განათლება
1788617580
როდის იწყება სწავლა თბილისის საბავშვო ბაღებში - დეტალები რეგისტრაციაზე
თბილისის საჯარო საბავშვო ბაღებში 2026-2027 სააღმზრდელო პროცესი 15 სექტემბერს დაიწყება. ამ დროისთვის ბაღებში აღსაზრდელთა რეგისტრაციის ყველა ეტაპი, გარდა საყოველთაო რეგისტრაციისა, დასრულებულია. საყოველთაო რეგისტრაციით სარგებლობა კი მშობლებს მთელი წლის განმავლობაში შეეძლებათ.თბილისის საჯარო ბაგა-ბაღებში 2-დან (15 სექტემბრის მდგომარეობით) 6-წლამდელი აღსაზრდელები ჩაირიცხებიან.
1788513147
თიბისი ტექსკოლა - სწორი ადგილი განათლებისთვის, სადაც ტექნოლოგიური მომავალი დღეს იწყება
წარმატებისთვის „სწორ დროს და სწორ ადგილას“ ყოფნა ყოველთვის საჭირო არ არის. თიბისის მხარდაჭერით საქართველოს ნებისმიერი კუთხე შეიძლება გახდეს სწორი ადგილი განათლების მისაღებად. სწორედ ამ შესაძლებლობას ქმნის თიბისის უფასო ონლაინ განათლების ეკოსისტემა, რომლის ერთ-ერთი მთავარი პროგრამაა თიბისი ტექსკოლა.გაიცანით რეზი გაფრინდაშვილი საჩხერედან, რომელმაც თიბისი ტექსკოლაში მიღებული ცოდნით თავის სკოლას საჩუქრად გაუკეთა ვებ გვერდი.„ადამიანები სწორ დროს და სწორ ადგილს ალბათ თავად ქმნიან თავისივე მონდომებით და შესაძლებლობებით. საჩხერე ჩემთვის მშვიდი, საინტერესო და სწორი ადგილია, როგორც საცხოვრებლად, ასევე სწავლისთვის და მუშაობისთვის. მომავლში ვგეგმავ თიბისი ტექსკოლაში მიღებული ცოდნით გავაკეთო თამაში სადაც მთავარი მოქმედება ციხესიმაგრეში განვითარდება“ - რეზი გაფრინდაშვილი.უკვე სამი წელია, თიბისი ტექსკოლა 9-12 კლასის მოსწავლეებს სრულიად უფასოდ აცნობს თანამედროვე და მოთხოვნად ტექნოლოგიურ პროფესიებს. პროგრამაში უკვე 4 500-ზე მეტი უფროსკლასელი ჩაერთო, რომელთა 35% რეგიონებიდანაა. ტექსკოლის მონაწილეები სწავლობენ ისეთ მიმართულებებს, როგორიცაა ვებდეველოპმენტი, UI/UX დიზაინი, მობილური აპლიკაციების შექმნა, გრაფიკული დიზაინი და სოციალური მედიის მარკეტინგი.თიბისი ტექსკოლა მხოლოდ ცოდნის მიღების შესაძლებლობა არ არის. მონაწილეები სწავლობენ ინტერაქციული ონლაინ ლექციების ფორმატში, ურთიერთობენ ლექტორებთან და მენტორებთან, ქმნიან პირველ ციფრულ პროექტებს და თანატოლებთან ერთად საქართველოს სხვადასხვა კუთხიდან მუშაობენ. ამ პროცესში ისინი ტექნოლოგიურ ცოდნასთან ერთად დამოუკიდებელი სწავლის, დროის მართვისა და ციფრული თანამშრომლობის უნარებსაც ივითარებენ.ტექსკოლასთან ერთად, თიბისის უფასო ონლაინ განათლების ეკოსისტემა აერთიანებს თიბისი კამპუსსა და IT აკადემიასაც. თიბისის ონლაინ განათლების მიზანია, ხარისხიანი განათლება ფინანსურ და გეოგრაფიულ ბარიერებზე დამოკიდებული არ იყოს.თიბისის ონლაინ განათლების პროგრამები ეს არის სწორი ადგილი განათლებისთვის!
