1792645515

საფრანგეთის ძალოვანი უწყებები შაბათს დაგეგმილი მორიგი საყოველთაო მობილიზაციისთვის ემზადებიან - ხელისუფლება უსაფრთხოების ზომებს ამკაცრებს

 საფრანგეთის ხელისუფლება უსაფრთხოების ზომებს ამკაცრებს. საპროტესტო აქციების დროს მომხდარი მასობრივი არეულობებისა და ძარცვის შემდეგ, ქვეყნის რამდენიმე დიდ ქალაქში დემონსტრაციები აიკრძალა და კომენდანტის საათი დაწესდა.პარიზის პოლიციის პრეფექტურის გადაწყვეტილებით, დღეს, დილის 8-დან საღამოს 8 საათამდე, დედაქალაქის ცენტრალურ რაიონებში ნებისმიერი სახის შეკრება იკრძალება. შეზღუდვა ვრცელდება ელისეს სასახლის, მთავრობის სახლის, პარლამენტის ორივე პალატის, ასევე ლუვრის, შანზ-ელიზესა და რკინიგზის სადგურების მიმდებარე ტერიტორიებზე.სტუდენტური და პროფკავშირული ორგანიზაციების მიერ დაგეგმილი მსვლელობები აიკრძალა ლიონში, ლილში, გრენობლსა და რენშიც.პარალელურად, პრეზიდენტი ემანუელ მაკრონი ელისეს სასახლეში დაზვერვის სამსახურების ხელმძღვანელებთან განიხილავს, თუ რატომ ვერ მოხერხდა გასული კვირის ძალადობრივი მოვლენების წინასწარ გათვლა და პრევენცია.აღმასრულებელი ხელისუფლება არეულობების ორგანიზებასა და ქვეყნის დესტაბილიზაციის მცდელობაში ულტრამემარცხენე ჯგუფებს ადანაშაულებს. საფრანგეთის ძალოვანი უწყებები შაბათს დაგეგმილი მორიგი საყოველთაო მობილიზაციისთვის ემზადებიან.

1792614386

დონალდ ტრამპი: რამდენიმე დღის წინ პუტინთან ვსაუბრობდი უკრაინასთან მისი ომის დასრულებაზე, რაც, ვფიქრობ, სულ უფრო ახლოსაა, შესაძლოა, ამასთან ახლა ყველაზე ახლოს ვართ

აშშ-ის პრეზიდენტმა, დონალდ ტრამპმა განაცხადა, რომ რუსეთ-უკრაინის ომის მოგვარებასთან მხარეები, შესაძლოა, ახლა ყველაზე ახლოს არიან.„რამდენიმე დღის წინ პუტინთან ვსაუბრობდი უკრაინასთან მისი ომის დასრულებაზე, რაც, ვფიქრობ, სულ უფრო ახლოსაა. შესაძლოა, ამასთან ახლა ყველაზე ახლოს ვართ“, – აღნიშნა ტრამპმა.ტრამპმა აღნიშნული განცხადება რუსეთში დაკავებული ამერიკელი მასწავლებლის, სტივენ გაბარდის გათავისუფლების შესახებ საუბრისას გააკეთა. როგორც ტრმპმა აღნიშნა, გაბარდის გათავისუფლებაზე რუსეთის პრეზიდენტ ვლადიმერ პუტინთან სატელეფონო საუბრისას შეთანხმდა.მანამდე, აშშ-ის პრეზიდენტმა, დონალდ ტრამპმა განაცხადა, რომ ამერიკის მოქალაქის, სტივენ ჰაბარდის გათავისუფლება ვლადიმერ პუტინს პირადად სთხოვა და აშშ-ს ამისთვის არაფრის დათმობა არ დასჭირვებია.

