პოლიტიკა • 1714768015

ირაკლი კობახიძე - „უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს

„უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს. გამოვთქვი სინანული იმის გამო, რომ არაერთი შეთავაზების მიუხედავად, პარტნიორები თავს არიდებენ საგნობრივ დისკუსიას გამჭვირვალობის შესახებ კანონპროექტის თაობაზე. გარდა ამისა, აღვნიშნე, რომ დღემდე ვერ მოვისმინეთ ვერცერთი არგუმენტი აღნიშნული კანონპროექტის წინააღმდეგ, რომლის ერთადერთი მიზანი ქართული საზოგადოების მიმართ შესაბამისი ორგანიზაციების გამჭვირვალობისა და ანგარიშვალდებულების უზრუნველყოფაა. ევროპული საბჭოს პრეზიდენტის ყურადღება გავამახვილე იმ გარემოებაზეც, რომ უცხოეთიდან დაფინანსებული ორგანიზაციები 2020-2023 წლებში საქართველოში რევოლუციის მოწყობის ორ მცდელობაში იყვნენ აქტიურად ჩართული. ამასთან დაკავშირებით, აღვნიშნე, რომ გამჭვირვალობის შესახებ კანონის მიღება არის აუცილებელი პირობა ევროკავშირის მთავარი რეკომენდაციის შესრულებისთვის - ე.წ. დეპოლარიზაციის უზრუნველყოფისთვის. - თქვა პრემიერმა.

სოციალური თემა • 1714767815

2000 ლარი მერიისგან - ნახეთ ვინ მიიღებს ამ თანხას

ფაშიზმზე გამარჯვების დღესთან დაკავშირებით, მეორე მსოფლიო ომის ვეტერანებს – 2 000 ლარი, ხოლო ამ ომში დაღუპულთა ოჯახის წევრებს 1 000 ლარი ჩაერიცხათ. ინფორმაციას თბილისის მერია ავრცელებს.„თბილისის მერიის ჯანდაცვისა და სოციალური მომსახურების საქალაქო სამსახურმა, „ომის ვეტერანთა დახმარების“ პროგრამის ფარგლებში, შესაბამისი თანხა თბილისში რეგისტრირებულ 70 პირს ჩაურიცხა. კერძოდ, 20 00 ლარი მეორე მსოფლიო ომის მონაწილე 37-მა ვეტერანმა, ხოლო 1 000 ლარი ამ ომში დაღუპულთა ოჯახის (ქვრივი, შრომისუუნარო წევრი) 33-მა წევრმა მიიღო.თბილისის მერიამ თანხა ვეტერანთა საქმეების სახელმწიფო სამსახურის მიერ მოწოდებული ბაზის საფუძველზე, პირად საბანკო ანგარიშზე ჩარიცხა“, – ნათქვამია თბილისის მერიის ინფორმაციაში.

საზოგადოება • 1714766664

„შეიძლება, მთელი წელი იტიროთ...“ - რა არ უნდა გააკეთოთ დღეს

ვნების შაბათი – დიდი მარხვის ბოლო დღეა, რომელიც წინ უძღვის აღდგომის ბრწყინვალე დღესასწაულსდიდ შაბათთან უამრავი მინიშნებაა დაკავშირებული და ზოგი მათგანი დღემდე არის შემონახული.მაგალითად, დიდი შაბათს მზიანი და თბილი ამინდი, ცხელი ზაფხულის მომასწავებელია. მოღრუბლული კი – წვიმიანი და გრილის.აღდგომის წინა ღამის გათენება, ბედნიერების საწინდარია.ეკლესიაში ნაკურთხი კვერცხის წყალში ჩაგდება და იმ წყლით პირის დაიბანა, ჯანმრთელობის სიბერემდე შენარჩუნებას მოასწავებს.ასევე, კარგის ნიშანია დიდ შაბათს დაბადებაც. ითვლება, რომ ამ დღეს დაბადებულებს უბედურება გვერდს უვლის. მათ შესანიშნავი ჯანმრთელობა აქვთ, იღბლიანები არიან და ყოველთვის აღწევენ დასახულ მიზნებს.ცუდი ნიშანია დიდ შაბათს მხიარულება და სიცილი – შეიძლება შემდეგ მთელი წელი იტიროთ.ცუდია, ასევე, დიდ შაბათს რამის გაცემა სახლიდან, იმიტომ, რომ შეიძლება მას  კეთილდღეობა, იღბალი და ჯანმრთელობა მიჰყვეს.

