1775629933

პირველადი ჯანდაცვა რეგიონებში ძლიერდება - სოფლებში ახალი ამბულატორიები იხსნება

სოფლებში ამბულატორიების მშენებლობა გრძელდება. პროექტი მიზნად ისახავს პირველადი ჯანდაცვის სერვისებზე მოსახლეობის გეოგრაფიული ხელმისაწვდომობის გაზრდას.ახალი ამბულატორიები გაიხსნა წყალტუბოს მუნიციპალიტეტის სოფელ გუმბრასა და ქარელის მუნიციპალიტეტის სოფელ რუისში. სამედიცინო დაწესებულებები თანამედროვე სტანდარტების შესაბამისად აშენდა და სრულად არის აღჭურვილი.სოფლის ამბულატორიებში ჯანდაცვის მინისტრი, მიხეილ სარჯველაძე, ადგილობრივი და საპარლამენტო ხელისუფლების წარმომადგენლებთან ერთად იმყოფებოდა. მინისტრმა ახალი ინფრასტრუქტურა დაათვალიერა და სამედიცინო პერსონალს შეხვდა. მისი განცხადებით, მსგავსი პროექტები მნიშვნელოვნად უწყობს ხელს რეგიონებში ხარისხიანი პირველადი ჯანდაცვის სერვისების ხელმისაწვდომობის გაუმჯობესებას.მინისტრის თქმით, პირველადი ჯანდაცვის გაძლიერება სამინისტროს ერთ-ერთი მთავარი პრიორიტეტია. მისი განმარტებით, ამ მიმართულებით ინფრასტრუქტურის განვითარება, სამედიცინო დაწესებულებების თანამედროვე სტანდარტების შესაბამისად აღჭურვა და სერვისების ხარისხის გაუმჯობესება აქტიურად გაგრძელდება, რათა მოსახლეობას, საცხოვრებელ ადგილთან მაქსიმალურად ახლოს, ჰქონდეს წვდომა სამედიცინო მომსახურებაზე.მიმდინარე წელს დაგეგმილია კიდევ 6 ახალი სოფლის ამბულატორიის გახსნა სხვადასხვა მუნიციპალიტეტში.

1775562686

ბათუმის რესპუბლიკურ საავადმყოფოში ახალი პედიატრიული განყოფილება მოეწყობა

 ბათუმის რესპუბლიკურ საავადმყოფოში ახალი პედიატრიული განყოფილება  მოეწყობა.სამშენებლო სამუშაოები დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ, აჭარის ჯანდაცვის მინისტრთან, ნინო ნიჟარაძესთან ერთად დაათვალიერა.ბათუმის რესპუბლიკურ საავადმყოფოს ახალი, თანამედროვე, მრავალპროფილური სამედიცინო სივრცე, უზრუნველყოფს როგორც პედიატრიულ, ისე - სხვადასხვა სპეციალიზებულ მომსახურებას.პედიატრიული დეპარტამენტი 91 საწოლზეა გათვლილი და სრულფასოვან თერაპიულ, ქირურგიულ და რეანიმაციულ განყოფილებებს მოიცავს. შენობის პირველ სართულზე განთავსდება ჰემოდიალიზის ცენტრი, რომელიც 18 საწოლზეა გათვლილი.მიხეილ სარჯველაძე ბათუმის რესპუბლიკური საავადმყოფოს სამედიცინო პერსონალს შეხვდა და კლინიკის ახალი დირექტორი ოფიციალურად წარადგინა.კახა აღამანაშვილი, ამ დრომდე, კლინიკის დირექტორის მოვალეობას ასრულებდა. მას აქვს საერთაშორისო ორგანიზაციებში, საჯარო და კერძო სექტორში მუშაობის  მრავალწლიანი გამოცდილება. შეხვედრაზე აღინიშნა, რომ რესპუბლიკურ საავადმყოფოში აქტიურად მიმდინარეობს მუშაობა მიმართულებების გაძლიერებაზე  - იზრდება მომსახურებების მოცულობა, ფართოვდება სპეციალისტების გუნდი.მინისტრებთან ერთად, ბათუმის რესპუბლიკურ საავადმყოფოში იმყოფებოდა სამედიცინო ჰოლდინგის დირექტორი, მალხაზ ჟორჟიკაშვილი.

