1752590918

ლავროვი: მოსკოვს სურს გაიგოს, რას გულისხმობდა დონალდ ტრამპი უკრაინის კონფლიქტის მოსაგვარებლად 50 დღის შესახებ გაკეთებულ განცხადებაში

რუსეთის საგარეო საქმეთა მინისტრმა, სერგეი ლავროვმა განაცხადა, რომ მოსკოვს სურს გაიგოს, რას გულისხმობდა აშშ-ის პრეზიდენტი, დონალდ ტრამპი უკრაინის კონფლიქტის მოსაგვარებლად 50 დღის შესახებ გაკეთებულ განცხადებაში.„ჩვენ, რა თქმა უნდა, გვსურს გავიგოთ, რა დგას ამ განცხადების [ტრამპის] უკან - 50 დღე. ადრე იყო 24 საათიც, იყო 100 დღეც, ჩვენ ეს ყველაფერი გამოვიარეთ და ნამდვილად გვინდა გავიგოთ, რა ამოძრავებს შეერთებული შტატების პრეზიდენტს“, - აღნიშნა რუსეთის საგარეო უწყების ხელმძღვანელმა.„ნათელია, რომ ის [ტრამპი] იმყოფება უზარმაზარი წნეხის ქვეშ ევროკავშირისა და ნატოს ამჟამინდელი ხელმძღვანელობის მხრიდან, რომელიც უცერემონიოდ უჭერს მხარს ზელენსკის მოთხოვნებს, აგრძელებს მისთვის თანამედროვე, მათ შორის შეტევითი იარაღის მიწოდებას“, - დასძინა მან.ტრამპმა ორშაბათს განაცხადა, რომ თუ 50 დღეში სამშვიდობო შეთანხმება არ იქნება მიღწეული, რუსეთს ცალმხრივად დაუწესებს „100 პროცენტიან“ ტარიფებს.

1752586140

ორბანმა მოუწოდა ევროკავშირს, სანქციები დაუწესოს უკრაინის იმ ლიდერებს, რომლებიც იოჟეფ შებეშტიენის სიკვდილზე არიან პასუხისმგებელი

უნგრეთის პრემიერ-მინისტრმა, ვიქტორ ორბანმა ევროკავშირს მოუწოდა, სანქციები დაუწესდეთ უკრაინის იმ ოფიციალურ პირებს, რომლებიც ტრანსკარპატიელი უნგრელის, იოჟეფ შებეშტიენის სამხედრო სამსახურში იძულებითი გაწვევისას სიკვდილზე არიან პასუხისმგებელი. ამის შესახებ განცხადება უნგრეთის პრემიერ-მინისტრმა სოციალურ ქსელში გამოაქვეყნა.„იოჟეფ შებეშტიენი იძულებითი გაწვევის დროს სიკვდილამდე სცემეს. დღეს უნგრეთის მთავრობამ ბრიუსელს მოუწოდა, ევროკავშირის ადამიანის უფლებათა დამრღვევთა სიაში დაუყოვნებლივ შეიყვანოს უკრაინელი ლიდერები, რომლებიც პასუხისმგებელნი არიან უნგრეთის მოქალაქის, იოჟეფ შებეშტიენის სიკვდილზე“, – დაწერა ორბანმა „ფეისბუქის“ გვერდზე.მანამდე ორბანმა განაცხადა, რომ უნგრეთი ევროკავშირისგან მოითხოვს, მკაფიოდ გამოხატოს პროტესტი უკრაინაში სამხედრო სამსახურში იძულებითი გაწვევის წინააღმდეგ.უნგრეთის საგარეო საქმეთა მინისტრი პეტერ სიიარტო შებეშტიენის დაღუპვასთან დაკავშირებით საკითხის დაყენებას ბრიუსელში, ევროკავშირის ქვეყნების კოლეგებთან შეხვედრაზე გეგმავს.უნგრეთის ხელისუფლების ინფორმაციით, ივნისის შუა რიცხვებში შებეშტიენი ქუჩაში დააკავეს უკრაინელმა ძალოვნებმა, ძალით წაიყვანეს გაწვევის პუნქტში და სასტიკად სცემეს იმის გამო, რომ მას არ სურდა ფრონტზე წასვლა. ის 6 ივლისს მიღებული დაზიანებების შედეგად საავადმყოფოში გარდაიცვალა, ხოლო სამი დღის შემდეგ მშობლიურ ქალაქში დაკრძალეს.შებეშტიენის გარდაცვალების შესახებ ინფორმაცია სოციალურ ქსელებში მისმა ახლობლებმა გაავრცელეს.ბუდაპეშტში უკრაინის ელჩი ფიოდორ შანდორი 10 ივლისს უნგრეთის საგარეო საქმეთა სამინისტროში გამოიძახეს, სადაც მისგან შებეშტიენის სიკვდილის შესახებ განმარტება მოითხოვეს.უკრაინამ კატეგორიულად უარყო უნგრეთის ბრალდებები.კიევიდან გავრცელებული ინფორმაციით, უკრაინის შეიარაღებული ძალების სახმელეთო ჯარების სარდლობამ განაცხადა, რომ შებეშტიენი 6 ივლისს გარდაიცვალა ფილტვის არტერიის თრომბოემბოლიის შედეგად და მას ფიზიკური ძალადობის არანაირი კვალი არ აღენიშნებოდა.

