1790762084

საჯარო სკოლებში დაგეგმილ ინფრასტრუქტურულ სამუშაოებთან დაკავშირებით განათლების მეცნიერებისა და ახალგაზრდობის სამინისტრო განცხადებას ავრცელებს

საჯარო სკოლებში დაგეგმილ ინფრასტრუქტურულ სამუშაოებთან დაკავშირებით განათლების მეცნიერებისა და ახალგაზრდობის სამინისტრო განცხადებას ავრცელებს.„გვსურს, გამოვეხმაუროთ საჯარო სკოლებში დაგეგმილ ინფრასტრუქტურულ სამუშაოებთან დაკავშირებით გავრცელებულ დეზინფორმაციას და საზოგადოებას მივაწოდოთ ზუსტი ინფორმაცია აღნიშნული საკითხის შესახებ.სკოლებში ინფრასტრუქტურული სამუშაოების განხორციელების მიზანი მხოლოდ და მხოლოდ მოსწავლეებისა და მასწავლებლებისთვის უსაფრთხო და თანამედროვე სტანდარტების შესაბამისი სასწავლო გარემოს შექმნაა. რაც შეეხება ზოგიერთი სკოლის სასწავლო პროცესის ალტერნატიულ სივრცეში გადატანას, აღნიშნული წარმოადგენს დროებით აუცილებლობას, რათა საბოლოოდ მოსწავლეები დაუბრუნდნენ თავიანთ სკოლებს და გაუმჯობესებულ, უსაფრთხო და შესაბამის გარემოში გააგრძელონ სწავლა.სოციალურ ქსელებში ასევე ვრცელდება ინფორმაცია სკოლის ტერიტორიების გასხვისებასთან დაკავშირებით, რაც არის სრული სიცრუე და არაფერი აქვს საერთო რეალობასთან.მაღალი საზოგადოებრივი ინტერესიდან გამომდინარე, კიდევ ერთხელ დეტალურად განვმარტავთ აღნიშნულ პროცესს - სასკოლო ინფრასტრუქტურის განახლებისა და განვითარების მიზნით, საქართველოს, განათლების, მეცნიერებისა და ახალგაზრდობის სამინისტრომ მიმდინარე წელს განსაზღვრა იმ საჯარო სკოლების ჩამონათვალი, სადაც ინფრასტრუქტურული სამუშაოების განხორციელებაა საჭირო.აღნიშნული ჩამონათვალი საქართველოს რეგიონული განვითარებისა და ინფრასტრუქტურის სამინისტროს გადაეგზავნა, რათა შესაბამისი საექსპერტო შეფასებებისა და ლევან სამხარაულის სახელობის სასამართლო ექსპერტიზის ეროვნული ბიუროს დასკვნების საფუძველზე, თითოეულ სკოლასთან მიმართებით განესაზღვრათ საჭირო სამუშაოების სპეციფიკა და მასშტაბი - განხორციელდება სკოლის სრული რეაბილიტაცია თუ, არსებული მდგომარეობიდან გამომდინარე, საჭირო გახდება იმავე ტერიტორიაზე ახალი სკოლის  მშენებლობა.აქვე გვსურს, საზოგადოებას მივაწოდოთ ინფორმაცია თუ რა ხდება იმ შემთხვევაში, როდესაც კონკრეტული სკოლის შენობას, ლევან სამხარაულის სახელობის სასამართლო ექსპერტიზის ეროვნული ბიუროს ექსპერტიზის დასკვნით, IV კატეგორია ენიჭება.მთავრობის დადგენილების თანახმად, IV კატეგორია ნიშნავს, რომ შენობის 30-50% დაზიანებულია, მისი ექსპლუატაცია საფრთხის შემცველია და გარეგანი ზემოქმედების შემთხვევაში არსებობს ცალკეული კონსტრუქციების მყისიერი ჩამოშლის რისკი.შესაბამისად, როგორც კი კონკრეტული სკოლის შემთხვევაში IV კატეგორია განისაზღვრება, საქართველოს განათლების, მეცნიერებისა და ახალგაზრდობის სამინისტრო დაუყოვნებლივ იღებს პრევენციულ გადაწყვეტილებას, რომ სასწავლო პროცესი დროებით, დაახლოებით ერთი კვირით, გადავიდეს დისტანციურ რეჟიმზე.მნიშვნელოვანია, რომ IV კატეგორიის მინიჭება ავტომატურად არ ნიშნავს სკოლის ახალი შენობის მშენებლობის აუცილებლობას. თითოეული შემთხვევა ინდივიდუალურად ფასდება დამატებითი ექსპერტული შეფასებისა და შესაბამისი უწყებების ერთობლივი გადაწყვეტილების საფუძველზე. კერძოდ, თითოეული შემთხვევის ინდივიდუალური შესწავლის მიზნით, იმართება უწყებათაშორისი კომისია, სადაც თითოეული უწყება, თავისი კომპეტენციის ფარგლებში, აფასებს სკოლის შენობის მდგომარეობას და მსჯელობს ორ უმთავრეს საკითხზე:• შესაძლებელია თუ არა სასწავლო პროცესის იმავე შენობაში გაგრძელება და რა ტიპის სამუშაოებია ამისთვის აუცილებლად ჩასატარებელი, ასევე, რა ვადით შეიძლება შენობაში სწავლა-სწავლების პროცესის გაგრძელება.•  თუ ადგილზე სასწავლო პროცესის გაგრძელება შეუძლებელია, როგორ უნდა მოიძებნოს მყისიერად შესაბამისი ალტერნატიული სასწავლო სივრცე და პარალელურად დაიწყოს აქტიური მუშაობა ახალი სკოლის მშენებლობისთვის ფართომასშტაბიანი სამუშაოების დაგეგმვასა და განხორციელებაზე.კომისიის გადაწყვეტილებები ეყრდნობა ორ უმთავრეს პრინციპს - მოსწავლეთა და პერსონალის უსაფრთხოების დაცვასა და სასწავლო პროცესის უწყვეტობის შენარჩუნებას.სკოლების შენობების რეალური მდგომარეობიდან გამომდინარე, კომისიის გადაწყვეტილება შეიძლება, სხვადასხვა სკოლასთან მიმართებით, განსხვავებული იყოს.კომისიამ შესაძლოა გადაწყვიტოს, რომ ექსპერტების რეკომენდაციის შესაბამისად, სკოლაში განხორციელდეს ყველა აუცილებელი სამუშაო, რათა სასწავლო პროცესი დროებით იმავე შენობაში გაგრძელდეს და ექსპლუატაციის პერიოდში შენობის მდგომარეობაზე გაგრძელდეს მუდმივი დაკვირვება.ასეთ შემთხვევაში, სამუშაოებს კონტრაქტორი კომპანია, მუნიციპალური განვითარების ფონდის შესაბამისი კომპეტენციის სპეციალისტების მკაცრი ტექნიკური ზედამხედველობისა და მონიტორინგის ქვეშ შეასრულებს. სამუშაოების მიმდინარეობასა და ხარისხზე უწყვეტ ინდივიდუალურ ექსპერტულ კონტროლს ლევან სამხარაულის სახელობის სასამართლო ექსპერტიზის ეროვნული ბიუროს სპეციალისტები განახორციელებენ.სამუშაოების მიმდინარეობისას უზრუნველყოფილი იქნება მოსწავლეებისა და სკოლის პერსონალის უსაფრთხოებისთვის საჭირო ყველა ღონისძიების გატარება. მოსწავლეთა და სკოლის პერსონალის უსაფრთხოების დაცვის მიზნით, საქართველოს განათლების, მეცნიერებისა და ახალგაზრდობის სამინისტროს მანდატურის სამსახური დამატებით პერსონალს გამოყოფს. ამასთან, განათლების, მეცნიერებისა და ახალგაზრდობის სამინისტრო გააგრძელებს შესაბამისი ალტერნატიული ფართის მოძიებას, რათა შესაძლებელი გახდეს სკოლის შენობასთან დაკავშირებით შემდგომი, ფართომასშტაბიანი სამუშაოების დაგეგმვა და განხორციელება.რაც შეეხება იმ შემთხვევას, როდესაც სკოლის არსებულ შენობაში სასწავლო პროცესის გაგრძელება დაუშვებელია - კომისია იღებს გადაწყვეტილებას სასწავლო პროცესის ალტერნატიულ სივრცეში გაგრძელებასთან დაკავშირებით. პარალელურად, რეგიონული განვითარებისა და ინფრასტრუქტურის სამინისტრო იწყებს მუშაობას კონკრეტულ გეგმა-გრაფიკზე - როდის დაიწყება სკოლის შენობის სრული რეაბილიტაცია ან ახალი სკოლის მშენებლობა, რამდენ ეტაპად, რა ვადებში განხორციელდება და დასრულდება აღნიშნული პროცესი.კარგად გვესმის, რომ სასკოლო ინფრასტრუქტურა განათლების სისტემის ერთ-ერთი მნიშვნელოვანი გამოწვევაა. სწორედ ამიტომ, დავიწყეთ  სასკოლო ინფრასტრუქტურის მასშტაბური განახლების პროცესი, რომლის მიზანია არსებული გამოწვევების სისტემურად და თანმიმდევრულად გადაჭრა  და თითოეული მოსწავლისთვის უსაფრთხო, თანამედროვე და ღირსეული სასწავლო გარემოს შექმნა.მნიშვნელოვანია საზოგადოებამ იცოდეს, რომ აღნიშნულ პროცესში გადაწყვეტილებები მიიღება შესაბამისი უწყებების, ექსპერტებისა და ადგილობრივი საზოგადოების ჩართულობით, კონკრეტული გარემოებებისა და პროფესიული შეფასებების საფუძველზე. სამწუხაროდ, ცალკეული პირების მიერ ამ საკითხის პოლიტიკური ინტერესებისთვის გამოყენება და საზოგადოების შეცდომაში შეყვანის მცდელობა აზიანებს არა მხოლოდ მიმდინარე პროცესს, არამედ მოსწავლეებისა და მასწავლებლების ინტერესებს.მოვუწოდებთ კონკრეტულ პირებსა და მედიასაშუალებებს, პასუხისმგებლობით მოეკიდონ საკითხს და თავი შეიკავონ არასწორი ინფორმაციის გავრცელებისგან", - აღნიშნულია განათლებისა და მეცნიერების სამინისტროს მიერ გავრცელებულ განცხადებაში.

