VIDEO: პირველად ისტორიაში - დააფიქსირეს, როგორ იყენებს მგელი ხელსაწყოს საკვების მოსაპოვებლად

როდესაც გარეული მგელი პოტენციურ საკვებს ხვდება, როგორც წესი, მისი ინსტინქტი უეცარი თავდასხმაა — მაგრამ მკვლევრებმა დასავლეთ კანადაში ჩაიწერეს სულ მცირე ერთი მგელი, რომელიც საოცრად სხვანაირ მიდგომას იყენებდა.

ბრიტანეთის კოლუმბიის პროვინციის მიყრუებულ ნაწილში ჩაწერილ ვიდეოში ჩანს მგელი, რომელიც რამდენიმე ქმედებას ასრულებს ღრმა წყალში ხაფანგში გაჭედილი კიბორჩხალის ამოსაყვანად. მკვლევრები ამბობენ, რომ ეს დახვეწილი ქცევა წარმოადგენს „გარეულ მგლებში პოტენციური იარაღის გამოყენების ჩვენთვის ცნობილ პირველ შემთხვევას“.

„როდესაც კამერა გავხსენით, თვალებს არ ვუჯერებდი“, — ამბობს ნიუ-იორკის სახელმწიფო უნივერსიტეტის ბიოლოგი კაილ არტელი.

აღმოჩენა ნაწილობრივ შემთხვევით გაკეთდა.

უკვე რამდენიმე წელია, ამ ზონაში, კიბორჩხალის ხაფანგებს ღრმა წყლებში ათავსებენ ინვაზიური სახეობის, ევროპული მწვანე კიბორჩხალის მოსპობის ფარგლებში.

მკვლევრებმა შენიშნეს, რომ ზოგჯერ ხაფანგები ნაპირზე იყო გამოთრეული და სატყუარა ამოღებული.