ყავას შეუძლია სიცოცხლის გახანგრძლივება, თუ მას დღის გარკვეულ მონაკვეთში დალევთ - კვლევა

ყავის დალევა დაკავშირებულია გულის ჯანმრთელობის გაუმჯობესებასთან და ხანგრძლივ სიცოცხლესთან. მაგრამ ყავის დალევის სარგებელი შეიძლება იყოს დამოკიდებული იმაზე, თუ როდის სვამთ მას. CNN-ის ცნობით , ახალი კვლევის თანახმად, ადამიანები, რომლებიც დილით სვამენ ყავას, აქვთ ჯანმრთელობის ეს სარგებელი.

როგორ ჩატარდა კვლევა

ავტორებმა გამოიკვლიეს 18 წლის და უფროსი ასაკის 40,725 ზრდასრული ადამიანის ჯანმრთელობის მონაცემები 1999 წლიდან 2018 წლამდე. კვლევა მოიცავდა კოფეინიან და უკოფეინო ყავის მიღებას.

მკვლევრებმა გამოავლინეს მოხმარების ორი რეჟიმი: დილით და მთელი დღის განმავლობაში. 

რა შედეგები მოჰყვა - მათში, ვინც ყავას დილით სვამს, სიკვდილის შანსი 16%-ით ნაკლებია. ასევე,  31%-ით ნაკლებია სიკვდილის ალბათობა გულ-სისხლძარღვთა დაავადებებისგან. 

ეს შედეგები შენარჩუნდა მას შემდეგაც, რაც ავტორებმა გააკონტროლეს ისეთი ფაქტორები, როგორიცაა ძილის ხანგრძლივობა, ასაკი, რასა, ეთნიკური წარმომავლობა, სქესი, ოჯახის შემოსავალი, განათლება, ფიზიკური აქტივობის დონე, დიეტა და ჯანმრთელობის მდგომარეობა, როგორიცაა დიაბეტი, ჰიპერტენზია და მაღალი ქოლესტერინი.

მანამდე, 2022 წლის ბრიტანეთში Biobank-ის კვლევამ აჩვენა, რომ ადამიანებს, რომლებიც დღეში სამ ფინჯან ყავას სვამენ, უფრო ჯანმრთელი გული აქვთ, ვიდრე მათ, ვინც ყავის გარეშე ცხოვრობს.

დიეტოლოგებმა ასევე განმარტეს, მავნეა თუ არა უზმოზე ყავის დალევა. ყავის დალევას ბევრი სარგებელი მოაქვს კუჭ-ნაწლავის ტრაქტისთვის, მაგრამ ის გავლენას ახდენს კუჭის მჟავიანობაზე და ზოგიერთ ადამიანს ამის გამო შესაძლოა პრობლემები შეექმნას.