1775552833

ბათუმის რესპუბლიკურ საავადმყოფოში ახალი პედიატრიული განყოფილება მოეწყობა - ჯანდაცვის მინისტრი მიმდინარე სამშენებლო სამუშაოებს გაეცნო

ბათუმის რესპუბლიკურ საავადმყოფოში ახალი პედიატრიული განყოფილება მოეწყობა. სამშენებლო სამუშაოები ჯანდაცვის მინისტრმა დაათვალიერა.ბათუმის რესპუბლიკურ საავადმყოფოს ახალი, თანამედროვე, მრავალპროფილური სამედიცინო სივრცე, უზრუნველყოფს როგორც პედიატრიულ, ისე - სხვადასხვა სპეციალიზებულ მომსახურებას. პედიატრიული დეპარტამენტი 91 საწოლზეა გათვლილი და სრულფასოვან თერაპიულ, ქირურგიულ და რეანიმაციულ განყოფილებებს მოიცავს. შენობის პირველ სართულზე განთავსდება ჰემოდიალიზის ცენტრი, რომელიც 18 საწოლზეა გათვლილი.ჯანდაცვის მინისტრმა აღნიშნა, რომ უწყების პრიორიტეტი რეგიონებში, მაღალი ხარიხის, უწყვეტი სამედიცინო სერვისის უზრუნველყოფაა, ამ მიზნით კი, ქვეყნის მასშტაბით, არაერთი მნიშვნელოვანი პროექტი მიმდინარეობს.მიხეილ სარჯველაძე ბათუმის რესპუბლიკური საავადმყოფოს სამედიცინო პერსონალს შეხვდა და კლინიკის  ახალი დირექტორი ოფიციალურად წარადგინა. კახა აღამანაშვილი, ამ დრომდე,  კლინიკის დირექტორის მოვალეობას ასრულებდა. მას აქვს საერთაშორისო ორგანიზაციებში, საჯარო და კერძო სექტორში მუშაობის მრავალწლიანი გამოცდილება.  შეხვედრაზე აღინიშნა, რომ რესპუბლიკურ საავადმყოფოში აქტიურად მიმდინარეობს მუშაობა მიმართულებების გაძლიერებაზე - იზრდება მომსახურებების მოცულობა, ფართოვდება სპეციალისტების გუნდი.ექიმებთან შეხვედრაზე მინისტრმა მათ ჯანმრთელობის მსოფლიო დღე მიულოცა და ხაზი გაუსვა სამედიცინო პერსონალის მნიშვნელოვან როლს როგორც რეგიონის, ისე - ქვეყნის ჯანდაცვის სისტემის განვითარებაში.მიხეილ სარჯველაძესთან ერთად, ბათუმის რესპუბლიკურ საავადმყოფოში იმყოფებოდნენ აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნინო ნიჟარაძე და სამედიცინო ჰოლდინგის დირექტორი მალხაზ ჟორჟიკაშვილი.

1775544470

ქუთაისში ჩხობაძის სახელობის კლინიკა გაიხსნა

ქუთაისში ო. ჩხობაძის სახელობის კლინიკა გაიხსნა. განახლებული მრავალპროფილური სამედიცინო დაწესებულება მოსახლეობას თანამედროვე ინფრასტრუქტურითა და მაღალი სტანდარტის სერვისებით მოემსახურება.კლინიკის რეაბილიტაცია ქალაქში ერთ-ერთ ყველაზე მასშტაბურ პროექტს წარმოადგენს და იგი ჯანდაცვის სამინისტროს მხარდაჭერით განხორციელდა. სარეაბილიტაციო სამუშაოები რამდენიმე თვის განმავლობაში მიმდინარეობდა, რომლის ფარგლებშიც სრულად განახლდა გადაუდებელი დახმარების განყოფილება, საოპერაციო ბლოკი, რეანიმაცია და ქირურგიული დეპარტამენტები.კლინიკაში იმყოფებოდა ჯანდაცვის მინისტრი. მიხეილ სარჯველაძემ განახლებული ინფრასტრუქტურა დაათვალიერა და სამედიცინო პერსონალს შეხვდა.  მინისტრის განცხადებით,  მსგავსი პროექტები მნიშვნელოვნად უწყობს ხელს რეგიონში ხარისხიანი სამედიცინო მომსახურების ხელმისაწვდომობას.კლინიკა დასავლეთ საქართველოს მოსახლეობას თანამედროვე ტექნოლოგიებით აღჭურვილ გარემოში დიაგნოსტიკისა და მკურნალობის გაუმჯობესებულ შესაძლებლობებს შესთავაზებს. სამედიცინო მომსახურებას კლინიკაში 85 ექიმი და 100 ექთანი უზრუნველყოფს.მინისტრთან ერთად, კლინიკაში იმყოფებოდნენ: პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, საქართველოს სამედიცინო ჰოლდინგის დირექტორი მალხაზ ჟორჟიკაშვილი, რეგიონული ჯანდაცვის ცენტრის დირექტორი არჩილ მამალაძე და ადგილობრივი ხელისუფლების წარმომადგენლები.

