1776747403

ლადო სადღობელაშვილი: როგორ აიხსნება სააკაშვილის და ბოკერიას ერთ პლატფორმაში ყოფნა? ეს არის დასავლური პატრონების, დამფინანსებლების ძიებაში მყოფი დაბეჩავებული ოპოზიციის “კნავილი” - “აგერ ვართ და გამოგვიყენეთ”!

რას ნიშნავს სააკაშვილის და ბოკერიას “ერთ სივრცეში” გამოჩენა დღეს? ანუ როგორ აიხსნება მათი ერთ პლატფორმაში ყოფნა? - პირდაპირ და ცალსახად შეიძლება ითქვას რომ ეს არ არის იდეოლოგიური გაერთიანება, ეს უფრო ტაქტიკური გაერთიანებაა, ე.წ. პრაგმატული ნაბიჯი საერთო მიზნისთვის - ხელისუფლების წინააღმდეგ კოორდინაცია. უპირველეს ყოვლისა ეს გაერთიანება არის სიგნალი დასავლეთისთვის:“ოპოზიცია ერთიანდება და მზადაა პასუხისმგებლობისთვის”, - წერს ანალიტიკოსი, ლადო სადღობელაშვილი, სოციალურ ქსელში.მისი განცხადებით, ოპოზიცია ემზადება ცხელი და დატვირთული მაისისთვის, სწორედ ამიტომ დასჭირდათ ჩეხეთიდან იგორ ბლაჟევიჩის ჩამოყვანაც.სადღობელაშვილის თქმით, 26 მაისს დაანონსებულ ოპოზიციის აქციაზე, უნდა ველოდოთ, რომ მათი გეგმა იქნება “მსხვერპლი”, რამაც უნდა შეასრულოს მაპროვოცირებელი ეფექტი რევოლუციისათვის.“2016 წლის შემდეგ გიგა ბოკერია და მიხეილ სააკაშვილი ერთ გაერთიანებაში არ ყოფილან.2016 წლის საპარლამენტო არჩევნების შემდეგ, უფრო ზუსტად კი, 2017-ში მოხდა გაყოფა, ბოკერია გამოვიდა ნაცმოძიდან და შექმნა “ევროპული საქართველო”, შევიდა პარლამენტში (სააკაშვილის ნაცმოძისგან განსხვავებით) და გამოცხადდა საპარლამენტო მთავარ ოპოზიციურ  ძალად…რას ნიშნავს მათი “ერთ სივრცეში” გამოჩენა დღეს? ანუ როგორ აიხსნება მათი ერთ პლატფორმაში ყოფნა? - პირდაპირ და ცალსახად შეიძლება ითქვას რომ ეს არ არის იდეოლოგიური გაერთიანება, ეს უფრო ტაქტიკური გაერთიანებაა, ე.წ. პრაგმატული ნაბიჯი საერთო მიზნისთვის — ხელისუფლების წინააღმდეგ კოორდინაცია.- უპირველეს ყოვლისა ეს გაერთიანება არის სიგნალი დასავლეთისთვის:“ოპოზიცია ერთიანდება და მზადაა პასუხისმგებლობისთვის”. ეს არის სიგნალი იმ დასავლეთისთვის რომელიც დაინტერესებულია საქართველოში ხელისუფლების ცვლილებით, ეს არის დასავლური პატრონების - დამფინანსებლების ძიებაში მყოფი დაბეჩავებული ოპოზიციის “კნავილი” - “აგერ ვართ და გამოგვიყენეთ”!“ოპოზიციური ალიანსის” გააქტიურების კვალდაკვალ ციხიდან აქტიურდება სააკაშვილიც, რომლის წერილების ქვეტექსტშიდაც ნათლად იკითხება, მისი ერთპიროვნულ ლიდერად გამოცხადების დაუოკებელი სურვილი და სააკაშვილი პრაქტიკულად აცხადებს მზაობას ამაში სოლიდური თანხაც გადაიხადოს (თანხის წარმომავლობაზე მე ნაწილობრივ ვისაუბრე წინა პოსტში სადაც ვახსენე ბნი თემურ ალასანია და სამომავლოდ უფრო კონკრეტულად ჩავშლი) … მეტიც პირდაპირ სცენარზედაც საუბრობს - “ქართული რევოლიციური გზა…”იქ სადაც ბოკერიაა საქმეში არ არსებობს “ალიანსმა” დაუშვას 4 ოქტომბრის შეცდომა და დათქვას რევოლიუციის დღე! თუმცა ყველა კარგად ხვდება რომ საუბარია 26 მაისზე! საუბარია ცხელ და მაქსიმალურად დატვირთულ მაისზე! სწორედ ამიტომ დასჭირდათ ჩეხეთიდან იგორ ბლაჟევიჩის ჩამოყვანაც… ემზადებიან!- აქვე პატარა პარალელი მინდა გავავლი 2016 წლის საპარლამენტო არჩევნებთან და საზოგადოება გავაფრთხილო რომ სააკაშვილი და მის უკან მყოფი КГБ-ს ოფიცრები ყველაფრისთვის არიან მზად, მათ შორის “გივი თარგამაძისეული აფეთქების სცენარისთვისაც”, მართალია ბნი გივი ცოცხალი თავით არ აღიარებს, ყოველ შემთხვევაში ხმამაღლა რომ მისი აფეთქება სააკაშვილმა დაუკვეთა უკრაინიდან და ცდილობს “ოცნება” დაადანაშაულოს არ შემდგარ ტერაქტში, თუმცა ჩემო გივი ჩვენ ხომ კარგად ვიცით რომ შენ სააკაშვილმა გაგწირა და ახლაც ეცდება ეგ სულიერად ავადმყოფი, რომ შემდეგი მსხვერპლი იპოვოს სიტუაციის მაქსიმალურად დასაძაბვად!და მაინც რას უნდა ველოდოთ 26 მაისამდე და 26 მაისი შემდეგ?* დიდი შეკრება თბილისში (რეგიონების მობილიზება)* ანტისახელისუფლებო გზავნილები* ერთობის დემონსტრირება* პერმანენტული წერტილოვანი მინი აქციები მუხტის და ტემპერატურის ასაწევად* საერთო მოთხოვნები ( პრემიერის გადადგომა,რიგგარეშე არჩევნები და ა.შ.)* სახელმწიფო ინსტიტუტებზე პოლიტიკური ზეწოლა* მიმართვები დასავლეთს, პოლიტიკური “მანიფესტი”* კრიტიკული მასა + ელიტების გახლეჩა + უსაფრთხოების სისტემის რღვევადა რაც მთავარია “მსხვერპლი” - ამ უკანასკნელმა უნდა შეასრულოს მაპროვოცირებელი ეფექტი…- ცხელი მაისი გველის (26 მაისი)” - წერს ლადო სადღობელაშვილი.

