა.„ლიონის“ 24 წლის ქართველი თავდამსხმელი 2024/25 წლების ევროპის ლიგაზე საგოლე გადაცემებით მესამე ადგილზეა. გარდა ამისა, მიქაუტაძე იმ მოთამაშეთა შორის აღმოჩნდა, რომლებმაც ყველაზე მეტი ქულა დააგროვეს გოლი+პასის სისტემით.საგოლე პასები (ევროპა ლიგა 2024/25):რაიან ჩერკი („ლიონი“) – 8დრის მერტენსი („გალათასარაი“) – 6გიორგი მიქაუტაძე („ლიონი“) – 5გოლი + პასი (ჯამური ქულა):რაიან ჩერკი („ლიონი“) – 12ბრუნო ფერნანდეში („მანჩესტერ იუნაიტედი“) – 11ჟორჟ მიქაუტაძე („ლიონი“) და დომინიკ სოლანკე („ტოტენჰემი“) – 9შეგახსენებთ, რომ „ლიონმა“ უეფა-ს რანგით მეორე საკლუბო ტურნირის მიმდინარე სეზონში მეოთხედფინალში გასვლა შეძლო. აღნიშნულ ეტაპზე მიქაუტაძის გუნდი „მანჩესტერ იუნაიტედთან“ დამარცხდა.

1747195814

ილია თოფურია UFC-ის მსუბუქი წონის ქამრისთვის 29 ივნისს ბრაზილიელ ჩარლზ ოლივეირას შეხვდება

 UFC-ის პრეზიდენტის, დანა უაითის განცხადებით, 29 ივნისს ლას ვეგასში ქართველი მებრძოლი ილია თოფურია ორგანიზაციის მსუბუქი წონის (70კგ) საჩემპიონო ქამრისთვის ბრაზილიელ ჩარლზ ოლივეირას შეხვდება.მიმდინარე წლის დასაწყისში 28 წლის თოფურიამ ქვემსუბუქი დივიზიონის (65კგ) ქამარი დათმო და განაცხადა, რომ მსუბუქ წონაში გადადიოდა, სადაც მხოლოდ ტიტულისთვის იბრძოლებდა.70კგ წონითი კატეგორიის ჩემპიონმა, ისლამ მახაჩევმა ქვესაშუალო დივიზიონში (77კგ) გადასვლის გადაწყვეტილება მიიღო, სადაც, სავარაუდოდ, სატიტულო ბრძოლას ავსტრალიელი ჯეკ დელა მადალენას წინააღმდეგ ჩაატარებს. შესაბამისად, მან თავისი წონის ქამარი დათმო.35 წლის ჩარლზ ოლივეირა UFC-ის ისტორიაში ერთ-ერთ საუკეთესო მებრძოლად ითვლება. მან MMA-ის კარიერაში 46 ბრძოლა ჩაატარა და 35-ში გაიმარჯვა. ის 2021 წლის მაისში მსუბუქი დივიზიონის ჩემპიონი გახდა და შემდეგ ქამარიც დაიცვა. ოლივეირა თავისი კარიერის მანძილზე საკუთარი წონის თითქმის ყველა უძლიერეს მებრძოლს დაუპირისპირდა.რაც შეეხება თოფურიას, მის ანგარიშზე შერეულ ორთაბრძოლებში 16 გამარჯვება და არცერთი მარცხია. 2024 წლის თებერვალში ქვემსუბუქი დივიზიონის ქამრისთვის ბრძოლაში ალექსანდერ ვოლკანოვსკი ნოკაუტით დაამარცხა, ხოლო ოქტომბერში ქამარი მაქს ჰოლოვეის წინააღმდეგ დაიცვა.„კიდევ ერთი ოცნება ამიხდება, მსუბუქი დივიზიონის ჩემპიონი გავხდები. ჩარლზ, წინასწარ ბოდიშს გიხდი, მე ჩემი ოცნებებისთვის ვიბრძვი. სამწუხაროა, რომ მახაჩევმა ბრძოლას თავი აარიდა. 17:0“, – დაწერა ილია თოფურიამ შეხვედრის ოფიციალურად ჩანიშვნის შემდეგ.ილია თოფურიასა და ჩარლზ ოლივეირას შეხვედრა ბრძოლების საერთაშორისო კვირეულის ფარგლებში, UFC 317-ზე ჩატარდება. ივნისში თავის სატიტულო შეხვედრას გამართავს სუპერმსუბუქი (61კგ) წონის ჩემპიონი მერაბ დვალიშვილიც. ის 8 ივნისს ამერიკელ შონ ო’მალის კარიერაში მეორედ დაუპირისპირდება