1775412835

პროდუქტები, რომლებიც ამცირებს ქალის ონკოლოგიურ რისკებს - მარი მალაზონიას რჩევები

რომელი პროდუქტების მიღება ამცირებს  ქალის ონკოლოგიურ რისკებს - ამ თემაზე  ექიმი ნუტრიციოლოგი, კვების ეროვნული ცენტრის დირექტორი, მარი მალაზონია, გადაცემაში "პირადი ექიმი მარი მალაზონია" საუბრობს. „რა თქმა უნდა, თქვენთვის მოულოდნელი არ იქნება, თუ ვიტყვი, რომ სრულფასოვანი ცილით უზრუნველყოფა ქალის ონკოლოგიურ რისკებს ამცირებს. ​ამ შემთხვევაში, წითელი ხორცის ალტერნატივად განვიხილავთ სხვადასხვა - როგორც ცხოველური, ისე მცენარეული წარმოშობის ცილებს. განსაკუთრებით მნიშვნელოვანია მცენარეული ცილები, მათ შორის ლობიო და ნიგოზი, რომლებიც ქალბატონებისთვის საუკეთესო არჩევანს წარმოადგენს. ​ ონკოლოგიური რისკის შესამცირებლად საჭიროა ქალებმა ყურადღება გაამახვილონ ისეთ ცილებზე, რომლებიც ორგანიზმში მცენარეული საკვების მეშვეობით ხვდება. ამ პროდუქტებს განსაკუთრებული დატვირთვა აქვს, რადგან ცილის გარდა შეიცავენ სხვა ნივთიერებებსაც, რომლებიც ონკოლოგიური რისკის თავიდან აცილებაში გვეხმარება. მაგალითად, მათში არის თუთია, აუცილებელი ცხიმოვანი მჟავები და გარკვეული ჯგუფის ვიტამინები, რომლებიც ჩვენს იმუნიტეტს აძლიერებს.​მოდით, გავაგრძელოთ ეს ჩამონათვალი: აღმოვაჩენთ, რომ სასარგებლო ცხიმები განსაკუთრებით მნიშვნელოვანია ომეგა-3-ის შემცველობის თვალსაზრისით. ამ მხრივ გამორჩეულია თევზეული, ნიგოზი, სელის თესლი და ზოგადად სხვადასხვა სახის მარცვლეული, რაც ქალის ყოველდღიური რაციონის აუცილებელი დანამატია.ყველასთვის კარგად ცნობილია: ბოსტნეული და ხილი თავისი მრავალფეროვნებით. ისინი მდიდარია ანტიოქსიდანტებითა და ანთების საწინააღმდეგო ეფექტით. განსაკუთრებით აღსანიშნავია ლურჯი მოცვი, კენკროვანი კულტურები და ციტრუსები - ეს პროდუქტები შედის იმ შკალაში, რომელსაც ხშირად გიზიარებთ და ჰარვარდის ანთების საწინააღმდეგო პროდუქტების ნუსხა ჰქვია. ​ქალის ორგანიზმისთვის არანაკლებ მნიშვნელოვანია მარცვლეულ-ბურღულეული: ოღონდ არა რაფინირებული