დედამიწაზე 500-კილოიანი საბჭოური ზონდი ჩამოვარდა - დაცემის ადგილი ცნობილია

10 მაისს, დედამიწაზე კოსმოსური ზონდი Kosmos 482 ჩამოვარდა. მან ჩვენი პლანეტის ორბიტაზე ნახევარი საუკუნე გაატარა.

Roscosmos-ის, რუსეთის კოსმოსური სააგენტოს ცნობით, ზონდი ატმოსფეროში თბილისის დროით 10:24-ზე შემოვიდა. იგი ინდოეთის ოკეანეში ჩავარდა, კერძოდ ჯაკარტის დასავლეთით, ინდონეზიასთან ახლოს. როგორც ჩანს, Kosmos 482-ის დაბრუნებას ზიანი არ მოუტანია.

ჩვენს ატმოსფეროში ზონდის დაფიქსირებაც მოხერხდა, როცა მან რომს ჩაუარა. ეს ასტრონომმა ჯანლუკა მასიმ შეძლო.