1781421608

საფრანგეთში ქართველები პუშკინის და გოგოლის იშვიათი გამოცემების ქურდობისთვის გაასამართლეს

საფრანგეთის სასამართლომ საქართველოს ექვს მოქალაქეს შვიდ წლამდე პატიმრობა მიუსაჯა რუსი კლასიკოსების, პუშკინის, ლერმონტოვისა და სხვების იშვიათი გამოცემების მოპარვისთვის. ამის შესახებ გაზეთი Monde წერს.ყველაზე დიდი სასჯელი, 7 წელი მიხეილ ზამთარაძეს შეეფარდა. მას ასევე აეკრძალა საფრანგეთში შესვლა გათავისუფლების შემდეგ. მანამდე ის ლიეტუვაშიც გაასამართლეს 600 ათას ევროზე მეტი ღირებულების წიგნების მოპარვისთვის, მაშინ მას 3 წელი და 4 თვე მიუსაჯეს.სხვა ბრალდებულს, ბექა ცირეკიძეს, 4 წლით თავისუფლების აღკვეთა მიესაჯა. მანამდე მან ანალოგიური დანაშაულისთვის 3,5 წელი უკვე მოიხადა ესტონეთში. კიდევ ორ პირს მსჯავრი დაუსწრებლად დაედოთ. 

1781300046

ჩეხეთში დააკავეს 35 წლის დედა, რომელმაც ახალშობილი შესაჭმელად ძაღლებს მიუგდო

ადგილობრივი გაზეთის, „კრიმი-პლზენის“ ცნობით, ჩეხეთში დედამ ახალშობილით ძაღლი გამოკვება. ქალაქ კიშპერკ ნად ოჰრიში, 35 წლის ქალის დედამთილმა ეზოში ბავშვის სისხლიანი კიდურებით სავსე პარკები აღმოაჩინა. ცხედრის დანარჩენი ნაწილი ჯერ კიდევ არ არის ნაპოვნი. პოლიცია ვარაუდობს, რომ ცხედარი შესაძლოა ძაღლებმა შეჭამეს.ქალი დააკავეს და ბრალი წაუყენეს. ის პარტნიორთან ერთად ცხოვრობდა მისი მშობლების სახლში. მეზობლებმა დაადასტურეს, რომ ქალი ორსულად იყო, მაგრამ შემდეგ მისი მუცელი „მოულოდნელად გაქრა“. პოლიციის ძაღლებმა ტერიტორიაზე არსებული ნაგვის ურნები გაჩხრიკეს, მაგრამ ნეშტი ვერ იპოვეს.თუ დამნაშავედ ცნეს, დედას 15-დან 20 წლამდე ან სამუდამო პატიმრობა ემუქრება. პატარა ქალაქის მცხოვრებლები შოკირებულები არიან მომხდარით. „ისინი (პოლიციელები) აქ დილის ცხრის ნახევარზე მოვიდნენ და ნაგვის ურნების დაცლა და ჩხრეკა დაიწყეს. „არ გვითხრეს, რა ხდებოდა“, - თქვა ადგილობრივმა მცხოვრებმა.პოლიციის თანამშრომლებმა, დაცვის თანამშრომლებმა და მეხანძრეებმა ბავშვის სხეულის სხვა ნაწილებიც მოძებნეს და, რა თქმა უნდა, ეძებდნენ კვალს, რომელიც მათ ამ საშინელი ქმედების ჩამდენ პირთან მიიყვანდა.დეტექტივები ინტენსიურად იძიებდნენ საქმეს და ხუთშაბათს ეჭვი მიიტანეს აღმოჩენის ადგილის მახლობლად მცხოვრებ ქალზე, მის პარტნიორთან ერთად, რომელიც, როგორც ამბობენ, ნარკოტიკების მომხმარებელია. ადგილობრივი მცხოვრებლების თქმით, ქალი ორსულად იყო, შემდეგ კი მუცელი მოულოდნელად გაუჩინარდა.იმავე დღის მეორე ნახევარში დეტექტივებმა დააკავეს ქალი, დაკითხვაზე წაიყვანეს და მისი ბინა გაჩხრიკეს.პარასკევს პოლიციამ ოფიციალურად დაადასტურა ეჭვმიტანილის დაკავება: „ამ ძალადობრივ დანაშაულში ეჭვმიტანილს დღეს მკვლელობის განსაკუთრებით მძიმე დანაშაული წაუყენეს ბრალდება. პროკურატურაში ასევე შეტანილია ბრალდებულის წინასწარი პატიმრობის შეფარდების მოთხოვნა.„თუ დამნაშავედ ცნეს, ბრალდებულს თხუთმეტიდან ოც წლამდე თავისუფლების აღკვეთა ან სიკვდილით დასჯა ემუქრება“, - განაცხადა პოლიციის პრესსპიკერმა. გამომძიებლები ინტენსიურად მუშაობდნენ საქმეზე და მოახერხეს იმდენი მტკიცებულების შეგროვება, რომ 1990 წელს დაბადებულმა მ.მ.-მ დაკითხვისას აღიარა ბავშვის ფარული დაბადება და შემდგომი სიკვდილი.

1781243156

სროლა ბათუმის ბულვარში - რა დეტალებია ცნობილი

ბათუმში გასროლის შედეგად ორი ადამიანი მსუბუქად დაშავდა. შემთხვევა ახალ ბულვარში მოხდა.არსებული ინფორმაციით, გასროლა ნასვამ მდგომარეობაში მყოფმა, შუა ხნის მამაკაცმა განახორციელა.როგორც საქართველოს შინაგან საქმეთა სამინისტროს პრესსამსახურში განაცხადეს, ფაქტზე ერთი პირი ადგილზევე დააკავეს. მიმდინარეობს გამოძიება.

1781203832

სენაკში შვილმა მამა დაჭრა

სენაკში შვილმა მამა, სავარაუდოდ, ყელის არეში, დანით დაჭრა.65 წლამდე ასაკის კაცი მძიმე მდგომარეობაში საავადმყოფოში გადაიყვანეს.ფაქტი ზუგდიდის ქუჩაზე დღეს მოხდა.ბრალდებული სამართალდამცველებმა ცხელ კვალზე დააკავეს.შსს-ს ცნობით, გამოძიება სსკ-ის 11 პრიმა 19/109-ე მუხლით დაიწყო, რაც ოჯახის წევრის მიმართ დამამძიმებელ გარემოებებში ჩადენილ განზრახ მკვლელობის მცდელობას გულისხმობს.

1781083158

კაცი, რომელიც მეზობლის მკვლელობაში იყო ეჭვმიტანილი, საკუთარი სახლის ეზოში გარდაცვლილი იპოვეს

ზუვდიდის მუნიციპალიტეტის სოფელში მეზობლის მკვლელობაში ეჭვმიტანილი 70 წლის პენსიონერი, ბახუ შამუგია, საკუთარი საცხოვრებელი სახლის გვერდზე მდებარე დამხმარე ნაგებობაში გარდაცვლილი იპოვეს.55 წლის კაცს, ედიშერ შამუგიას მკვლელობის შემდეგ, მოხუცმა სავარაუდოდ,თავი მოიკლა. სისხლიანი ანგარიშსწორება დღეს დილით, ზუგდიდის მუნიციპალიტეტის სოფელ ოქტომბერში მოხდა.არსებული ინფორმაციით, 55 წლის კაცს, ედიშერ შამუგიას 70 წლის მეზობელმა სასიკვდილო ჭრილობები ცეცხლსასროლი იარაღით მიაყენა.შსს-მ მომხდარზე გამოძიება 108-ე მუხლი, განზრახ მკვლელობის მუხლით მიმდინარეობს.

1781075720

მკვლელობა ზუგდიდში - რა დეტალებია ცნობილი

მკვლელობა მოხდა ზუგდიდის მუნიციპალიტეტის ერთ-ერთ სოფელში. წყაროს მიერ მოწოდებული ექსკლუზიური ინფორმაციით, სავარაუდოდ ცეცხლსასროლი იარაღით მოკლულია 50 წლამდე ასაკის მამაკაცი.სავარაუდო მკვლელი 70 წლის მეზობელია.როგორც „პრაიმტაიმს“ შინაგან საქმეთა სამინისტროს პრესსამსახურში განუცხადეს, ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.

1780865182

საქართველოში ახალი თაღლითური სქემა მოქმედებს... - რა უნდა იცოდეთ

თამარ ლომთათიძე, წლებია, თბილისის ცენტრში საოჯახო ტიპის სასტუმროს ფლობს, რომელსაც ტურისტებზე, ძირითადად, საერთაშორისო პლატფორმა "ბუქინგის" მეშვეობით აქირავებს. სწორედ "ბუქინგზე" მიიღო მორიგი ჯავშანიც, ვინმე ტატიანას სახელით. ე.წ. ტურისტმა პირობების შესათანხმებლად მიმოწერის გაგრძელება "ვაიბერში" სთხოვა. იქ უკვე საუბარი ვინმე "სერგეისთან" გაგრძელდა, რომელმაც თანხის გადმორიცხვის მიზნით ბმული გამოუგზავნა. სინამდვილეში კი ეს იყო ვირუსი ე.წ. ფიშინგისთვის.იგივე სახელით თაღლითები თბილისსა და სხვადასხვა ქალაქებში სასტუმროებსა და აპარტამენტებს ერთი მეორის მიყოლებით ჯავშნიან. მიზანი ყველა შემთხვევაში ერთია - ნებისმიერ ფასად, ხელში ჩაიგდონ ობიექტის მფლობელის პირადი მონაცემები. უძრავი ქონების გაქირავების ფეისბუქ ჯგუფებში ტურისტის სახელს ამოფარებული უკვე არაერთი "სკამერი" გამოავლინეს.ტურისტული სეზონის გააქტიურებასთან ერთად ონლაინ პლატფორმებზე იზრდება ფიშინგის შემთხვევებიც. თაღლითები ჯავშნიან აპარტამენტებს, როგორც თბილისში, ისე სხვა საკურორტო ქალაქებში. რეალურად კი ქირის გადახდის ნაცვლად, თავად გამქირავებლების ჯიბეებს და საბანკო ანგარიშებს ასუფთავებენ.შინაგან საქმეთა სამინისტრო ყალბი ჯავშნების საქმეს უკვე იძიებს. თაღლითური სქემით დაზარალებულმა არაერთმა მოქალაქემ საგამოძიებო ორგანოს მიმართა. საქმე, სავარაუდოდ, ტრანსნაციონალურ დანაშაულს ეხება, რის გამოც შესაძლოა ქართულმა მხარემ სამართლებრივი დახმარებისთვის ევროპულ და პარტნიორ ქვეყნებს მიმართოს. საგამოძიებო ორგანოს უკვე გაშიფრული აქვს სქემა, რომელსაც თაღლითები იყენებენ.ფიშინგის მსხვერპლი შეიძლება ნებისმიერი გახდეს - ასაკის, პროფესიის და გამოცდილების მიუხედავად. რამდენიმე წამში გახსნილმა ბმულმა, დაუფიქრებლად სხვისთვის გაზიარებულმა მონაცემებმა, ან მოჩვენებითმა ნდობამ, შესაძლოა წლების ნაშრომი წაგართვათ.ციფრულ სამყაროში, სიფრთხილე უკვე არჩევანი კი არა, აუცილებლობაა. ერთი შეტყობინება, ერთი ბმული და რამდენიმე წამი შეიძლება საკმარისი აღმოჩნდეს, რომ თაღლითებმა ნდობასთან ერთად თქვენი დანაზოგიც სრულად მიითვისონ. ამიტომ, ვიდრე შეტყობინებას უპასუხებთ, გადაამოწმეთ, დაფიქრდით და მხოლოდ შემდეგ იმოქმედეთ.

1780646063

რუსთავში არასრულწლოვანმა 50 წლის კაცი მოკლა

რუსთავში არასრულწლოვანმა 50 წლის კაცი მოკლა.ინფორმაციას შინაგან საქმეთა სამინისტროში ადასტურებენ.არსებული ცნობით არასრულწლოვანი დაკავებულია. გამოძიება კი სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

1780394185

სენაკში, კაცმა მეზობელი ქალი მოკლა - ცნობილია მოკლულის ვინაობა

სენაკის მუნიციპალიტეტ სოფელ ზანაში, შუახნის კაცმა, მეზობელი ქალი სანადირო თოფით მოკლა. მკვლელობის მოტივად ურთიერთშელაპარაკება სახელდება. მოკლული 45 წლის თეა ხარ­გე­ლი­ა.შინაგან საქმეთა სამინისტროში ამბობენ, რომ მკვლელობის შემდეგ, კაცი შემთხვევის ადგილიდან მიიმალა, თუმცა, ბრალდებულის დაკავება მალევე მოხერხდა.გამოძიება სისხლის სამართლის კოდექსის 108-ე მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

1780073497

სროლა სოხუმში - დაჭრილია ერთი ადამიანი

სოხუმში, ზვანბას ქუჩაზე, სროლა იყო. ინფორმაციას რამდენიმე Telegram-არხი ავრცელებს.არსებული ცნობებით, სროლის შედეგად დაიჭრა ექიმი გვარად გულარია. წინასწარი ინფორმაციით, ცეცხლი მოქალაქე ბიგვავამ გახსნა.შემთხვევასთან დაკავშირებით ოფიციალური ინფორმაცია ამ დრომდე არ გავრცელებულა.მიმდინარეობს დეტალების დაზუსტება.

1779735489

შსს განცხადებას ავრცელებს

შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, წინასწარი შეცნობით, არასრულწლოვნის მიმართ განხორციელებული ძალადობის ბრალდებით ერთი პირი დააკავეს.გამოძიებით დადგინდა, რომ თბილისში არსებული ერთ-ერთი კერძო საბავშვო ბაღის აღმზრდელმა, მცირეწლოვან აღსაზრდელზე ფიზიკურად იძალადა.მიმდინარე გამოძიების ფარგლებში, სამართალდამცველების მიერ ამოღებულია სათვალთვალო კამერების ჩანაწერები, რითაც ბრალდებულის დანაშაულებრივი ქმედება დასტურდება.ჩატარებული ოპერატიული ღონისძიებებისა და საგამოძიებო მოქმედებების შედეგად, პოლიციამ დანაშაულის ჩამდენი პირი ბრალდებულის სახით დააკავა.გამოძიება სისხლის სამართლის კოდექსის 126-ე პირველი პრიმა ნაწილით მიმდინარეობს.

1779299914

გურიაში ახალგაზრდა კაცი მოკლეს - რა დეტალები ხდება ცნობილი

გურიაში, ჩოხატაურის მუნიციპალიტეტის სოფელ კოხნარში ახალგაზრდა კაცი მოკლეს. მკვლელობაში ბრალდებული სამართალდამცველებმა ცხელ კვალზე დააკავეს.„შინაგან საქმეთა სამინისტროს გურიის პოლიციის დეპარტამენტის თანამშრომლებმა, განზრახ მკვლელობის ბრალდებით ერთი პირი დააკავეს.გამოძიებით დადგინდა, რომ ბრალდებულმა, ჩოხატაურის მუნიციპალიტეტის სოფელ კოხნარში, ურთიერთშელაპარაკების ნიადაგზე, ცივი იარაღის გამოყენებით ერთი პირი დაჭრა და შემთხვევის ადგილიდან მიიმალა.მიყენებული დაზიანების შედეგად ახალგაზრდა მამაკაცი შემთხვევის ადგილზევე გარდაიცვალა.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი ბრალდებულის სახით ცხელ კვალზე დააკავეს.გამოძიება სისხლის სამართლის კოდექსის 108-ე  მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს“, - აცხადებენ შსს-ში.