ილონ მასკი ტვინის იმპლანტების მასობრივ წარმოებას გეგმავს

„2026 წელს კომპანია Neuralink-i დაიწყებს ტვინსა და კომპიუტერს შორის ურთიერთქმედების მოწყობილობების მასობრივ წარმოებას და გადავა გამარტივებულ, თითქმის სრულად ავტომატიზებულ ქირურგიულ პროცედურაზე“, — დაწერა ილონ მასკმა.

Neuralink ავითარებს იმპლანტებს, რომლებიც ტვინის მყარ გარსს გაივლის ისე, რომ მისი მოცილება საჭირო აღარ გახდება. ადამიანებზე პირველი კლინიკური ცდები კომპანიამ 2024 წელს დაიწყო, მას შემდეგ, რაც აშშ-ის სურსათისა და მედიკამენტების ხარისხის კონტროლის ადმინისტრაციისგან (FDA) ნებართვა მიიღო. 

2025 წელს მძიმე პარალიზების მქონე 12 პაციენტს უკვე ჩაუნერგეს იმპლანტები,  გასულ წელს Neuralink-მა დაფინანსების ახალი რაუნდის ფარგლებში 650 მილიონი დოლარი მოიზიდა.

კომპანიის წარმომადგენლებს მასობრივი წარმოების დაწყების დეტალები ჯერ არ დაუკონკრეტებიათ და ამ ეტაპზე მხოლოდ მასკის განცხადებას შემოიფარგლებიან, რომელიც იმპლანტების სერიული გამოშვების დაწყებასა და ქირურგიის გამარტივებაზე მიუთითებს.