1792611467

პოლონეთის სამხედრო დახმარების მასშტაბური პაკეტის უკრაინისთვის მიწოდება, სავარაუდოდ, შეჩერდა - უკრაინული მედია

პოლონეთის სამხედრო დახმარების მასშტაბური პაკეტის უკრაინისთვის მიწოდება, სავარაუდოდ, შეჩერდა. მიზეზი ლვოვის საოლქო საბჭოს გადაწყვეტილებაა, რომლითაც 2027 წელი „რომან შუხევიჩის, „უკრაინის მეამბოხეთა არმიისა“ და ოლეჰ ოლჟიჩის წლად“ გამოცხადდა. ამის შესახებ ინფორმაციას უკრაინული მედია წყაროზე დაყრდნობით ავრცელებს.წყაროს თქმით, კენჭისყრა სწორედ იმ დროს გაიმართა, როცა პოლონეთი სამხედრო დახმარების პაკეტის გაგზავნისთვის ემზადებოდა.„ლვოვის საოლქო საბჭოს დეპუტატებმა სწორედ სამხედრო დახმარების მასშტაბური პაკეტის გაგზავნის მომზადების დროს ჩაატარეს ეს კენჭისყრა. მათი უპასუხისმგებლო ქმედების გამო ამ პაკეტის მიწოდება ამჟამად შეჩერებულია“, – აღნიშნავს წყარო.მისივე თქმით, გადაწყვეტილებამ შეიძლება, არა მხოლოდ ორმხრივი ურთიერთობა, არამედ ორ ქვეყანას შორის სამხედრო თანამშრომლობაც დააზიანოს.„აქტიურად მიმდინარეობს მუშაობა დახურული არხების მეშვეობით იმ პრობლემის მოსაგვარებლად, რომელიც არაფრისგან შეიქმნა“, – განმარტავს წყარო.ცნობისთვის, ლვოვის რეგიონულმა საბჭომ 20 ოქტომბერს გამართულ სხდომაზე 2027 წელი „რომან შუხევიჩის, „უკრაინის მეამბოხეთა არმიისა“ და ოლეჰ ოლჟიჩის წლად“ გამოაცხადა. უკრაინის საგარეო საქმეთა სამინისტრომ აღნიშნა, რომ ლვოვის რეგიონული საბჭოს გადაწყვეტილება რეგიონულ დონეზე მიიღეს დიპლომატებთან ან ცენტრალური მთავრობის ორგანოებთან კონსულტაციის გარეშე. უკრაინის საგარეო უწყების განცხადების თანახმად, ლვოვის რეგიონული საბჭოს გადაწყვეტილება პოლონეთთან ურთიერთობებისთვის კონტრპროდუქტიულია. ამასთან, პოლონეთის შინაგან საქმეთა მინისტრმა, მარჩინ კერვინსკიმ განაცხადა, რომ აღნიშნული ინიციატივის ავტორს, ლვოვის საოლქო საბჭოს დეპუტატ სვიატოსლავ შერემეტას შენგენის ზონაში შესვლა ხუთი წლით აუკრძალეს.

1792610741

მნიშვნელოვანია, რომ უიტკოფი რუსულ მხარეს შეხვდა, რუსეთი მხარს უჭერს გუნდების დონეზე სამმხრივ შეხვედრას, ამერიკული მხარე სთავაზობს, რაც შეიძლება, მალე მოხდეს, ჩვენც მხარს ვუჭერთ - ვოლოდიმირ ზელენსკი