1776595384

საქართველო მდიდარი ისტორიული მემკვიდრეობისა და გაბედული ამბიციების მქონე ქვეყანაა. TRUMP TOWER TBILISI-ით ამ ამბიციას ყველაზე სიმბოლური ფორმით გავაცოცხლებთ - ილია წულაია

"საქართველო მდიდარი ისტორიული მემკვიდრეობისა და გაბედული ამბიციების მქონე ქვეყანაა. TRUMP TOWER TBILISI-ით ამ ამბიციას ყველაზე სიმბოლური ფორმით გავაცოცხლებთ", - ამის შესახებ სამშენებლო კომპანია "არქის" დამფუძნებელმა და სამეთვალყურეო საბჭოს თავმჯდომარემ, ილია წულაიამ განაცხადა.მისივე თქმით, "არქი" ამაყობს, რომ ტრამპის ორგანიზაციასთან ერთად ასეთ მნიშვნელოვან წვლილს შეიტანს ქვეყნის მომავლის ფორმირებაში."საქართველო მდიდარი ისტორიული მემკვიდრეობისა და გაბედული ამბიციების მქონე ქვეყანაა. TRUMP TOWER TBILISI-ით ამ ამბიციას ყველაზე სიმბოლური ფორმით გავაცოცხლებთ. ვქმნით ახალ ორიენტირს, რომელიც თბილისის იერსახეს გარდაქმნის და საქართველოს როლს გლობალურ ასპარეზზე კიდევ უფრო გააძლიერებს. "არქი" ამაყობს, რომ ტრამპის ორგანიზაციასთან ერთად ასეთ მნიშვნელოვან წვლილს შეიტანს ქვეყნის მომავლის ფორმირებაში", - განაცხადა ილია წულაიამ.შეგახსენებთ, დონალდ ტრამპის კომპანია Trump Organization თბილისში მულტიფუნქციური კომპლექსის მშენებლობას იწყებს.Trump Tower Tbilisi, 70-სართულიანი, საქართველოს ყველაზე მაღალი შენობა დედაქალაქის ახალ არქიტექტურულ სიმბოლოდ და გლობალური ინვესტიციების ცენტრად უნდა იქცეს.პროექტი, რომელიც "Archi", "Biograpi Living" და "Sapir Organization"-თან პარტნიორობით ხორციელდება, საქართველოში ტრამპის ბრენდის შემოსვლას და საერთაშორისო სტანდარტების დანერგვას ისახავს მიზნად.

1776579333

„ტრამპის ორგანიზაცია“: თბილისის ახალი სიმბოლო - გლობალური ფუფუნების ცხოვრების ახალი სტანდარტი

“Trump organization” ახალი პროექტის - Trump Tower Tbilisi შესახებ ოფიციალურ განცხადებას ავრცელებს, რომელშიც ნათქვამია, რომ მსოფლიოს უდიდესი არქიტექტურული კომპანიის, Gensler-ის მიერ დაპროექტებული Trump Tower Tbilisi დაახლოებით 70-სართულიანი იქნება და საქართველოს ყველაზე მაღალი შენობა გახდება.ცენტრალურ პარკზე გადაშლილი ხედებითა და პრესტიჟული მდებარეობით, Trump Tower Tbilisi მრავალფუნქციური კომპლექსის ცენტრალურ ნაწილად მოიაზრება, რომელიც გააერთიანებს მდიდრულ რეზიდენციებს, პრემიუმ კლასის სავაჭრო სივრცეებს, მსოფლიო დონის რესტორნებსა და ცხოვრების სტილის გამორჩეულ სერვისებს.