და ტექნოლოგიურად გადამუშავებული, არამედ მთლიანი მარცვალი და მისგან მომზადებული პროდუქტები, როგორც სასარგებლო ნივთიერებების საუკეთესო წყარო. ​კიდევ ერთხელ გავამახვილებ ყურადღებას სასარგებლო ცხიმებზე. უკვე ვახსენე, რამდენად მნიშვნელოვანია ქალისთვის ნორმალური წონის შენარჩუნება და ზრუნვა იმაზე, რომ ორგანიზმში ჭარბი ცხიმი არ დაგროვდეს, ხოლო სხეულის შემადგენლობა კუნთოვანი მასის სასარგებლოდ შეიცვალოს. სწორად შერჩეული ცხიმები მხოლოდ გემოვნებაზე კი არ არის დამოკიდებული, არამედ პროდუქტების სწორ თანაფარდობაზე. როდესაც ბალანსი ირღვევა, ჭარბი შაქარიც, ცილაც და ზედმეტი ცხიმიც - საბოლოოდ მაინც ცხიმად გროვდება. ორგანიზმს სჭირდება წონასწორობა საკვებ ნივთიერებებს შორის, რაც თქვენს თეფშზე მინიმუმ ხუთი სხვადასხვა ფერისა და ჯგუფის პროდუქტით უნდა გამოიხატოს.კიდევ ერთი გადამწყვეტი ფაქტორი, რომელიც ქალებში ონკოლოგიურ რისკს მკვეთრად ამცირებს - ეს არის მოწესრიგებული ნაწლავი. აქ არ იგულისხმება მხოლოდ სისტემატური მუშაობა, არამედ ის უხილავი სამყარო, რომელიც ჩვენში რეალურ ცვლილებებს იწვევს. ​მცენარეული ბოჭკო, რომელსაც შეიცავს ბოსტნეული, ხილი და მარცვლეული, ბურღულეული. ცილების, ცხიმებისა და რთული ნახშირწყლების სწორი თანაფარდობა, ყველა საჭირო ამინომჟავისა და გაუჯერებელი ცხიმოვანი მჟავების გამოყენება - ეს ყველაფერი მნიშვნელოვანია არა მხოლოდ ჩვენი სხეულისთვის, არამედ იმ სამყაროსთვის, რომელსაც ნაწლავით ვატარებთ. სწორედ ეს ნივთიერებები განსაზღვრავენ ბალანსს მეგობრულ და მავნე ბაქტერიებს შორის.თავის მხრივ, ნაწლავი განაპირობებს ჩვენს გუნება-განწყობასაც, რადგან ის გამოიმუშავებს სეროტონინის 90 პროცენტზე მეტს. ეს კი განსაზღვრავს არა მხოლოდ იმას, თუ როგორი გუნება-განწყობა აქვთ ქალებს, არამედ იმასაც, თუ როგორი რესურსი აქვთ ონკოლოგიური რისკის შესამცირებლად, ხოლო პრობლემის არსებობის შემთხვევაში - მაქსიმალურად ადვილად გაუმკლავდნენ იმ ბრძოლას, რომელსაც ომში გამარჯვებისკენ მიჰყავს ქალბატონი",- ამბობს მარი მალაზონია.  

