1786871820

მძიმედ დაავადებული ბრიუს უილისი ქალიშვილის ქორწილს დაესწრო - მსახიობის უახლესი ფოტოები მედიაში გავრცელდა

ამერიკელი მსახიობი ბრიუს უილისი, რომელიც დემენციას ებრძვის, ქალიშვლის ტალულა უილისის ქორწილს დაესწრო, რომელიც მუსიკოს ჯასტინ ეისის გაჰყვა ცოლად. 71 წლის ბრიუსის იშვიათი ფოტო ახალდაქორწინებულებთან ერთად გამოცემა Vogue-ის Instagram-გვერდზე გამოქვეყნდა.„ისინი 2024 წლის დეკემბერში დაინიშნენ, ურთიერთობის დაწყებიდან თითქმის ორი წლის შემდეგ, ხოლო ქორწილი 2026 წლის 8 აგვისტოს, პატარძლის ოჯახის სახლის უკანა ეზოში, აიდაჰოს შტატის ქალაქ ჰეილიში გაიმართა“, - ნათქვამია შეტყობინებაში.აღინიშნება, რომ შეყვარებულების პირველი შეხვედრა Delta-ს ბარგის გაცემის ზონაში შედგა, სადაც ჯასტინმა ტალულა მაშინვე ყავაზე დაპატიჟა... გამოქვეყნებული კადრების მიხედვით, ზეიმს ასევე ესწრებოდა პატარძლის დედა, მსახიობი დემი მური.მედიაში გამოქვეყნებული ინფორმაციის თანახმად, ბრიუს უილისს აღარ შეუძლია ლაპარაკი და სიარული. გავრცელებული ინფორმაციით, თავდაპირველად მსახიობს აფაზიის დიაგნოზი დაუსვეს, მოგვიანებით კი დაავადება ფრონტოტემპორალურ დემენციაში (FTD) გადაიზარდა.მედიის ცნობით, ახლა უილისი მუდმივ მოვლას საჭიროებს, მას აღარ შეუძლია დიალოგის წარმართვა, დახმარების გარეშე გადაადგილება და საკუთარი სამსახიობო კარიერაც კი არ ახსოვს.

1786870025

„განსაკუთრებით ერთი საუბარი მახსენდება... გერმანელებთან. არ ვიტყვი, ვინ იყო, თუმცა კანცლერის აპარატის ერთ-ერთმა მაღალჩინოსანმა თქვა: თუ ეს ომი მაინც უნდა მოხდეს, განა არ ჯობია, ყველაფერი სწრაფად დასრულდეს და უკრაინელებმა წააგონ?“ - ბორის ჯონსონი

დიდი ბრიტანეთის ყოფილმა პრემიერ-მინისტრმა, ბორის ჯონსონმა რუსეთის მიერ უკრაინაში ფართომასშტაბიანი შეჭრის წინა პერიოდის სკანდალური დეტალები გაასაჯაროვა.საგარეო პოლიტიკის კვლევითი ინსტიტუტის (FPRI) პროექტის პოდკასტში გამოსვლისას ჯონსონმა გაიხსენა საუბარი გერმანიის კანცლერის აპარატის მაღალჩინოსანთან, რომელმაც ომის დაწყებამდე უკრაინის სწრაფი დამარცხების სურვილი გამოთქვა.„განსაკუთრებით ერთი საუბარი მახსენდება... გერმანელებთან. არ ვიტყვი, ვინ იყო, თუმცა კანცლერის აპარატის ერთ-ერთმა მაღალჩინოსანმა თქვა: თუ ეს ომი მაინც უნდა მოხდეს, განა არ ჯობია, ყველაფერი სწრაფად დასრულდეს და უკრაინელებმა წააგონ?..“ - აცხადებს ბორის ჯონსონი.ბრიტანეთის ყოფილი პრემიერის შეფასებით, აღნიშნული ეპიზოდი ყირიმის ანექსიის შემდეგ ბერლინისა და პარიზის ზოგადი და მცდარი სტრატეგიის ნათელი ილუსტრაციაა. ჯონსონის თქმით, დასავლელი პარტნიორები „ოჯახის ფსიქოლოგებივით იქცეოდნენ და ერთი ქვეყნის მიერ მეორეზე განხორციელებულ სასტიკ თავდასხმას ოჯახურ სკანდალად აფასებდნენ“.