1790761425

სემეკის მიერ დაფუძნებული ენერგეტიკის სასწავლო ცენტრი  სასწავლო კურსზე - „ელექტროსადგურების ოპერირების საფუძვლები“ რეგისტრაციას აცხადებს

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) მიერ დაფუძნებული ენერგეტიკის სასწავლო ცენტრი აცხადებს ახალ სასწავლო კურსს, სახელწოდებით „ელექტროსადგურების ოპერირების საფუძვლები“. სასწავლო კურსის მიზანია მონაწილეები გაეცნონ ელექტროსადგურების ოპერირებისა და ქსელის ოპერატორებთან ურთიერთქმედების საბაზისო ცოდნასა  და თანამედროვე ტექნოლოგიებს.  კურსი განკუთვნილია ელექტროენერგეტიკის სექტორით დაინტერესებული ყველა პირისთვის. მათ შორის,  დამწყები სპეციალისტებისა და ინჟინრებისთვის, სტუდენტებისა და კურსდამთავრებულთათვის, ენერგოობიექტების პერსონალისთვის.  სასწავლო კურსის ფარგლებში მონაწილეები მიიღებენ საფუძვლიან ცოდნას ელექტროსადგურების ოპერირების ტექნიკურ, ეკონომიკურ და უსაფრთხოების მართვის საკითხებზე, ელექტროენერგეტიკის სექტორის რეგულირების მექანიზმებზე; გაეცნობიან თანამედროვე ტექნოლოგიებს, ავტომატიზაციისა და ციფრული მართვის სისტემებს, რომლებიც აუცილებელია ენერგოობიექტების ეფექტური მუშაობისთვის; შეისწავლიან ქსელის ოპერატორებთან ურთიერთქმედების სამართლებრივ და პრაქტიკულ მექანიზმებს.  კურსის დასრულების შემდეგ, მონაწილეებს გადაეცემათ სერტიფიკატები.სასწავლო კურსზე რეგისტრაციისთვის ეწვიეთ ენერგეტიკის სასწავლო ცენტრის ვებგვერდს: https://entc.ge/ka 