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთი მხარს უჭერს გუნდების დონეზე სამმხრივ შეხვედრას.მისივე თქმით, შეხვედრის თარიღები ჯერ ისევ შეთანხმების პროცესშია.ზელენსკის განცხადებით, ეს არის აშშ-ის  პრეზიდენტის სპეციალური წარმომადგენლის, სტივ უიტკოფის რუსეთში ვიზიტის შედეგი.„მნიშვნელოვანია, რომ დღეს უიტკოფი რუსულ მხარეს შეხვდა. როგორც ბრიფინგიდან გავიგეთ, რუსეთი მხარს უჭერს ჩვენი გუნდების დონეზე სამმხრივ შეხვედრას. ამერიკული მხარე სთავაზობს, რაც შეიძლება მალე მოხდეს ეს, ჩვენც მხარს ვუჭერთ. არ ვიცი, რა თარიღებში გაიმართება შეხვედრა. დღის წესრიგი ნათელია, ომის დასრულება, მშვიდობასთან დაახლოება და, როგორც მესმის, ლიდერების შეხვედრისთვის ყველაფრის მომზადება“, – განაცხადა უკრაინის პრეზიდენტმა.ზელენსკის განმარტებით, უკრაინას აღნიშნულ შეხვედრასთან დაკავშირებით ამერიკელ პარტნიორებთან კომუნიკაცია ჰქონდა.„რაც შეიძლება ადრე დაიგეგმება, ვფიქრობ, არა უგვიანეს ნოემბრის დასაწყისისა. ვნახოთ, ყველაფერი ჩვენზე არ არის დამოკიდებული“, – აღნიშნა ვოლოდიმირ ზელენსკი.ცნობისთვის, მანამდე აშშ-ის პრეზიდენტის სპეციალურმა წარმომადგენელმა, სტივ უიტკოფმა განაცხადა, რომ რუსეთ-უკრაინის ომის დასრულებაზე მსჯელობა სამმხრივი, ტექნიკური დონის მოლაპარაკებების ფორმატში გაგრძელდება. კრემლის ინფორმაციით, ვლადიმერ პუტინი უკრაინასა და აშშ-თან სამმხრივი მოლაპარაკებების განახლებას დათანხმდა.

1792610646

საფრანგეთის ხელისუფლებამ პარიზსა და ლიონში 22 ოქტომბერს დაგეგმილი აქციები აკრძალა

ძალადობისა და საზოგადოებრივი წესრიგის დარღვევის საფრთხის გამო, საფრანგეთის ხელისუფლებამ პარიზსა და ლიონში 22 ოქტომბერს დაგეგმილი აქციები აკრძალა.ფრანგული მედიის ცნობით, პოლიცია მიიჩნევს, რომ ორგანიზატორები ძალადობისა და ვანდალიზმის თავიდან აცილებას ვერ შეძლებენ.ლიონში აქცია სტუდენტურმა პროფკავშირმა და მემარცხენე რადიკალურმა ანტიკაპიტალისტურმა პარტიამ დაგეგმეს.რეგიონის პრეფექტმა, ეტიენ გიომმა განცხადებაში აღნიშნა, რომ არსებული ვითარების გათვალისწინებით, აქციის აკრძალვის გადაწყვეტილება ძალადობის თავიდან აცილებისა და მოქალაქეთა უსაფრთხოების დაცვის მიზნით მიიღო.პარალელურად, პარიზში კვლავ მოქმედებს კომენდანტის საათი. პოლიციის ცნობით, ეს უკვე მესამე ღამეა, რაც პარიზში მსგავსი შეზღუდვა მოქმედებს. გარდა ამისა, 20:00 საათიდან მომდევნო დღის 06:00 საათამდე აკრძალულია შეკრებები ელისეს სასახლის, ეროვნული ასამბლეის, სენატისა და შანზ-ელიზეს გამზირის მიმდებარე ტერიტორიებზე.

1792609899

სტივ უიტკოფი: აშშ-ს, უკრაინასა და რუსეთს შორის ტექნიკურ დონეზე სამმხრივი მოლაპარაკებები აღდგება

 აშშ-ის პრეზიდენტის სპეციალური წარმომადგენელი სტივ უიტკოფი აცხადებს,რომ აშშ-ს, უკრაინასა და რუსეთს შორის ტექნიკურ დონეზე სამმხრივი მოლაპარაკებები აღდგება.„სანქტ-პეტერბურგში შევხვდით პრეზიდენტ პუტინს, რათა ოსლოში პრეზიდენტ ზელენსკისთან მიღწეული პროგრესი განგვემტკიცებინა, სამშვიდობო ჩარჩო განგვეხილა და პრეზიდენტ პუტინისთვის მადლობა გადაგვეხადა ამერიკის მოქალაქის სტივენ ჰაბარდის გათავისუფლებისთვის.ეს განხილვები კონსტრუქციული იყო და სამმხრივი მოლაპარაკებებით გაგრძელდება აშშ-ს, რუსეთსა და უკრაინას შორის ტექნიკურ დონეზე“, - წერს უიტკოფი სოციალურ ქსელში.

