საზოგადოება

1745474132

სინოპტიკოსები მოსახლეობას მოსალოდნელი ამინდის შესახებ აფრთხილებენ

23 აპრილს ქუთაისში წვიმაა მოსალოდნელი. დღისით +24 და ღამით +16 გრადუსი იქნება.წვიმიანი ამინდია ოზურგეთშიც, სადაც დღისით +23 გრადუსი დაფიქსირდება, ღამით კი +12. ბათუმში იწვიმებს, დღისით ჰაერი +19 გრადუსამდე გათბება, ხოლო ღამით +10 გრადუსი დაფიქსირდება.წვიმიანი ამინდია ფოთში. დღისით +17 გრადუსი დაფიქსირდება, ღამით კი +9 გრადუსია მოსალოდნელი.იწვიმებს ზუგდიდში, სადაც დღისით ტემპერატურა +24, ღამით კი +13 გრადუსია ნავარაუდევი.წვიმიანი დღეა დღეა სოხუმშიც. +20 გრადუსია მოსალოდნელი დღისით, ღამით +12 გრადუსი დაფიქსირდება.მესტიაშიც წვიმაა ნავარაუდევი, დღისით +17 გრადუსი იქნება, ღამით კი +5 გრადუსი დაფიქსირდება. ამბროლაურშიც იწვიმებს, ჰაერი +21 გრადუსამდე გათბება, ღამით კი +8 გრადუსი დაფიქსირდება.წვიმიანი ამინდია ჭიათურაშიც, დღისით +23 გრადუსი, ღამით კი +9 გრადუსი დაფიქსირდება. ახალციხეში დღისით ჰაერი +24 გრადუსამდე გათბება, ღამით კი ტემპერატურა +9 გრადუსი იქნება.ბორჯომშიც იწვიმებს, +23 იქნება დღისით, ღამით კი +8 გრადუსი დაფიქსირდება. ნალექიანი ამინდია მოსალოდნელი ბაკურიანშიც, დღისით +18 გრადუსია მოსალოდნელი, ღამით 4 გრადუსი დაფიქსირდება.ნალექს ელოდებიან გორშიც, დღისით +22 გრადუსი, ღამის განმავლობაში კი +12 გრადუსი დაფიქსირდება. წვიმა იქნება ცხინვალშიც, ჰაერის ტემპერატურა +21 გრადუსი იქნება, ღამით კი +7 გრადუსი დაფიქსირდება.გუდაურშიც წვიმა იქნება, დღის განმავლობაში +15 გრადუსი დაფიქსირდება, ღამით კი ჰაერის ტემპერატურა 2 გრადუსი იქნება.ომალოშიც წვიმიანი ამინდი იქნება, დღისით +13, ღამით კი 2 გრადუსი დაფიქსირდება.ლაგოდეხშიც წვიმას ელოდებიან. ჰაერის ტემპერატურა დღის განმავლობაში +25 გრადუსი იქნება, ღამით კი +14 გრადუსი დაფიქსირდება. წვიმიანი დღე იქნება თელავშიც, +23 გრადუსი დაფიქსირდება, ღამით კი +9 გრადუსია ნავარაუდევი.წვიმას ვარაუდობენ გურჯაანშიც. ასევე იქნება ქარი. დღისით +25 გრადუსი, ღამით კი +16 გრადუსი დაფიქსირდება.სიღნაღშიც წვიმიანი ამინდია მოსალოდნელი, დღისით 24 გრადუსია მოსალოდნელი, ღამით 12 გრადუსი დაფიქსირდება. იქნება ასევე მცირე ქარიც.რუსთავშიც ნალექიანი დღეა. დღისით +25 გრადუსია მოსალოდნელი, ღამით კი +14 გრადუსი დაფიქსირდება.თბილისშიც წვიმას და მცირე ქარს ვარაუდობენ. ჰაერის ტემპერატურა დღისით +25 გრადუსს მიაღწევს, ღამით კი +15 გრადუსი იქნება.

1745468144

როგორი ამინდია მოსალოდნელი დღეს საქართველოში

1745441547

უკრაინა ყოველთვის იმოქმედებს კონსტიტუციის შესაბამისად და დარწმუნებული ვართ, აშშ საკუთარი ძლიერი გადაწყვეტილების შესაბამისად იმოქმედებს - ზელენსკი