1790751431

ფოთისა და ხობის მუნიციპალიტეტების სკოლების ღვაწლმოსილი პედაგოგები დაჯილდოვდნენ

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ფოთისა და ხობის მუნიციპალიტეტებში ღვაწლმოსილი პედაგოგები დააჯილდოვა.მინისტრმა მასწავლებლებს მრავალწლიანი პროფესიული საქმიანობისთვის, საქმისადმი ერთგულებისა და მომავალი თაობების აღზრდასა და განათლებაში შეტანილი განსაკუთრებული წვლილისთვის მადლობა გადაუხადა.გივი მიქანაძემ პედაგოგებსა და შეხვედრის მონაწილეებს ზოგადი განათლების სისტემაში მიმდინარე რეფორმები, განხორციელებული ცვლილებები და სამომავლო გეგმები გააცნო.პედაგოგებს საპატიო პრიზები ასევე გადასცეს ადგილობრივი ხელისუფლების წარმომადგენლებმა.საქართველოს განათლების, მეცნიერებისა და ახალგაზრდობის მინისტრის გივი მიქანაძის გადაწყვეტილებით, მასწავლებლის ეროვნულ დღესთან დაკავშირებით, ღვაწლმოსილი პედაგოგების დაჯილდოება ყველა რეგიონში იმართება. ინიციატივა პედაგოგების მრავალწლიანი შრომის დაფასებას, მათი პროფესიული საქმიანობის აღიარებასა და წახალისებას ემსახურება.

1790697274

თბილისის სახელმწიფო უნივერსიტეტის მედიისა და ტელეხელოვნების კოლეჯს ლევან ალიმბარაშვილი უხელმძღვანელებს

ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების კოლეჯს ახალი დირექტორი, ლევან ალიმბარაშვილი უხელმძღვანელებს, რომელსაც მედია სფეროში 25-წლიანი გამოცდილება აქვს. ინფორმაციას თსუ-ს მედიისა და ტელეხელოვნების კოლეჯი ავრცელებს. „დღეს შედგა პირველი გაცნობითი შეხვედრა, სადაც დირექტორმა გუნდს კოლეჯის განვითარების სტრატეგიული ხედვა გაუზიარა.მედიისა და ტელეხელოვნების კოლეჯის მთავარ პრიორიტეტად რჩება სტუდენტებისთვის თანამედროვე, მაღალი ხარისხის განათლების შეთავაზება და მათი პროფესიული განვითარების ხელშეწყობა“.

1790679109

ჯანმრთელობის დაცვისა და სოციალურ საკითხთა კომიტეტის წევრები სკოლის ექიმთა ასოციაციის პრეზიდენტს შეხვდნენ

საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, კომიტეტის თავმჯდომარის პირველი მოადგილე ვლადიმერ კახაძე და თავმჯდომარის მოადგილე ზაალ მიქელაძე სკოლის ექიმთა ასოციაციის პრეზიდენტს, ლიანა სირაძეს შეხვდნენ.შეხვედრაზე ზოგადსაგანმანათლებლო დაწესებულებებში სამედიცინო პერსონალის საქმიანობის მიმართულებით არსებულ მდგომარეობაზე, საჭიროებებსა და გამოწვევებზე იმსჯელეს.„2022 წელს საქართველოს პარლამენტისა და ჯანმრთელობის დაცვისა და სოციალურ საკითხთა კომიტეტის ინიციატივით, სკოლებში დავაბრუნეთ სკოლის ექიმი. შეხვედრაზე ვიმსჯელეთ თუ რა გამოწვევები არსებობს დღეს სკოლაში ექიმისა და ექთნის მუშაობასთან დაკავშირებით. ვისაუბრეთ ექიმების ჩართულობაზე სკრინინგისა და იმუნიზაციის პროცესში. ასევე განვიხილეთ სკოლაში „ჯანმრთელობის საათის“ დაბრუნების საკითხი“, - განაცხადა ჯანმრთელობის დაცვისა და სოციალურ საკითხთა კომიტეტის თავმჯდომარემ, ზაზა ლომინაძემ.

1790676304

გივი მიქანაძემ ჩოხატაურისა და ოზურგეთის მუნიციპალიტეტების სკოლების ღვაწლმოსილი პედაგოგები დააჯილდოვა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ გურიის რეგიონში ჩოხატაურისა და ოზურგეთის მუნიციპალიტეტების სკოლების ღვაწლმოსილი პედაგოგები დააჯილდოვა.მინისტრმა მასწავლებლებს წლების განმავლობაში გაწეული შრომისთვის, პროფესიისადმი ერთგულებისა და არაერთი თაობის აღზრდაში შეტანილი განსაკუთრებული წვლილისთვის მადლობა გადაუხადა.ღონისძიებაზე გივი მიქანაძემ დამსწრე საზოგადოებას ზოგადი განათლების სისტემაში მიმდინარე რეფორმების, მისი შედეგებისა და სამომავლო პროექტების შესახებ მიაწოდა ინფორმაცია. საუბარი შეეხო  განახლებულ სახელმძღვანელოებს, სასკოლო ფორმებს, სკოლების მშენებლობა-რეაბილიტაციისა და სასკოლო ინფრასტრუქტურის გაუმჯობესების მიმართულებით დაგეგმილ ინიციატივებს.მინისტრმა სიტყვით გამოსვლისას განსაკუთრებული ყურადღება გაამახვილა PISA-ს 2025 წლის საერთაშორისო კვლევაში საქართველოს მიერ მიღწეულ მნიშვნელოვან შედეგებზე და აღნიშნულ წარმატებაში პედაგოგების დამსახურებას გაუსვა ხაზი.ღონისძიებას ესწრებოდნენ სახელმწიფო რწმუნებული გურიის მხარეში გიორგი ღურჯუმელიძე, გურიის დელეგატი ვასილ ჩიგოგიძე და ადგილობრივი ხელისუფლების სხვა წარმომადგენლები.საქართველოს განათლების, მეცნიერებისა და ახალგაზრდობის მინისტრის გივი მიქანაძის გადაწყვეტილებით, მასწავლებლის ეროვნულ დღესთან დაკავშირებით, ღვაწლმოსილი პედაგოგების დაჯილდოება ყველა რეგიონში იმართება და მიზნად ისახავს პედაგოგების მრავალწლიანი შრომის დაფასებასა და მათი პროფესიული საქმიანობის წახალისებას.