1775309969

28-წუთიანი ბრძოლა სიცოცხლისთვის: თბილისის სასწრაფო დახმარების ბრიგადამ ხანდაზმული მამაკაცი გადაარჩინა

თბილისის სასწრაფო დახმარების N0830 ბრიგადა გეგმურ გამოძახებაზე მიდიოდა, როდესაც ქუჩაში შეკრებილი ხალხი შენიშნეს, რომლებიც დახმარებას ითხოვდნენ.გამვლელებს სკამზე დაესვათ 90 წლის მამაკაცი, რომელიც კონტაქტური აღარ იყო - მას არც პულსი ჰქონდა და არც სუნთქვა. მედიკოსებმა წამებში მიიღეს გადაწყვეტილება და ადგილზე დაიწყეს ბრძოლა კლინიკური სიკვდილის მდგომარეობაში მყოფი პაციენტის გადასარჩენად. ისტორიას სოციალურ ქსელში გვერდი - “შენი სიცოცხლის გადასარჩენად“ აქვეყნებს.თბილისის მე-8 ფილიალის N0830 ბრიგადა გამოძახებაზე მიდიოდა, როდესაც ქუჩაში ჩოჩქოლი შეამჩნია. ადგილზე შეკრებილი ადამიანები დახმარებას ითხოვდნენ.ბრიგადის წევრები დაუყოვნებლივ დაუკავშირდნენ სადისპეტჩეროს და გამოძახების მისამართზე სხვა ბრიგადის გაგზავნა ითხოვეს. გამვლელებს სკამზე ჰყავდათ დასმული დაახლოებით 90 წლამდე ასაკის მამაკაცი, რომელიც უგონო მდგომარეობაში იმყოფებოდა.როგორც პარამედიკოსი მალხაზ შენგელია იხსენებს, პაციენტის პირველადი შეფასებით დადასტურდა სუნთქვისა და პულსის არარსებობა.ბრიგადის წევრებმა დაუყოვნებლივ დაიწყეს პროტოკოლით გათვალისწინებული რეანიმაციული ღონისძიებები. მონიტორზე მონაცვლეობით ასისტოლია და ფიბრილაცია ფიქსირდებოდა.დაახლოებით 28-წუთიანი უწყვეტი რეანიმაციული ღონისძიებების შედეგად მონიტორზე აღდგა სინუსური რიტმი.პაციენტი ფილტვების ხელოვნურ ვენტილაციით ფორს-მაჟორულ რეჟიმში შეიყვანეს თბილისის ერთ-ერთ კლინიკაში, სადაც დადგინდა, რომ ანამნეზში კარდიომიოპათია და სხვა ქრონიკული დაავადებები აღენიშნებოდა.მკურნალობა შესაბამის განყოფილებაში გაგრძელდა. მოგვიანებით ხანდაზმული მამაკაცის შვილიშვილი პარამედიკოს მალხაზ შენგელიას დაუკავშირდა და ბაბუას გადარჩენისთვის მთლიან ბრიგადას მადლობა გადაუხადა.პაციენტის მდგომარეობა დღითი-დღე უმჯობესდება და მალე ბინაზე გაეწერება.როგორც პარამედიკოსი გვიყვება, პაციენტის სრულყოფილ მართვაში განსაკუთრებული წვლილი შეიტანეს ბრიგადის უმცროსმა ექიმმა მარიამ ობოლაძემ და ბრიგადის მძღოლმა მიხეილ მჭედლიშვილმა, რომლებიც უწყვეტად და შეუფერხებლად იყვნენ ჩართულნი რეანიმაციის პროცესში.პარამედიკოსი მალხაზ შენგელიაუმცროსი ექიმი მარიამ ობოლაძემძღოლი მიხეილ მჭედლიშვილი

1775291885

ჯანდაცვის მინისტრი, თურქმენეთის ელჩთან ერთად, ფარმაკოქიმიის ინსტიტუტში იმყოფებოდა

ჯანდაცვის მინისტრი, თურქმენეთის საგანგებო და სრულუფლებიან ელჩთან ერთად, ი.ქუთათელაძის ფარმაკოქიმიის ინსტიტუტში იმყოფებოდა.მიხეილ სარჯველაძე და დოვლეტმირატ სეიტმამედოვი დაწესებულების სამეცნიერო სამუშაოებს გაეცნენ და კვლევითი ლაბორატორია დაათვალიერეს. მხარეებმა ორი ქვეყნის პროფილურ დაწესებულებებს შორის თანამშრომლობის გაღრმავების საკითხებიც განიხილეს. ასევე, ისაუბრეს სამეცნიერო პერსონალის ურთიერთგაცვლის შესახებ.ჯანდაცვის მინისტრის განცხადებით, საქართველო მზადაა, თურქმენეთთან ფარმაკოქიმიისა და ზოგადად, მედიცინის მიმართულებით, ურთიერთობის კიდევ გაღრმავებისთვის, რასაც ხელს შეუწყობს მსგავსი ვიზიტები.ი.ქუთათელაძის ფარმაკოქიმიის ინსტიტუტში ასევე იმყოფებოდნენ თბილისის სახელმწიფო სამედიცინო უნივერსიტეტის რექტორი ირაკლი ნატროშვილი, უნივერსიტეტისა და ფარმაკოქიმიის ინსტიტუტის წარმომადგენლები.ინფორმაციას ჯანდაცვის სამინისტრო ავრცელებს.