უკრაინის პრეზიდენტი ვოლოდიმირ ზელენსკი დონალდ ტრამპის მიერ მისი მისამართით გამოთქმულ კრიტიკას გამოეხმაურა.სოციალურ ქსელ X -ზე ზელენსკიმ გაიხსენა უკრაინის, ამერიკის, დიდი ბრიტანეთის, საფრანგეთისა და გერმანიის წარმომადგენლების შეხვედრა, რომელიც ლონდონში გაიმართა. ზელენსკი წერს, რომ ემოციური დღე იყო.„ჩვენ მადლიერები ვართ პარტნიორების. უკრაინა ყოველთვის იმოქმედებს კონსტიტუციის შესაბამისად და აბსოლუტურად დარწმუნებულები ვართ, რომ ჩვენი პარტნიორები, კონკრეტულად კი აშშ, იმოქმედებს საკუთარი ძლიერი გადაწყვეტილების შესაბამისად“, – წერს ზელენსკი.სოციალურ ქსელში თავის პოსტს ზელენსკიმ დაურთო ყირიმის დეკლარაციის ამონარიდი, ტრამპის პირველი ადმინისტრაციის სახელმწიფო მდივნის, მაიკ პომპეოს 2018 წლის განცხადება, რომელმაც დაადასტურა რუსეთის მიერ ყირიმის ანექსიის არაღიარება.

1745441475

„მის გამო მიღირს ხვალინდელი დღე...“ - როგორ ცხოვრობს რამაზ დავლაძე, რომელსაც ბათუმში, კორპუსის ჩამონგრევის შედეგად ოჯახის 4 წევრი დაეღუპა

შვილის გამო მიღირს ხვალინდელი დღე, მიღირს სიცოცხლე და ჩემი არსებობა... ძალიან რთულია, მაგრამ ვცდილობ სწორად აღვზარდო... - ამის შესახებ ბათუმში მომხდარი ტრაგედიისას დაზარალებული რამაზ დავლაძე აცხადებს. როგორია მისი და მისი შვილის, 9 წლის დემეტრეს ყოველდღიური ცხოვრება, ამის შესახებ დავლაძე „პრაიმ შოუში“ საუბრობს.ვრცლად ↓ცნობისთვის, 8 ოქტომბერს, 26 მაისის ქუჩაზე საცხოვრებელი კორპუსის ერთი სადარბაზო მთლიანად ჩამოინგრა, რის შედეგადაც 9 ადამიანი დაიღუპა. მათ შორის, რამაზ დავლაძის ოჯახის 4 წევრი იყო... მეუღლე, 2 შვილი და ძმა...

1745440384

ამინდის განახლებული პროგნოზი გარემოს ეროვნული სააგენტოდან

გარემოს ეროვნული სააგენტოს ცნობით, უახლოეს დღეებში საქართველოში მოსალოდნელიადროგამოშვებით ხანმოკლე წვიმა და ელჭექი.ქ. თბილისში მოსალოდნელია ხანმოკლე წვიმა ელჭექით. ჰაერის ტემპერატურა დღისით +22, +24 გრადუსი დაფიქსირდება.სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +18, +20 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან გაწვიმდება. ჰაერის ტემპერატურა დღისით +18, +23 გრადუსი დაფიქსირდება. დასავლეთ საქართველოს მაღალმთიან რაიონებში (მესტია, ბახმარო): 25-26 აპრილს ზოგან მოთოვს. ზოგან გაწვიმდება. ჰაერის ტემპერატურა დღისით +13, +18 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +23, +25 გრადუსი დაფიქსირდება.აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან ხანმოკლე წვიმაა მოსალოდნელი. ჰაერის ტემპერატურა დღისით +18, +23 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ხანმოკლე წვიმაა მოსალოდნელი. ჰაერის ტემპერატურა დღისით +12, +17 გრადუსი დაფიქსირდება.