აშშ-ის პრეზიდენტ დონალდ ტრამპის ვაჟმა და კომპანიის აღმასრულებელმა ვიცე-პრეზიდენტმა, ერიკ ტრამპმა აღნიშნა, რომ თბილისის დეველოპერული პროექტი კომპანიის „გლობალურად აღიარებულ უმაღლეს სტანდარტს“ საქართველოშიც დაამკვიდრებს. მისივე თქმით, მოხარულია, რომ პროექტზე თანამშრომლობა პატივსაცემ და პროფესიონალ დეველოპერებთან მოუწევს.ოფიციალურ განცხადებაში კომენტარს ქართული უძრავი ქონების კომპანიების წარმომადგენლებიც აკეთებენ.Archi Group-ი, ერთ-ერთი წამყვანი პარტნიორი, საქართველოს საცხოვრებელი უძრავი ქონების ბაზრის დომინანტი მოთამაშეა, რომელსაც 55-ზე მეტი დასრულებული პროექტი და ათიათასობით ჩაბარებული ბინა აქვს.“არქი ჯგუფის” თანადამფუძნებელი და სამეთვალყურეო საბჭოს თავმჯდომარე ილია წულაია ამბობს, რომ Trump Tower Tbilisi- ის პროექტი შეცვლის ქალაქის ჰორიზონტს და საქართველოს გლობალურ როლს კიდევ უფრო გააძლიერებს.Biograpi Living-ი საქართველოს ერთ-ერთი ყველაზე სწრაფად მზარდი დეველოპერული კომპანიაა. კომპანიის აღმასრულებელი დირექტორის, ვასილ ფხაკაძის თქმით, “Biograpi Living მხოლოდ პროექტებს არ აშენებს. ჩვენ ვქმნით ურბანული ცხოვრების მომავალს საქართველოში. “Trump Tower Tbilisi” მსგავსი პროექტებით ქალაქში შემოგვაქვს ახალი მასშტაბი, ხარისხი და გლობალური მნიშვნელობა”ლაშა კვაჭაძე, Blox Group-ის თანადამფუძნებელი, წარმოადგენს მრავალპროფილიან ჰოლდინგს, რომელსაც ძლიერი პოზიციები აქვს კავკასიის რეგიონში. ლაშა კვაჭაძე აცხადებს, რომ „Trump Tower Tbilisi“ საერთაშორისო ნდობის გამოხატულებაა და საქართველოს ეკონომიკურ განვითარებაში მნიშვნელოვან ეტაპს წარმოადგენს.“Trump Tower Tbilisi” საქართველოსთვის გლობალურ საინვესტიციო რუკაზე მნიშვნელოვანი ეტაპია”- აცხადებს ლაშა მელაძე Finvest Georgia-ს თანადამფუძნებელი.პროექტი ასევე წარმოადგენს The Sapir Organization-ის პირველ საერთაშორისო კომერციულ განვითარებას. კომპანიის პრეზიდენტისა და CEO-ს, ალექს საპირის ხელმძღვანელობით, ფირმამ 7 მილიარდ დოლარზე მეტი ღირებულების აქტივები მართა. „საქართველოში დაბრუნება პირველად მას შემდეგ, რაც ხუთი წლის ვიყავი, ჩემთვის ემოციური გამოცდილება იყო. მე ვამაყობ, რომ ჩვენს მეორე Trump შენობას ვაშენებთ იმ ქვეყანაში, სადაც ჩემი მშობლები დაიბადნენ და გაიზარდნენ.“- აცხადებს ალექს საპირი.განცხადებაში ასევე, აღნიშნულია, რომ პროექტის არქიტექტურის, დიზაინის და გაყიდვების შესახებ დამატებითი დეტალები უახლოეს თვეებში გახდება ცნობილი.