1775211025

ეროვნულ სკრინინგ ცენტრს საქართველოს პირველი ლედი ეწვია

ეროვნულ სკრინინგ ცენტრს საქართველოს პირველი ლედი თამარ ბაგრატიონი, განათლების, მეცნიერების და ახალგაზრდობის  მინისტრის მოადგილე ბაია კვიციანი და მომღერალი ლიზა ბაგრატიონი ეწვივნენ.სტუმრები ადგილზე გაეცნენ ცენტრის მუშაობის სპეციფიკას და სახელმწიფო პროგრამით გათვალისწინებული კიბოს უფასო სკრინინგული კვლევები ჩაიტარეს.  სტუმრებს ეროვნული სკრინინგ ცენტრის დირექტორმა ეთერ კიღურაძემ უმასპინძლა და სკრინინგ ცენტრში არსებული სერვისების, სამედიცინო აპარატურისა და პროგრამის განვითარების გეგმების შესახებ ინფორმაცია მიაწოდა.„ეროვნულ სკრინინგ ცენტრში ჩავიტარე სახელმწიფოს მიერ დაფინანსებული კიბოს სკრინინგული კვლევები. გულწრფელად გეტყვით, რომ თავდაპირველად მეც მქონდა გარკვეული შიში და ღელვა, თუმცა აქ არსებული გარემო, სამედიცინო პერსონალის პროფესიონალიზმი და ყურადღება იმდენად დამამშვიდებელია, რომ ეს განცდა ძალიან სწრაფად ქრება. მინდა, იცოდეთ, რომ ეს პროცესი მარტივი და უსაფრთხოა, რადგან ცენტრი აღჭურვილია მაღალტექნოლოგიური, თანამედროვე აპარატურით. განსაკუთრებული თხოვნით მივმართავ ქალბატონებს, არ დაივიწყოთ საკუთარი თავი. ხშირად ჩვენ პირველ ადგილზე ვაყენებთ ოჯახს და სხვებზე ზრუნვას, თუმცა სწორედ ჯანმრთელობაა თქვენი ოჯახის სიმშვიდისა და კეთილდღეობის საფუძველი. გამოიყენეთ შესაძლებლობა, სრულიად უფასოდ, სახელმწიფოს დაფინანსებით ჩაიტაროთ  კიბოს სკრინინგული კვლევები. არ გადადოთ ზრუნვა ხვალისთვის, რადგან დროულად აღმოჩენილი დაავადება ნიშნავს უფრო მეტ შესაძლებლობას ჯანმრთელი და სრულფასოვანი ცხოვრების გაგრძელებისთვის. გახსოვდეთ, თქვენი ჯანმრთელობა ფასდაუდებელია“, - განაცხადა თამარ ბაგრატიონმა.თავის მხრივ, ეთერ კიღურაძემ აღნიშნა, რომ მსგავსი ვიზიტები ეროვნულ სკრინინგ ცენტრში მნიშვნელოვანია, რათა საკუთარი მაგალითით აჩვენონ, რომ კვლევების ჩატარება და დროული სკრინინგი პრიორიტეტულია.„სკრინინგ ცენტრი ყოველდღიურად აქტიურად მუშაობს, რომ კიბოს სკრინინგი იყოს  მაქსიმალურად ხელმისაწვდომი, უსაფრთხო, კომფორტული და საზოგადოებას მიეწოდოს მაღალი სტანდარტების სამედიცინო სერვისი. მინდა, კიდევ ერთხელ მოვუწოდო საზოგადოებას, გამოიყენეთ ეს შესაძლებლობა. კიბოს სკრინინგი არის თქვენი ჯანმრთელობის დაცვის ერთ-ერთი ყველაზე ეფექტური გზა. დროული დიაგნოსტიკა ნიშნავს გადარჩენილ სიცოცხლეს“, - განაცხადა ეროვნული სკრინინგ ცენტრის დირექტორმა.კვლევებზე ჩასაწერად დაუკავშირდით ეროვნულ სკრინინგ ცენტრს ნომერზე: 2 20 35 35. ცენტრების მისამართებია: საბურთალო, მ. ალექსიძის ქ. N1; დიდუბე, აკ. წერეთლის გამზ. N69; ვარკეთილი, კალოუბნის ქ. N12; გლდანი, IV მიკრორაიონი N113 ა.