1788503520
ქუთაისის საერთაშორისო უნივერსიტეტსა და საქართველოს კონკურენციისა და მომხმარებლის დაცვის სააგენტოს შორის გაფორმებული ურთიერთთანამშრომლობის მემორანდუმის ფარგლებში, KIU-ს ექვსმა სტუდენტმა სააგენტოში დისტანციური პრაქტიკის სპეციალური პროგრამა გაიარა.დისტანციურ ფორმატზე მორგებული სასწავლო-პრაქტიკული კურსი სააგენტოს სასწავლო კვლევითმა ცენტრმა შეიმუშავა და პროგრამა GCCA-ის სტრუქტურული ერთეულების სპეციფიკაზე მორგებულ თეორიულ მოდულებს, მენტორობის სისტემასა და რეალურ პრაქტიკულ დავალებებს მოიცავდა.სტუდენტებმა ინტენსიური პრაქტიკა შესაბამის დეპარტამენტებში, ცენტრის მიერ შემუშავებული ინდივიდუალური გეგმა-გრაფიკით გაიარეს - ერთთვიანი კომპლექსური პროგრამა 31 ივლისს დაიწყო და 1 სექტემბერს დასრულდა. უწყების ყოველდღიურ საქმიანობაში უშუალო ჩართულობით, მონაწილეებმა პრაქტიკული გამოცდილების მიღება შეძლეს. სააგენტოს წარმომადგენლებმა სტუდენტების მოტივაცია და ონლაინ-სამუშაო გარემოში სწრაფი ადაპტაცია წარმატებულად შეაფასეს.GCCA-ი რეგიონებში მყოფი ახალგაზრდებისთვის დისტანციურ ფორმატში პრაქტიკული გამოცდილების მიღების შეთავაზებას მომავალშიც გეგმავს.
1788351350
თუ საზღვარგარეთ სწავლა გსურს: 5 რჩევა საქართველოს ბანკის Fulbright-ის სტიპენდიანტისგან
საქართველოს ბანკი განათლების მხარდაჭერას განაგრძობს. სწორედ ამ მიზნით, ფინანსური ინსტიტუტი მიზანდასახულ და მოტივირებულ ახალგაზრდებს შესაძლებლობას აძლევს, საერთაშორისო სტიპენდიების ფარგლებში გახდნენ საქართველოს ბანკის რჩეულები, მიიღონ 100%-იანი დაფინანსება და გაემგზავრონ სასწავლებლად მსოფლიოს წამყვან უნივერსიტეტებში- ბრიტანეთში, ამერიკის შეერთებულ შტატებსა და ესპანეთში.ბანკის მიზანია, ხელი შეუწყოს ახალგაზრდებს, მიიღონ მაღალი ხარისხის განათლება, რათა საკუთარი წვლილი შეიტანონ ქვეყნის უკეთესი მომავლის შექმნაში.თუკი ამერიკაში სწავლის გაგრძელებით ხართ დაინტერესებული, და საქართველოს ბანკის ფულბრაიტის სტიპენდიის მოპოვება გსურთ ამაში ელიზბარ ხვიჩიას რჩევები დაგეხმარებათ – ის თავად არის Fulbright-ის, FLEX-ისა და Erasmus+-ის სტიპენდიატი და ამჟამად კანზასის უნივერსიტეტის დოქტორანტია.1. არ მოგერიდოს!თუ უცხოეთში სწავლას განიხილავ, პირველი და მთავარი რჩევაა, არ მოგერიდოს კითხვების დასმა. მიწერე ყველას, ვინც გგონია, რომ ინფორმაციის მოძიებაში ან გამოცდილების გაზიარებაში დაგეხმარება.ეს შეიძლება იყოს პროფესორი, რომელთან მუშაობაზეც ოცნებობ, ბიბლიოთეკარი, ან თუნდაც ფიზმომზადების მწვრთნელი. გამოიყენე ყველა პლატფორმა და გააგზავნე იმეილი ყველასთან, ვინც შეიძლება შენს კითხვებს უპასუხოს.2. ნაკლები „მე“ და მეტი „ჩვენ“ხშირად გვგონია, რომ აპლიკაციაში გამუდმებით საკუთარ თავზე უნდა ვისაუბროთ. სინამდვილეში, პირიქითაა.შემფასებლებს უყვართ და სიამოვნებთ, როცა კანდიდატი აჩვენებს განვითარების ღერძს – პროგრესის პოტენციალს და მონდომების უშრეტ ძალას, რომელსაც პოტენციურად არა მხოლოდ ინდივიდუალური, არამედ საზოგადოებრივი სიკეთის შექმნა შეუძლია.