1776578138

ერიკ ტრამპი: ტრამპის სახელი უმაღლესი ხარისხის უძრავი ქონების პროექტებთან ასოცირდება, „ტრამპთაუერ თბილისი“ კი ამ მემკვიდრეობის გაგრძელებაა. მოხარულები ვართ, რომ საქართველოსთვის გლობალური რეპუტაციის მქონე ხარისხის შეთავაზება შეგვიძლია

ტრამპის სახელი მსოფლიოს ყველაზე მდიდრულ უძრავი ქონების პროექტებთან ასოცირდება, ხოლო Trump Tower Tbilisi ამ მემკვიდრეობის გაგრძელებაა. ვამაყობთ, რომ ამ გლობალურად აღიარებულ უმაღლეს სტანდარტს საქართველოში ვნერგავთ და განსაკუთრებით გვიხარია თანამშრომლობა ამ პროექტზე ასეთ პატივსაცემ და პროფესიონალ დეველოპერებთან.“- აცხადებს ერიკ ტრამპი, “ტრამპის ორგანიზაციის” აღმასრულებელი ვიცე-პრეზიდენტი.“არქი” ჯგუფთან, Biograpi Living-თან, The Sapir Organization-თან, Blox Group-თან და Finvest Georgia-სთან თანამშრომლობით, The Trump Organization საქართველოში თავის პირველ ბრენდირებულ პროექტს წარადგენს, რაც რეგიონში ფუფუნებისა და დიზაინის ახალ სტანდარტს დაამკვიდრებს. დაახლოებით 70-სართულიანი გამორჩეული ცათამბჯენი ქვეყნის ყველაზე მაღალი შენობა გახდება. იგი გადაჰყურებს ცენტრალურ პარკს და მრავალფუნქციური სივრცის მთავარ ცენტრად იქცევა, სადაც განთავსდება მდიდრული რეზიდენციები, პრემიუმ კლასის სავაჭრო ობიექტები, მსოფლიო დონის რესტორნები და განსაკუთრებულად შერჩეული ცხოვრების სტილის სერვისები.”- ნათქვამია განცხადებაში.

