„ვაკეში ახალ შეძენილ ბინას ვარემონტებთ... წესით, ახალ წელს ერთად უნდა შევხვდეთ“ - გიორგი ნაზღაიძე საცოლეზე

ცოტა ხნის წინ, „პრაიმტაიმი“ წერდა, რომ ტელეწამყვანი, „პრაიმ ჰაუსის“ პირველი სეზონის გამარჯვებული, გიორგი ნაზღაიძე შეყვარებულია. 

ტელეწამყვანის თქმით, ეს ის ჭეშმარიტი სიყვარულია, რომელსაც 38 წლის განმავლობაში ეძებდა, თუმცა, კონკრეტიკისგან თავი შეიკავა და ვინაობა არ გაამხილა.

გიორგიმ გაგვიმხილა, რომ რჩეულზე ამ ზაფხულს, მოგზაურობის დროს დაინიშნა და ამის შესახებ ძალიან ვიწრო წრემ იცოდა.

„ქორწილს 2024 წლის ზაფხულში ვგეგმავთ... ვინაობის გამხელას არ ვაპირებ, რადგან ეს თავად მას უნდა სურდეს. გეტყვით იმას, რომ „პრაიმ ჰაუსში“ მოგებული ბინა გავყიდე, თანხა დავამატე და ვაკეში ახალი ბინა შევიძინე. ამ ეტაპზე, რემონტი მიმდინარეობს. მე და ჩემი საცოლე ერთად, ჩვენი გემოვნებით ვაწყობთ. წესით, ახალ წელს ერთად უნდა შევხვდეთ. 

- როგორ ახერხებთ დამალვას, საზოგადოების თავშეყრის ადგილებში ერთად არ ჩნდებით?

- უმარტივესია. თუ გინდა რამე დამალო, ისე კარგად დამალავ, როგორც დაგიბარებია (იცინის). ნიშნობის ბედებზე ჩვენი სახელებისა და გვარების ინიციალები გვაწერია, თუმცა ამას არ გაჩვენებთ.