1786868861

უნგრეთში ტურისტული ავტობუსის გადაბრუნების შედეგად 12 ადამიანი დაიღუპა

უნგრეთში პოლონური სანომრე ნიშნების მქონე ავტობუსის ავარიის შედეგად 12 ადამიანი დაიღუპა, 10 კი დაშავდა.არსებული ინფორმაციით, ავტობუსი M3 ავტომაგისტრალზე ნიერედჰაზას მიმართულებით მოძრაობდა, შემდეგ კი გზიდან უეცრად თხრილში გადავიდა და გადაბრუნდა. უნგრეთის პოლიციის წინასწარი ინფორმაციით, ავტობუსის მძღოლს საჭესთან ჩაეძინა. ის დაკავებულია.სამართალდამცველების ცნობით, ტურისტულ ავტობუსში 57 მგზავრი და 2 მძღოლი იმყოფებოდა. ავარიის შედეგად 12 ადამიანი დაიღუპა. რამდენიმე ადამიანმა დაზიანებები მიიღო.ამჟამად ბორშოდ-აბაუი-ზემპლენის ოლქის პოლიცია ავარიის ადგილზე სამაშველო სამუშაოებს ახორციელებს და შემთხვევის გარემოებებს იძიებს.

1786868464

კოლუმბიაში მომხდარი 7.4 მაგნიტუდის მიწისძვრის შედეგად დაღუპულთა რიცხვი 294-მდე გაიზარდა

კოლუმბიაში მომხდარი 7.4 მაგნიტუდის მიწისძვრის შედეგად დაღუპულთა რიცხვი 294-მდე გაიზარდა. ოფიციალური ინფორმაციით, დაშავებულია 3 935 ადამიანი.ხელისუფლების ინფორმაციით, ამ დრომდე დაკარგულად ითვლება 320 ადამიანი. მაშველებმა ნანგრევებიდან 353 მოქალაქის გამოყვანა და გადარჩენა მოახერხეს.მედიის ცნობით, მიწისძვრამ მთელი ქვეყნის მასშტაბით 32 ქალაქი მნიშვნელოვნად დააზარალა.

1786868210

მაროკოდან სეუტაში გადასვლის მცდელობისას 111 ადამიანი დააკავეს

ვითარება კვლავ დაძაბულია ესპანეთის ანკლავში - მაროკოდან სეუტაში გადასვლის მცდელობისას 111 ადამიანი დააკავეს.მედია მაროკოს შინაგან საქმეთა სამინისტროს წყაროზე დაყრდნობით წერს, რომ დაკავებულთა შორის აფრიკის ქვეყნებიდან ჩასული 109 მიგრანტი და მაროკოს ორი მოქალაქე არიან, ისინი მაროკოს ქალაქ ფნიდეკსა და მის მიმდებარე ტერიტორიაზე დააკავეს.საზღვრის ორივე მხარეს უსაფრთხოების ზომები მას შემდეგ გამკაცრდა, რაც სოციალურ ქსელებში ესპანეთის ტერიტორიაზე მასობრივი გადასვლისკენ მოწოდებების შემცველი მიმართვები გავრცელდა.ესპანური მედიის ცნობით, მაროკოს პოლიციამ ცრემლსადენი გაზი გამოიყენა მიგრანტების დასაშლელად, რომლებიც საზღვრიდან დაახლოებით 3 კილომეტრში მდებარე ბორცვებზე იყვნენ შეკრებილები.

1786867910

მოსკოვზე ასობით დრონით თავდასხმა განხორციელდა - რა ინფორმაცია ვრცელდება

მოსკოვზე ასობით დრონით თავდასხმა განხორციელდა, რის გამოც რუსეთის უდიდეს „ვაილდბერისის“ საწყობს ცეცხლი გაუჩნდა. ეს კომპანიის უდიდესი საწყობია, რომლის ფართობი 200 000 კვადრატულ მეტრზე მეტია. თავდასხმის შედეგად ხანძარია ასევე გაჩნდა დომოდედოვოში მდებარე საწყობს. ეს არის რუსეთში ერთ-ერთი უდიდესი და ყველაზე ცნობილი „ა“ კლასის წარმოებისა და ლოჯისტიკის კომპლექსი.გავრცელებული ცნობით, მოსკოვის რეგიონის მიმართულებით 600 უპილოტო საფრენი აპარატი მიფრინავდა, რომელთაგან 201 მოსკოვის რეგიონში განადგურდა.მოსკოვში აცხადებენ, რომ მტრის თავდასხმების საპასუხოდ, რუსეთის არმია ურტყამს გადაწყვეტილების მიღების ცენტრებს, ქარხნებსა და საწყობებს, რომლებსაც უკრაინის შეიარაღებული ძალები ნატოს სპეციალისტებთან ერთად იყენებენ.