1776313470

დღეს შალვა პაპუაშვილი სტამბოლში საპარლამენტთაშორისო კავშირის 152-ე ასამბლეაზე სიტყვით გამოვა

 სტამბოლში საპარლამენტთაშორისო კავშირის 152-ე ასამბლეაზე დღეს საქართველოს პარლამენტის თავმჯდომარე შალვა პაპუაშვილი სიტყვით გამოვა. ვიზიტის ფარგლებში ქართული დელეგაციის წევრებს 10-ზე მეტი შეხვედრა ექნებათ, როგორც პირისპირ ფორმატში, ისე პლენარული დისკუსიების ფარგლებში.პარლამენტის თავმჯდომარე შეხვდება როგორც ევროკავშირის წევრ, ასევე კანდიდატი ქვეყნების და აზიის ქვეყნების პარლამენტის თავმჯდომარეებს.მასშტაბური ფორუმი, რომლის მთავარი თემაა მომავალი თაობებისთვის იმედის გაღვივება, მშვიდობისა და სამართლიანობის უზრუნველყოფა, მსოფლიოს 157 ქვეყნის დელეგაციას და 70-ზე მეტ სპიკერს მასპინძლობს.

1776233519

სახელმწიფო მინისტრმა ევროპის საბჭოს ადამიანის უფლებათა კომისართან მაიკლ ო’ფლაერტისთან შეხვედრა გამართა

 სახელმწიფო მინისტრმა თეა ახვლედიანმა ევროპის საბჭოს ადამიანის უფლებათა კომისართან მაიკლ ო’ფლაერტისთან შეხვედრა გამართა.სახელმწიფო მინისტრმა ხაზი გაუსვა ევროპის საბჭოს მიერ საერთაშორისოდ აღიარებულ საზღვრებში საქართველოს სუვერენიტეტისა და ტერიტორიული მთლიანობის მტკიცე მხარდაჭერის, ისევე როგორც გენერალური მდივნის ყოველწლიური კონსოლიდირებული ანგარიშების მნიშვნელობას და აღნიშნა ევროპის საბჭოს როლი კონფლიქტის მშვიდობიანი მოგვარების, მათ შორის შერიგებისა და ჩართულობის პროცესში.მაიკლ ო'ფლაერტის დაინტერესების საპასუხოდ, სახელმწიფო მინისტრმა ადამიანის უფლებათა კომისარს დეტალურად გააცნო საქართველოს ოკუპირებულ რეგიონებში ადამიანის უფლებათა და ჰუმანიტარული კუთხით არსებული რთული ვითარება და მიმდინარე ოკუპაციის თანმდევი მძიმე შედეგები.  სახელმწიფო მინისტრმა ასევე ისაუბრა შერიგებისა და ჩართულობის პოლიტიკის პრიორიტეტებზე, განხორციელების მიმდინარეობასა და სამომავლო ხედვებზე, რაც კონფლიქტის შედეგად დაზარალებული მოსახლეობის სოციალურ-ეკონომიკური პირობების გაუმჯობესებასა და ხელოვნურად გაყოფილ საზოგადოებას შორის საერთო ინტერესებზე დაფუძნებული დიალოგისა და ნდობის აღდგენის გაღრმავებას ისახავს მიზნად.ადამიანის უფლებათა კომისარმა სახელმწიფო მინისტრს მადლობა გადაუხადა ამომწურავი ინფორმაციის მიწოდებისთვის და აღნიშნა, რომ თავის მხრივ, განსაკუთრებულ ყურადღებას დაუთმობს ოკუპირებულ რეგიონებში ადამიანის უფლებების მხრივ არსებულ ვითარებას.მხარეები მჭიდრო თანამშრომლობის გაგრძელებაზე შეთანხმდნენ.