1745440125

აღმოაჩინეს ახალი ფერი, რომელიც ადამიანს არასოდეს უნახავს

შეუიარაღებელი თვალით ადამიანს ფერების მხოლოდ გარკვეული დიაპაზონის აღქმა შეუძლია. ამის მიუხედავად, მეცნიერებმა 5 ადამიანს მხედველობის ორგანოების ფოტორეცეპტორების სტიმულირების გზით ახალი ფერის დანახვის შესაძლებლობა მისცეს. მას აღწერენ, როგორც "ძლიერ სატურირებულ მომწვანო-მოლურჯოს", რომელსაც "ოლო" უწოდეს.ამ ფერს სწორედ ინტენსიურობა გამოარჩევს, თუმცა მაინც მომწვანო-მოლურჯო ტონალობაშია. ამის გამო, შესაძლოა, სადავო იყოს, რამდენადაა ოლო "ახალი" ფერი. ასეა თუ ისე, კვლევაში ჩართული ადამიანები ამბობენ, რომ მან მათ განსხვავებული ვიზუალური გამოცდილება მისცა, როცა ნეიტრალური ნაცრისფრის ფონზე აკვირდებოდნენ.„სუბიექტებმა აღმოაჩინეს, რომ ოლოს დესატურაცია [ინტენსივობის შემცირება] და თეთრი სინათლის დამატება იყო საჭირო უახლოეს მონოქრომატულ სინათლესთან მისამსგავსებლად, რომელიც ფერთა გამის მიჯნაზეა. ესაა აშკარა დასტური, რომ ოლო გამის მიღმაა", - აცხადებენ სპეციალისტები.„ოლოს ფერის შესატყვისად მოიხსენიებდნენ 'შაბიამნისფერს', 'მწვანეს', 'ლურჯ-მომწვანოსა' და 'მწვანეს, მცირე ლურჯით". სუბიექტები მის სატურაციას აფასებდნენ, როგორც 4-დან 4-ს, როცა შესაბამისი ახლო მონოქრომატული ფერების საშუალო მაჩვენებელი 2.9-ა", - ამბობენ ისინი.ფერს მაშინ აღვიქვამთ, როცა ჩვენი თვალის ბადურას რეცეპტორები ელექტრომაგნიტური რადიაციის ზოგიერთი ტალღის ზეგავლენით სტიმულირდება. ეს რეცეპტორები სამი სახის ტალღებზე რეაგირებს: მოკლეზე, საშუალოსა და გრძელზე. სამივე ტიპის უჯრედები სპექტრული მგრძნობელობის მხრივ ერთმანეთს ემთხვევა, რის გამოც ნებისმიერი სინათლე სულ მცირე ორი ტიპის ფოტორეცეპტორს ერთდროულად ააქტიურებს. ეს აღქმადი ფერების დიაპაზონსა და სატურაციას ზღუდავს. ახალი კვლევის ფარგლებში მეცნიერებმა მხოლოდ ერთი ტიპის უჯრედების სტიმულაციის გზას მიმართეს, რისთვისაც ლაზერის ფოკუსირებული სინათლე გამოიყენეს. შედეგად, 5 მონაწილეში საშუალო ტალღურის სიგრძის მიმართ მგრძნობიარე რეცეპტორები გააქტიურდა და ამ ადამიანებმა ოლო დაინახეს. შემდეგ მეცნიერებმა ათასობით ცალკეული უჯრედი გაააქტიურეს და ადამიანებს გამოსახულებების დანახვის საშუალება მისცეს.უნდა აღინიშნოს, რომ, მაგალითად, კომპიუტერის ეკრანებში სპექტრული მეტამერიზმის ტექნოლოგიაა გამოყენებული, ანუ სხვადასხვა სიგრძის ტალღის მქონე სინათლეა გაერთიანებული. ეს ადამიანის თვალის მიერ ფერების აღქმის მექანიზმს ჰგავს. ამისგან განსხვავებით, ზემოხსენებული ლაზერული მეთოდი სივრცულ მეტამერიზმს ეფუძნება, რაც ნიშნავს, რომ ბადურაში სინათლის სივრცულ გადანაწილებაზეა ორიენტირებული. შედეგად, მრავალი ფერის მისაღებად მხოლოდ ერთი მონოქრომატული სინათლეა საჭირო.ექსპერტები ამბობენ, რომ ასეთი სტიმულაციის ზოგიერთი ასპექტი აქამდეც ცნობილი იყო, თუმცა გამოსახულების აღსაქმელად ერთდროულად ათასობით რეცეპტორის გააქტიურება ნამდვილი სიახლეა. ამას "იმედის მომცემ პრაქტიკულ ინოვაციას" უწოდებენ.

1745436784

ნახეთ, როგორ გამოიყურება ქეთა თოფურიას ახალი ზღაპრული სახლი

მოსკოვში მოღვაწე, ქართველმა მომღერალმა ქეთა თოფურიამ ახალი სახლი აიშენა. სახლის ვიდეოს ის instagram სთორიში აზირებს. ნახეთ, კადრები:

1745432472

ნახეთ, რამდენი დასვენების დღე დარჩა სკოლებსა და ბაღებში სასწავლო წლის დასრულებამდე

სკოლებსა და საბავშვო ბაღებში დასვენების დღედაა გამოცხადებული, 9 მაისი; 12 მაისი; 26 მაისი.რაც შეეხება მეორე სემესტრში სასწავლო დღეების რაოდენობას, იგი განსხვავებულია პირველი, მეთორმეტე და მეორე-მეთერთმეტე კლასელებისთვის; II-XI კლასებისთვის 96 სასწავლო დღეა განსაზღვრული (სწავლის დასასრული – 13 ივნისი); I კლასის მოსწავლეებისთვის 83 დღე; (სწავლის დასასრული – 27 მაისი); XII კლასის მოსწავლეებისთვის 79 დღე (სწავლის დასასრული – 20 მაისი).