1752585600

ისრაელმა სირიის სუვეიდის რეგიონში სამთავრობო ძალებზე ავიაიერიში მიიტანა

ისრაელის ხელისუფლების ცნობით, ისრაელის ავიაციამ იერიში მიიტანა სირიის სამთავრობო ძალებზე ქალაქ სუვეიდის მახლობლად.ავიადარტყმები მას შემდეგ განხორციელდა, რაც სირიის სამთავრობო ძალები შევიდნენ ძირითადად დრუზებით დასახლებულ ქალაქში, სადაც ორი დღის განმავლობაში დრუზებსა და ბედუინურ ტომებს შორის სისხლიანი შეტაკებები მიმდინარეობდა.მედიაში გავრცელებული ცნობების თანახმად, შეტაკებებისას დაახლოებით 100 ადამიანი დაიღუპა. მანამდე სირიის თავდაცვის მინისტრმა განაცხადა, რომ სუვეიდაში ცეცხლი შეწყდა და აღნიშნა, რომ ადგილობრივ გავლენიან პირებთან მიღწეულია შეთანხმება უსაფრთხოების ძალების რეგიონში განთავსების შესახებ. თუმცა დრუზების ერთ-ერთმა სასულიერო ლიდერმა ადგილობრივ მებრძოლებს მოუწოდა, არ დაემორჩილონ შეთანხმებას და სირიის სამთავრობო ძალებს წინააღმდეგობა გაუწიონ.მოგვიანებით ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ სუვეიდას რეგიონში იერიშის ბრძანება გასცა, რადგან სირიის მთავრობას სამთავრობო ძალების გამოყენება დრუზების წინააღმდეგ ჰქონდა განზრახული. ნეთანიაჰუმ აღნიშნა, რომ ისრაელი არ დაუშვებს დრუზებისთვის ზიანის მიყენებას სირიაში, რადგან მათ მჭიდრო კავშირი აქვთ ისრაელსა და გოლანის მაღლობებზე მცხოვრებ დრუზებთან.დეკემბერში ბაშარ ალ-ასადის რეჟიმის დამხობის შემდეგ ეს არის პირველი შემთხვევა, როდესაც სირიის სამთავრობო ძალები სუვეიდაში იმყოფებიან. სუვეიდის პროვინციას ძირითადად დრუზი სამართალდამცველები აკონტროლებენ, რომლებმაც არაერთხელ თქვეს უარი სირიის ხელისუფლებასთან თანამშრომლობაზე.

1752570720

მედვედევი: ტრამპმა კრემლს თეატრალური ულტიმატუმი წაუყენა, ეს არ გვადარდებს

რუსეთის უშიშროების საბჭოს მდივნის მოადგილე დიმიტრი მედვედევი X-ზე თეთრი სახლის ლიდერის განცხადებას გამოეხმაურა, რომლის თანახმადაც დონალდ ტრამპმა რუსეთის წინააღმდეგ ახალი სანქციები დააანონსა.„ტრამპმა კრემლს თეატრალური ულტიმატუმი წაუყენა. მსოფლიო შედეგების მოლოდინში შეძრწუნდა, აგრესიული ევროპა იმედგაცრუებული დარჩა. რუსეთს ეს არ ადარდებს,“ - აცხადებს მედვედევი. შეგახსენებთ, ტრამპმა რუსეთს სამშვიდობო შეთანხმების მისაღწევად 50 დღე მისცა.„ჩვენ ძალიან უკმაყოფილო ვართ რუსეთით. ძალიან მკაცრ ტარიფებს დავაწესებთ, თუ 50 დღეში შეთანხმება არ მიიღწევა – დაახლოებით 100-პროცენტიანი ტარიფები, მეორადი ტარიფები. ამ ომში დაახლოებით 350 მილიარდი დოლარი დავხარჯეთ და გვინდა მისი დასრულება. ეს ჩემი ომი არ არის, ბაიდენის ომია“, - აღნიშნა ტრამპმა.