1773746119

სამწუხაროდ, ბრიუსელში არიან პოლიტიკური ძალები, რომელთაც აქვთ თავიანთი „ხედვა“ თუ ვინ უნდა იყოს საქართველოს ხელისუფლებაში და როგორი უნდა იყოს საქართველოს ხელისუფლების პოლიტიკა, მაგრამ ამის რეალიზაციას ვერ ახერხებენ - ირაკლი ქადაგიშვილი

 მკაცრი განცხადებების მიუხედავად, ბრიუსელში ევროკავშირის საგარეო საქმეთა მინისტრების სხდომის დასრულების შემდეგ გაირკვა, რომ ევროკავშირი ქმედითი ნაბიჯების ნაცვლად, კვლავ მსჯელობის რეჟიმში რჩება.პარლამენტის რეგიონული პოლიტიკისა და თვითმმართველობის კომიტეტის თავმჯდომარის, ირაკლი ქადაგიშვილის შეფასებით, ამ რიტორიკას კონკრეტული მიზანი აქვს, ეს არის ერთის მხრივ ზეწოლა საქართველოს ხელისუფლებაზე და მეორე მხრივ ოპოზიციისთვის მაშველი რგოლის ფუნქცია.„სამწუხაროდ, ბრიუსელში არიან პოლიტიკური ძალები, რომელთაც აქვთ თავიანთი „ხედვა“ თუ ვინ უნდა იყოს საქართველოს ხელისუფლებაში და როგორი უნდა იყოს საქართველოს ხელისუფლების პოლიტიკა, მაგრამ ვერ ახერხებენ ამის რეალიზაციას. ამიტომ მათი ეს განცხადებები ხშირ შემთხვევაში რჩება ხოლმე რეალიზაციის გარეშე. ამავდროულად, ერთი არის რა უნდათ და რის პროპაგანდირებას ეწევიან საქართველოს გარშემო და მეორე არის - რეალობა. ამ რეალობას ასე აუარო გვერდი და საერთოდ გვერდით გადადო, ესეც არ გამოსდით ადვილად“,- განაცხადა ირაკლი ქადაგიშვილმა.

1772294647

მსხვილმა ნავთობკომპანიებმა ჰორმუზის სრუტეში გადაზიდვები შეაჩერეს

მსოფლიოს წამყვანმა ნავთობკომპანიებმა და სავაჭრო ხომალდების მესაკუთრეებმა ჰორმუზის სრუტის გავლით ნედლი ნავთობისა და საწვავის გადაზიდვა დროებით შეაჩერეს.გადაწყვეტილება ირანზე ისრაელისა და ამერიკის შეერთებული შტატების მიმდინარე თავდასხმებსა და თეირანის საპასუხო ქმედებებს უკავშირდება. როგორც ირკვევა, უმსხვილესი კომპანიების ხელმძღვანელებმა გემების უსაფრთხო ზონებში გაჩერების განკარგულება უკვე გასცეს, რაც სულ მცირე, რამდენიმე დღეს გასტანს.

1772290247

ნავთობზე ფასი უკვე 19%-ით გაიზარდა - რას პროგნოზირებენ ექსპერტები

ირანზე ამერიკისა და ისრაელის თავდასხმების ფონზე ნავთობის ფასები მნიშვნელოვნად გაიზარდა.  სრუტის გადაკეტვის რისკების გამო,  1 ბარელი ნავთობის ფასი 19%-ით გაიზარდა და 72 დოლარს გადაცდა.ექსპერტების შეფასებით, თუ ტრანზიტი სრულად შეფერხდა შესაძლოა ფასმა 140 დოლარსაც მიაღწიოს.როგორც The Wall Street Journal-ი წერს, ყველაზე ცუდი სცენარი ბაზრისთვის შესაძლოა იყოს ირანის მიერ სრუტის გადაკეტვა – ღრმა წყლის სრუტე, რომელიც ირანსა და ომანს შორის მდებარეობს და რომლის მეშვეობითაც ტრანსპორტირდება მსოფლიოს მიერ ყოველდღიურად მოხმარებული ნავთობის თითქმის მეხუთედი. სრუტის სრული გადაკეტვა უპრეცედენტო და რთული ამოცანაა, აღნიშნავენ ნავთობის ანალიტიკოსები. ხოლო RBC Capital Markets-ის ანალიტიკოსები წერენ, რომ ირანს, სავარაუდოდ, აქვს შესაძლებლობები თავდასხმა მოახდინოს ტანკერებზე სრუტეში. Oxford Economics-ის ენერგეტიკული პროგნოზირების განყოფილების ხელმძღვანელი, ბრიჯიტ პეინი, აღნიშნავს, რომ თუნდაც მცირე შეფერხებებმა საზღვაო მიმოსვლაში, შესაძლოა ნავთობის ფასები 84 დოლარამდე აიწიოს. ტრანზიტის სრულად გაჩერება ერთი კვირით გამოიწვევდა ფასების ზრდას 140 დოლარამდე.