1745431138

„ეს წამალი საქართველოში სულ უფრო პოპულარული ხდება, ძალიან საშიშია!“ - არუნ ხათრი საზოგადოებას აფრთხილებს

„ოზემპიკი“ საქართველოში სულ უფრო პოპულარული ხდება და ძალიან საშიშია, - ამის შესახებ ინდური ხალხური მედიცინის „აიურვედას“ ექსპერტი არუ ხათრი აცხადებს.მისი თქმით, ახალგაზრდები ამას იყენებენ წონაში კლებისთვის, რაც არ არის რეკომენდებული.ნახეთ, რა არის ეს და რატომ შეიძლება იყოს საზიანოვრცლად ↓

1745428558

6 წლის გაბრიელს საზოგადოების დახმარება სჭირდება - „ბავშვის სიცოცხლეს საფრთხე ემუქრება!“

6 წლის გაბრიელ მიშელაძეს საზოგადოების დახმარება სჭირდება.მცირეწლოვნის ბებიის ცნობით, 2 436 ევრო ღირს ერთი ნემსი, თანხის ნაწილი შეაგროვეს, ახლა 3 000 ლარია საჭირო, რომ წამლის აღება შეძლონ.როგორც გაირკვა, ბავშვს კისრის არეში მრავლობითი ხრტილოვანი გამონაზარდი აქვს, მას უკვე ჩაუტარდა 2 ოპერაცია და 10 თერაპიული კურსი.ბავშვის მდგომარეობა დღითი დღე მძიმდება, საჭიროა კიდევ ერთი ქირურგიული ჩარევა. ასევე ცნობილი გახდა, რომ გაბრიელს ესაჭიროება თერაპიის გაგრძელება და საჭიროა ძვირად ღირებული მედიკამენტი, რისი საშუალებაც, ოჯახის განმარტებით, მათ აღარ აქვთ, ამიტომ საზოგადოებას სთხოვენ დახმარებას.თანხის ჩარიცხვას შემდეგ ანგარიშის ნომრებზე შეძლებთ:თიბისი ბანკი:#GE50TB7397345061100100საქართველოს ბანკი:#GE97BG0000000127397700ლიბერთი ბანკი:#GE08LB0711179063120000კრედო ბანკი: #GE77CD0360000038942832paypal: https://www.paypal.me/171700ასევე - https://app.keepz.me?tiny=yeyk6rt4 მომღები: ბოსტანჯიევა ეკატერინაპ/ნ 10001012274 ე.ბ

1745422344

„ასეთი რამ არ გვინახავს...“ - რას წერენ ქართველი ემიგრანტები თურქეთში მომხდარ ძლიერ მიწისძვრაზე

თურქეთის ქალაქ სტამბოლში ძლიერი მიწისძვრა მოხდა.სეისმოლოგიური სამსახურის ცნობით, პირველი ბიძგების სიმძლავრემ 3,9 შეადგინა, განმეორებითი ბიძგების სიმძლავრე კი 6,2 და 4,4 მაგნიტუდა იყო. მიწისძვრის ეპიცენტრი მარმარილოს ზღვაში, შვიდი კილომეტრის სიღრმეზე დაფიქსირდა.მედიის ცნობით, სტიქიას მოსახლეობაში პანიკა მოჰყვა. მიწისძვრის შემდეგ მოქალაქეებმა შენობები დატოვეს და ქუჩებში გავიდნენ.შემთხვევას ქართველი ემიგრანტებიც ეხმაურებიან:„უფ, რა დამაძინებს ნერვიულობით...“; „ძაღლების ყეფამ გამაღვიძა... შემდეგ ორჯერ მოხდა, საათს რომ დავხედე, 5 საათსა და 5 წუთზე იყო“;„უფალო, დაგვიფარე. ძალიან შევშინდით. სტამბოლში არ ვართ, მარგრამ ჩვენთანაც კარგად იგრძნობოდა“;„მე ასეთი რამ არ მინახავს, გული გამისკდა...“ - წერენ ემიგრანტები.

1745414370

რომის პაპის გარდაცვალებასთან დაკავშირებით წმინდა საყდრის სადესპანოში (ვატიკანის საელჩო) გახსნილ სამძიმრის წიგნში საქართველოს კულტურის მინისტრის მოადგილე ბექა დავითულიანმა ჩანაწერი გააკეთა

რომის პაპის, ფრანცისკეს გარდაცვალებასთან დაკავშირებით საქართველოში წმინდა საყდრის სადესპანოში (ვატიკანის საელჩო) გახსნილ სამძიმრის წიგნში საქართველოს კულტურის მინისტრის მოადგილე ბექა დავითულიანმა ჩანაწერი გააკეთა.რომის პაპი ფრანცისკე 88 წლის ასაკში გარდაიცვალა.