1790436580

განათლების სამინისტრო - თბილისის №21 საჯარო სკოლაში სასწავლო პროცესი 28 სექტემბრიდან განახლდება

თბილისის №21 საჯარო სკოლაში სასწავლო პროცესი 28 სექტემბრიდან განახლდება - ინფორმაციას განათლების სამინისტრო ავრცელებს.„უწყებათაშორის ფორმატში საკითხის განხილვის, ექსპერტებთან კონსულტაციებისა და სასკოლო საზოგადოების ჩართულობის საფუძველზე მიღებული გადაწყვეტილებით, თბილისის №21 საჯარო სკოლაში 28 სექტემბრიდან სასწავლო პროცესი განახლდება.ლევან სამხარაულის სახელობის სასამართლო ექსპერტიზის ეროვნული ბიუროსგან მიღებული დამატებითი განმარტებების საფუძველზე დაზუსტდა ის ღონისძიებები, რომელთა განხორციელებაც სკოლის შენობაში ამ ეტაპზეა საჭირო. ექსპერტების რეკომენდაციის შესაბამისად, გათვალისწინებულია ფასადზე დაზიანებული ბათქაშის მონაკვეთებისგან კედლების გასუფთავება და გაშიშვლებული ადგილების გალესვა. ასევე, სარდაფის სივრცეში არსებული ბზარები შეივსება მაღალი სიმტკიცის ქვიშა-ცემენტის ან პოლიმერ-ცემენტის ხსნარით. შენობისმდგომარეობაზე ექსპლუატაციის პერიოდში გაგრძელდება მუდმივი დაკვირვება.აღნიშნულ სამუშაოებს კონტრაქტორი კომპანია, მუნიციპალური განვითარების ფონდის შესაბამისი კომპეტენციის სპეციალისტების მკაცრი ტექნიკური ზედამხედველობისა და მონიტორინგის ქვეშ შეასრულებს. ამასთან, სამუშაოებისმიმდინარეობასა და შესრულების ხარისხზე უწყვეტ ინდივიდუალურ ექსპერტულ კონტროლს ლევან სამხარაულის სახელობის სასამართლო ექსპერტიზის ეროვნული ბიუროს სპეციალისტები განახორციელებენ. სამუშაოების მიმდინარეობისას უზრუნველყოფილი იქნება მოსწავლეებისა და სკოლის პერსონალის უსაფრთხოებისთვის საჭირო ყველა ღონისძიების გატარება.უსაფრთხოების დამატებითი ზომების ფარგლებში, საქართველოს განათლებისა და მეცნიერების სამინისტროს მანდატურის სამსახური სკოლაში დამატებით პერსონალს გამოყოფს.ამასთან, განათლების სამინისტრო აგრძელებს შესაბამისი ალტერნატიული ფართის მოძიებას, რათა შესაძლებელი გახდეს სკოლის შენობაზე შემდგომი, ფართომასშტაბიანი სამუშაოების დაგეგმვა და განხორციელება.როგორც მიმდინარე სამუშაოები, ისე შენობის მდგომარეობა და სასწავლო გარემოს უსაფრთხოება შესაბამისი უწყებების მუდმივი კონტროლის ქვეშ იქნება. საჭიროების შემთხვევაში, დამატებითი ღონისძიებები ოპერატიულად განხორციელდება.“ - წერია გავრცელებულ ინფორმაციაში.

1790283300

გივი მიქანაძე: ვრცელდება ცრუ ინფორმაცია, თითქოს რომელიმე სკოლის ადგილას სხვა შენობის აშენება იგეგმება, ეს არის ტყუილი, სადაც კი სკოლის დემონტაჟი განხორციელდება, იმ ადგილზე კვლავ აშენდება სკოლა