ამიტომ, ფოკუსირდი იმაზე, თუ როგორ გამოიყენებ მიღებულ ცოდნას და არა მხოლოდ პირად მიღწევებზე.3. ყოველდღიური გამოწვევები ნორმალურიაუცხო ენაზე, რომელსაც დიდი ხანია სწავლობ, შეიძლება სიტყვა დაგავიწყდეს. შეიძლება საცხოვრებლის პოვნაც გაგიჭირდეს. ეს ნორმალურია და არ ნიშნავს, რომ პრობლემებს ვერ უმკლავდები. ელიზბარი გირჩევს, ღიმილით შეხედე ასეთ გამოწვევებს, რადგან ყველა, ვინც საზღვარგარეთ სწავლობს, ამ გზას გადის. მთავარია, წინასწარ მოემზადო – შეისწავლო კლიმატი, უძრავი ქონების ბაზარი და ადგილობრივი მხარდაჭერის რესურსები.4. წინასწარ შეისწავლე პროგრამასანამ აპლიკაციას გაგზავნი, დეტალურად გაეცანი პროგრამის კრიტერიუმებს, წესებსა და პროცედურებს. შემდეგ კი ჩაუღრმავდი მის არსს – როდის დაარსდა, რა მიზნით და როგორ კანდიდატებს ეძებს. ელიზბარის თქმით, „ეს ზარივითაა – წაიკითხავთ თუ არა თუნდაც ძალიან მშრალ ინფორმაციას პროგრამის შესახებ, შიგნიდან დარეკავს ზარი, რომ ეს თქვენთვისაა“.გაეცანი კურსდამთავრებულების ისტორიებსაც, ეს სამოტივაციო წერილისთვის შთაგონების წყაროც შეიძლება გახდეს.5. სამოტივაციო წერილი ყრუ რეზიუმე არ უნდა იყოსეს არის შენი აპლიკაციის ყველაზე მნიშვნელოვანი, წონადი და კრეატიული ნაწილი. სამოტივაციო წერილი ერთადერთი ფორმაა, სადაც შეგიძლია, თავი ისე გამოხატო, როგორც თავად გსურს, რომ სხვამ გაგიგოს.ფურცელზე უნდა იმღერო ისე, რომ მკითხველს მისი წაკითხვა არ მობეზრდეს.დაიმახსოვრე, რომ ბევრის დაწერის საშუალება არ გექნება – როგორც წესი, ორი გვერდი მაქსიმუმია. ამიტომ, წერე მკაფიოდ, რელევანტურად და გულწრფელად.საზღვარგარეთ სწავლა ბევრ ძალისხმევას მოითხოვს, მაგრამ შედეგი ამად ნამდვილად ღირს.ინფორმაციისთვის, ამჟამად მიმდინარეობს განაცხადების მიღება ჩივნინგის სასტიპენდიო პროგრამაზე. კონკურსში მონაწილეობის შესახებ დეტალური ინფორმაციის მისაღებად ეწვიეთ ვებგვერდს. საქართველოს ბანკის სხვა საერთაშორისო სტიპენდიებზე მეტი ინფორმაციის მისაღებად კი შეგიძლიათ ეწვიოთ ბმულსგანათლების გზაზე არ გაჩერდე
1788247958
სსიპ ვეტერანების საქმეთა სახელმწიფო სამსახურის სოციალური პროგრამის ფარგლებში, ვეტერანებსა და მათ ოჯახის წევრებს (ვეტერანთა შვილები, მარჩენალდაკარგულები, ომში დაღუპულთა ოჯახის წევრები) 2026-2027 სასწავლო წლის შემოდგომისა და გაზაფხულის სემესტრების სწავლის საფასურის დაფინანსების მისაღებად განცხადებებისა და შესაბამისი დოკუმენტაციის წარმოდგენა შეუძლიათ 2026 წლის 2 სექტემბრიდან 2 ოქტომბრის ჩათვლით.დაფინანსება ვრცელდება შემდეგ აკრედიტებულ საგანმანათლებლო პროგრამებზე: ბაკალავრიატი, მასწავლებლის მომზადების ინტეგრირებული საბაკალავრო-სამაგისტრო პროგრამა, ვეტერინარიის ინტეგრირებული სამაგისტრო პროგრამა და დიპლომირებული მედიკოსის/სტომატოლოგის პროგრამა.ორივე სემესტრის დაფინანსება ზემოაღნიშნულ ვადაში წარმოდგენილი მხოლოდ ერთი განცხადების საფუძველზე გაიცემა. გაზაფხულის სემესტრის დაფინანსების მოსაპოვებლად, 2027 წელს ახალი განცხადებები აღარ მიიღება.