1752563700

კიევის მერმა ტრამპის გადაწყვეტილება რუსეთისთვის უკრაინაში ომის შეწყვეტისთვის 50-დღიანი ვადის მიცემის შესახებ გააკრიტიკა

კიევის მერმა, ვიტალი კლიჩკომ აშშ-ის პრეზიდენტის, დონალდ ტრამპის რუსეთისთვის უკრაინაში სამშვიდობო შეთანხმების მისაღწევად 50-დღიანი ვადის მიცემის გადაწყვეტილება გააკრიტიკა. ინფორმაციას გერმანული მედია ავრცელებს.„50 დღეში დედაქალაქში და მთელ უკრაინაში უფრო მეტი ადამიანი დაიღუპება და მეტი დანგრეული შენობა იქნება. რა საჭიროა ასეთი გაჭიანურება?“, - განაცხადა კლიჩკომ გერმანულ მედიასთან ინტერვიუში.კიევის მერი ვარაუდობს, რომ ტრამპს ჯერ კიდევ იმედი აქვს, რომ რუსეთის პრეზიდენტი, ვლადიმერ პუტინი ომს შეაჩერებს. თუმცა, როგორც კიევის მერი ამბობს, მას ამის არ სჯერა. კლიჩკოს თქმით, ის მოხარულია, რომ აშშ უკრაინას სამხედრო დახმარებას გაუწევს.ცნობისთვის, ტრამპმა გუშინ განაცხადა, რომ რუსეთის ხელმძღვანელობას 50-დღიან ვადას აძლევს, რათა მან უკრაინასთან სამშვიდობო შეთანხმებას მიაღწიოს. წინააღმდეგ შემთხვევაში, როგორც ტრამპმა აღნიშნა, ის რუსეთის სავაჭრო პარტნიორების წინააღმდეგ 100-პროცენტიან მეორად ტარიფებს შემოიღებს.

1752561660

მსოფლიოს უდიდესი დროებითი ტბა ვარდისფერ შეფერილობას იღებს - რა იწვევს ამას

 ეირის ტბა, იგივე კატი-თანდა, ავსტრალიის უდიდესი ტბაა. ეს მისი ერთადერთი რეკორდი არ არის — იგი მსოფლიოს დროებით ტბებს შორისაც უდიდესია. დროებითი (შრობადი) ტბა უმეტესად ცარიელია. იგი პერიოდულად ივსება, ძლიერი წვიმების ან დატბორვის შედეგად, შემდეგ კი მალევე შრება. კატი-თანდა პრაქტიკულად უდაბნოში მდებარეობს, ამიტომ ეს ტბა წყლით კიდევ უფრო იშვიათად ივსება.2025 წლის მარტში ავსტრალიაში, კერძოდ კვინსლენდის შტატში, განსაკუთრებით ძლიერი წვიმები დაიწყო. ნალექმა ის მდინარეები დატბორა, რომლებიც ეირის ტბაში ჩაედინება. მაისის დასაწყისში წყალსატევი უკვე ნაწილობრივ სავსე იყო. თავისთავად, ეს წყალი მალე ისევ დაშრება, თუმცა პროცესში იშვიათ მოატმისფრო ვარდისფერ შეფერილობას ვიხილავთ. აივსება თუ არა ტბა ბოლომდე? — ნაკლებად სავარაუდოა. როგორც სამხრეთ ავსტრალიის გარემოსა და წყლის დეპარტამენტი აღნიშნავს, ბოლო 160 წლის განმავლობაში ტბა ბოლომდე მხოლოდ 3-ჯერ შეივსო, უკანასკნელად — 1974 წელს."ვფიქრობ, რომ წყლის დონე ტბაში დაახლოებით იგივე იქნება, როგორიც 2010 წლის დატბორვის დროს იყო. ტბაში წყალი 6 თვიდან 1 წლამდე იქნება. ეს იმაზეა დამოკიდებული, თუ რამდენად ცხელი ზაფხული გვექნება", — განმარტა ეროვნული პარკებისა და ველური ბუნების ადგილობრივმა რეინჯერმა ტრევის გოჩმა ABC News-თან ინტერვიუში.ტბა რამდენადაც არ უნდა აივსოს, საბოლოოდ ის მაინც დაშრება. ეირის ტბა გაუდინარია, რაც იმას ნიშნავს, რომ წყალი მისგან კი არ გადმოდის, არამედ — ორთქლდება. შესაძლოა, აორთქლების პროცესში წყალსატევის ფერი შეიცვალოს. საქმე ისაა, რომ აორთქლება ტბაში დარჩენილი წყლის მარილიანობას ზრდის. ეს იქ მცხოვრები მიკროორგანიზმებისგამრავლებისთვის ძალიან ხელსაყრელია. მათი უჯრედებისმემბრანებში მოწითალო-მოვარდისფრო პიგმენტებია, რომლებიც საბოლოოდ ტბის შეფერილობაზეც აისახება.მიკროსკოპული ცოცხალი ორგანიზმები წყალსატევებს სხვა მრავალ ფერსაც აძლევენ. ამის ყველაზე თვალსაჩინო მაგალითი იელოუსტოუნის ეროვნულ პარკში მდებარე დიდი პრიზმული წყაროა, რომელიც ნათელი და კაშკაშა ფერებით მთელს მსოფლიოშია ცნობილი.