1771248488

ეკონომიკური პოლიტიკის კომიტეტმა რამდენიმე კანონპროექტი მეორე მოსმენით განიხილა

 ეკონომიკური პოლიტიკის კომიტეტის სხდომაზე, ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა „ოფიციალური სტატისტიკის შესახებ“ საქართველოს კანონში ცვლილების შეტანის თაობაზე“ კანონპროექტი მეორე მოსმენით, მუხლობრივად წარადგინა.საპარლამენტო უმრავლესობის წევრების მიერ მომზადებული კანონპროექტის თანახმად, შესაძლებელი გახდება, რომ საქართველოს სტატისტიკის ეროვნული სამსახურის აღმასრულებელი დირექტორის თანამდებობაზე ერთი და იგივე პირი ორზე მეტი ვადით დაინიშნოს.ლევან მაჭავარიანის განმარტებით, პირველი მოსმენით მიღების შემდეგ კანონპროექტში დამატებითი ცვლილებები არ განხორციელებულა.სხდომაზე, ეკონომიკისა და მდგრადი განვითარების მინისტრის მოადგილემ გენადი არველაძემ  „პროდუქტის უსაფრთხოებისა და თავისუფალი მიმოქცევის კოდექსში ცვლილების შეტანის შესახებ“ კანონპროექტი და მისგან გამომდინარე ცვლილებათა პაკეტი მუხლობრივად წარადგინა. მომხსენებელმა კომიტეტის წევრებს ის ტექნიკური და შინაარსობრივი ცვლილებები გააცნო, რომელიც პირველი მოსმენით განხილვის პროცესში გამოითქვა.მისივე თქმით, კანონპროექტის ავტორმა ეკონომიკური პოლიტიკის კომიტეტის სხდომაზე გამოთქმული შენიშვნები სრულად გაიზიარა და მეორე მოსმენით წარმოდგენილ რედაქციაში ასახა.

