1743712861
მუსიკით ტკბობის უნარი ნაწილობრივ მემკვიდრეობითია. ამის შესახებ ახალ კვლევაშია ნათქვამი.
აღმოჩნდა, რომ მუსიკით მიღებული სიამოვნების 54% დაკავშირებულია დნმ-თან.
მკვლევრებმა გააანალიზეს 9 000-ზე მეტი ტყუპის მონაცემები, რათა გაერკვიათ, რა გავლენას ახდენდა გენეტიკა იმაზე, თუ რამდენად დიდ სიამოვნებას იღებენ ადამიანები მუსიკისგან.
მათ აღმოაჩინეს, რომ გენეტიკური ფაქტორები, რომლებიც გავლენას ახდენს მუსიკით სიამოვნების მიღებაზე, ნაწილობრივ განსხვავდება იმ ფაქტორებისგან, რომლებიც დაკავშირებულია მუსიკალურ აღქმასთან. დასკვნების თანახმად, ცალკეული გენეტიკური ფაქტორები ხელს უწყობს ადამიანების მიერ მუსიკის აღქმას.
მუსიკა მნიშვნელოვან როლს ასრულებს ადამიანის იდენტობაში, სოციალურ კავშირებსა და კულტურულ გამოხატულებაში. როგორც დარვინმა ერთხელ აღნიშნა, "მუსიკის აღქმა ადამიანის ერთ-ერთი ყველაზე იდუმალი შესაძლებლობაა".
ჯგუფმა ასევე დაადგინა, რომ გენეტიკურ ფაქტორებს აქვს მნიშვნელობა იმაზე, თუ როგორ აღვიქვამთ მუსიკალურ ბიტს და როგორ ვმოძრაობთ ამ დროს.
მეცნიერების თქმით, მომავალი კვლევები შეიძლება დაგვეხმაროს იმის გარკვევაში, გენომის რომელი ნაწილი განსაზღვრავს მუსიკისგან სიამოვნების მიღების უნარს. ეს ინფორმაცია ნათელს მოჰფენს იმას, რაც ჩარლზ დარვინისთვის დიდი გამოცანა იყო და დღემდე არ არის ბოლომდე ამოხსნილი - რატომ გვიზიდავს მუსიკა.