წარმოდგენილ განცხადებაზე ხარვეზის დადგენის შემთხვევაში, განმცხადებელი ვალდებულია, იგი გამოასწოროს შესაბამისი შეტყობინების მიღებიდან 5 სამუშაო დღის ვადაში.პროგრამა არ ვრცელდება სტუდენტებზე, რომლებიც ერთიანი ეროვნული გამოცდების შედეგების საფუძველზე 2026-2027 სასწავლო წლიდან სწავლობენ სახელმწიფოს მიერ დაფუძნებულ უმაღლეს საგანმანათლებლო დაწესებულებებში და სრულად ფინანსდებიან სახელმწიფოს მიერ.2026-2027 სასწავლო წლის სწავლის დაფინანსება, ორივე სემესტრში ჯამში, შეადგენს არაუმეტეს 1 125 ლარს (თითოეულ სემესტრში - არაუმეტეს 562.50 ლარს). აღნიშნული პროგრამის ფარგლებში დაფინანსების მოსაპოვებლად, ვეტერანების საქმეთა სახელმწიფო სამსახურში, განცხადებასთან ერთად, წარმოდგენილ უნდა იქნას შემდეგი დოკუმენტაცია:Ø სტუდენტის პირადობის მოწმობა;Ø სტუდენტის დაბადების მოწმობა;Ø ვეტერანის მოწმობა;Ø ვეტერანის პირადობის მოწმობა.განცხადების განსახილველად საჭირო სხვა დოკუმენტაციის/ინფორმაციის გამოთხოვას უმაღლესი საგანმანათლებლო დაწესებულებებიდან უზრუნველყოფს ვეტერანების საქმეთა სახელმწიფო სამსახური.ინფორმაციისთვის, ვეტერანების საქმეთა სახელმწიფო სამსახურში, სხვადასხვა სოციალურ და ჯანდაცვის პროგრამასთან ერთად, სამსახურის დირექტორის ინიციატივით და საქართველოს მთავრობის ხელშეწყობით, ვეტერანებისა და მათი ოჯახის წევრების უმაღლესი განათლების დაფინანსების პროგრამა 2023 წლიდან მოქმედებს. პროექტის ამოქმედებიდან დღემდე, დაფინანსდა პროგრამის ბენეფიციართა 9 000-მდე მოთხოვნა.
1788236701
სასკოლო ფორმების რეალიზაცია დღეიდან დაიწყება
სასკოლო ფორმების რეალიზაცია დღეიდან დაიწყება. პირველკლასელების მშობლებს სასკოლო ფორმის შეძენის შესაძლებლობა როგორც რეალიზაციის პუნქტებში, ასევე ონლაინ, ელექტრონული პლატფორმის formebi.emis.ge -ს საშუალებით ექნებათ.მთელი ქვეყნის მასშტაბით, ფორმების რეალიზაციის 83 პუნქტია განთავსებული.ცნობისთვის, 2026-2027 სასწავლო წლიდან საქართველოს ყველა საჯარო სკოლაში 1-ელიდან მე-6 კლასის ჩათვლით მოსწავლეებისთვის სასკოლო ფორმები სავალდებულო ხდება.სასკოლო ფორმა უსასყიდლოდ გადაეცემა საჯარო სკოლის დაწყებითი საფეხურის იმ მოსწავლეებს, რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა 65 001 ქულაზე ნაკლებია; არიან მრავალშვილიანი ოჯახების (ოთხი და მეტი შვილი) წევრები, რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახის სარეიტინგო ქულა 65 000 ქულაზე მეტი და 120 001 ქულაზე ნაკლებია; ჩართულნი არიან მინდობით აღზრდის სახელმწიფო პროგრამაში; განთავსებულნი არიან მცირე საოჯახო ტიპის სახლებში; ჩართულნი არიან მიუსაფარ ბავშვთა თავშესაფრების მომსახურებაში; განთავსებულნი არიან თბილისის ბავშვთა სახლში; 2022 წლის 24 თებერვალს უკრაინაში დაწყებული საომარი მოქმედებების შედეგად ვერ ახერხებენ უკრაინის სკოლებში ზოგადი განათლების მიღების გაგრძელებას და ჩარიცხულნი არიან საქართველოს საჯარო სკოლებში.