1792609786

სტივ უიტკოფი პუტინს: ხშირად ამბობთ, რომ პრეზიდენტი ტრამპი ჰუმანისტია. თქვენც ჰუმანისტი ხართ, ბატონო პრეზიდენტო, და ამისთვის სათანადო პატივს მოგაგებთ

 თქვენ ხშირად ამბობთ, რომ პრეზიდენტი ტრამპი ჰუმანისტია. თქვენც ჰუმანისტი ხართ, ბატონო პრეზიდენტო და ამისთვის სათანადო პატივს მოგაგებთ, - ასე მიმართააშშ-ის პრეზიდენტის სპეციალურმა წარმომადგენელმა სტივ უიტკოფმა რუსეთის პრეზიდენტ ვლადიმერ პუტინს სანქტ-პეტერბურგში გამართული შეხვედრისას.„გამოვხატავ თქვენდამი პატივისცემას და კიდევ ერთხელ გიხდით მადლობას“, - დასძინა სტივ უიტკოფმა.სტივ უიტკოფის განცხადებას რესპუბლიკელმა სენატორებმა სამარცხვინო უწოდეს.

1792607225

ვეთანხმები სტივ უიტკოფს, ნაკლებად მნიშვნელოვანია, რა თქვა მან, გაცილებით მნიშვნელოვანია, რომ ამერიკელი მძევალი ოჯახს უბრუნდება - ჯეი დი ვენსი

აშშ-ის ვიცე-პრეზიდენტმა, ჯეი დი ვენსმა მხარი დაუჭირა აშშ-ის პრეზიდენტის სპეციალურ წარმომადგენელს, სტივ უიტკოფს, რომელმაც რუსეთის პრეზიდენტ ვლადიმერ პუტინს „ჰუმანისტი“ უწოდა მას შემდეგ, რაც რუსეთმა ამერიკის მოქალაქე სტივენ ჰაბარდი გაათავისუფლა.ჟურნალისტის კითხვაზე, ეთანხმებოდა თუ არა უიტკოფის შეფასებას, ვენსმა დადებითი პასუხი გასცა.„ვეთანხმები სტივ უიტკოფს, რომელმაც დადებითად ისაუბრა ადამიანზე, რომელმაც ახლახან ამერიკელი მძევალი გაათავისუფლა. იმის მიუხედავად, ეთანხმებით თუ არა ამ შეფასების არსს, სტივ უიტკოფი დიპლომატია. მისი საქმეა, ჩავიდეს იქ და მიზანს მიაღწიოს. ჩემთვის გაცილებით ნაკლებად მნიშვნელოვანია, რა თქვა სტივმა და გაცილებით მნიშვნელოვანია ის, რომ ამერიკელი მძევალი ოჯახს უბრუნდება. ეს ყველას უნდა გვიხაროდეს და არ უნდა ვაკრიტიკებდეთ სტივ უიტკოფის განცხადებას, რომლის დახმარებითაც მან ამ მიზანს მიაღწია“, – განაცხადა ვენსმა.ცნობისთვის, აშშ-ის პრეზიდენტის სპეციალურმა წარმომადგენელმა, სტივ უიტკოფმა, რუსეთის პრეზიდენტ ვლადიმერ პუტინს „ჰუმანისტი“ უწოდა. ამის შესახებ მან 21 ოქტომბერს, სანქტ პეტერბურგში რუსეთის პრეზიდენტთან შეხვედრისას განაცხადა. უიტკოფმა ეს განცხადება იმ ფონზე გააკეთა, როდესაც რუსეთმა პატიმრობიდან გაათავისუფლა აშშ-ის მოქალაქე სტივენ ჰაბარდი, რომელიც რუსეთში უკრაინის მხარეს დაქირავებულ მებრძოლად მონაწილეობის ბრალდებით იყო დაკავებული.ამასთან, სტივ უიტკოფის განცხადებას, რომ „პუტინი ჰუმანისტია“, რესპუბლიკელმა სენატორებმა სამარცხვინო უწოდეს.