დედაქალაქი • 1714766136

სიახლე მგზავრებისთვის - რა ინფორმაციას ავრცელებს დედაქალაქის მერია

სიახლე მგზავრებისთვის - დედაქალაქის მერია განცხადებას ავრცელებს, რომელსაც უცვლელად გთავაზობთ:„მგზავრთა საინფორმაციო ვებგვერდისა და მობილური აპლიკაციის ძველი ვერსია 31 მაისიდან გაითიშება. თბილისის სატრანსპორტო კომპანიის განახლებული საინფორმაციო ვებგვერდისა და მობილური აპლიკაციის მუშაობის სატესტო რეჟიმი, რომელიც 25 მარტიდან ამოქმედდა, დასრულებულია.მობილური აპლიკაციის აქტიურ მომხმარებელთა უმრავლესობა, ორივე პლატფორმაზე, განახლებულ აპლიკაციას იყენებს, თუმცა მოქალაქეთა გარკვეული ნაწილი კვლავ ძველი სერვერების მომხმარებელია.მიმდინარე წლის 31 მაისიდან ძველი სერვერები გაითიშება და აპლიკაციების მანამდე არსებული ვერსიები ფუნქციონირებას შეწყვეტს. ამიტომ, მოქალაქეებს მოვუწოდებთ, ისარგებლონ აპლიკაციის განახლებული ვერსიით, რომლის გადმოწერასაც შეძლებენ, როგორც iOS-ის (https://itunes.apple.com/app/id1437141092), ისე Android-ის (https://play.google.com/store/apps/details?id=com.azry.wandio.ttc.android&hl=ka) მომხმარებლები.თბილისის სატრანსპორტო კომპანიის ვებგვერდი - ttc.com.ge გაუმჯობესებულ მომსახურებასთან ერთად, ახალი ფუნქციონალითა და დიზაინითაა წარმოდგენილი. აღნიშნული აპლიკაცია, მომხმარებელს საშუალებას აძლევს, მობილური ტელეფონიდან გამოიყენოს ყველა ის სერვისი, რომელსაც კომპანია საზოგადოებრივი ტრანსპორტის მგზავრებს სთავაზობს.განახლებული საინფორმაციო ვებგვერდითა და აპლიკაციით უკვე შესაძლებელია მგზავრობის დაგეგმვა და საზოგადოებრივი ტრანსპორტის რეალურ დროში გადაადგილების გადამოწმება. აპლიკაციის ახალი ვერსია მგზავრებს ასევე, სთავაზობს მარშრუტების სხვადასხვა ალტერნატივას, რომელიც ავტობუსების რეალური ადგილმდებარეობის გათვალისწინებითაა შედგენილი,“ - ნათქვამია განცხადებაში.

პოლიტიკა • 1714765554

 გია აბაშიძე - "შავი ფულის" გარანტირებულად დამკარგავი ნაცკონგლომერატი ყველანაირ სიბინძურეს იკადრებს, მათ შორის ვითომ "მოძალადე პოლიციელად" წარმოჩენას, რათა შეასრულოს დაკვეთა ე.წ. „მაიდანაზიაციაზე“

 "შავი ფულის" გარანტირებულად დამკარგავი ნაცკონგლომერატი ყველანაირ სიბინძურეს იკადრებს, მათ შორის ვითომ "მოძალადე პოლიციელად" წარმოჩენას, რათა შეასრულოს დაკვეთა ე.წ. "მაიდანაზიაციაზე" - წერს ანალიტიკოსი გია აბაშიძე სოციალურ ქსელში.აბაშიძე ეხმიანებს შინაგან საქმეთა სამინისტროს განცხადებას, რომლის თანახმად, გარკვეული პოლიტიკური ძალები გეგმავდნენ მოეწყოთ ე.წ. პერფორმანსი, აპირებდნენ ჩაეცვათ შსს-ს ფორმა და გაევრცელებინათ ინფორმაცია, თითქოს პოლიცია აქციის მონაწილეებს შეუერთდა "შავი ფულის" გარანტირებულად დამკარგავი ნაცკონგლომერატი ყველანაირ სიბინძურეს იკადრებს, მათ შორის ვითომ "მოძალადე პოლიციელად" წარმოჩენას, რათა შეასრულოს დაკვეთა ე.წ. "მაიდანაზიაციაზე". მაინც არაფერი გამოუვათ. ყველა ნაცკრიმინალს გაეცემა კანონიერი პასუხი, მათ შორის რუსთაველზე არაპოლიციური მხუთავი აირის ბალონებისა და რეზინის ტყვიების სროლაზე. არანაირი მნიშვნელობა აქვს ავაზაკებს სახე ჰქონდათ დროებით დაფარული ჰქონდათ თუ არა. შსს-ს ინფორმაციით, გარკვეული პოლიტიკური ძალები გეგმავდნენ მოეწყოთ ე.წ. პერფორმანსი, აპირებდნენ ჩაეცვათ შსს-ს ფორმა და გაევრცელებინათ ინფორმაცია, თითქოს პოლიცია აქციის მონაწილეებს შეუერთდა“ - წერს გია აბაშიძე Facebook-ზე.