სკოლებთან დაკავშირებით ვრცელდება ცრუ ინფორმაცია, თითქოს რომელიმე სკოლის ადგილას რამე სხვა შენობის აშენება იგეგმება, ეს არის ტყუილი და ამას გეუბნებით სრული პასუხისმგებლობით, სადაც კი სკოლის დემონტაჟი განხორციელდება, თბილისსა თუ სხვა ქალაქებში, იქნება ეს 21-ე საჯარო სკოლა თუ სხვა, იმ ადგილზე კვლავ აშენდება სკოლა, რომელიც იქნება თანამედროვე სტანდარტების შესაბამისი, – ამის შესახებ საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ 21-ე საჯარო სკოლის მშობლებთან შეხვედრისას განაცხადა.„ვერავინ დამისახელებს ერთ პრეცედენტსაც კი, რომ ბოლო წლებში რომელიმე ძველი სკოლის შენობის დემონტაჟი მოხდა და იმის ნაცვლად, სკოლის გარდა, რამე სხვა აშენდა. არ არსებობს ასეთი რამ“, – აღნიშნა მიქანაძემ.მინისტრის თქმით, 21-ე საჯარო სკოლასთან დაკავშირებით უწყებათაშორისმა კომისიამ იმსჯელა, თუ რა სამუშაოები უნდა განხორციელდეს, რომ სასწავლო პროცესი დროებით, დასწრებით ფორმატში აღდგეს.„კომისიამ მიიღო ერთობლივი გადაწყვეტილება, რომ უმოკლეს ვადებში განხორციელდეს ის სამუშაოები, რომელიც შესაძლებელს გახდის, 21-ე საჯარო სკოლაში აღდგეს სწავლა-სწავლების პროცესი.ჩვენი სამინისტროს შესაბამისი წერილი და მიმართვა გაიგზავნა რეგიონული განვითარებისა და ინფრასტრუქტურის სამინისტროში იმ თხოვნით, რომ ეს სამუშაოები რაც შეიძლება მოკლე ვადებში განხორციელდეს.დღეს, რეგიონული განვითარებისა და ინფრასტრუქტურის მინისტრთან ერთად, შევხვდით 21-ე საჯარო სკოლის დირექტორს, მშობლებს, პედაგოგებს და განვუმარტეთ, თუ რა პროცესები წარიმართა, რა აქტივობები განვახორციელეთ, რა გადაწყვეტილებამდე მივედით და ახლა რა ნაბიჯებს ვდგამთ.ჩვენ ყველანაირად შევეცდებით, სასწავლო წლის ბოლომდე მივიყვანოთ სწავლა-სწავლების პროცესი და ზაფხულიდან კონკრეტული სამუშაოები აუცილებლად უნდა განვახორციელოთ. ამაზე დღეს გვქონდა ძალიან ღია და გახსნილი საუბარი. შეხვედრა დაახლოებით სამ საათს გაგრძელდა, მოვისმინეთ მშობლების პოზიციები და ჩვენც დეტალურად გავაცანით მიღებული დასკვნები.ჩვენ აბსოლუტურად გამჭვირვალედ ვმოქმედებთ, არაფერი გვაქვს დასამალი საზოგადოებისგან და მით უმეტეს, როდესაც საკითხი ეხება ჩვენს ბავშვებს, პედაგოგებს, ჩვენს ახალგაზრდებს, მათი სწავლის გაგრძელებას.განხილვების შედეგად მშობლების მხრიდან დაისვა საკითხი და გაჟღერდა თხოვნა, რომ იქნებ ორშაბათიდან განახლდეს სასწავლო პროცესი დასწრებით ფორმატში. აღნიშნულთან დაკავშირებით, დღესვე რეგიონული განვითარებისა და ინფრასტრუქტურის მინისტრი, მშობლებთან, პედაგოგებთან, დირექტორთან, მუნიციპალური განვითარების ფონდის ხელმძღვანელობასთან, მშენებლებთან და ექსპერტებთან ერთად, ესტუმრა სკოლას და დაათვალიერა შენობის დაზიანებები.შესაბამისად, უახლოეს დღეებში შესაძლებელი იქნება, განისაზღვროს, თუ რა პერიოდი შეიძლება, დასჭირდეს იმ პროცესებს, რაც დროებით მოგვცემს იმ ხარვეზების აღმოფხვრისა და სასწავლო პროცესის გაგრძელების, ამასთანავე, რამდენად შესაძლებელია, სასწავლო პროცესი უსაფრთხოების ნორმების დაცვით, აუცილებელი სამუშაოების განხორციელების პარალელურად გაგრძელდეს“, – აღნიშნა გივი მიქანაძემ.

1790149346

გივი მიქანაძემ ქუთაისისა და ბაღდათის მუნიციპალიტეტების ღვაწლმოსილი პედაგოგები დააჯილდოვა

საქართველოს განათლების, მეცნიერებისა და ახალგაზრდობის მინისტრმა ქუთაისისა და ბაღდათის მუნიციპალიტეტების ღვაწლმოსილი პედაგოგები, მომავალი თაობების აღზრდაში შეტანილი წვლილისთვის, მადლობის სიგელებით დააჯილდოვა.გივი მიქანაძემ  პედაგოგებს მრავალწლიანი შრომისთვის და საქმისადმი ერთგულებისთვის მადლობა გადაუხადა და მასწავლებლის პროფესიის მნიშვნელობაზე ისაუბრა.როგორც მინისტრმა აღნიშნა, 2026 წლის მასწავლებლის ეროვნული პრემიის დაჯილდოების ცერემონია 27 ოქტომბერს ქალაქ ქუთაისში გაიმართება.“მივიღეთ გადაწყვეტილება, რომ წელს მასწავლებლის ეროვნული პრემიის დაჯილდოების ცერემონია ქალაქ ქუთაისში ჩავატაროთ.ვფიქრობ, რომ ქუთაისი, როგორც მნიშვნელოვანი საგანმანათლებლო ცენტრი, დამსახურებულად და ძალიან ღირსეულად უმასპინძლებს ამ განსაკუთრებულ ღონისძიებას”, - განაცხადა მინისტრმა.გივი მიქანაძემ დამსწრე საზოგადოებას ზოგადი  განათლების სისტემაში მიმდინარე რეფორმები, განხორციელებული ცვლილებები და სამომავლო გეგმები გააცნო.საუბარი შეეხო სასკოლო ფორმებს, განახლებულ სახელმძღვანელოებს, რეპეტიტორიუმის შემოღებას, ღირებულებითი განათლების კლუბებსა და სკოლებში STEAM საგნების სწავლების გაძლიერებას.მინისტრმა განსაკუთრებული ყურადღება გაამახვილა PISA-ს 2025 წლის საერთაშორისო კვლევაში საქართველოს მიერ მიღწეულ მნიშვნელოვან შედეგებზე და აღნიშნულ წარმატებაში პედაგოგების მნიშვნელოვან როლსა და დამსახურებას გაუსვა ხაზი.შეხვედრის დასასრულს მასწავლებლებს საშუალება ჰქონდათ, მათთვის საინტერესო საკითხებზე შეკითხვები დაესვათ.ღონისძიებას საქართველოს პარლამენტის, ადგილობრივი ხელისუფლების წარმომადგენლები, სასკოლო საზოგადოების წევრები  და სასულიერო პირები ესწრებოდნენ.საქართველოს განათლების, მეცნიერებისა და ახალგაზრდობის მინისტრის გივი მიქანაძის გადაწყვეტილებით, მასწავლებლის ეროვნულ დღესთან დაკავშირებით, ღვაწლმოსილი პედაგოგების დაჯილდოება ყველა რეგიონში იმართება და მიზნად ისახავსპედაგოგების მრავალწლიანი შრომის დაფასებასა და მათი პროფესიული საქმიანობის წახალისებას.