1775196532

ჯანდაცვის მინისტრი მსოფლიო ბანკის წარმომადგენლებს შეხვდა

მიხეილ სარჯველაძე მსოფლიო ბანკის რეგიონულ დირექტორს, როლანდ პრაისს, ევროპისა და ცენტრალური აზიის რეგიონში ჯანდაცვის სექტორის ხელმძღვანელს, რეკა მენონსა და ორგანიზაციის სხვა წარმომადგენლებს შეხვდა.მხარეებმა განიხილეს საქართველოს ჯანდაცვის სისტემაში მიმდინარე და დაგეგმილი რეფორმები, აგრეთვე თანამშრომლობის სხვა პრიორიტეტული მიმართულებები. განსაკუთრებული ყურადღება გამახვილდა პირველადი ჯანდაცვის გაძლიერებაზე, სამედიცინო მომსახურების ხარისხის გაუმჯობესებასა და მოსახლეობისათვის მისი ხელმისაწვდომობის ზრდაზე.საუბარი შეეხო მედიკამენტებზე რეფერენტული ფასების დადგენის მექანიზმსა და შესაბამისი კომისიის საქმიანობას, რომელიც, როგორც ეფექტიანი და სისტემური რეგულირების მნიშვნელოვანი ინსტრუმენტი, დადებითად შეფასდა. აღინიშნა, რომ მექანიზმი ხელს უწყობს ფარმაცევტული ბაზრის გამჭვირვალობას, სამართლიანი ფასების ფორმირებასა და პაციენტების ინტერესების დაცვას.შეხვედრაზე ასევე ხაზი გაესვა ადამიანური კაპიტალის განვითარების განსაკუთრებულ მნიშვნელობას, როგორც ქვეყნის გრძელვადიანი სოციალურ-ეკონომიკური პროგრესის ერთ-ერთ განმსაზღვრელ ფაქტორს.აღინიშნა, რომ მსოფლიო ბანკი მომავალშიც აქტიურად გააგრძელებს საქართველოს მხარდაჭერას სხვადასხვა სექტორში მიმდინარე რეფორმებისა და განვითარების პროცესში.

1775136337

ნინო ნიჟარაძე აუტიზმის სპექტრის დარღვევების მქონე ბავშვებისთვის არსებულ სახელმწიფო სერვისების მიმდინარეობას გაეცნო

  2 აპრილი აუტიზმის ცნობადობის ამაღლების მსოფლიო დღეა. აჭარის ჯანმრთელობისა და სოციალური დაცვის მინისტრი, ნინო ნიჟარაძე  აუტიზმის სპექტრის დარღვევების მქონე ბავშვებისთვის არსებულ სახელმწიფო  სერვისების მიმდინარეობას გაეცნო.სარეაბილიტაციო ცენტრში მინისტრთან ერთად იმყოფებოდა აჭარის მთავრობის  თავმჯდომარის მეუღლე, თამარ ნარიმანიძე და აჭარის საზოგადოებრივი ჯანდაცვის  ცენტრის ხელმძღვანელი, რუსუდან შავიშვილი.ვიზიტის ფარგლებში შეხვედრა გაიმართა სამედიცინო პერსონალთან და  მშობლებთან.აღსანიშნავია, რომ აჭარის მთავრობის მხარდაჭერით, მიმდინარე წელს  სამინისტრომ 45%-ით გაზარდა აუტიზმის სპექტრის დარღვევების მქონე ბავშვთა  რეაბილიტაციის დაფინანსება და დაამატა სხვადასხვა თერაპიული კურსი.აჭარის საზოგადოებრივი ჯანდაცვის ცენტრი პარალელურად ახორციელებს აუტიზმის ადრეულ დიაგნოსტიკას 2-დან 7 წლის ასაკის ბავშვებში. საჭიროების  შემთხვევაში ტარდება ADOS ტესტი, რაც საერთაშორისო სტანდარტია.წლის განმავლობაში პროგრამებით 800-მდე ბავშვი სარგებლობს, გამოყოფილია 3  მილიონ ლარზე მეტი.