1792606904

THE ATLANTIC: ᲢᲠᲐᲛᲞᲡ ᲡᲣᲠᲡ, ᲠᲝᲛ ᲞᲣᲢᲘᲜᲛᲐ ᲓᲐ ᲖᲔᲚᲔᲜᲡᲙᲘᲛ ᲡᲐᲛᲨᲕᲘᲓᲝᲑᲝ ᲨᲔᲗᲐᲜᲮᲛᲔᲑᲐᲡ ᲮᲔᲚᲘ ᲛᲐᲘᲐᲛᲘᲨᲘ, „ᲓᲘᲓᲘ ᲝᲪᲔᲣᲚᲘᲡ“ ᲡᲐᲛᲘᲢᲖᲔ ᲛᲝᲐᲬᲔᲠᲝᲜ

 აშშ-ის პრეზიდენტი დონალდ ტრამპი ცდილობს უკრაინასა და რუსეთს შორის სამშვიდობო შეთანხმებას ხელი მოეწეროს „დიდი ოცეულის“ სამიტის ფარგლებში, რომელიც ფლორიდის შტატში დეკემბერში გაიმართება. ინფორმაციას The Atlantic-ი ავრცელებს.გამოცემის ცნობით, აშშ-ის პრეზიდენტი სამშვიდობო შეთანხმების ხელმოწერაში თავისი დიპლომატიური მცდელობების ფინალს ხედავს.თეთრი სახლის ლიდერის მრჩევლების განცხადებით, ტრამპი იმედოვნებს, რომ დოკუმენტის ხელმოწერის დროს პირადად იდგება უკრაინის პრეზიდენტ ვოლოდიმირ ზელენსკისა და რუსეთის ლიდერ ვლადიმერ პუტინს შორის.აღნიშნული მიზნის მისაღწევად ვაშინგტონი უკრაინულ მხარეზე მკაცრი წნეხის შესაძლებლობასაც განიხილავს, - იუწყება გამოცემა.„ის [ტრამპი] გაბრაზებულია უკრაინაზე და მას სურს, რომ ზელენსკი წავიდეს“, - ციტირებს გამოცემა ტრამპის გარემოცვის ერთ-ერთ წევრს.

1792606131

რესპუბლიკელმა სენატორებმა სამარცხვინო უწოდეს სტივ უიტკოფის განცხადებას, რომ „პუტინი ჰუმანისტია“