1770631980

"ვაინ კახეთი" ქართულ ღვინოს პარიზის საერთაშორისო გამოფენაზე წარადგენს

ვაინ კახეთი მონაწილეობას იღებს ერთ-ერთ ყველაზე მასშტაბურ საერთაშორისო გამოფენაში - Wine Paris 2026, რომელიც 9-11 თებერვალს, გაიმართება Paris Expo Porte de Versailles-ში გაიმართება. გამოფენის ფარგლებში კომპანია წარადგენს ქართული ღვინოების პორტფელს Hall 4 | Stand D279-ზე.Wine Paris წარმოადგენს ღვინის სექტორისთვის ერთ-ერთ წამყვან საერთაშორისო B2B ღონისძიებას და Vinexposium-ის საგამოფენო პორტფელის ნაწილს. ყოველწლიურად იგი აერთიანებს მწარმოებლებსა და ღვინის პროფესიონალებს მსოფლიოს სხვადასხვა ქვეყნიდან, ქმნის სივრცეს დიალოგისთვის, დეგუსტაციისთვის და გამოცდილების გაცვლისთვის გლობალურ ღვინის საზოგადოებაში.Wine Kakheti-ის მონაწილეობა ასახავს გზას, რომელიც იწყება აღმოსავლეთ საქართველოში, კახეთის რეგიონში, სადაც მეღვინეობა საუკუნეების განმავლობაში ვითარდებოდა. ეს მემკვიდრეობა განსაზღვრავს კომპანიის მიდგომას მევენახეობისა და ღვინის წარმოებისადმი, რომელიც ეფუძნება ას წელზე მეტი ხნის განმავლობაში დაგროვილ გამოცდილებას.Wine Paris 2026-ზე Wine Kakheti-ის სტენდზე სტუმრებს შესაძლებლობა ექნებათ დააგემოვნონ ღვინოები, რომლებიც დამზადებულია ქართული აბორიგენული ჯიშებისგან.ვაინ კახეთი მიესალმება ღვინის სფეროს პროფესიონალებს პარიზში და იწვევს მათ, სამდღიანი ღონისძიების განმავლობაში, გაეცნონ კომპანიის ღვინოებს.ტრადიციული ფესვები და თანამედროვე წარმოებავაინ კახეთი ყურძენს იღებს მთელი ქვეყის მასშტაბით, მიკროზონებიდან,  რომლებიც გამოირჩევა მრავალფეროვანი ნიადაგებითა და კლიმატური პირობებით. ვენახებში სამუშაოები ტარდება ტრადიციული მეთოდების შესაბამისად, ხოლო ღვინის წარმოება ხორციელდება თანამედროვე ევროპული და ამერიკული ტექნოლოგიებით აღჭურვილ საწარმოო ობიექტებში, რაც შესაძლებელს ხდის ტრადიციისა და თანამედროვე მიდგომების თანაარსებობას.„ვაინ კახეთის“ ღვინო გამორჩეულია იმ მეცნიერული გამოცდილებით, რაც მევენახეობისა და მეღვინეობის ინსტიტუტში, 1921 წლიდან გროვდეობდა. კომპანია შეიქმნა სწორედ იმისთვის, რომ არ დაიკარგოს ინსტიტუტის მიერ შექმნილი გამოცდილება და გაგრძელდეს საუკუნის წინ დაწყებული უნიკალური ისტორია.  ამ გამოცდილებით, ღვინის ხარისხზე ზრუნვა, „ვაინ კახეთში“ ვაზის ნერგებიდან დაიწყეს.

1770490791

სურსათის, მედიკამენტებისა და საწვავის ფასების რეგულირება - "რუსთავი 2"-ზე გადაცემა "დებატებში" პრემიერსა და ეკონომიკის მინისტრს ოპონირებას "გირჩი", "საქართველოსთვის" და ბიზნესის წარმომადგენლები გაუწევენ

მთავრობის საკოორდინაციო კომისიის ფარგლებში ბიზნესსექტორთან შეხვედრებისა და ფასების შემსწავლელი საპარლამენტო კომისიის შექმნის შემდეგ, საკითხზე დისკუსია სატელევიზიო სივრცეში ინაცვლებს. ორ დღეში "რუსთავი 2"-ის პოლიტიკური დებატები მთლიანად ფასების რეგულირების თემას დაეთმობა. მთავრობის მეთაური ეკონომიკის მინისტრთან ერთად საჯარო დისკუსიის ფორმატში წარდგება.პრემიერ-მინისტრთან დებატებისთვის კერძო სექტორის წარმომადგენლებსა და ოპოზიციის ნაწილს მზადება დაწყებული აქვს. ხელისუფლების ოპონენტები ამბობენ, რომ ფასებზე საჯარო დისკუსია საზოგადოებას რეალური ვითარების გაანალიზების შესაძლებლობას მისცემს. გახარიას პარტიაში დღეს კომენტარის გაკეთება არ ისურვეს, თუმცა გადაცემის გუნდს აცნობეს, რომ წინა დებატებისგან განსხვავებით, ორშაბათს დისკუსიაში მონაწილეობას მიიღებენ.კანონმდებლების განცხადებით, მნიშვნელოვანია, რომ ყველა კითხვაზე საზოგადოებას პასუხები პირველი პირებისგან ჰქონდეს და ამას პრემიერის დებატებში მონაწილეობაც ადასტურებს.სურსათის, მედიკამენტებისა და საწვავის ფასების რეგულირებაზე პრემიერ-მინისტრის ხელმძღვანელობით სპეციალურმა კომისიამ შეხვედრები თითოეული დარგის წარმომადგენლებთან უკვე გამართა, ახლა კი საკითხის შესწავლა საპარლამენტო ფორმატში გრძელდება.