1747169612

„კვარამ გამოაღვიძა ყველაფერი... ბავშვებს კვარას გამო უნდათ ფეხბურთელობა... ამაზე დიდს ფეხბურთს ვერაფერს მისცემ, ეს არის უმაღლესი მიღწევა!“ - გურამ კაშია

„კვარამ გამოაღვიძა ყველაფერი. პატარა ბავშვებს ხვიჩა კვარაცხელიას გამო უნდათ ფეხბურთელობა. ამაზე დიდს ფეხბურთს ვერაფერს მისცემ, ეს არის უმაღლესი მიღწევა!“ - ამის შესახებ ეროვნული ნაკრების კაპიტანი გურამ კაშია საუბრობს.ვრცლად ↓

1747131922

მარნეულელმა მორაგბემ, საბა ნოზაძემ საფრანგეთის ელიტურ დივიზიონში გადაინაცვლა

საბა ნოზაძემ, რომელიც, მარნეულის სპორტული სკოლის სარგბო კლუბ "მარნეულის არმაზის" აღსაზრდელი იყო,  კარიერაში უდიდესი ნაბიჯი გადადგა და ხელი მოაწერა ორწლიან კონტრაქტს საფრანგეთის ერთ-ერთ ელიტურ კლუბთან  "ნევერთან" რომელიც ქვეყნის უმაღლეს დივიზიონში ასპარეზობს.ნოზაძემ რაგბის თამაში 8 წლის ასაკში დაიწყო და საქართველოს ყველა  ასაკობრივი კატეგორიის ნაკრებში ირიცხებოდა, ამჟამად ის საქართველოს 18 წლამდე ნაკრების ერთ-ერთი გამორჩეული  წევრია.ეს წარმატება განსაკუთრებულად საამაყოა როგორც კლუბ „მარნეულის არმაზისთვის“, ასევე მთლიანად მარნეულის მუნიციპალიტეტისათვის. იმედია,  საბას წარმატება გახდება მისაბაძი მაგალითი მომავალი ახალგაზრდა მორაგბეებისათვის

1747125461

გურამ კაშიამ და ნიკა კვეკვესკირმა საქართველოს ფეხბურთის ფედერაციას თხოვნით მიმართეს - რა სურთ ფეხბურთელებს

გურამ კაშიამ და ნიკა კვეკვესკირმა საქართველოს ფეხბურთის ფედერაციას თხოვნით მიმართეს, ევროპის 21-წლამდე ევროპის ჩემპიონატზე რამაზ სვანაძის სამწვრთნელო შტაბს დაემატონ. ამის შესახებ საქართველოს ნაკრების კაპიტანმა, გურამ კაშიამ Geo Team-თან ექსკლუზიურ ინტერვიუში თქვა.„რამაზ სვანაძე არის ძალიან მაგარი მწვრთნელი, ევროპის ჩემპიონატზე ჩვენს შეკრებაზე იყო. მე და ნიკა კვეკვესკირს გვაინტერესებს, რამდენიმე დღე ევროპის 21-წლამდე ჩემპიონატზე მის სამწვრთნელო შტაბში ვიყოთ, ამის შესახებ ფედერაციასთან ლაპარაკი უკვე დაწყებულია.თუ ეს ვერ შევძელით, მე აუცილებლად დავესწრები თამაშებს გულშემატკივრის სტატუსით სლოვაკეთში. პრიორიტეტია, ხელი არავის შევუშალოთ, მათ ნებისმიერ გადაწყვეტილებას პატივს ვცემთ" - გვითხრა გურამ კაშიამ.საქართველოს ნაკრების კაპიტანი ადასტურებს, რომ კარიერის დასრულების შემდეგ ის და ნიკა კვეკვესკირი სამწვრთნელო კარიერას დაიწყებენ.