1790112630

გაფრთხილება სკოლებიდან იმ მშობლებს, რომელთა შვილების კლასებშიც ფორმა ჯერ არ არის

საჯარო სკოლების დაწყებითი კლასების მოსწავლეებისთვის სასკოლო ფორმის ტარება სავალდებულო მიმდინარე სასწავლო წლიდან გახდა, თუმცა ჯერ ფორმა მხოლოდ პირველი კლასის მოსწავლეებისთვის არის ხელმისაწვდომი.განათლების სამინისტრომ, როგორც ამას თავადვე განმარტავდნენ, მოსწავლეთა ფორმებით უზრუნველყოფა II, III, IV, V და VI კლასებისთვის 30 ნოემბრამდე უნდა შეძლოს – “სასკოლო ფორმების ჩინეთიდან საქართველოში მოწოდება სამ ეტაპად განხორციელდება”.სასკოლო ფორმების რეალიზაცია II–VI კლასების მოსწავლეებისთვის ოქტომბრიდან დეკემბრის ჩათვლით არის დაგეგმილი.მას შემდეგ, რაც საჯარო სკოლებმა (უმეტესობამ) სკოლის შინაგანაწესი დაამტკიცეს, EDU.ARIS.GE-სთვის ცნობილი ხდება, რომ განახლებული სასკოლო წესები ჩაცმულობასთან დაკავშირებულ შეზღუდვებს იმ მოსწავლეებისთვისაც ითვალისწინებს, რომელ კლასებშიც სასკოლო ფორმა ჯერ არ არის. მიმდინარე დღეებში სკოლებიდან მშობლებს აფრთხილებენ, რომ ვიდრე ფორმები მათ კლასებშიც იქნება, შვილები გაკვეთილებზე დრესკოდის დაცვით ატარონ და “თავს უხერხულ მდგომარეობაში ნუ ჩაიგდებენ”.აი, რა წერია სკოლების შინაგანაწესებში:მოსწავლის მიერ შინაგანაწესით დადგენილი ჩაცმულობის წესის დაუცველად სკოლის ტერიტორიაზე გამოცხადება, გარდა სკოლის მიერ წინასწარ განსაზღვრულ ღონისძიებაში მონაწილეობის მიღების მიზნით გამოცხადებისა, ითვლება დისციპლინურ გადაცდომად.სკოლაში ჩაცმულობის ზოგადი წესი1. სკოლაში დასაქმებულისათვის სავალდებულოა, ჰქონდეს მოწესრიგებული იერსახე და სამუშაო დღეებში ატაროს საქმიანი გარემოსათვის შესაფერისი სამოსი.2. მოსწავლე ვალდებულია, სკოლაში გამოცხადდეს სასწავლო გარემოსათვის შესაბამისი, სადა, კლასიკურ-აკადემიურ სტილთან მიახლოებული, მოწესრიგებული სამოსითა და იერსახით.სკოლებმა დაუშვებლად დაადგინეს ზოგადსაგანმანათლებლო დაწესებულებაში გამოცხადება შემდეგი ჩაცმულობით:გამომწვევი სამოსით;გამჭვირვალე ან ზედმეტად ტანზე გამოყვანილი სამოსით;მოკლე ტოპით (მუცლის/წელის გამომჩენი);მკვეთრად მოკლე კაბით, ან/და ნებისმიერი სახის შორტით;დახეული, დაზიანებული, ზედმეტად გადახუნებული, ან ექსტრავაგანტური დიზაინის მქონე შარვლით;სამოსით, რომელზეც განთავსებულია მკვეთრად კონტრასტული, დიდი ზომის, აგრესიული, შეურაცხმყოფელი,დისკრიმინაციული ან სუბკულტურული წარწერები, სიმბოლიკა და გამოსახულებები;სასწავლო გარემოსთვის შეუფერებელი, გადაჭარბებული/მკვეთრი მაკიაჟით და თვალშისაცემი აქსესუარებით.სასკოლო დრესკოდის დაცვის საკითხზე, გამონაკლისი წესით მოსარგებლე მოსწავლეთა კონტექსტში უკვე ისაუბრასაქართველოს განათლების, მეცნიერებისა და ახალგაზრდობის მინისტრმაც.გივი მიქანაძის განცხადებით, მოსწავლეებისთვის, რომლებიც საგამონაკლისო წესით სასკოლო ფორმის ტარებისგან გათავისუფლდებიან, გარკვეული ტიპის დრესკოდი მაინც იარსებებს:„ასეთ შემთხვევაში მოსწავლეს სკოლის ფორმის ტარება არა, თუმცა გარკვეული დრესკოდი დაუდგინდება, რომელიც საერთო სკოლის ფორმატისთვისაც მისაღები იქნება და მის ჯანმრთელობასთანაც არანაირ პრობლემას არ შექმნის“.წყარო

