რომელია „ყველაზე ცუდი“ ფილმი IMDB-ის მიხედვით

დისნეის ,,ფიფქია” მაყურებლისა და კინოკრიტიკოსების მწვავე კრიტიკის ობიექტია. ფილმი, რომელიც 1937 წლის ანიმაციის – ,,ფიფქია და შვიდი ჯუჯა” ახალი, ცოცხალი მოქმედების კინოადაპტაციაა ქართულ კინოგაქირავებაში, 20 მარტიდან ჩაეშვა. აღსანიშნავია, რომ პროექტმა ნეგატიური დამოკიდებულებები ეკრანებზე გამოჩენამდე გამოიწვია. კინოსურათში ფიფქიას, რეიჩელ ზეგლერი, ხოლო ბოროტ დედინაცვალს – გალ გადოტი განასახიერებს.

საზოგადოების დიდი ნაწილის აზრით, საკულტო მულტფილმის ახალი ლაივ-ექშენ რიმეიქი, კლასიკური ვერსიის შეურაცხმყოფელია. ამასთან, პროექტის შემქმნელებსა და მთავარი როლის შემსრულებლებს, რასიზმსა და ისტორიის დამახინჯებაში ადანაშაულებენ, რის გამოც ფილმს ბოიკოტს უცხადებენ.

ცნობილია, რომ ფილმმა, რომლის გადაღებები, 240-დან 270 მილიონ დოლარამდე დაჯდა, მწარმოებელ კომპანიას, 200 მილიონი დოლარი უკვე დააკარგვინა. საინტერესოა ისიც, რომ კინოფილმების ინტერნეტ მონაცემთა ბაზის (IMDB) ისტორიაში ,,ფიფქიას” ახალი ეკრანიზაცია ,,ყველაზე ცუდ ფილმად” შეფასდა.