1786867618

როგორც ჩანს, ევროკავშირს არ სურს თურქეთის მიღება და არც ჩვენთვის აღარ არის ევროკავშირის წევრობა პრიორიტეტული. შედეგად, წაგებულ მდგომარეობაში ევროპა დარჩება - რეჯეფ თაიფ ერდოღანი

ევროკავშირის წევრობა ანკარასთვის პრიორიტეტი აღარ არის, - განაცხადა თურქეთის პრეზიდენტმა „ალ ჯაზირასთან“ ინტერვიუში. როგორც რეჯეფ თაიფ ერდოღანმა აღნიშნა, ევროკავშირის რიგებში თურქეთის არყოფნით ევროპა დარჩება წაგებული.„როგორც ჩანს, ევროკავშირს არ სურს თურქეთის მიღება და არც ჩვენთვის აღარ არის ევროკავშირის წევრობა პრიორიტეტული. შედეგად, წაგებულ მდგომარეობაში ევროპა დარჩება“, - განაცხადა ერდოღანმა.

1786866635

ვირჯინიის შტატში, უნივერსიტეტში მომხდარი სროლის ფაქტზე 19 წლის ეჭვმიტანილი დააკავეს - დაშავებულია 5 ადამიანი

ვირჯინიის შტატის უნივერსიტეტის კამპუსში მომხდარი შეიარაღებული ინციდენტის შედეგად ხუთი პირი დაშავდა. სამართალდამცველების ცნობით, საქმეზე ძებნილი პირი სროლიდან თითქმის 12 საათის შემდეგ, საცხოვრებელი კორპუსის კარადაში იმალებოდა, სადაც პოლიციამ იგი აიყვანა, - წერს მედია.ჩესტერფილდის ოლქის პოლიციის დეპარტამენტის ინფორმაციით, დაკავებულია 19 წლის კამრონ ჰარისი.გავრცელებული ცნობით, ეჭვმიტანილი უნივერსიტეტის სტუდენტი არ არის. ჰარისს ბრალად ედება მძიმე დანაშაულები, მათ შორის განზრახ დაჭრა და ცეცხლსასროლი იარაღის უკანონო გამოყენება; იგი ამ დროისთვის წინასწარი დაკავების იზოლატორში იმყოფება.ინციდენტი უნივერსიტეტის კამპუსების მიმდებარედ ღამის საათებში მოხდა, რასაც კამპუსის დროებითი დაკეტვა და უსაფრთხოების ზომების გამკაცრება მოჰყვა. დაშავებულთა შორის ერთი უნივერსიტეტის 20 წლის სტუდენტია, რომელმაც მსუბუქი დაზიანებები მიიღო და მალევე გაეწერა კლინიკიდან, ხოლო დანარჩენი ოთხი პირს უნივერსიტეტთან შემხებლობა არ აქვს. ერთ-ერთი დაშავებულის ჯანმრთელობის მდგომარეობა ამ დრომდე კრიტიკულია.უნივერსიტეტის ადმინისტრაციისა და სამართალდამცველების განცხადებით, მიმდინარეობს გამოძიება, ხოლო კამპუსის ტერიტორიაზე პოლიციის გაძლიერებული ეკიპაჟები არიან მობილიზებული. შენარჩუნებულია უსაფრთხოების დამატებითი ზომები.

1786866499

ბელგიაში 18 წლის სტუდენტმა საკანალიზაციო სამუშაოების დროს 9 მილიონი ევროს ღირებულების ოქრო იპოვა

ბელგიაში 18 წლის სტუდენტმა საკანალიზაციო სამუშაოების დროს 9 მილიონი ევროს ღირებულების ოქრო იპოვა, - წერს მედია.ბელგიაში ყოფილი ლუდსახარშის ტერიტორიაზე სამშენებლო სამუშაოებისას 18 წლის სტუდენტმა შემთხვევით დაახლოებით 9 მილიონი ევროს ღირებულების განძი აღმოაჩინა.ძველი ვილის სარდაფის კედელში დამალულ ჩანთაში ოქროს მონეტები და ნომრიანი ზოდები ინახებოდა. ახალგაზრდა ხელოსანმა და მისმა კოლეგებმა ნაპოვნი ოქრო პოლიციას ჩააბარეს.სამართალდამცველები ოქროს წარმოშობის შესასწავლად და კანონიერი მფლობელის დასადგენად გამოძიებას აწარმოებენ, ხოლო სტუდენტი იმედოვნებს, რომ აღმოჩენისთვის შესაბამის ჯილდოს მიიღებს.