1788190969
ქვეყნის მასშტაბით 20 საჯარო სკოლის პროექტირება-რეაბილიტაციისთვის ტენდერი გამოცხადდა
ინფრასტრუქტურის სამინისტროს მუნიციპალური განვითარების ფონდმა ქვეყნის მასშტაბით 20 საჯარო სკოლის პროექტირება-რეაბილიტაციის ტენდერი გამოაცხადა.პროექტები მოიცავს მესტიის, წყალტუბოს, ყვარლის, ზუგდიდის, დუშეთის, მცხეთის, კასპის, გორის, ქედის, ბორჯომის, საგარეჯოს, ახმეტის, ახალქალაქის მუნიციპალიტეტებში და თბილისში მდებარე სკოლების აღდგენით სამუშაოებს. მათ შორისაა დაბა მესტიის №1, სოფლების - საყულიის, ჭიკაანის , საბუეს, ახალსოფლის N2, დარჩელის N2, ქვეშეთის, ბაზალეთის, საკრამულის, ქსოვრისის, ლამისყანის, უფლისციხის, წონიარისის, უდაბნოს,ვაჩიანის, დაბა ახალდაბის, ბორჯომის N3, ახმეტის №2, წყალტუბოს №3 და თბილისის №221 (კომაროვის სახელობის სკოლის დიდი დიღმის ფილიალი) საჯარო სკოლები.გათვალისწინებულია სკოლების შენობების ტექნიკური მდგომარეობის ექსპერტიზის დასკვნების საფუძველზე განახლების დეტალური გეგმის მომზადება, რაც მოიცავს როგორც სრულ რეაბილიტაციას ასევე საჭიროების შემთხვევაში გამაგრების სამუშაოებს. პროექტების ფარგლებში მოწესრიგდება სკოლების ძირითადი ინფრასტრუქტურა, განახლდება სასწავლო და ადმინისტრაციული სივრცეები და ადაპტირდება თანამედროვე საგანმანათლებლო პროცესის მოთხოვნების შესაბამისად. განსაკუთრებული ყურადღება დაეთმობა საინჟინრო კომუნიკაციების გაუმჯობესებას - გათბობის, ვენტილაციისა და წყალმომარაგების სისტემების განახლებას.სკოლების რეაბილიტაციის შედეგად მოსწავლეებისთვის შეიქმნება უსაფრთხო, კეთილმოწყობილი და თანამედროვე სტანდარტების შესაბამისი საგანმანათლებლო გარემო.
1788167031
უკრაინის განათლებისა და მეცნიერების მინისტრი გივი მიქანაძეს ურყევი მხარდაჭერისთვის მადლობას უხდის
უკრაინის განათლებისა და მეცნიერების მინისტრი ანდრი ბუტენკო საქართველოს განათლების, მეცნიერებისა და ახალგაზრდობის მინისტრ გივი მიქანაძეს ოფიციალური წერილით მიმართავს, სადაც მადლობას უხდის ურყევი მხარდაჭერისთვის.,,უკრაინის განათლებისა და მეცნიერების სამინისტრო და უკრაინის განათლების ხარისხის შეფასების ცენტრი გამოხატავენ თქვენდამი უდიდეს პატივისცემასა და გულწრფელ მადლიერებას ჩვენი ქვეყნისადმი გამოჩენილი ურყევი მხარდაჭერისთვისა და თანამშრომლობისთვის, ჩვენი ისტორიის ამ უმძიმეს პერიოდში.იმ დროს, როდესაც უკრაინა საკუთარი თავისუფლებისა და დამოუკიდებლობისთვის იბრძვის, ცივილიზებულ სამყაროსთან ჩვენი ერთობა ჩვენი უდიდესი ძალაა.წელს უკრაინელ აბიტურიენტებს, რომლებიც ომის გამო იძულებული გახდნენ, დაეტოვებინათ უკრაინა, შესაძლებლობა მიეცათ, უკრაინის უმაღლეს საგანმანათლებლო დაწესებულებებში ჩარიცხვისთვის განკუთვნილი გამოცდები მსოფლიოს 32 ქვეყანაში ჩაებარებინათ.