რესპუბლიკელმა სენატორებმა უკმაყოფილება გამოთქვეს აშშ-ის პრეზიდენტის სპეციალური წარმომადგენლის, სტივ უიტკოფის განცხადების გამო, სადაც მან რუსეთის პრეზიდენტ ვლადიმერ პუტინს „ჰუმანისტი“ უწოდა.რესპუბლიკელმა სენატორმა, ტომ ტილისმა სოციალურ ქსელში სიტყვა „ჰუმანისტის“ განმარტება გამოაქვეყნა და აღნიშნა, რომ უიტკოფმა ამ სიტყვის მნიშვნელობა უნდა გაითვალისწინოს.„ეს რა ჯანდაბაა, სტივ? ლექსიკონში მოძებნე სიტყვა „ჰუმანისტის“ განმარტება. ეს რა სამარცხვინო და აღმაშფოთებელი განცხადებაა. უკრაინაში უნდა დაბრუნდე და ჰკითხო იმ ბავშვების ნათესავებს, რომლებიც პუტინმა გაიტაცა და მოკლა, ეთანხმებიან თუ არა ისინი იმას, რომ შენი მეგობარი პუტინი „ჰუმანისტია“, – დაწერა ტომ ტილისმა.უიტკოფის განცხადებას გამოეხმაურა სენატორი ჯონ კორნინიც. რესპუბლიკელმა სენატორმა სოციალურ ქსელში დაწერა: „არა. პუტინი დაუნდობელი მკვლელია“.ცნობისთვის, აშშ-ის პრეზიდენტის სპეციალურმა წარმომადგენელმა, სტივ უიტკოფმა, რუსეთის პრეზიდენტ ვლადიმერ პუტინს „ჰუმანისტი“ უწოდა. ამის შესახებ მან 21 ოქტომბერს, სანქტ პეტერბურგში რუსეთის პრეზიდენტთან შეხვედრისას განაცხადა. უიტკოფმა ეს განცხადება იმ ფონზე გააკეთა, როდესაც რუსეთმა პატიმრობიდან გაათავისუფლა აშშ-ის მოქალაქე სტივენ ჰაბარდი, რომელიც რუსეთში უკრაინის მხარეს დაქირავებულ მებრძოლად მონაწილეობის ბრალდებით იყო დაკავებული.

1792605720

აშშ-ის ფინანსთა სამინისტრომ ერთ-ერთ ბერძნულ იურიდიულ ფირმას სანქციები დაუწესა

აშშ-ის ფინანსთა სამინისტრომ ერთ-ერთ ბერძნულ იურიდიულ ფირმას სანქციები დაუწესა.უწყების ცნობით, ფირმა მრავალი წლის განმავლობაში ირანის საზღვაო გადაზიდვების სექტორს ეხმარებოდა.ამასთან, აშშ-ის ფინანსური დანაშაულების წინააღმდეგ ბრძოლის ქსელი ასევე ერთ-ერთ ბერძნულ ბანკს დოკუმენტებისა და ინფორმაციის წარდგენას ავალდებულებს. უწყება ინფორმაციას ითხოვს კიდევ ექვსი ევროპული ბანკისგან. დოკუმენტები აღნიშნული ბანკების ურთიერთობებს უნდა მოიცავდეს იმ ირანულ ფინანსურ დაწესებულებებთან, რომლებზეც აშშ-ის სანქციები უკვე მოქმედებს.ცნობისთვის, ოქტომბრის დასაწყისში ვაშინგტონმა გააფრთხილა უცხოური ფინანსური დაწესებულებები, რომლებიც ირანთან ან მის ფინანსურ სექტორთან თანამშრომლობას განაგრძობენ.

1792603152

უკრაინული მედია: პოლონეთმა უკრაინისთვის, ახალი სკანდალის ფონზე, შეიარაღების ახალი პაკეტის გადაცემა შეაჩერა

პოლონეთის ხელისუფლებამ უკრაინისთვის შეიარაღების ახალი პაკეტის გადაცემის პროცესი შეაჩერა. ინფორმაციას უკრაინული მედია საკუთარ წყაროზე დაყრდნობით ავრცელებს.შეიარაღების გადაცემის პროცესის შეჩერების მიზეზად სახელდება ის, რომ ქალაქ ლვოვის საოლქო საბჭომ 2027 წელი „უკრაინის მეამბოხე არმიისა“ და უკრაინელი ნაციონალისტის რომან შუხევიჩის წლად გამოაცხადა.„მათი უპასუხისმგებლო მოქმედებების გამო ახლა აღნიშნული პაკეტის მიწოდება შეჩერებულია. მიმდინარეობს აქტიური მუშაობა დახურული არხებით იმისთვის, რათა სწორ ადგილას შექმნილი პრობლემა მოგვარდეს“, - ციტირებს მედია საკუთარ წყაროს.აღსანიშნავია, რომ მანამდე ლვოვის საოლქო საბჭოს გადაწყვეტილება პოლონეთის თავდაცვის მინისტრმა ვლადისლავ კოსინიაკ-კამიშმა გააკრიტიკა.