1747122096

„თასების მფლობელთა თასზე“ თბილისის „დინამოს“ გამარჯვებიდან 44 წელი შესრულდა

13 მაისი ქართული ფეხბურთისთვის მნიშვნელოვანი თარიღია. 1981 წელს უეფას ევროპის თასების მფლობელთა თასის ოცდამეერთე გათამაშების გამარჯვებული თბილისის „დინამო“ გახდა.გუნდმა ფინალში - იენას „კარლ ცაისი“ 2:1 დაამარცხა.დიუსელდორფში გამართულ შეხვედრაში დინამოს რიგებიდან გოლები ვლადიმერ გუცაევმა და ვიტალი დარასელიამ გაიტანეს. ამ გამარჯვებიდან დღეს 44 წელი გავიდა.

1747070109

„დედას ცეკვაზე უნდა წავეყვანე, მაგრამ მამამ დაასწრო...“ - გიორგი სარდალაშვილი პირველ ნაბიჯებზე

ძიუდოისტი, მსოფლიოსა და ევროპის ჩემპიონი (60 კგ წონით კატეგორიაში) გიორგი სარდალაშვილი "რუსთავი 2-ის" გადაცემაში "ჩემპიონები" ბავშვობასა და ძიუდოში პირველ ნაბიჯებზე საუბრობს.მისი თქმით, ოჯახი ბავშვობიდან გვერდში ედგა და მის პროფესიულ წარმატებაში ოჯახს უდიდესი როლი აქვს.„ოჯახის წევრები ბავშვობიდანვე ხელს მიწყობდნენ და ყოველთვის გვერდში მედგნენ. ჩემს წარმატებაში ჩემს ოჯახს ყველაზე დიდი წვლილი მიუძღვის. რუსთავში, 6 წლის ასაკში მივედი პირველად ძიუდოზე. ხვიჩა კაპანაძე ასწავლის დღესაც, მაშინაც ის იყო მწვრთნელი, წონით ძალიან პატარა ვიყავი, 18 კილო და მახსოვს, არ მიმიღეს. ჩემს მშობლებს უთხრეს, ერთი წლის შემდეგ მოიყვანეთო. გავიდა ერთი წელი, ის დღე იყო დედას ცეკვაზე უნდა წავეყვანე, მაგრამ მამამ დაასწრო, ძიუდოზე წამიყვანა. საბოლოოდ, ეს სწორი გადაწყვეტილება იყო. მთელი ბავშვობა ვარჯიშზე ვიყავი გადართული, ასე ჩამინერგეს პატარაობიდან, ასე უნდა ყოფილიყო, მამა ძალიან მაკონტროლებს. ასევე, სწავლის კუთხითაც ვცდილობდი, კარგად მესწავლა და სკოლაშიც ხელს მიწყობდნენ.ბავშვობიდან ყველა შეჯიბრებაში ვიმარჯვებდი, ყოველთვის ოქროს მედლები მქონდა და ერთი წამითაც არ მიფიქრია, სხვა რაღაც გამეკეთებინა, ძიუდოს გარდა“, - აღნიშნა გიორგი სარდალაშვილმა.

1747062139

„გაგვიმართლა, რომ კვარაცხელია „პარი სენ-ჟერმენში“ გადმოვიდა“ - დეზირე დუე

დეზირე დუემ, საფრანგეთის ჩემპიონატის საუკეთესო ახალგაზრდა ფეხბურთელის ჯილდოს მოპოვების შემდეგ, ხვიჩა კვარაცხელიაზე ისაუბრა.„საფრანგეთის ლიგა 1-ის სეზონის საუკეთესო ახალგაზრდა ფეხბურთელის ჯილდოს მოგებით ძალიან ბედნიერი ვარ. შესანიშნავი თანაგუნდელები მყავს. გაგვიმართლა, რომ კვარაცხელია ზამთარში „პარი სენ-ჟერმენში“ გადმოვიდა. ის შესანიშნავი ფეხბურთელია, რომელიც გუნდს ბევრ რამეს მატებს“,  - თქვა „პარი სენ-ჟერმენის“ ამომავალმა ვარსკვლავმა.