უდიდეს მადლიერებას გამოვხატავთ საქართველოს განათლების, მეცნიერებისა და ახალგაზრდობის სამინისტროსა და იმ საგანმანათლებლო დაწესებულებების მიმართ, რომლებმაც უკრაინელი აბიტურიენტებისთვის უზრუნველყვეს უსაფრთხო საგამოცდო გარემოს შექმნა.განსაკუთრებულ მადლობას გიხდით ყოვლისმომცველი მხარდაჭერისთვის - საგამოცდო სივრცეების ტექნიკური აღჭურვილობის უზრუნველყოფისა და სტუდენტებისთვის ყველა იმ აუცილებელი პირობის შექმნისთვის, რაც უკრაინის უმაღლეს საგანმანათლებლო დაწესებულებებში საბაკალავრო და სამაგისტრო პროგრამებზე ჩასარიცხად გამოცდების ორგანიზებისა და ჩატარებისთვის იყო საჭირო.თქვენი ეფექტიანი და შესანიშნავად ორგანიზებული საგამოცდო პროცესის წყალობით, უკრაინელ ახალგაზრდებს მიეცათ სწავლის გაგრძელებისა და უკრაინაში უმაღლეს საგანმანათლებლო დაწესებულებებში ჩარიცხვის შესაძლებლობა.თქვენი სოლიდარობა მხოლოდ ორგანიზაციული დახმარება არ არის — ეს მნიშვნელოვანი წვლილია უკრაინის ინტელექტუალური პოტენციალის შენარჩუნებასა და ქვეყნის სამომავლო აღდგენაში.ჩვენ განსაკუთრებით ვაფასებთ ჩვენს საიმედო პარტნიორობას და გულწრფელად გისურვებთ თქვენ და თქვენი ქვეყნის ყველა განათლების სფეროს წარმომადგენელს პროფესიულ წინსვლას, სიკეთეს, კეთილდღეობასა და ბედნიერებას!გულწრფელ მადლობას ვუხდით 2026 წელს მისაღები გამოცდების ჩატარების პროცესში გაწეული ყოვლისმომცველი დახმარებისთვის ყველა საგანმანათლებლო ორგანიზაციის ხელმძღვანელობას, რომლებმაც მზაობა გამოხატეს დროებითი საგამოცდო ცენტრების შესაქმნელად. ასევე მადლობას ვუხდით მასწავლებლებს, კოორდინატორებსა და IT სპეციალისტებს, რომლებთან თანამშრომლობის პატივიც გვქონდა.ერთად ჩვენ უფრო ძლიერები ვართ! გმადლობთ სოლიდარობისა და საიმედო მხარდაჭერისთვის.გვჯერა, რომ მომავალშიც გაგრძელდება ნაყოფიერი თანამშრომლობა და თქვენი ქვეყნის მთავრობის მხრიდან ჩვენი ქვეყნისადმი ყოვლისმომცველი მხარდაჭერა’’, - ნათქვამია ოფიციალურ წერილში.
1788121913
ცნობილია ვადები, როდის მიიღებენ ფორმებს სხვადასხვა კლასის მოსწავლეები
განათლების მინისტრის, გივი მიქანაძის განცხადებით, მოსწავლეების სასკოლო ფორმებით უზრუნველყოფა 3 ძირითად ეტაპად განხორციელდება. ფორმების მიღების ვადები კლასების მიხედვით:I ეტაპი (პირველკლასელები): 1-ელი სექტემბრიდან 14 სექტემბრის ჩათვლით გაყიდვაში იქნება მხოლოდ პირველი კლასის მოსწავლეთა ფორმები. ეს პარტია უკვე სრულად შემოტანილია ქვეყანაში, გადანაწილებულია ყველა მუნიციპალიტეტისა თუ ქალაქის სარეალიზაციო ობიექტებში და ასევე მომზადებულია დასაწყობებული მარაგები ონლაინ შეკვეთებისთვის.II ეტაპი (მე-2 და მე-3 კლასელები): ხელშეკრულების თანახმად, ფორმების მეორე ნაკადი საქართველოში 15 ოქტომბრამდე შემოვა.III ეტაპი (მე-4, მე-5 და მე-6 კლასელები): დარჩენილი ფორმების ჩამოტანა და რეალიზაცია 30 ნოემბრამდე იგეგმება.