1786866402

წყალდიდობისა და შტორმის შედეგად, ინდიანას შტატში 6 ადამიანი დაიღუპა, მათ შორის, 4 წლის ბავშვია

წყალდიდობისა და შტორმის შედეგად, სულ მცირე 6 ადამიანი დაიღუპა ინდიანას შტატში - დაღუპულებს შორის ერთ-ერთი 4 წლის ბიჭია. ბავშვი ძლიერი შტორმის დროს სახლზე ხის დაცემამ იმსხვერპლა.ადგილობრივი მედიის ინფორმაციით, განსაკუთრებით რთული ვითარება ინდიანაპოლისის რაიონში იყო, საგანგებო სამსახურებმა წყალდიდობის შედეგად ათობით ადამიანის ევაკუაცია განახორციელეს.ელექტროენერგიის გარეშე ამ დრომდე რჩება დაახლოებით 150 000 აბონენტი.

1786864801

ჰავაიზე ძლიერ ქარიშხალს მსხვერპლი მოჰყვა

ჰავაის ძლიერი ქარიშხალი დაატყდა თავს, რასაც ერთი ადამიანი ემსხვერპლა.ქარიშხალმა „ლალამ“ ჰავაიზე ძლიერი წვიმა და ქარი გამოიწვია, რის გამოც 60 ათასზე მეტი სახლი ელექტროენერგიის გარეშე დარჩა.პირველი კატეგორიის ქარიშხლის გამო ჰავაიზე საგანგებო მდგომარეობა გამოცხადდა. ქარის სიჩქარე საათში 120 კილომეტრს აღწევს. ეს ჰავაის დიდი კუნძულის პირველი პირდაპირი დარტყმა იქნება ქარიშხლისგან 34 წლის განმავლობაში.ჰავაის გუბერნატორის, ჯოშ გრინის განცხადებით, გზა ბევრ ადგილას დაზიანდა, ასევე გადაიდო 190 ფრენა.

1786861127

ინდონეზიაში მომხდარ ძლიერ მიწისძვრას 51 ადამიანი ემსხვერპლა - ათასობით ადამიანი ევაკუირებულია

ინდონეზიაში 7.7 მაგნიტუდის სიმძლავრის ძლიერ მიწისძვრას სულ მცირე 51 ადამიანის სიცოცხლე ემსხვერპლა.სტიქიის შედეგად დაზიანდა ინფრასტრუქტურა, ჩაიკეტა გზები და რეგიონში ათასობით ადგილობრივი გახდა იძულებული, საცხოვრებელი სახლები დაეტოვებინა.აღმოსავლეთ ნუსა-ტენგარას პროვინციაში მომხდარი მიწისძვრის შედეგად, ჯანდაცვის მინისტრის მოადგილის ცნობით, 36 ადამიანი დაშავდა, 77-მა კი მსუბუქი დაზიანებები მიიღო.სტიქიას თან ახლდა ძლიერი მეორადი ბიძგებიც.მომხდარი, მომაკვდინებელი სტიქიაა სამხრეთ-აღმოსავლეთ აზიის ამ ქვეყნისთვის 2022 წლის შემდეგ.სტიქიის პრევენციის სააგენტო BNPB-ის ინფორმაციით, სიკკას რეგიონში 3 300-ზე მეტი ადამიანი თვითევაკუირებულია ან სპორტულ არენებზეა განთავსებული.მოსახლეობის დიდი ნაწილი ღამეს დანგრეული სახლების მიმდებარედ, კარვებსა და ვერანდებზე ათევს.რეგიონში მობილიზებულია 3 500-ზე მეტი სამხედრო და პოლიციელი, ხოლო სამაშველო ჯგუფები ცდილობენ მეწყერის შედეგად ჩაკეტილ ზონებამდე მიღწევას.წინასწარი მონაცემებით, რეგიონში 1 300-ზე მეტი სახლია დაზიანებული. ელექტროენერგიის გათიშვის გამო მწყობრიდანაა გამოსული ათობით ბენზინგასამართი სადგური, ადგილობრივი ხელისუფლება კი პროვინციაში საგანგებო მდგომარეობის გამოცხადებას განიხილავს.