1752561360

სერგეი ლავროვი ჩინეთში სი ძინპინს შეხვდა

რუსეთის საგარეო საქმეთა მინისტრი სერგეი ლავროვი ჩინეთში სი ძინპინს შეხვდა. რუსული მედიის ინფორმაციით, ლავროვმა ჩინეთის პრეზიდენტთან ორმხრივი შეხვედრა გამართა. მათივე ინფორმაციით, შეხვედრა ჩინეთის ქალაქ ტიანძინში გაიმართა, სადაც შანხაის თანამშრომლობის ორგანიზაციის ქვეყნების საგარეო საქმეთა მინისტრების შეხვედრა იმართება.როგორც რუსული მედია წერს, სერგეი ლავროვმა სი ძინპინს პრეზიდენტ ვლადიმერ პუტინის ზეპირი შეტყობინება გადასცა. თავის მხრივ, სი ძინპინმა განაცხადა, რომ მოსკოვმა და პეკინმა მნიშვნელოვანი შეთანხმებების ეფექტურად განხორციელება უნდა განაგრძონ.„რუსეთმა და ჩინეთმა უნდა დაიცვან ორი ქვეყნის უსაფრთხოებისა და განვითარების ინტერესები, მათ უნდა გააძლიერონ ურთიერთმხარდაჭერა და თანამშრომლობა ისეთ მრავალმხრივ ღონისძიებებზე, როგორიცაა შანხაის თანამშრომლობის ორგანიზაცია“,-განაცხადა სი ძინპინმა.

1752561000

შვედეთი უკრაინისთვის იარაღის სწრაფ მიწოდებას გააგრძელებს - შვედეთის პრემიერ-მინისტრი

შვედეთი უკრაინისთვის იარაღის სწრაფ მიწოდებას გააგრძელებს, – ამის შესახებ შვედეთის პრემიერ-მინისტრმა, ულფ კრისტერსონმა განაცხადა.კრისტერსონის თქმით, მიესალმება აშშ-ის პრეზიდენტის, დონალდ ტრამპის გადაწყვეტილებას, რომელიც შესაძლებელს ხდის უკრაინისთვის უფრო თანამედროვე იარაღის მიწოდებას და მნიშვნელოვნად ზრდის რუსეთზე ეკონომიკური ზეწოლას.„ჩვენს ნატო-ს მოკავშირეებთან ერთად, შვედეთი გააგრძელებს უკრაინისთვის სწრაფი და არსებითი იარაღის მიწოდების ხელშეწყობას. დროს უდიდესი მნიშვნელობა აქვს. რაც უფრო მალე გავერთიანდებით, რათა რუსეთს უკრაინის წინააღმდეგ სასტიკი ომი დავასრულოთ, მით უფრო მეტი სიცოცხლე გადარჩება“, – წერს კრისტერსონი.

1752560847

უკრაინული მედიის ინფორმაციით, უკრაინის ეროვნული ერთობის სამინისტრო კორუფციული სკანდალის გამო, შესაძლოა, გააუქმონ

უკრაინის ეროვნული ერთობის სამინისტრო, რომელსაც ვიცე-პრემიერი ალექსეი ჩერნიშევი ხელმძღვანელობს, კორუფციული სკანდალის გამო, შესაძლოა, გააუქმონ. ინფორმაციას უკრაინული მედია ავრცელებს.მედიის თანახმად, ჩერნიშევი პირადად კურირებდა კიევში მიწის ნაკვეთის უკანონო შესყიდვის სქემას, რამაც ბიუჯეტი 24 მილიონი ევროთი აზარალა.მას უკვე წარედგინა ბრალი უფლებამოსილების ბოროტად გამოყენების ფაქტზე. სასამართლომ ჩერნიშევს 2,9 მილიონი ევროს ოდენობის გირაო შეუფარდა და ნებართვის გარეშე ქვეყნის დატოვება აუკრძალა.როგორც უკრაინული მედია წერს, მიუხედავად იმისა, რომ ვიცე-პრემიერს 12 წლამდე პატიმრობა ემუქრება, ანალიტიკოსები ფიქრობენ, რომ უკრაინის პრეზიდენტთან, ვოლოდიმირ ზელენსკისთან მისი სიახლოვის გამო მას რეალური საფრთხე არ ემუქრება.