1788111209
საქართველოს განათლების, მეცნიერებისა და ახალგაზრდობის მინისტრის, გივი მიქანაძის განცხადებით, მოსწავლეებისგან განსხვავებით, მასწავლებლებს საგაკვეთილო პროცესში ტელეფონების გამოყენება არ ეზღუდებათ, თუმცა სამინისტრომ პედაგოგებს სთხოვა, რომ „მისცენ მაგალითი“ ბავშვებს და მობილურები სპეციალურად მოწყობილ დაცულ სათავსში თვითონაც განათავსონ.როგორც გივი მიქანაძემ 24 აგვისტოს, ჟურნალისტებთან საუბრისას აღნიშნა, ელექტრონული საკომუნიკაციო საშუალებების გამოყენება არაერთ სკოლაშია უკვე შეზღუდული, 15 სექტემბრიდან კი ეს „კულტურა“ ყველა სკოლაში დამკვიდრდება:„არაერთგზის გავრცელდა დეზინფორმაცია, რომ თითქოს მასწავლებლებს ვუკრძალავდით ტელეფონის გამოყენებას. ჩვენ უბრალოდ მათ ვთხოვეთ, რომ თუკი ტელეფონი არ სჭირდებათ რამე მასალის სადემონსტრაციოდ, მაგალითი მისცენ მოსწავლეებს და ტელეფონი ყუთში პირველი თვითონ განათავსონ – აჩვენონ კონკრეტული მაგალითი იმისა, თუ როგორ უნდა ხდებოდეს ეს პროცესი…არის არაერთი სკოლა, სადაც ეს კულტურა უკვე წლებია დამკვიდრებულია. ახლა ჩვენ ეს შემოგვაქვს, რომ ყველა სკოლაში სავალდებულო გახდეს შეზღუდვა და სწავლა-სწავლების პროცესი არ შეფერხდეს“.შეგახსენებთ, 2026-2027 სასწავლო წლიდან, საქართველოს საჯარო სკოლების მოსწავლეებს სასწავლო პროცესში მობილური ტელეფონების/სმარტფონების, „ჭკვიანი“ საათების, პლანშეტური და პორტატიული კომპიუტერების არამიზნობრივი გამოყენება შეეზღუდებათ. სიახლე საშუალო და საბაზო საფეხურების მოსწავლეებს ერთნაირად ეხებათ.
1788106032
საქართველოს განათლების, მეცნიერებისა და ახალგაზრდობის მინისტრი გივი მიქანაძე განმარტავს, რომ სახელმწიფო და კერძო უნივერსიტეტებში ჯამში 7 000-ზე მეტი ვაკანტური ადგილია დარჩენილი.მიქანაძის თქმით, 1795 აბიტურიენტს, რომლებმაც ერთიან ეროვნულ გამოცდებზე მინიმალური ზღვარი გადალახეს, ექნებათ შესაძლებლობა, მათი ინტერესების გათვალისწინებით მოხდეს ამ ადგილების შერჩევა.„არაფრის ჩაბარება არ უწევთ ამ აბიტურიენტებს, მათ უკვე აქვთ ჩაბარებული, გადალახული აქვთ მინიმალური კომპეტენციის ზღვარი. საუბარია 1795 აბიტურიენტზე, რომლებმაც, სამწუხაროდ, მინიმალური რაოდენობის უნივერსიტეტები და პროგრამები შეარჩიეს. მათ რომ შესარჩევი პროგრამების უფრო გრძელი სია გაეკეთებინათ, უმაღლეს ან პროფესიულ სასწავლებლებში აუცილებლად მოხვდებოდნენ.ეს, გარკვეულწილად, გამოწვეულია იმით, რომ ფუნდამენტური რეფორმების ფარგლებში პირველი წელია, გარკვეული მოუმზადებლობა, გარკვეული ინფორმაცია მათთვის ხელმისაწვდომი ვერ იყო – თუმცა ჩვენ ყველაფერი გავაკეთეთ, რომ ეს ინფორმაცია თითოეულ მათგანთან მისულიყო – ამიტომ პრემიერ მინისტრის ინიციატივით, საგამონაკლისო ერთჯერად შემთხვევას ვახორციელებთ, როცა მეორად ჩარიცხვებს ვაკეთებთ.სექტემბრის პირველ ნახევარში ვაკანტურ ადგილებზე, რაც დარჩა სახელმწიფო და კერძო უმაღლეს სასწავლებლებში შესაბამის პროგრამებზე, მიღება გამოცხადდება და დარეგისტრირება ავტომატურად შეეძლებათ. რაიმე მიმართულებით კვოტების გაზრდა კი არ იქნება, სადაც დარჩა ადგილები, იქ შეეძლებათ რეგისტრაცია. კერძოშიც და სახელმწიფო უნივერსიტეტებშიც ჯამში 7 000-ზე მეტი ვაკანტური ადგილია დარჩენილი, შესაბამისად, 1795 ადამიანისთვის შესაძლებლობა იქნება, მათი ინტერესების გათვალისწინებით მოხდეს ამ ადგილების შერჩევა. ამისთვის უნივერსიტეტების მხრიდან მზაობა უნდა იყოს და პროცედურები უკვე დაწყებულია. პროცედურების დაცვით სექტემბრის პირველ ნახევარში კონკრეტული ვადები განისაზღვრება, როდესაც მათთვის გაიხსნება ბაზები და შეეძლებათ კონკრეტულ მიმართულებებზე დარეგისტრირება“, – განაცხადა გივი მიქანაძემ.