1790085120

გივი მიქანაძემ საქართველოს უმაღლესი საგანმანათლებლო დაწესებულებების რექტორთა მუდმივმოქმედი კონფერენცია გახსნა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ საქართველოს ტექნიკურ უნივერსიტეტში საქართველოს უმაღლესი საგანმანათლებლო დაწესებულებების რექტორთა მუდმივმოქმედი კონფერენცია გახსნა.კონფერენციაში მონაწილეობდნენ ევროპის უნივერსიტეტების ასოციაციის (EUA) პრეზიდენტი ჟოზეპ მ. გარელი და გენერალური მდივანი ამანდა კროუფუტი, რომლებიც საქართველოში კონფერენციაში მონაწილეობის მისაღებად სპეციალურად ჩამოვიდნენ.კონფერენციის მთავარი თემა საქართველოში უმაღლესი განათლების რეფორმის მიმდინარე ეტაპი, მისი ძირითადი პრიორიტეტები, არსებული გამოწვევები და განვითარების სამომავლო პერსპექტივები იყო.მინისტრმა კონფერენციის მონაწილეებს მისასალმებელი სიტყვით მიმართა და ისაუბრა უმაღლესი განათლების რეფორმის პირველი ეტაპის შედეგებსა და სამინისტროს სამომავლო გეგმებზე. გივი მიქანაძემ ყურადღება გაამახვილა იმ ცვლილებებზე, რომლებიც უმაღლესი განათლების სისტემის განვითარებასა და ხარისხის გაუმჯობესებას ემსახურება.კონფერენციის დაწყებამდე გივი მიქანაძემ ევროპის უნივერსიტეტების ასოციაციის პრეზიდენტთან ჟოზეპ მ. გარელთან და გენერალურ მდივან ამანდა კროუფუტთან ორმხრივი შეხვედრა გამართა, სადაც მხარეებმა რეფორმის განხორციელების პროცესში თანამშრომლობისა და მხარდაჭერის შესაძლებლობები განიხილეს. EUA-ს პრეზიდენტმა და გენერალურმა მდივანმა უმაღლესი განათლების რეფორმის პროცესში საქართველოს მხარდაჭერის მზადყოფნა დაადასტურეს.კონფერენციის მონაწილეებს სიტყვით ასევე მიმართა საქართველოს ტექნიკური უნივერსიტეტის რექტორმა და რექტორთა მუდმივმოქმედი კონფერენციის თავმჯდომარემ, აკადემიკოსმა დავით გურგენიძემ.კონფერენციას ევროპის უნივერსიტეტების ასოციაციის გენერალური მდივანი ამანდა კროუფუტი, განათლების, მეცნიერებისა და ახალგაზრდობის მინისტრის მოადგილე ზვიად გაბისონია და საქართველოში აკრედიტებული უმაღლესი საგანმანათლებლო დაწესებულებების რექტორები ესწრებოდნენ.

1790080458

სოციალურად დაუცველი, მრავალშვილიანი ოჯახის წევრი და შშმ სტუდენტებისთვის სწავლის საფასურის დაფინანსების მიზნით, განცხადებების მიღება დაიწყო