1752560449

„როიტერი“: აშშ-ის უზენაესმა სასამართლომ ტრამპის ადმინისტრაციას განათლების დეპარტამენტის დაშლის გაგრძელების ნებართვა მისცა

აშშ-ის უზენაესმა სასამართლომ ტრამპის ადმინისტრაციას განათლების დეპარტამენტის დაშლის გაგრძელების ნებართვა მისცა, – ამის შესახებ სააგენტო „როიტერი“ წერს.კერძოდ, უზენაესი სასამართლოს მოსამართლეებმა გააუქმეს ფედერალური მოსამართლის ბრძანება, რომლის საფუძველზეც სამინისტროს მიერ მანამდე გათავისუფლებული 1 400-მდე თანამშრომელი სამსახურში დაბრუნდა.როგორც „როიტერი“ წერს, სასამართლოს განაჩენი განისაზღვრა მოკლე, ხელმოუწერელი ბრძანებით.სამ ლიბერალ მოსამართლეს საკითხზე განსხვავებული მოსაზრება ჰქონდა. საჩივრის ავტორები იყვნენ 21 დემოკრატი ადვოკატი, სასკოლო ოლქები და პროფესიული კავშირები, რომლებიც აცხადებდნენ, რომ ტრამპის ძალისხმევა საფრთხეს უქმნის სამინისტროს შესაძლებლობას, შეასრულოს თავისი ძირითადი მოვალეობები.განათლების სამინისტრო 1979 წელს შეიქმნა კონგრესის მიერ და მის მთავარ ფუნქციებში შედის სასწავლო სესხების ადმინისტრირება, სტუდენტების მიღწევების აღრიცხვა და სკოლებში სამოქალაქო უფლებების დაცვა. სამინისტრო ასევე გასცემს ფედერალურ დაფინანსებას ღარიბი უბნებისთვის და ეხმარება შეზღუდული შესაძლებლობების მქონე მოსწავლეებს.

1752559603

VIDEO: ინგლისში, მწვანე მტრედი დააფიქსირეს - ნახეთ ვიდეო

ინგლისში, იშვიათი სახეობის - მწვანე მტრედი  დააფიქსირეს. ინფორმაციას უცხოური მედია ავრცელებს. გამოცემის ცნობით, მწვანე მტრედი პირველად ივნისში შეამჩნიეს. შემთხვევის  ამსახველი ვიდეო  ინტერნეტსივრცეში ვირუსულად გავრცელდა: 

1752558398

დონალდ ტრამპი: პუტინით იმედგაცრუებული ვარ, მაგრამ მასთან ურთიერთობა არ დამისრულებია

იმედგაცრუებული ვარ, მაგრამ პუტინთან ურთიერთობა არ დამისრულებია, – ამის შესახებ აშშ-ის პრეზიდენტმა, დონალდ ტრამპმა „ბიბისისთან“ ექსკლუზიურ სატელეფონო საუბრისას განაცხადა.ჟურნალისტის კითხვაზე, ენდობა თუ არა ის პუტინს, ტრამპმა უპასუხა, რომ ის თითქმის არავის ენდობა.ამასთან, ჟურნალისტის კითხვაზე, დაასრულა თუ არა პუტინთან ურთიერთობა, ტრამპმა უპასუხა: „მე იმედგაცრუებული ვარ პუტინით, მაგრამ ჯერ არ დამიმთავრებია. მაგრამ იმედგაცრუებული ვარ მისით“.კითხვაზე, როგორ უნდა აიძულოს პუტინი, რომ შეაჩეროს სისხლისღვრა, აშშ-ის პრეზიდენტმა უპასუხა,რომ „ის ამაზე მუშაობს“.შეგახსენებთ, მანამდე, ნატო-ს გენერალურ მდივანთან, მარკ რუტესთან შეხვედრისას, ტრამპმა უკმაყოფილება გამოხატა რუსეთის პრეზიდენტის მიმართ და მკაცრი ზომების გატარება დააანონსა.