1788095760
მხოლოდ წელს დავუშვებთ გამონაკლისს და საქართველოს პრემიერ-მინისტრ ირაკლი კობახიძის ინიციატივით, 1795 აბიტურიენტს, რომლებმაც ერთიან ეროვნულ გამოცდებზე განსაზღვრული მინიმალური კომპეტენციის ზღვარი გადალახეს, ე.წ. მეორადი ჩარიცვის შესაძლებლობას ვაძლევთ, - განაცხადა განათლების, მეცნიერებისა და ახალგაზრდობის მინისტრმა, გივი მიქანაძემ ბრიფინგზე.მისივე თქმით, მასშტაბური რეფორმის პირველ წელს განხორციელებული ინიციატივები აბიტურიენტებისა და საზოგადოებისთვის გარკვეულ სიახლეს წარმოადგენს.„გამომდინარე იქიდან, რომ დავიწყეთ უმაღლესი განათლების ეროვნული რეფორმა და მიმდინარე წელი, გარკვეულწილად, გარდამავალ პერიოდს წარმოადგენს, მხოლოდ წელს დავუშვებთ გამონაკლისს და საქართველოს პრემიერ-მინისტრ ირაკლი კობახიძის ინიციატივით, 1795 აბიტურიენტს, რომლებმაც ერთიან ეროვნულ გამოცდებზე განსაზღვრული მინიმალური კომპეტენციის ზღვარი გადალახეს, ე.წ. მეორადი ჩარიცხვის შესაძლებლობას ვაძლევთ.მასშტაბური რეფორმის პირველ წელს განხორციელებული ინიციატივები აბიტურიენტებისა და საზოგადოებისთვის გარკვეულ სიახლეს წარმოადგენს. შესაბამისად, აღნიშნული გადაწყვეტილება ამ ყველაფრის გათვალისწინებით საგამონაკლისო წესით, ერთჯერად იქნა მიღებული“, - განაცხადა მინისტრმა.მისივე თქმით, უახლოეს დღეებში გამოცხადდება რეგისტრაცია სახელმწიფო და კერძო უმაღლეს და პროფესიულ საგანმანათლებლო დაწესებულებებში დარჩენილ ვაკანტურ ადგილებზე, რის შემდეგაც აბიტურიენტებს, რომლებმაც ეროვნულ გამოცდებზე გადალახეს მინიმალური ზღვარი, მიეცემათ შესაძლებლობა დარეგისტრირდნენ აღნიშნულ პროგრამებზე.„თითოეული ახალგაზრდისთვის ხარისხიან განათლებაზე ხელმისაწვდომობის უზრუნველყოფა ჩვენი უმთავრესი მიზანია. სწორედ ამას ემსახურება უმაღლესი განათლების რეფორმის ფარგლებში განხორციელებული უპრეცედენტო გადაწყვეტილებები.თქვენთვის ცნობილია, რომ მიმდინარე წელს სახელმწიფო უნივერსიტეტებში ჩარიცხულ თითოეულ სტუდენტს სწავლას სახელმწიფო სრულად უფინანსებს, რაც ახალგაზრდებისთვის განათლების მიღების კიდევ უფრო მეტ შესაძლებლობას ქმნის.ჩვენ კვლავ გავაგრძელებთ მნიშვნელოვანი ნაბიჯების გადადგმას განათლების ხარისხისა და ხელმისაწვდომობის გაუმჯობესების მიმართულებით, რადგან გვჯერა, რომ ახალგაზრდებისთვის შექმნილი თითოეული ახალი შესაძლებლობა არის ინვესტიცია ჩვენი ქვეყნის წინსვლასა და განვითარებაში“, - აღნიშნა გივი მიქანაძემ.
1788464895
1788537428