ქალაქ თბილისის მუნიციპალიტეტის მერია, სტუდენტთა დაფინანსების პროგრამის  ფარგლებში,  სოციალურად დაუცველი,  მრავალშვილიანი ოჯახის  წევრი  და  შშმ სტუდენტებისთვის 2026-2027  სასწავლო  წლის შემოდგომის  სემესტრის  სწავლის საფასურის დაფინანსების მიზნით, განცხადებების  მიღება დაიწყო.1. პროგრამის  ფარგლებში დაფინანსდებიან:1.1სოციალურად დაუცველი სტუდენტი: საქართველოს მოქალაქე, ქალაქ თბილისის მუნიციპალიტეტის ტერიტორიაზე რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლეს საგანმანათლებლო დაწესებულებაში 2026-2027 წლის შემოდგომის სემესტრამდე  ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, ამავდროულად არის აქტიური სტატუსის მქონე სტუდენტი,  რეგისტრირებულია საჯარო სამართლის იურიდიული პირის – სოციალური მომსახურების სააგენტოს „სოციალურად დაუცველი ოჯახების მონაცემთა ერთიან ბაზაში“ და მინიჭებული სარეიტინგო ქულა ტოლია ან ნაკლებია 150 000-ზე, ხოლო „სოციალურად დაუცველი ოჯახების მონაცემთა ერთიან ბაზიდან“ ამონაწერში ოჯახის საცხოვრებელი ადგილის მისამართად მითითებულია ქალაქი თბილისი.1.2 მრავალშვილიანი  ოჯახის  წევრი  სტუდენტი: საქართველოს მოქალაქე, ქალაქ თბილისის მუნიციპალიტეტის მერიაში განცხადების წარდგენის მომენტისთვის ქალაქ თბილისის მუნიციპალიტეტის ტერიტორიაზე არანაკლებ ბოლო 6  (ექვსი)  თვის განმავლობაში რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლესი საგანმანათლებლო დაწესებულებაში 2026-2027 წლის შემოდგომის სემესტრამდე, ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, ამავე დროს არის აქტიური სტატუსის მქონე სტუდენტი და საქართველოს კანონმდებლობის შესაბამისად არის მრავალშვილიანი  (ოთხი და მეტი შვილი) ოჯახის  წევრი;1.3  შეზღუდული  შესაძლებლობის  სტატუსის  მქონე  სტუდენტი:  საქართველოს მოქალაქე, ქალაქ თბილისის მუნიციპალიტეტის მერიაში განცხადების წარდგენის მომენტისთვის ქალაქ თბილისის მუნიციპალიტეტის ტერიტორიაზე არანაკლებ ბოლო 6 (ექვსი) თვის განმავლობაში რეგისტრირებული პირი, რომელიც საქართველოს კანონმდებლობით დადგენილი წესით ჩაირიცხა უმაღლეს საგანმანათლებლო დაწესებულებაში 2026-2027 წლის შემოდგომის სემესტრამდე, ქართულ ენაში მომზადების საგანმანათლებლო პროგრამაზე, ბაკალავრიატის ან მაგისტრატურის პროგრამაზე, მასწავლებლის მომზადების ინტეგრირებულ საბაკალავრო-სამაგისტრო პროგრამაზე, ვეტერინარიის ინტეგრირებულ სამაგისტრო პროგრამაზე, დიპლომირებული მედიკოსის/სტომატოლოგის საგანმანათლებლო პროგრამებზე ან დოქტორანტურის საგანმანათლებლო პროგრამაზე, ამავე დროს არის აქტიური სტატუსის მქონე სტუდენტი და საქართველოს კანონმდებლობის შესაბამისად მინიჭებული აქვს ზომიერად, მნიშვნელოვნად ან მკვეთრად გამოხატული შესაძლებლობის შეზღუდვის ან ,,შეზღუდული შესაძლებლობის მქონე ბავშვის“ სტატუსი;დაფინანსების  ოდენობა სემესტრულად  შეადგენს  არაუმეტეს  1 125 ლარს  და დამოკიდებულია სტუდენტის მიერ წინა სემესტრში მიღებული აკადემიური მოსწრების საშუალო არითმეტიკულ ქულაზე:90-ზე მეტი - 100 ქულის ჩათვლით  -  სემესტრული თანხის არაუმეტეს  100% (1 125 ლარი) სტუდენტებისთვის, რომელთა სარეიტინგო ქულა ,,სოციალურად დაუცველი ოჯახების მონაცემთა ერთიან ბაზაში“ არის 150 000-ის ტოლი ან  ნაკლები, მრავალშვილიანი ოჯახის წევრი სტუდენტებისთვის და  შეზღუდული შესაძლებლობის მქონე სტუდენტებისთვის;70-ზე  მეტი - 90  ქულის ჩათვლით - სემესტრული თანხის  არაუმეტეს 100%, (1 125 ლარი) სტუდენტებისთვის, რომელთა სარეიტინგო ქულა ,,სოციალურად დაუცველი ოჯახების მონაცემთა ერთიან ბაზაში“ არ აღემატება 70 000-ს, მნიშვნელოვნად ან მკვეთრად გამოხატული  შეზღუდული შესაძლებლობის მქონე სტუდენტებისთვის ან სტუდენტებისთვის, რომელთაც აქვთ „შეზღუდული შესაძლებლობის მქონე ბავშვის სტატუსი;ხოლო  სემესტრული თანხის არაუმეტეს  70%  (787.5 ლარი) სტუდენტებისთვის, რომელთა სარეიტინგო ქულა ,,სოციალურად დაუცველი ოჯახების მონაცემთა ერთიან ბაზაში“ არის 70 000-ზე მეტი და 150 000-ის ტოლი ან ნაკლები, მრავალშვილიანი ოჯახის წევრი სტუდენტებისთვის და ზომიერად გამოხატული შეზღუდული შესაძლებლობის მქონე სტუდენტებისათვის;ტოლია  ან  ნაკლებია  70  ქულაზე - სემესტრული თანხის არაუმეტეს 70% (787.5 ლარი)  მკვეთრად ან მნიშვნელოვნად გამოხატული შეზღუდული შესაძლებლობის ან შეზღუდული შესაძლებლობის მქონე ბავშვის სტატუსის მქონე სტუდენტისათვის, ხოლო სემესტრული თანხის არაუმეტეს 50% (562.5 ლარი) სტუდენტებისთვის, რომელთა სარეიტინგო ქულა ,,სოციალურად დაუცველი ოჯახების მონაცემთა ერთიან ბაზაში“ ტოლია ან ნაკლებია 150 000 -ის, მრავალშვილიანი ოჯახის წევრი სტუდენტებისთვის და ზომიერად გამოხატული შეზღუდული შესაძლებლობის მქონე სტუდენტებისათვის;დაფინანსების მისაღებად  სტუდენტმა თბილისის მერიაში უნდა წარმოადგინოს შემდეგი დოკუმენტაცია:პირადი განცხადება, ქალაქ თბილისის მუნიციპალიტეტის მერიიდან სწავლის გადასახადის დასაფარად საჭირო თანხის ოდენობის მითითებით;საქართველოს მოქალაქის პირადობის მოწმობის ასლი ან საქართველოს მოქალაქის პასპორტის ასლი;სოციალურად დაუცველი სტუდენტის  შემთხვევაში ამონაწერი „სოციალურად  დაუცველი ოჯახების მონაცემთა ერთიანი ბაზიდან“, შეზღუდული შესაძლებლობის  მქონე ან  მრავალშვილიანი ოჯახის წევრი სტუდენტის  შემთხვევაში -  სტატუსის დამადასტურებელი ცნობა  შესაბამისი  ადმინისტრაციული ორგანოდან; მრავალშვილიანი ოჯახის წევრის სტატუსის დამადასტურებელი ცნობა გაცემული უნდა იყოს თბილისის მერიაში განცხადების წარდგენის კალენდარულ წელს.ცნობა უმაღლესი საგანმანათლებლო დაწესებულებიდან, რომელიც უნდა შეიცავდეს ინფორმაციას სტუდენტის  სტატუსის, სემესტრული, წლიური გადასახადის და სასწავლო გრანტის ოდენობის შესახებ ინფორმაცია;უმაღლესი საგანმანათლებლო დაწესებულების მიერ გაცემული აკადემიური მოსწრების მაჩვენებელი/ამონაწერი, წინა სემესტრში გავლილი საგნებისა და შეფასებების შესახებ;იძულებით გადაადგილებული პირის-დევნილის შემთხვევაში-დოკუმენტი, დროებითი რეგისტრაციის ადგილის შესახებ, უფლებამოსილი ადმინისტრაციული ორგანოდან;უმაღლესი საგანმანათლებლო დაწესებულების საბანკო რეკვიზიტები/ანგარიშფაქტურა;შეზღუდული შესაძლებლობის  მქონე ან  მრავალშვილიანი ოჯახის წევრი სტუდენტის  შემთხვევაში - ქალაქ თბილისში რეგისტრაციის დამადასტურებელი ცნობა (განცხადების შემოტანის მომენტისთვის სტუდენტს არანაკლებ ბოლო 6 (ექვსი) თვის განმავლობაში უნდა უფიქსირდებოდეს  რეგისტრაცია  ქალაქ  თბილისის მუნიციპალიტეტის ტერიტორიაზე).განცხადებების მიღება  22 სექტემბრიდან 30 ნოემბრის ჩათვლით გაგრძელდება. (მის: ქალაქ თბილისის მუნიციპალიტეტის მერიის კანცელარია,  შარტავას ქ. N7).სტუდენტებს განცხადებების  შემოტანა, ასევე შეუძლიათ,  თბილისის  რაიონული გამგეობების სერვის ცენტრებში  ან ელექტრონულ პლატფორმაზე: https://ms.gov.ge/home/dashboard  (ელექტრონული ხელმოწერისთვის აუცილებელი სპეციალური მოწყობილობის არსებობის შემთხვევაში).საკონტაქტო ინფორმაცია სოციალურად დაუცველი სტუდენტებისთვის : 0 32 2 378455საკონტაქტო ინფორმაცია მრავალშვილიანი ოჯახის  წევრი  და  შშმ სტუდენტებისთვის: 0 32 2 378235