1775131677

მინდა აუტისტური სპექტრის თითოეულ ბავშვს ჯანმრთელობა ვუსურვო და მათ ოჯახებს - სულიერი სიმტკიცე - ზაზა ლომინაძე

„დღეს აუტიზმის ცნობადობის ამაღლების მსოფლიო დღეა. მინდა აუტისტური სპექტრის თითოეულ ბავშვს ჯანმრთელობა ვუსურვო და მათ ოჯახებს - სულიერი სიმტკიცე და იმედი. ჩვენი ხელისუფლების პირობებში პროგრამის განხორციელება დაიწყო, რომელიც ძალიან მნიშვნელოვანია თითოეული ასეთი ბავშვისთვის და მათი ოჯახებისთვის. მინდა ბავშვებს ჯანმრთელობა ვუსურვო, სახელმწიფოს კი მაქსიმალური ხელშეწყობა ამ ბავშვებისა და მათი ოჯახებისთვის“, - განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ კომიტეტის სხდომაზე.2007 წლის 18 დეკემბერს მიღებული რეზოლუციით, გაერო-ს გენერალურმა ასამბლეამ 2 აპრილი აუტიზმის ცნობადობის ამაღლების მსოფლიო დღედ გამოაცხადა. ინიციატივას ერთხმად შეუერთდა მსოფლიოს ყველა ქვეყანა, მათ შორის, საქართველო.

1775129181

აუტიზმის შესახებ ცნობადობის ამაღლების საერთაშორისო დღესთან დაკავშირებით ბექა მიქაუტაძე ბავშვთა და მოზარდთა ცენტრ „პროსპეროს“ ესტუმრა

თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარე ბექა მიქაუტაძე კომისიის წევრ ოთარ ჩრდილელთან, მერიის ჯანდაცვისა და სოციალური მომსახურების საქალაქო სამსახურის უფროს გელა ჩივიაშვილთან და  ზედა ვაკის მაჟორიტარ წევრთან საკრებულოში  ბექა გელენავასთან ერთად  აუტიზმის შესახებ ცნობადობის ამაღლების საერთაშორისო დღესთან დაკავშირებით შპს ბავშვთა და მოზარდთა განვითარების, რეაბილიტაციისა და აბილიტაციის ცენტრ „პროსპეროს‘‘ ესტუმრა.აღნიშნული ცენტრი დედაქალაქის მუნიციპალიტეტის „აუტიზმის სპექტრის დარღვევის მქონე ბავშვთა აბილიტაციის“ პროგრამის ერთ-ერთი მიმწოდებელია.მუნიციპალიტეტის წარმომადგენლებს ცენტრის დირექტორმა თეა ჩანადირმა ცენტრის  გარემო დაათვალიერებინა და დეტალური ინფორმაცია მიაწოდა აბილიტაციის იმ სერვისების შესახებ, რომლებსაც ბენეფიციარები იღებენ.ცენტრში გამართულ შეხვედრაზე ბექა მიქაუტაძემ ყურადღება აუტიზმის სპექტრის მქონე ბენეფიციარებთან მუშაობის პრინციპებზე, მათ საჭიროებებსა და მუნიციპალიტეტის მიერ ამ მიმართულებით განხორციელებულ პროგრამებზე გაამახვილა ყურადღება.„ძალიან მნიშვნელოვანია მუნიციპალიტეტის მხარდაჭერა იმ ბავშვებისა და მოზარდების მიმართ, რომლებიც აუტიზმის სპექტრის დარღვევის აბილიტაციის პროგრამაში არიან ჩართულნი. ამჟამად პროგრამით მოსარგებლეთა ლიმიტი 300 ერთეულით  არის გაზრდილი, რაც ნიშნავს, რომ ქვეპროგრამის ფარგლებში დაფინანსებას უკვე 2700 ბენეფიციარი იღებს.მინდა მადლობა გადავუხადო თითოეულ ადამიანს, რომელიც ძალიან ბევრს შრომობს იმისათვის, რათა აუტიზმის სპექტრის დარღვევის მქონე ბავშვებისთვის სერვისი მაღალი ხარისხით იყოს მიწოდებული“,  -  განაცხადა ბექა მიქაუტაძემ.2007 წელს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა