1779460320

ექიმები ასახელებენ, პროდუქტებს, რომელსაც აფთიაქის პრობიოტიკების ჩანაცვლება შეუძლია

სპეციალისტები აღნიშნავენ, რომ უმეტეს შემთხვევაში სასარგებლო ბაქტერიების მიღება პირდაპირ საკვებიდან არის შესაძლებელი, თანაც იმ დამატებით მკვებავ ნივთიერებებთან ერთად, რომლებსაც კაფსულები არ შეიცავს, წერს Verywellhealth.პრობიოტიკები ცოცხალი მიკროორგანიზმებია, რომლებიც ინარჩუნებენ ნაწლავის მიკროფლორის ბალანსს, გავლენას ახდენენ იმუნურ სისტემასა და საკვები ნივთიერებების ათვისებაზე. კვლევები აჩვენებს, რომ ნაწლავში ბაქტერიების მრავალფეროვნება პირდაპირ კავშირშია საერთო ჯანმრთელობასთან, მათ შორის იმუნიტეტსა და ნივთიერებათა ცვლასთან. მაგალითად, ჟურნალ Cell-ში გამოქვეყნებული სამეცნიერო მიმოხილვა ხაზს უსვამს მიკრობიომის მნიშვნელოვან როლს ორგანიზმის მრავალი პროცესის რეგულაციაში.ქვემოთ წარმოდგენილია რვა პროდუქტი, რომლებიც პრობიოტიკების ბუნებრივ წყაროს წარმოადგენს: იოგურტიიოგურტი პრობიოტიკების ერთ-ერთი ყველაზე ცნობილი წყაროა. იგი მზადდება რძის ფერმენტაციით Lactobacillus და Streptococcus ბაქტერიების მონაწილეობით. გარდა ამისა, პროდუქტი მდიდარია ცილით, კალციუმითა და B ჯგუფის ვიტამინებით.კეფირიკეფირი ფერმენტირებული რძის სასმელია, რომელიც ბაქტერიებისა და საფუარის სოკოების ფართო სპექტრს შეიცავს. მიკროორგანიზმების ასეთი მრავალფეროვნების გამო, მას ხშირად იოგურტზე უფრო ძლიერ პრობიოტიკად მიიჩნევენ. იგი ასევე შეიცავს ამინომჟავებსა და ადვილად ასათვისებელ ცილას.კიმჩიეს ტრადიციული კორეული კერძია, რომელიც ფერმენტირებული ბოსტნეულისგან (ძირითადად პეკინური კომბოსტოსგან) მზადდება. ფერმენტაციის დროს წარმოიქმნება რძემჟავა ბაქტერიები, რომლებიც აუმჯობესებენ ნივთიერებათა ცვლას და ამცირებენ ორგანიზმში ანთებით პროცესებს.მისომისო ფერმენტირებული სოიოს პასტაა, რომელიც იაპონურ სამზარეულოში ფართოდ გამოიყენება. ის სასარგებლო ბაქტერიებსა და ამინომჟავებს შეიცავს. სპეციალისტები გვირჩევენ, რომ მისო კერძებს მომზადების ბოლოს დავამატოთ, რათა მაღალმა ტემპერატურამ ცოცხალი კულტურები არ გაანადგუროს.მჟავე კომბოსტოეს ერთ-ერთი ყველაზე ხელმისაწვდომი ფერმენტირებული პროდუქტია. ბუნებრივი დუღილის პროცესში მასში წარმოიქმნება სასარგებლო ბაქტერიები და ნარჩუნდება C და K ვიტამინები. თუმცა, ყველაზე მეტი სარგებელი მოაქვს უმ, არაპასტერიზებულ ვერსიას.კომბუჩა (ჩაის სოკო)კომბუჩა ფერმენტირებული ჩაია, რომელიც ბაქტერიებისა და საფუარის სიმბიოზური კულტურის (SCOBY) მეშვეობით მიიღება. სასმელი შეიცავს სხვადასხვა მიკროორგანიზმს და ორგანულ მჟავებს. ის ასევე შეიძლება იყოს ტკბილი გაზიანი სასმელების ჯანსაღი ალტერნატივა.ზოგიერთი სახეობის ყველიყველა ყველი არ შეიცავს ცოცხალ კულტურებს, თუმცა გარკვეული დაძველებული სახეობები, მაგალითად, ჩედარი, გაუდა, ხაჭო ან შვეიცარიული ყველი. ფერმენტაციის შემდეგაც ინარჩუნებენ სასარგებლო ბაქტერიებს (ჰარვარდის ჯანმრთელობის სკოლის კვლევის მიხედვით).ფერმენტირებული მჟავე კიტრიტრადიციული მჟავე კიტრი, რომელიც ძმრის გარეშე, ბუნებრივი დუღილის მეთოდითაა მომზადებული, ასევე შეიცავს რძემჟავა ბაქტერიებს, რაც ხელს უწყობს ჯანსაღი მიკრობიომის შენარჩუნებას.

1779457740

რომელი საკვების მიღება არის თამბაქოს მოხმარებაზე ბევრად საშიში - არუნ ხათრი საუბრობს

არუნ ხათრი საუბრობს, თუ რომელი საკვების მიღება არის თამბაქოს მოხმარებაზე უფრო საშიში. მისი თქმით, სახამებელი ძალიან საშიშია, ასევე ჩიფსები და სწრაფი კვება. ნახეთ, დეტალურად ვიდეო:  

1779369540

თუ ორსულობაში ასე მოიქცევით ბავშვს ბოსტნეულს მარტივად შეაყვარებთ - მეცნიერების რჩევა მშობლებს

ბავშვის ჯანსაღ კვებაზე დაყოლიება ბევრი მშობლისთვის ნამდვილი გამოწვევაა. თუმცა, ახალი კვლევის მიხედვით, ამ პრობლემის მოგვარება იმაზე ბევრად ადრეა შესაძლებელი, ვიდრე პატარა დაიბადება.ორსულობის მესამე ტრიმესტრში (დაახლოებით 28-ე კვირიდან) ნაყოფს უკვე ესმის იმ სითხის გემო და სუნი, რომელიც მას დედისგან პლაცენტით გადაეცემა.ბრიტანელმა მკვლევრებმა დაადგინეს, რომ ბავშვები, რომელთა დედებიც ორსულობისას (განსაკუთრებით 32-ე და 36-ე კვირებში) ხშირად მიირთმევდნენ სტაფილოსა თუ კომბოსტოს, 3 წლის ასაკში ამ ბოსტნეულის სუნზე გაცილებით პოზიტიურად რეაგირებდნენ. მართალია, ბავშვებს კომბოსტო მაინც ნაკლებად უყვართ, მაგრამ იმ პატარებში, რომელთა დედებიც ორსულობისას ამ პროდუქტს ჭამდნენ, კომბოსტოს მიმართ ზიზღი და უარყოფითი რეაქცია მკვეთრად შემცირებული იყო.

1779294049

VIDEO: რომელი მედიკამენტები იწვევს მეხსიერების გაუარესებას, შესაძლოა, მას ყოველდღიურად სვამთ - ექიმის რჩევა

ექიმი გიორგი ღოღობერიძე გადაცემაში "მთავარი დიაგნოზი" საუბრობს იმ მედიკამენტების შესახებ, რომელთა ხანგრძლივი დროის გამოყენების შემთხვევაში, შესაძლოა, მეხსიერება გაგიუარესდეთ:- ძალიან ბევრმა ადამიანმა არ იცის, რომ მეხსიერების გაუარესება არა მარტო დაავადებებით, არამედ იმ მედიკამენტებითაც შეიძლება იყოს გამოწვეული, რომელთაც ყოველდღე სვამთ. მაგრამ, არ გიფიქრიათ, რომ ეს მედიკამენტი შესაძლოა, სწორედ რომ მეხსიერების გაუარესების მიზეზი იყოს. ზოგადად, მეხსიერების გაუარესება ნებისმიერ წამალს შეუძლია, როცა ის ხანგრძლივი დროითა და მაღალი დოზებითაა გამოყენებული. მაგრამ, არის გარკვეული მედიკამენტები, რომლებიც მეხსიერების გაუარესების განსაკუთრებული უნარით ხასიათდებიან, როცა მათ ხანგრძლივი დროის განმავლობაში იყენებენ. 

1779294000

„კარტოფილი ასე არ მოამზადოთ“ - ექიმების საყურადღებო რჩევა ჯანსაღი კერძისთვის

კარტოფილის ცილები შეიცავენ პრაქტიკულად ყველა ამინომჟავას, რომელიც მცენარეებში გვხვდება, მათ შორის შეუცვლელებს. დღე-ღამის ნორმა – 300 გრამი კარტოფილი, ორგანიზმს უზრუნველყოფს ნახშირწყლებით, კალიუმით და ფოსფორით. 100 გრამი კარტოფილი 20 მგ ჩ ვიტამინს შეიცავს. კარტოფილის შენახვის პერიოდში მასში ჩ ვიტამინის რაოდენობა მცირდება. კარტოფილის უჯრედისი არ აღიზიანებს კუჭ-ნაწლავის ლორწოვან გარსს, მოხარშული კარტოფილის ჭამა შეიძლება გასტრიტის და წყლულის გამწვავების პერიოდშიც კი.კარტოფილი ძირითადად წყაროა ისეთი მარილებისა, როგორებიცაა კალიუმი და ფოსფორი, ასევე ნატრიუმი, კალციუმი, მაგნიუმი, რკინა, გოგირდი და ქლორი. კარტოფილი შეიცავს ისეთ მიკროელემენტებს, როგორებიცაა თუთია, ბრომი, სილიციუმი, ბორი, მარგანეცი, იოდი, კობალტი და ა.შ. მინერალური ნივთიერებები კარტოფილში არათანაბრადაა განაწილებული: მისი უმეტესობა ქერქშია, უფრო ნაკლები – შუაგულში, გარე ნაწილში უფრო მეტი, ვიდრე ცენტრში.კარტოფილის სახამებელი ამცირებს ქოლესტერინის დონეს ღვიძლსა და სისხლის შრატში, ანუ აქვს ანტიათეროსკლეროზული მოქმედება. კარტოფილი შეიცავს ბევრ კალიუმს, რომელიც ხელს უწყობს ორგანზმიდან ზედმეტი წყლის გამოდევნას (რაც მნიშვნელოვანია თირკმელების დაავადების დროს და სმის მოყვარულთათვის).კარტოფილის ყიდვისას ყურადღება უნდა მიაქციოთ, რომ ის იყოს მაგარი, ერთგვაროვანი, ერთფრად შეფერილი. მწვანე ნაწილი ნიშნავს, რომ პროდუქტი ინახებოდა შუქზე. მწვანე ნაწილი შეიცავს შხამიან ნივთიერებას – სოლანინს, ამიტომ ის აუცილებლად უნდა მოიჭრას. იგივე მიზეზით უნდა მოცილდეს ყველა დაჭიანებული ხვრელი. კარტოფილი სასარგებლო ნივთიერებებს კანთან ახლოს შეიცავს, ამიტომ საჭიროა ის ან ძალიან თხლად გაიფცქვნას, ან გაფცქვნის ნაცვლად გაიხეხოს უხეში ჯაგრისით.როგორ მოვამზადოთ კარტოფილი ისე, რომ შევინარჩუნოთ ვიტამინები?კარტოფილის მომზადების ყველაზე მავნე ხერხად მისი შეწვა ითვლება. ამ დროს ნადგურდება ყველა სასარგებლო ნივთიერება, რაც მასშია. თუმცა აღმოჩნდა, რომ არანაკლებად ცუდი შედეგი აქვს კარტოფილის პატარა ნაჭრებად დაჭრას.ამერიკელმა გენეტიკოსებმა გამოიკვლიეს კარტოფილის თვისებები და რა გავლენას ახდენდა მასზე მომზადების სხვადასხვა ხერხი. ისინი მივიდნენ დასკვნამდე, რომ ყველაზე ცუდ შედეგს ვიტამინების დაკარგვის მხრივ – მისი დაჭრა იწვევდა. აღმოჩნდა, რომ დაჭრილი კარტოფილის მოხარშვისას ან შეწვისას კარტოფილის პატარა ნაჭრები მთელ თავის სასარგებლო თვისებებს უფრო მეტად კარგავდნენ, ვიდრე მთლიანი კარტოფილი, რადგან პატარა ნაჭრებზე მაღალი ტემპერატურის ზემოქმედება ათჯერ იზრდებოდა.როგორც Science Daily წერს, ასეთი მომზადების ხერხის გამო ყველაზე მეტად კალციუმის მარაგი ზარალდება. კალციუმის რაოდენობა ნაჭრებად დაჭრილი კარტოფილის თერმული დამუშავების შემდეგ თითქმის ნულამდე დადის.დიეტოლოგების აზრით, ყველაზე სასარგებლოა კარტოფილის „მუნდირში“ (ანუ კანით) მოხარშვა. ამისათვის კარტოფილი კარგად უნდა გაირეცხოს და შემდეგ მოთავსდეს ტაფაში (ყოველგვარი ცხიმის ან სხვა რამის დამატების გარეშე). ტაფაში მოთავსებული კარტოფილი დაბალ ცეცხლზე უნდა იხარშოს თავისივე ორთქლში. ასეთი სახით კარტოფილი ყველაზე მეტად ინარჩუნებს სასარგებლო თვისებებს.წყარო

1779286740

თუ მწვადი ძალიან გიყვართ... - ექიმის ეს რეკომენდაცია ნახეთ

ექიმი გიორგი ღოღობერიძე საზოგადოებას მწვადთან დაკავშირებით სასარგებლო რჩევებს უზიარებს.„თუ მწვადი ძალიან გიყვართ, იცოდეთ რომ ეს ნაწილი არასდროს მიირთვათ. და თუ ხედავთ რომ სხვა მიირთმევთ აუცილებლად აუკრძალეთ. მწვადის დამწვარი ნაწილი არ მიირთვათ და აუცილებლად მოაცილეთ.მასში ძალიან ბევრია ჰეტეროციკლური ამინები. ყოველთვის მოაცილეთ ეს შავი ნაწილები, რადგან ისინი თქვენს ორგანიზმში მოხვედრისას იწვევენ მსხვილი ნაწლავის სიმსივნეს. მწვადი უნდა იყოს ბალანსირებულად შემწვარი“, – ამბობს გიორგი ღოღობერიძე.

1779259135

„ვისაც დაცემის ეშინია, ის ვერასდროს გაიგებს, რა ხდება მწვერვალზე მაღლა...“ - რას წერს ფსიქოლოგი გიორგი ლობჯანიძე

ასტროლოგი და ფსიქოლოგი გიორგი ლობჯანიძე სოციალურ ქსელში ახალ სტატუსს აქვეყნებს, სადაც ადამიანების ბუნებაზე წერს.„ზოგადად, ორი დაბადება არსებობს: პირველი — სხეულებრივი, ამქვეყნად მოვლინების და მეორე — გაცნობიერების, როდესაც ღვთიურ ფესვებზე დგები.რეალობისთვის თვალის გასწორება იწვევს ტრანსფორმაციას და ანგრევს ძველ სამყაროს, იმ ილუზიებს, რაშიც ვარსებობდით.ყველაზე ძლიერი ადამიანები, ხშირად, ყველაზე მშვიდები არიან.ქარს ვერასდროს შეცვლით, მაგრამ იალქნის მიმართულებას — ყოველთვის.სიბრძნე იმ წამიდან იწყება, როცა ხვდები, რომ ყველაფრის ცოდნა შეუძლებელია.თუ გზას ყველა ხედავს, ის გზა ახალი არ არის.ვისაც დაცემის ეშინია, ის ვერასდროს გაიგებს, რა ხდება მწვერვალზე მაღლა.სინათლის ფასი მხოლოდ იმან იცის, ვისაც სიბნელეში გაუვლია“, — წერს გიორგი ლობჯანიძე.

1779087865

„შედეგები საგანგაშოა...“ - ზაზა თელია მოსახლეობას მნიშვნელოვან ინფორმაციას უზიარებს

ექიმი დერმატოლოგი ზაზა თელია საკვები დანამატების შესახებ წერს.„არის თუ არა დანამატების მიღება უსაფრთხო? საკვების დანამატების ბაზარი არცერთ ქვეყანაში არ რეგულირდება სახელმწიფო სტრუქტურებიდან ისე როგორც ეს ხდება მედიკამენტებთან მიმართებაში, აქედან გამომდინარე ვერასდროს იქნები დარწმუნებული რომ დანამატის ეტიკეტირება ასახავს მის რეალურ შემადგენლობას ძალიან ხშირია არასწორი ეტიკეტირება ანუ - Mislabeling.სხვადასხვა ჩატარებულმა კვლევებმა არასწორი ეტიკეტირება დაადასტურეს.ერთ-ერთი კვლევის მიხედვით ინტერნეტით შეძენილი დანამატების 15% დაბინძურებული იყო აკრძალული ნივთიერებებით როგორებიცაა ანაბოლური სტეროიდები.გარკვეული რაოდენობა პროფესიონალი სპორტსმენებისა რომლებიც იღებდნენ დანამატებს, დოპინგ კონტროლის დროს აღმოჩნდნენ პოზიტიურები - მათ სისხლში ან შარდში აკრძალული ნივთიერება აღმოჩნდა.არასდროს ენდო დანამატის მწარმოებელს რომელიც ირწმუნება რომ ის დამოწმებულია UEFA-ს, FIFA-ს ან სხვა მსგავსი სპორტული ორგანიზაციების მხრიდან. ასეთი რამ არ არსებობს.იყავი ფრთხილად როდესაც ეტიკეტირება ირწმუნება რომ მას შეუძლია ენერგიის გაძლიერება, ტესტოსტერონის ბუსტირება ან სხვა. ამ შემთხვევაში ის დიდი ალბათობით შეიცავს აკრძალულ ნივთიერებას როგორიცაა სტეროიდი.მცენარეული და საკვები დანამატების გამოყენება დაკავშირებულია ღვიძლის დაზიანებასთან - მტკიცებულებების ხარისხი, რომლის მიხედვითაც მცენარეული და საკვები დანამატები არათუ სარგებელს იძლევა, არამედ ხშირ შემთხვევაში აზიანებს სხვადასხვა ორგანოებს და შესაბამისად უარყოფით გავლენას ახდენს ჯანმრთელობაზე.კვლევით დადგინდა რომ ქიმიური ნივთიერებებით გამოწვეული (chemical-induced) ღვიძლის დაზიანების 5 შემთხვევიდან 1-ში გამომწვევი სწორედ მცენარეული და საკვები დანამატები გახლდათ. მათ შორის ერთ-ერთი ყველაზე პოპულარული პროდუქტებია მწვანე ჩაი, ვიტამინები და საკვები დანამატები.Non-steroid supplements included green tea, mixtures labeled as "Chinese herbs," "Korean herbs," or "Ayurvedic medications," as well as vitamins and dietary supplements. https://www.medscape.com/viewarticle/869907?src=android&devicetype=android&osversion=9&appversion=6.0.1&&src=medscapeapp-android&ref=share FDA-ის მიერ ჩატარებული ანალიზის მიხედვით 776 დანამატი რომელიც შეისწავლეს 2007-2016 წლებში, ისინი შეიცავდნენ - Sildenafil, Sibutramine, Steroids და Fluoxetine.პრობლემა იმაში მდგომარეობს, რომ არც ერთ ქვეყანაში დანამატები არ კონტროლდება ისე ხვდება გაყიდვაში. ასევე ცალკე საკითხია ის, რომ არ არსებობს მტკიცებულება მათი ეფექტურობისა.A recent analysis of US Food and Drug Administration (FDA) warnings issued to manufacturers of 776 supplements from 2007 to 2016 found that they contained prescription drugs such as sildenafil, sibutramine, steroids, and fluoxetine.  https://www.medscape.com/viewarticle/903925…საკვები დანამატები, რეცეპტის გარეშე გასაცემი (OTC) მცენარეული მედიკამენტები და ვიტამინები - არაკონტროლირებადი და რისკის შემცველი.დღეისათვის საზოგადოებაში ძალზედ პოპულარულია სხვადასხვა სახის საკვები დანამატები, მცენარეული მედიკამენტები და ვიტამინები, რომლებსაც მოსახლეობა სისტემატიურად მოიხმარს ხშირად რჩევით და/ან ექიმის დანიშნულებით.სამწუხაროდ ზემოთ ჩამოთვლილი პროდუქტები ბაზარზე, გაყიდვაში ისე ხვდება, რომ სახელმწიფო სტრუქტურებიდან რეგულაციას არ საჭიროებს, ანუ არ ხდება მათი შემოწმება.მაგალითად მედიცინის დონით ყველაზე მაღლა მდგომ ქვეყანაში, აშშ-ში ეს პროდუქცია არ მოწმდება FDA-ს მიერ, ის მხოლოდ გამოსცემს რეკომენდაციებსა და გაფრთხილებას დანამატებთან მიმართებაში - "Buyer Beware"შედეგები საგანგაშოა: საკვები დანამატები, ვიტამინები და მცენარეული პროდუქცია ზრდის ღვიძლის დაზიანების რისკს.ასევე ძალზედ ხშირია ამ პროდუქციის არასწორი ეტიკეტირება (Mislabeling), რაც იმას ნიშნავს რომ ისინი შეიცავენ ისეთ ნივთიერებებს რაც ეტიკეტზე არ არის აღნიშნული.არასწორი ეტიკეტირება დაფიქსირდა: ჰორმონალურ პროდუქციაში - 80%; ვიტამინები - 54%; მცენარეული მედიკამენტები - 48%.ყველაზე ხშირად არასწორი ეტიკეტირება დადასტურდა: ბოდიბილდინგის პროდუქცია - 79%; წონის კლების პროდუქცია - 72%; ენერგეტიკები - 60%; ზოგადი ჯანმრთელობის/well- being პროდუქცია - 51%.2000-2001 წლებში ჩატარებული გამოძიების შედეგად (ჩატარდა საერთაშორისო ოლიმპიური კომიტეტის სამედიცინო კომისიის მიერ) ლაბორატორიულად შესწავლილ იქნა საცალო გაყიდვაში არსებული 215 ბრენდის (მწარმოებელი კომპანიის), 634 საკვები დანამატი, 14 სხვადასხვა ქვეყანაში, რომელმაც დაადასტურა რომ ნახევარზე მეტი 57% შეიცავდა ისეთ ნივთიერებებს, რომელიც არ იყო აღნიშნული ეტიკეტზე (ჰორმონებს/ სტეროიდებს, პროჰორმონებს, სტიმულანტებს და სხვა სახის აკრძალულ ნივთიერებებს).პროფესიონალ სპორტსმენებში სერიოზულია რისკი დოპინგ-კონტროლზე ჩავარდნისა, რადგან როგორც აღნიშნულია ამ პროდუქციის რეგულაცია/შემოწმება სამწუხაროდ არ ხდება, ისეთ ქვეყანაშიც კი როგორიც აშშ-ია.მრავალი ფაქტია დაფიქსირებული სპორტში როდესაც სპორტსმენი მოიხმარდა სხვადასხვა სახის საკვებ დანამატს და ის დოპინგზე ჩავარდა.შესაბამისად ისეთი ორგანიზაციები როგორებიცაა FIFA და UEFA გამოსცემენ სპორტსმენების განათლების დონის ასამაღლებელ ბუკლეტებს.არსებული სურათი სწორედ UEFA-ს მიერ გამოცემული ბუკლეტიდან არის მოყვანილი“ - წერს ექიმი სოციალურ ქსელში.

1779048241

„ეს სიმპტომები ნაწლავის კიბოზე მიუთითებს" - ქირურგი განმარტავს

 აბდომინური ქირურგი, ბესო მეტონიძე, გადაცემაში "დილა მშვიდობისა საქართველო" ნაწლავის კიბოს შესახებ საუბრობს და ასახელებს იმ საყურადღებო სიმპტომებს, რომლებიც ადამიანებს არ უნდა გამორჩეთ:„პირველ რიგში, ეს სწორი ნაწლავიდან სისხლიანი გამონადენია. ასევე საყურადღებოა ყაბზობისა და ფაღარათის გახანგრძლივებული მონაცვლეობა, მუცლის შებერილობა, ტკივილი და წონის კლება. ამ ნიშნების არსებობა ონკოლოგიას აპრიორი არ ნიშნავს, თუმცა ექიმთან ვიზიტის მიზეზი აუცილებლად უნდა გახდეს.სიმპტომატიკა აქ ძირითადად ყოველთვის გამოიკვეთება, თუმცა მთავარია, პაციენტმა საფრთხე დროულად დაინახოს. დაავადება ყოველთვის ხმაურით არ მოდის, ხშირად ის ჩუმად ვითარდება. სამწუხაროდ, პაციენტები კვირებისა და თვეების განმავლობაში სხვა დაავადებების გამო თვითმკურნალობას იტარებენ. ისინი ფიქრობენ, რომ ჰემოროიდული დაავადება, გაღიზიანებული ნაწლავის სინდრომი ან „დისბაქტერიოზი" აწუხებთ.ადრეული დიაგნოსტიკა ძალიან მნიშვნელოვანია. კოლორექტული კიბო ადვილად პრევენცირებად და განკურნებად პათოლოგიებს მიეკუთვნება, თუ მას საწყის ეტაპზე აღმოვაჩენთ. მკურნალობის მოცულობა და პროგნოზი სწორედ დროზეა დამოკიდებული. საწყის ეტაპზე შესაძლოა მხოლოდ მცირე ენდოსკოპიური ჩარევა დაგვჭირდეს. დაგვიანებულ შემთხვევებში კი ქიმიოთერაპია, სხივური თერაპია და ქირურგიული ოპერაციები ერთად გამოიყენება". ვრცლად: 

1778958629

შესაძლოა ჭიებს ჭამდეთ ისე, რომ ამის შესახებ არც კი იცოდეთ... - არუნ ხათრის გაფრთხილება

ინდური ხალხური მედიცინის ექსპერტი არინ ხათრი გამომწერებს მნიშვნელოვან რჩევას უზიარებს, რომელიც სუშის მირთმევის დროს დაშვებულ შეცდომას ეხება.„სუში არის ძალიან საშიში საჭმელი, მისი ჭამის დროს შეიძლება პარაზიტები ჩვენს ორგანიზმში მოხვდეს. ამიტომ არსებობს წესები. მინუს 30, 35 გრადუსამდე ინახება ეს უმი თევზები, რომ შემდეგ ადამიანმა ის უკვე მიირთვას. ჩვენ ხშირად ვხედავთ შეფუთულ მდგომარეობაში სუშს მარკეტებში, სადაც რა თქმა უნდა არ არის ის ტემპერატურა რაც ამ პროდუქტის შენახვას სჭირდება. წარმოიდგინეთ, ეს პარაზიტი რომ ადამიანის ორგანიზში მოხვდეს, შემდეგ მისი გარეთ გამოყვანა რთულია. ასე რომ სუშის მოყვარულებო იყავით ფრთხულად“ - ამბობს გავრცელებულ ვიდეოში არუნ ხათრი.

1778957394

არასდროს ჭამოთ სტრესის დროს... - არუნ ხათრი მიზეზს ხსნის

ინდური ხალხური მედიცინის სპეციალისტი არუნ ხათრი გამომწერებს მორიგ რჩევას უზიარებს.„სტრესის დროს ჩვენი ორგანიზმი, ჩვენი ღვიძლი გამოყოფს ზედმეტ შაქარს. ამ დროს ორგანიზმი ეუბნება ღვიძლს, რომ გამოყოს შაქარი, რომელიც შენახული გაქვს. ჩვენი ღვიძლი ინახავს შაქარს და როცა სტრესში ვართ, ის უშვებს ამ შენახულ შაქარს სისხლძარღვებში. როცა სტრესი გაქვთ, თქვენ მეტი და მეტი საჭმლის მიღება გინდათ, მათ შორის ტკბილეული, შოკოლადები. ამ დროს საჭმლის მიღება არის შხამის ტოლფასი. რაც ასევე ხელს უწყობს დიაბეტს, რომლის გამომწვევი ერთ-ერთ მიზეზი სწორედ სტრესის დროს მიღებული ტკბილეულია. ამიტომ როცა სტრესი გაქვთ, გარეთ გადით, მზეზე გადით, ამ დროს არ ჭამოთ. ყოველდღიური პატარ-პატარა სტრესები ყველას გვაქვს, მაგრამ როცა დიდი სტრესი გაქვთ, კვებას მოერიდეთ, გარეთ გადით“ - ამბობს გავრცელებულ ვიდეოში არუნ ხათრი.

1778912160

ექიმის საგანგებო გაფრთხილება ტატუს მელანზე - „ლიმფურ კვანძში ანთებას იწვევს და ვაქცინებზე იმუნურ პასუხს ცვლის“

ექიმი ნუტრიციოლოგი, კვების ეროვნული ცენტრის დირექტორი მარი მალაზონია გადაცემაში „პირადი ექიმი მარი მალაზონია“ ტატუს მელნის შესაძლო გავლენებზე საუბრობს და აღნიშნავს, რომ ტატუს პიგმენტებმა შესაძლოა ორგანიზმში გარკვეული რეაქციები გამოიწვიოს.მისი თქმით, ტატუს მელანი ლიმფურ კვანძებში გროვდება, რაც ანთებით პროცესებთან და იმუნური პასუხის ცვლილებასთან შეიძლება იყოს დაკავშირებული.„ტატუს მელანი ლიმფურ კვანძში ანთებას იწვევს და ვაქცინებზე იმუნურ პასუხს ცვლის. ტატუს ანუ სვირინგის მდგრადობას საღებავის პიგმენტი განაპირობებს, რომელიც ადამიანის სხეულის შიგნით არსებულ ბიოლოგიურ სითხეებს ძალიან ძნელად ერევა.შავი პიგმენტი ძირითადად ნახშირიდან მიიღება, ხოლო ფერადი პიგმენტების შემთხვევაში საქმე საწარმოო წესით მიღებულ ორგანულ ნაერთებთან გვაქვს. საგულისხმოა, რომ თავდაპირველად ეს პიგმენტები პლასტმასის, სხვადასხვა ლაქის ან საღებავის წარმოებისთვის იყო გამიზნული, რის გამოც ტატუს მელნის უსაფრთხოება და ტოქსიკურობა მეცნიერებში დავას მუდმივად იწვევდა,“ — აცხადებს მარი მალაზონია.